星座冰室 (已搬遷) 新店位置

前排睇到Yahoo一段食評，話金巴利道有間好隱蔽嘅冰室，裡面啲蕃茄牛肉通幾好食。所以，今日見得閒，特登出左去金巴利道試一試這間 — 星座冰室。下午兩點去到，外面放左兩張枱，都坐滿左人，心諗以為入邊實爆人。但好彩入到去仲有5、6個位，我1個人就當然有位啦。坐低左之後，睇完餐牌，就叫左豌蕃茄牛肉通粉同西多士。茄牛通香滑好味，牛肉又夠多，而且酸度配合得啱啱好，真係令我一試難忘。西多士，有大又厚，食落去仲有少少花生醬嘅味，加埋糖漿簡直好食到冇倫。而且，進餐期間和前後，店員和老闆的服務態度都非常好，真係一間值得一試嘅餐廳有機會一定再去試，茄牛通 西多士。