星林居酸辣米線餐廳

营业中

休息中

今日lunch食咗酸辣米線，呢間個個同事都大讚，話食完返唔到轉頭😂12:30左右到，幸好仲未要排長龍，只係等左幾分鐘就入得去，格局環境唔大，座位之間有少少迫，不過lunch hour都冇辦法啦，迫少少都要坐同事話豬腩肉最好食，因為驚豬腩肉好肥，所以我就冇叫啦我要咗菜肉雲吞、油麥菜，湯底係小酸小辣先講湯底，有少少肉碎，可以要多莞茜，湯底一流，味濃惹味，莞茜好靚好綠！鐘意嘅一定要叫多莞茜！但菜肉雲吞就好難食，入面好粉，皮又煮到腍到爛咁食咗塊豬腩肉，原來係瘦嘅，入味好食～下次再食都係要豬腩肉好啦～

尋日同個friend喺尖沙咀staycation中午嗰時肚餓就去搵嘢食咁啱醒起之前有人介紹過星林居米缐係幾好食嘅⋯⋯於是我哋就出發去食啦！上到舖頭人唔算多嘅店員招呼都冇打啦自己掃完安心出行就直接搵位坐低點完餐之後等咗好鬼耐都未有嘢食嚟～朋友叫咗小窩米線係湯嚟嘅而我就揀咗撈米線⋯惡夢正式開始😌然後我望下自己個碗撈米線⋯我點左生根、豬大腸、魚腐同埋豬腩肉個生根呢就真係完全生嘅⋯夾上手點解好似平時喺街市買個d火鍋生根一樣成個波咁😂大佬～平時打邊爐都有烚一烚啦！個魚腐好似平時食即食零食咁樣，我自己都係比較鍾意食譚仔同三哥嗰個魚腐多啲⋯食食吓望到咦點解豬腩肉變咗肥牛嘅？唉⋯算啦 等咗咁耐我都費事搵阿姐講肥牛都係普普通通冇咩特別至於我最心愛嘅豬大腸基本上我每次食車仔麵或者米線有嘅話都一定會點呢間好un 好難咬 連我個friend都話唔OK佢個汁底實在太酸喇，我要普通酸 真係麻麻哋雖然我話要凍撈米線，但係個米線真係雪得太過分係硬㗎😔而我朋友就話個湯底佢覺得可以接受嘅總括而言我都唔明點解大家會覺得呢間野好食我第一次食已經覺得好唔掂 呢碗野$65 為咗唔晒錢硬食晒佢🙁每人再加多罐忌廉一共$155以後都唔

尖沙咀講起米線就一定要去食嘅就係星林居🌟首先位置就超方便就地鐵站附近行幾分鐘。另外米線就口感好，軟硬適中，又多個人喜好嘅選擇俾你自己揀。👍🏻👍🏻例如鍾意多蔥，多芫荽？冇問題！上台喺見到啲蔥同芫荽高過隻碗😂😂😂鍾意芫荽蔥嘅我表示好滿意好開心🥳另外一試嘅就係酸辣湯底，鍾意酸嘅人可以嗌多酸，又辣又酸有惹味，呢個湯底用嚟送米線一流🤤總結係成碗米線都係跟住個人喜好整出黎🥰想唔清曬都唔得啦！

明火小鍋米線 ($30) 配料: 油麥菜 (+$6) 魚腐 (+$7)揀咗中辣普通酸，但個湯底真係比以前退步咗，得辣唔夠酸，而且肉碎都比以前少咗。魚腐係好實果款，仲要偏硬，覺得擺咗好耐雪到唔多新鮮。嗌油麥菜本身就係因為比較索汁，點知原來另上。明火小鍋米線 ($30)配料: 魚蛋 (+$7) 牛𦟌 (+$12)呢碗係小辣普通酸，唔係好辣但個湯底真係好稀，小辣就更少肉碎。牛𦟌偏韌，魚蛋又一般。~以前不嬲都覺得個湯底正，餸就一般般，但依加連個湯底都大退步🥲

午市walk in 黎到 唔洗等位 就即刻入得 但係要搭檯 （其實我唔明點解大把位都要人搭檯） 不過一場黎到 都行到上三樓喇 我都照食啦🥲叫左小鍋米線加支豆漿 之前外賣果陣試過走辣 食落會個味怪怪地🤣🤣 今次就叫左少辣少酸 豆漿好快就係雪櫃拎左過黎喇🤣🤣碗麵就大概等左十幾分鍾 個湯底唔錯 好夠味👍👍👍其他配料都唔錯 份量好足 可以食到好飽🤤🤤🤤魚皮餃真係好值得推薦 😆😆😆其實我每次食米線都會叫魚皮餃 呢間既魚皮餃不過不失 都值得一試既

🍜明火小鍋米線+火雞腎 $31我一向愛辣所以嗌咗中辣走酸 湯底濃郁唔會太油膩 就咁飲都可以中辣都唔太辣 下次會試大辣或者特辣米線同三哥一樣偏幼身滑溜米線份量唔多 加錢嘅火雞腎亦得3舊不過火雞腎超厚切而且大大舊 口感好好每碗米線都包咗芽菜 蔥 芫荽同埋韭菜

本身已經覺得唔好食，朋友話好想食，俾多一次機會試多次，叫咗酸辣米線，豬潤做餸，點知個豬潤嘅份量係一片小豬潤，分開三條仔，叫做一份？但一份餸收成$8反映俾員工，話係我自己食咗，無視我！真係去兩次都印象好差！以後唔會再食

幫襯左十年，每逢經過尖沙咀都會食佢，今日之後真係要講拜拜我鍾意食酸，呢度可以揀多酸，以前嗌多酸，啲酸菜同配料可以堆到成座山咁高，但而家嗌多酸，係一樣無乜酸菜，湯底亦都係無酸菜味，就咁得陣好怪的醋味好難食，真係好難食，簡直想吐出嚟，浪費左我個胃的位，亦都枉費左我對佢十年以嚟嘅支持環境污糟就十年以嚟都一樣，但以前都叫做係幫襯味道，而家連味道都無埋，佢仲有咩存在意義？？？？？？？？？？？？？？？！！！！！！！

見非繁忙時間，入去食碗麵，無乜人，寫好點菜紙，我叫唔該落單，望一望我見我得一個人，可能嫌單細，走左去，當見唔到我！之後碗麵好似豬漱咁，我未試過未食曬碗嘢就走，埋單！ 上菜時已經漏咗樣餸，同佢講，佢叫我自己喺個碗度搵返，我搵咗好耐，都揾唔到，佢好唔忿氣咁話，入去廚房白烚返三片腩肉比我，真係多謝哂！

我同老公都好鍾意食米線，所以由拍拖到結婚我哋都經常去唔同嘅米線店食米線，幾年前因為我哋要搞結婚，成日都會過尖沙咀某商場😏而當時每次去尖沙咀，我哋都會去星林居食米線😋仲記得幾年前嘅星林居，播嘅背景音樂都係英文情歌🤣真係好似婚禮嗰啲背景音樂咁😂😂因為疫情關係已經接近兩年冇食過星林居，近日趁着經過尖沙咀，假日大約6:00pm就決定上去一試，上到去得幾枱客，坐得好疏落，落單都係之前黐脷筋嗰個哥仔🙈（冇惡意），落單之後米線好快就到，其實我覺得個味道唔差，甚至覺得有啲好食，而且份量亦都好大碗，我覺得我哋經過係會再返嚟食😋

我朋友係一個米線控, 佢話呢間真係好好好食, 咁一於試下!佢有2間分店都係在尖沙咀, 今次試個間係金馬倫道個間佢環境都好大, 坐得好舒服揀米線方面, 佢可以揀唔同數量ge 茜, 蔥, 唔同level ge酸同辣度鐘意食茜ge人有福喇, 因為真係好多茜!!!! 份量好大碗.我叫左小辣同多酸, 果然係好酸!!! 辣就唔係好突出不過佢酸得黎都有D甜, 個湯都好味ge!配料方面, 叫左: 魚腐同楠肉, 好入味!佢真係好大碗, 食完就成個晏就都唔會想食野~

未有譚仔之前就已經鐘意食星林居由唔知幾時開始,佢既質素就唔穩定,時好時壞於是食既次數就越黎越少今日經過尖沙咀,又唸起佢, 即管再試下當睇自己運氣好唔好🍽腩肉油麥菜小鍋米線(正常酸,小辣）一睇碗麵個樣就知自己今日無運行, 碗麵睇落係幾乸西張落單紙又黏住碗邊😐油麥菜係分開上,隻碟係幾油淋淋一食忍唔住心入面嘆口氣個湯底係非常之普通鹹鹹地,辣辣地,少少酸甘普通到你唔會想特別撈多啖湯D腩肉以前係切到一片片,外形有d似泰式豬頸肉甘,醃到啡色好入味既,宜家既係黏埋左一疊既肥牛甘樣味道同頂峰時期無得比,但未至於差既D肉有幾厚既油脂,所以唔會嚡口從出色->不穩定->普通, 唔會特別再去食👋🏻👋🏻

一直都聽到好多好評嘅星林居米線，今日終於可以一試啦，行左3層樓梯，樓梯都長，上去有點吃力🙈🙈入到去有點舊嘅裝飾，唔需要等位嘅，人唔算多，自己搵位座就可以。店內環境，檯，凳好似有點油，衛生有待改善。食物方面我就叫左小窩米線，豬腸，墨丸，走韭菜，小酸辣，飲品就凍奶茶。上菜速度快，大約5分鐘左右，已經上左米線同飲品，米線係淋嘅，酸比辣多，醒胃可口，肉碎不油的，味道不錯，如果喜歡辣點再辣一點，豬腸入味的，唯一有點遜色係墨丸，中間唔夠熱。飲品凍奶茶茶味唔夠，甜度適中，可以接受。價錢方面兩餸米線加飲品$65價錢偏貴的

今日行開尖沙咀梗係上去食番碗米線啦，星林居其實都食過好幾次，唔可以講一試難忘，但係唔食一排又會心思思囉。。。上枱份量大大碗，份量十足😍😍，而且我中意佢個湯底好夠味，而且配料方面可以選擇唔要啲咩，要啲咩咁，難得佢呢度可以多茜，咁梗係唔客氣啦，真係俾左勁多茜🍀🍀， 作為一個茜人真係十分滿意🤤🤤🤤🤤真係每啖都夾到啲茜架😂😂今次好想讚下個魚腐，因為作索曬湯底啲味，咬落去爆湯汁😍🤤🤤🤤唯一唔好大家就要接受員工們就比較講野直啲，快啲，冇咩尾音咁囉😅

成日睇開米線關注群組，就會好有衝動去食碗米線，今次經過尖沙咀，就去星林居食下，呢一次試嘅分店係喺樓上鋪，衛生環境唔算好乾淨，裝修比較殘舊，但米線味道係好嘅🤪❣️魚腐豬紅小鍋米線配可樂 $43+6朋友叫嘅，我試咗一嚿魚腐，味道係偏向彈牙口感，唔同譚仔嗰啲係軟啲嘅🥸❣️火雞腎豬紅豬大腸小鍋米線配凍檸茶 54+9我呢碗叫咗正常蔥芫荽韭菜份量，嚟到嘅份量都多，而且米線份量相對譚仔嚟講係佢正常嘅一倍半，但係煮得比較稔，要咗小小辣同普通酸，如果多啲酸辣撈埋肉碎更惹味，下次可以試下再重口味啲，火雞腎夠大嚿，都有滷水味，豬紅有少少羶味，豬大腸油脂感豐富，整體嚟講味道ok，份量偏多😬🏦是次消費總額 $112（人均消費 $56） 👅好味度：8（10分滿分）成碗米線用料豐富，係嫌自己揀得未夠辣同酸，下次可以再試多次，但米線未去到米線關注群組講到咁驚為天人🤣