星林居酸辣米線餐廳

营业中

休息中

以為有D特色，點了兩個米線，首先就落錯單，然后來了兩碗温暖的湯，冰凍的餸，橡筋一樣的腐皮，態度超差的老板，地方又唔乾淨，以后唔使去。今時今日咁嘅質素重可以在尖沙咀生存？奇！

他的酸很開胃，是好味的酸。（我覺得譚仔的酸不好吃）如果走蔥走芽菜走韭菜的話，米線份量也會多一點我人喜歡叫多芫荽🙈普通酸、小小辣ᶘ ᵒᴥᵒᶅ個人口味評分：7/10

話說六七年前仲係讀緊書嘅時候，就經常喺尖沙咀附近返part-time，而星林居就係我當時食午餐時候嘅經濟之選。今日重回舊地，懷緬舊情懷嘅時候，試吓水準變成點先。一坐低就叫咗三款我嘅最愛，不到5分鐘時間食物已經上台。酸辣湯依舊濃味，湯底飲落有酸辣感覺之餘亦食到肉碎，米線份量十分多，成年男人食一定夠飽。蘿蔔煮得非常入味，唔會有渣，豬軟骨都煮得好林身，金菇略嫌冇撕開然之後再煮，但以咁嘅價錢來講中係好抵食。

員工態度差劣明明是店員安排入座，入座後老闆卻叫我們跟其他拼坐，並說不應霸佔其卡位現在這個時勢也不好好對待客人可能習慣了做大陸人生意另外環境衛生惡劣，地上有水，坐位亦有水食物大不如前不值得再光顧

同朋友食午餐，來到呢間專門酸辣為主的米線店，地方雖然有點似內地feel飯堂，但環境寬敞都算坐得舒服，我點了碗米線，加了肉醬同魚皮餃，大大碗真係好抵食，我鍾意佢酸酸甜甜的米線，好開胃，有嘢飲都係$50左右尖沙嘴來講都算係咁。不過係服務態度差左少少，唔只一個員工係咁，呢樣希望佢地會改善下。

這間米線店很有名，連韓國綜藝節目都來過訪問。這天做完頭髮不知道吃什麼，看見這間很久沒吃就上去了。小鍋米線：加了腩肉和墨魚丸，腩肉挺好吃，但比較簿了一點，墨魚丸就不算好吃，挺少的，吃不到墨魚。

呢間餐廳係我返工時候lunch既最愛😍酸辣米線平民價之餘仲要勁開胃🥢小鍋米線 冬菇 豬紅 芽菜 韭菜 芫茜 蔥 $42小小辣 普通酸🍜 冬菇🧆 好好食入曬味豬紅🐖 一啲都唔腥 唔碎 都好入味米線🍲 好夠 超大碗 不過相對黎講就淋左少少 酸度🍋 (可以自己揀) 普通酸就好適中 辣度🌶 (可以自己揀) 食開少少辣 啲辣就係來自啲肉碎 芫茜蔥韭菜🥬 可以揀落定唔落芽菜🥦 一定要落 加埋米線好味啲誠意推介 小鍋米線 普通酸少少辣👍🏻酸 試過超級酸 酸到牙都甩🦷辣 唔好走辣 因為冇咗肉碎冇咁好食 少少辣唔會話辣到食唔落口🌶

一講起食米線局長就諗起星林居每次嚟到尖沙咀我都會想食因為佢嘅湯底真係令人回味無窮你望吓啲餸係咁澎湃啲豬大腸同埋炸醬纏繞埋一齊在配搭埋清甜嘅蘿蔔同埋佢哋特製嘅湯底哩一碗米線簡直就係局長我嘅最愛講返正題豬大腸 幾入味 亦都好乾淨冇食到嗰浸住腥味 亦都肥瘦均勻炸醬就佢哋嘅招牌之一啦 係局長每次必食跟住就係蘿蔔都算係清甜冇渣 食得過湯底唔會太酸 唔會過咗火 非常開胃再要少少辣釣一釣啲味 真係講起又想食不過星林居嘅缺點就係好油不論嘢食定係地方 都係好油但整體都唔差嘅 平民美食來講算係咁

上網見到話好食 專登過黎下 點知 一去到已經見到個招牌 已經覺得伏伏地面黎到啲餸勁小南記都好食過佢十倍有多唔明啲人點解話好食冇下次上網見到話好食 專登過黎下 點知 一去到已經見到個招牌 已經覺得伏伏地面黎到啲餸勁小南記都好食過佢十倍有多唔明啲人點解話好食冇下次

因為朋友介紹去咗食第一次之後返唔到轉頭咁樣瘋狂去食！本身唔係好食到辣野，然後對於酸味都係麻麻地但係唔知點解星林居既酸辣粉可以令我上左癮！😳我覺得佢個蘿蔔麻麻哋，因為雖然佢個湯好好食，但係個蘿蔔掛唔到啲湯汁，同埋唔夠”林”, 所以全碗唯一食唔晒嘅就係啲蘿蔔😖 不過可以讚嘅就係真係好多料，啲蘿蔔成斤重咁淛😂😂😂之後都係叫左肥牛雞翼同埋紅腸，呢啲都好難整得難食嘅。同埋呢一間係樓上分店， 地下嗰間多人到嘔又迫，呢間就唔會啦！仲有全日制學生優惠添。係真係好好食！推薦！

經過尖沙咀，天氣極度炎熱，即刻令我想起 星林居 ，食番碗酸辣米線，開開胃！-點菜單非常貼心，所有酸度，芽菜，芫荽，都可以選擇多，少，走～而 辣度都有9款可以選擇🤩-抵食：4/5味道： 湯底 4/5 ，米線 3/5 😕環境：4/5小鍋米線👍🏼 VS 涼拌米線👎🏻-成個湯底真係精華，食得辣既朋友唔好錯過。米線唔夠煙韌，太林叫兩個餸好似少左D但冬菇好食😋-小鍋米線 完勝 涼拌米線 原因：始終出色係湯底，無左湯底，真係無咩特別-環境：作為係尖沙咀平日lunch hour 佢係幾好坐，又唔迫，又無人趕你走！更加唔洗搭枱！

一個人係尖沙咀上完瑜伽 當然去食米線啦星林居又係我top Five米線之一😋枱面會有張點餐紙記住唔好寫漏野 記得問佢拎埋枱號寫漏左 佢地會過黎追返你 好有規模😂😂一睇就知佢湯底濃郁😋😋😋每碗都配有肉碎 仲係肥豬肉 所以特別香佢每一碗都真係用個鍋 獨立幫你煮如果繁忙時間 真係要等幾耐下我試過等半個鐘不過都明白既 真係一碗一碗咁煮但佢既米線較少 一個女仔食 真係岩岩好所以真係唔洗叫少米男仔就可能會唔夠食 要叫多個餸

相信喜歡米線的朋友，應該沒人不知道星林居！ 長期大排長龍。但絕對值得一試！ 一上桌時，快要滿出的濃郁美味湯底（一定要吃辣）配上爽口麵線，絕對沒有泡到發腫的米線。而且勁多配料可以選擇，絕對可以選到滿滿一碗個人推薦必吃✔️豬軟骨✔️蘿蔔✔️腩肉✔️腐竹✔️金菇菜♥️喜歡內臟的朋友，友人強烈推介豬大腸。來到尖沙咀想不到食什麼，就可以來樂道吃一下。🔺提醒一下 🌸米線上的蔥及芫荽是超級多，如果不喜歡的，請在下單時講。🌸午餐時間超級多人，請提前或避開午餐時段才不用等那麼久

次次同朋友講起香港必食嘅米線，呢一間星林居都一定會有人提起。今次嚟嘅分店係喺樓上三樓，可以搭𨋢或者行樓梯上去。舖頭環境幾寬敞， 座位亦都算舒適，好多都係卡位嘅形式，而且店舖仲有提供wi-fi同埋叉電，配套算係好充足。由於係第一次食，所以好多餸都想試，今次以我哋 分別叫咗腩肉 、蘿蔔、 雞翼 、冬菇、麵筋、豬紅同埋生菜。一上枱已經見到碗米線好大碗，腩肉好淋身，冬菇同雞翼都好入味，豬紅個質感唔錯唔會好散，麵筋就普普通通，成晚最令我驚喜嘅係個蘿蔔!好鮮甜而且冇渣，應該好多地方都食唔到，生菜就正常發揮啦，但係佢額外搵個碟裝起，都好大份，唔係就咁比幾條你。食完之後都難怪咁多人都推薦呢間，下次去試埋地舖嗰間睇下有冇分別先！

咁岩喺尖沙咀同朋友行完街，就試咗呢一間香港十大必食米線之一。入到黎，已經見到有唔少人。呢到係由自己用落單紙，圈低自己想食d咩。我同朋友都各自叫左一碗明火小鍋米線。我叫左3樣餸，分別係雞翼，油面筋同蘿蔔。朋友就叫左生根同肥牛。湯底有分好種選擇，自由配搭。我地同樣叫左小中辣多酸。一上枱，碗米線多到就快要瀉出黎，好怕食唔曬。試第一啖湯後，就愈食愈開胃，唔再擔心浪費食物，因為夠酸夠辣，但又唔會掩蓋本身湯底既濃郁味，好容易食完一啖又一啖。而係餸方面，我地推薦生根同蘿蔔。生根吸晒湯嘅精華，完全係我既style呀🥰🥰🥰至於蘿蔔係夠清甜，中和翻湯既辣度，係完美既組合！食湯麵當然唔少得既就係野飲啦，普通既凍檸茶氣水都係有提供既。