易牙台式料理

营业中

休息中

魷魚椰香米線（～＄52包飲品） 獨愛他的椰香湯底！香辣而有濃濃的椰奶味，伴米線一流！可惜米線份量偏少，而且比較淋。所謂的魷魚其實是「魷魚丸」，還有一些豆腐等配料，水準就一般，不過湯底尚算可以隬補這些不足。友人則選擇了豬手飯（～＄55包飲品）豬手飯較乾飯因為比較少醬汁，但豬手魯得尚算入味，可惜只有兩件，且骨比肉更大，有「到喉不到肺」之感。飲品：洛神花茶，偏甜，不過在大熱天時還是消暑的好飲品。整體來說水準一般，與台灣食品有一點距離，也許因此人流較少。而且份量偏小，大食的朋友要考慮考慮。

今日同朋友去銅鑼灣搵嘢食，記得金百利廣場有好多間餐廳，全部都係樓上，於是隨機揀左第5層睇下有咩食。 見到有間台灣餐廳，入邊坐得幾舒服，而且入面人唔算太多，就入去試下。我哋分別叫咗個紅燒牛肉飯，同一碗豬手肉鬆飯。 過咗大約五分鐘，店員將豬手肉鬆飯送上，可以見得到豬手分量唔少，有四嚿大嘅豬手，啲豬手嘅皮好煙韌，而且豬手好入味。另外啲青瓜同肉鬆送飯好開胃。 隔咗一陣，店員亦都送上紅燒牛肉飯，紅燒牛肉係搵一個大碗裝住。同飯分開上，紅燒牛肉分量幾大，有兩舊蘿蔔，其他都係紅燒牛肉，牛肉質地普通，而且比較乾身 但都入味。

第一次来吃这家 晚上7点竟然基本没人 我跟我男朋友点了两个定食 一个排骨面 一个蜜汁烧鸡饭 不得不说 排骨面很 难 吃 很油然后没有味道 排骨没口感 很材 鸡肉饭也就很一般 绝对谈不上好吃 我觉得唯一还行的就是珍珠奶茶 anyway 这家是不会再来了哈哈哈哈

記得以前易牙正好開在家樓下，差不多成為了午飯飯堂，現在卻買少見少，只能在銅鑼灣這間分店吃到了！所以，有珍貴的機會拜訪，當然要重溫當年最喜歡的美食——紅燒牛肉麵了！加上珍珠奶茶，簡直是絕配。整體而言，味道沒有退步，而且環境尚算舒服，絕對可以一來再來！

今日又喺銅鑼灣開會， 十二點三 可能仲早，見冇乜人 就去易牙試下個午餐， 兩個人 一個嗌咗滷肉茄子拌芋餅飯 ，芋餅好似一啲煎肉餅，幾香幾好味， 滷肉都唔少，夠我撈曬成碟飯， 好食嘅， 另外嗌咗一個炸豬柳拼咕嚕撈汁， 豬柳炸得幾香 份量都唔少 而個汁係似 去酒樓食炸雲吞嗰啲汁， 甜甜酸酸好開胃, 值得推介， 另外個餐跟咗杯珍珠奶茶， 反而杯奶茶我覺得麻麻地， 珍珠唔夠淋， 同埋好大陣花香味，有啲似茉莉花， 可能我個人唔太鍾意呢啲味道，所以呢度扣咗少少分， 整體嚟講，每人五十幾蚊

星期五中午，和友人二人餓得荒，甫坐下來便叫來兩碟鹽酥雞排飯，她點了杯荔枝玉露，我要了杯珍珠奶茶。飲料先到了，荔枝玉露很甜，沒有配料，像在喝糖水。珍珠奶茶也同樣有些過甜，欠缺茶味，所幸珍珠煙韌有口感，力保不失。食物來了，雞排飯賣相吸引，飯的份量對女生來說剛剛好。雞排不太厚，皮薄肉嫩，炸得酥脆，很好吃。醬汁是普通燒肉汁，配飯剛剛好，開胃可口。

喺銅鑼灣食lunch要搵平嘢食真係好難，金百利呢幢大廈嘅餐廳喺銅鑼灣來講食晏都算平，亦都多款揀。今次就試下台灣嘢，午餐40幾-50幾蚊，算合理啦。珍珠奶茶奶味較重食咗啖飯先記得影相😛鹽酥雞扒比較薄，不過都幾脆口，但飯真係太少了，我女仔食都覺得唔係太飽，男人食應該唔太夠喇。

食過好多次，次次都咁好食。最抵食係晚市套餐，一個主食，加小食（菜/青瓜）加飲品，都唔洗一百蚊。雖然佢晚市款式好似唔會成日轉，不過食幾次都唔會悶。我最鍾意佢一口/鐵板牛肉粒定食，佢可以揀白餐或者加錢轉滷肉飯，exactly 加幾多唔記得左，不過唔貴，同埋真係好好食，一定要轉滷肉飯。而小食有A茶（通常都係油麥菜）或者青瓜（有d 似手指青瓜）兩款都好食，青瓜就會有d 辣。除左呢d佢亦都有比前菜。而飲唔都係包埋，好多款台式飲品都唔洗加錢，基本gei 珍珠奶茶，青蘋果綠茶等等都有。總之就係一個晚餐抵食之選。仲要唔係好洗排隊👍🏻

第一次食甜成甘既紅燒牛肉面。湯底甜到呢。。。d肉都好食，好鬆軟。 都係元朗個間好食d. 牛展硬左d, 佢個麻辣湯底反而ok. 洛神花茶5得。 芋香珍珠朋友話d珍珠5彈牙。

放左工，又到醫肚時間忽然想吃台灣料理，銅鑼灣附近抬頭見到易牙妙手就上去試下一個人order左紅燒牛肉麵和滷水蛋拼滷水豆腐紅燒牛肉麵湯底稍濃郁，牛肉味突出麵條呈扁狀，彈形爽滑，有嚼勁牛肉以牛條和牛筋為主，炆得軟腍而入味的裡邊仲有紅蘿蔔同白蘿蔔，夠腍身滷水蛋拼滷水豆腐滷水蛋和滷水豆腐都煮得入味惟滷水豆腐偏乾身，仍要落點功夫要讚的是呢樹的服務算不錯，主動多次幫忙加水，謝謝

岩岩去左食，叫左個牛肉麵，牛𦟌凍粉，麻辣腩肉等等。係冇一樣野好食。肉質差，凍粉有陣水喉水味，青瓜變酸，一句講哂。千其咪去食！！！！！！千其咪去食！！！！！！千其咪去食！！！！！！千其咪去食！！！！！！千其咪去食！！！！！！

其實真係冇諗過咁差，係得男友叫嗰個紅燒牛肉係正常紅燒牛肉，肉質淋身，味道濃郁，冇鞋口感覺，食飯一流但我嗰個所謂魚柳棋香米粉就，湯唔算杰又唔夠濃郁，我明lee度係食台灣嘢，但最差嘅係佢d米粉唔係米粉，係米線仲要唔係好淋咁簡單，係超淋呀魚肉係冇魚味我地再叫左個蒜泥白肉，lee個係成晚嘅亮點，因為係白洽冇味的，汁又撈得唔平均，自己點汁食，d汁係怪酸味，而且蒜泥都唔泥，又唔多蒜，我去三哥食好過

易牙妙手，我細細個已經開始食。當年仲讀緊中學連台灣都未去過，食台灣牛肉麵簡直係我對台灣美食啟蒙老師。台灣牛肉麵精髓在於牛肉湯底，香濃而不油膩，單喝兩口也不會涸喉。味道亦不會過咸，伴粗麵一起吃絕佳。牛肉麵份量大大份，晚餐吃相當足夠。牛肉燜得夠稔，軟韌適中。配菜還有蘿蔔，但不太入味。總括而言，湯麵取勝。

認識做Sales的朋友實在不愁沒有飯腳~最好的是朋友可以預早"攞位" 不用排隊!今天朋友又來到銅鑼灣了! 金百利樓上的食店實在很多, 上次試了越南菜, 今天到台灣菜了! 紅燒牛肉麵 + 熱珍珠奶茶 $55湯頭超濃, 很甜!牛肉很軟, 超入味!!麵就略嫌軟了點, 但還可以~蔥是不能少的, 很提味!不用加錢就可以跟餐要珍珠奶茶, 雖然沒有特別, 珍珠份量也不多, 但加了這杯飲料, 確實很滿足!想不到吃什麼的時候, 來這裡好像也不錯喔!

今晚我們去咗銅鑼灣金百利廣場嘅「易牙妙手」食晚飯！我們叫咗醉鷄鍋烏冬、紅燒牛肉麵、豬腳米線、藥念醬鷄肉石鍋飯、台灣A菜同珍珠奶茶！醉鷄鍋烏冬嘅湯底係淡而無味，醉鷄片只得幾薄片，份量太少，烏冬還可以！紅燒牛肉麵嘅湯底相當濃郁，牛肉亦好腍身！但最令我氣憤嘅係紅蘿蔔變酸咗，我們同店員反映，但換嚟竟然係敷衍了事，店員竟然話他們嘅紅蘿蔔係酸嘅，仲要覺得我們好麻煩，唔願意再招呼我們！豬腳米線嘅湯底亦係淡而無味，豬腳完全唔諗身，韌到咬都咬唔落，仲話係店內推介！唉⋯⋯藥念醬鷄肉石鍋飯嘅鷄肉煮得過咗火，令到鷄肉非常乾身，肉質一啲都唔嫩滑！珍珠奶茶嘅味道亦都係淡而無味，完全無奶茶嘅味道，珍珠只得幾粒，真係少得可憐！今晚呢餐真係令我們非常激憤同非常失望！