易牙台式料理

已經食左呢間餐廳10年，今次再嚟幫襯已經同上次相隔一段時間，食物質素差咗好多，麵線同湯係分開而且好稀，紅燒牛肉麵個味道完全唔同咗。服務態度差，無啦啦個侍應走過來將我哋杯嘢飲搬去另一邊，重點係，無啦啦講普通話…查看更多

之前耐不耐都會嚟食，主要食排骨飯或麵食，但係最近食過一次，叫咗個胡椒豬肚湯 ，覺得強差人意，價錢偏貴，因為得四塊酸菜兩片豬肚（如圖），收75元，大家自己諗諗， 雖然即叫即整但係 食材實在太少 有點失望...…查看更多

打完波同朋友過嚟醫下個肚 見未食過想試吓新嘢確實食物水準唔錯 個個都話好食 雖然我覺得個份量有啲細（能量消耗過大）但係重點：服務態度差！知你晚市可能好多人（雖然出面人影都冇隻）但唔使坐低都冇2分鐘就企喺隔籬催人嗌嘢食吧？仲要態度都幾惡劣 話想再諗一諗都唔俾啲嘢食到嗰陣砰砰聲咁哼落個枱度如果我冇聽錯Timelimit個半鐘 一個鐘都冇就已經擺個單落嚟嗌埋單 盲嘅都見到我哋啲嘢飲未飲完 搞到我臨尾要一次過飲晒執嘢走 勁狼狽真係唔知搞邊科 勸大家要食呢間一定外賣 費事受氣…查看更多

16/10/2024放午飯時間一個人去咗易牙食,平時每星期都有去支持，但當日食飯食得好唔開心☹️同好嬲🤬 當日有一個黑髮紮馬尾大嬸侍應帶我入去全餐廳最入面個位，都冇所謂反正食完就走。佢要求我坐埋面，個位太窄我稍為將枱移前咗少少，佢就要求我必須個椅背要移返後，頂住個屏風，佢話如果唔係個屏風就會跌落嚟，我話呢度冇警告話個屏風會跌落嚟，如果危險就唔好安排人坐，佢唔理走咗，只係不停返轉頭要我張椅頂住屏風，話唔比移前喎，而家係咪坐監呀？到我要求要辣椒油，第一次佢「筆」得太少，我請佢再比多少少我，佢話要收2蚊，話每一人只可以要一次辣椒油，叫我下次食喇沙，我話餐牌無寫、餐廳亦冇貼住話要另收費先有辣椒油喎，佢又走開咗，我唔食喇沙，食乜都要佢管呀，佢乜水呀！到我比錢嗰時見到老闆娘，我向佢投訴，原來所有嘢都係大嬸侍應老吹，唔好比我講中，佢係因為懶唔想再去「筆」辣椒油先至話要收費！咁懶就返屋企唔好做啦！真係唔怪得越嚟越多人北上消費，就俾比呢啲人板侍應搞砸曬！我寫返我既經歷係想避免有立心不良人士濫收費、避免有我既經歷。食得好唔開心及要受氣就唔好再去幫襯。…查看更多

唔知想人helpful係咪要求高呢平日下午4點尾抬住個訓左+少少病既仔仔真係攰到行唔到 又唔忍心整醒佢就求其入左最近既呢幢野食氣來氣喘入到去 無咩人 啲枱中間好窄抱住個人唔係好入到去放低個仔我企左喺度諗緊點入去佢哋遠處望住無理我於是我自己好論盡咁放低佢叫野食先講話原來有最低消費我有2位 我同個訓左既5歲小朋友我叫左個餐佢叫我加小食我問佢可唔可以唔加呀？佢話我一個人阻左4個位因為個仔伸左少少喺枱同枱中間咁隔離張枱都唔會入人（隔離個4人枱原先都已經坐左一個客人）望多次成間餐廳都無咩人佢話公司規矩好難做於是我都唯有再加埋甜品其實唔貴既 係本身唔想加姐只可以話 佢地唔係幾nice 平時遇到咁情況其他人都好幫手亦未必計到咁足小朋友都一定計min charge仲要係間餐廳真係無咩人佢地全程喺度大聲吹水跟規矩做事 都係岩既今餐叫左滷肉飯同大腸麵線最後加咗鮮芋仙正常肉有啲太少不過咁嘅價錢冇咩期望…查看更多

銅鑼灣金百利商場有好多抵食店鋪，今日就心血來潮好想食易牙，我估計自己都超過10年冇食過，記得以前細個成日喺旺角食，唔知點解突然今日想攞返啲回憶😛見到餐牌有我以前食開嘅魚丸貢丸羹冬粉，我唔知點解我個人好悶，每次嚟到都係食呢款。好啦，咁我就食呢個套餐啦。飲品方面，我就揀咗珍珠奶茶🧋成個套餐都只係$60，冇加一，真係好抵👍🏻我覺得食物味道冇變過，仍然係我童年時候嘅味道。另外午膳時間人唔多，所以座位十分舒適，店員態度親切，所以我下次都會再嚟👍🏻👍🏻…查看更多

今日一行3 人去食午餐大約12:00 左右入去，不用等位一入去，店員已經通知邊個位風大值得一纘我哋點左3 個套餐紅燒牛肉麵….ok 烤牛肉飯…. 牛肉有d 硬花支丸貢丸麵… 可以再加2 個小食台灣腸… 野味甜不辣… 好食套餐大約50-60 連飲品我哋叫左珍珠奶茶，🧋🧋🧋有茶香味由於同行有小朋友，吾小心倒瀉左飲品店員返應好快👏🏻👏🏻👏🏻即刻幫我地調位又叫我地吾好鬧小朋友再俾埋d 吸濕紙我地幫小朋友清潔好多謝店員，好有heart ❤️❤️❤️❤️…查看更多

第一次食完佢碗麻辣紅燒牛肉冬粉，就好掛住要食第二次。真係超好味😋😋😋佢個紅燒肉軟身得黎好鬆化，有啲啲甜香味，再夾埋個辣湯真係perfect👍🏻有3至4舊白蘿蔔，清甜得黎夾住啲辣味冬粉係台式粉絲，食完唔脹胃。吸麻辣湯嘅份量好適中，唔會吸走哂你啲湯搞到一pat pat.侍應好好，佢哋會提醒你個麵會好辣，會問你洗唔洗要小辣。我個人就好食得辣嘅。佢小辣都對我黎講有啲辣。如果唔係好食得辣都係叫BBBB辣好喇😉檸檬茶都係大衆嘅一般檸檬茶，無咩特別So far, 我會再去食😋😋😋…查看更多

十幾年前我仲係中學生，當年同家姐行完街好多時都會去易牙食埋晚餐先返屋企當年晚餐嘅價錢都係50幾60蚊左右，仲有珍珠奶茶飲，大份又好味，當時覺得好正好開心銅鑼灣呢個位都真係十幾年都無搬過，而我亦好多年無幫襯過啦果日純粹帶小朋友出去行下，想食平DD，就上去再回憶下睇下食物方面有無變係米仲係甘平靚正人流仍然唔少，價錢方面的確唔係加咗好多，而且晚市仲推出咗D 2人套餐我哋叫左個2人套餐$199主菜揀咗鐵板蜜汁雞排同沙茶魚柳小食揀咗炸花枝丸拼貢丸+$15轉左個淮山几子螺頭竹絲雞湯2個飯都+$10轉左滷肉飯另外再加左個豬骨湯娃娃菜+$18，個菜嘅份量有D失望再叫左個烤牛肉飯$602杯珍珠奶茶+1杯熱檸茶埋單TOTAL$343價錢的確唔係貴味道方面亦已經覺得普通，始終人大咗出面試過嘅亦多左只能話食的是回憶吧，簡簡單單一餐十幾年都仍然屹立不倒，已經值得支持…查看更多

一直有keep住食開易牙，味道同價錢係覺得ok既。但由2星期前食發現佢地開始將肉燥量減少，跟本唔夠用黎撈佢地基準既飯量。希望佢地之後可以加番個肉燥量，唔好因為慳皮而流失一直幫襯開易牙既舊客…查看更多

𝟛𝟘.𝟛.𝟚𝟘𝟚𝟛《質素差價錢平台灣菜😓》🍃易牙台式料理 (銅鑼灣)🍃📍銅鑼灣記利佐治街1號金百利廣場5樓R1號舖📍突然想食台灣嘢所以就去咗金百利搵嘢食👻入到去發現冇乜人😗即刻叫嘢食基本上五分鐘嘢食就嚟，不過講真就唔好食😓𐂂 鹽酥雞排肉燥飯 ($60)首先嚟啲飯同雞排都唔係熱辣辣🔥肉燥嘅味感覺好廉價，啲肉感覺就係好普通嘅免治肉，但一啲肥肉都冇🌝加上個調味完全冇台灣嘅味道，完全就係港式快餐嗰種肉燥😤雞排冇調味之外，炸完都唔算好酥脆，而且雞肉都幾柴🐓附送嘅冬瓜茶一啲都唔正宗🍵整體嚟講可以話係幾差🤧꧁評分꧂🍴食物: 0.5/5💰性價比: 1/5🪴服務: 2.5/5✈︎ 店鋪資訊✈︎💸人均消費: $100內🈚️加一服務費🔖餐廳分類 🔎 #hkfoodieat_銅鑼灣 #hkfoodieat台灣菜🇹🇼 …查看更多

食物質素令人失望的，叫了珍珠奶茶，沒有茶味，只有少少奶味，珍珠無味。素菜豆腐烏冬的素菜是一條秀珍菇+紅蘿蔔絲一堆+一條被剪開成兩塊半生的油麥菜+百福豆腐+劣質烏冬連上述無味珍奶，盛惠50大元。湯底是菇味水。另一個餐是大腸面線 +魯肉飯，八方XX的面線好吃一點，魯肉飯的肉少得可憐，飯相對汁是很多，有一細條冬菇。服務員態度親切主動也挽回不了食物質素扣的分數，非母乳餵哺友善的要求實屬可惜。…查看更多

少奶呢排都系銅記番工🙈所以就襯時間系附近系窮_午飯😳就試下「易牙」系台式餐廳黎👻眼見50蚊就有個餐😱😱🙈鹽酥雞轉烏冬餐🍜需時15分鐘少奶系無雞不歡🤣雞全部都系雞～講真50蚊本身唔太大期望🙈旦求醫飽又唔太難食話就15分鐘但好快就上菜😂烏冬湯式可以話系清水+乾洋蔥+鹽+2條菜👍🏻👍🏻🥶真系減肥一流😂😂鹽酥雞就熱既👻香、脆、咸咸地🥰但就份量細🙈我系唔夠飽…唯有飲台式奶茶頂住算😂台式奶茶真系飲奶+水+少茶😂🪙價錢: $50🤩味道: 3.8/5環境：室內座位算多, 冷氣好夠！唔會熱岩岩5點到算唔多人唔洗等位🫶🏻職員系有禮貌同回應🫶🏻Ps 價錢系抵🫶🏻如果再有質素就請移玉步👻🔴🟠🟡🟢🔵🟣⚪️⚫️服務：4.5/5環境：4.5/5返食：3.9/5價錢：4.7/5🔴🟠🟡🟢🔵🟣⚪️⚫️👷🏻‍♀️利申：本網只代表個人感受與想法不代表全部🫡(本台暫試運當中, 全人手營運, 多多包涵)🪙今次全自費👷🏻‍♀️📍易牙台式料理 (銅鑼灣)銅鑼灣記利佐治街1號金百利廣場5樓R1號舖🚈(銅鑼灣站E出口行1分鐘)…查看更多

今日一直下著毛毛雨，所以同一個同事搵左間喺地鐵站附近嘅食店食lunch.大概12:40嚟到，仲有一半嘅空位。呢度環境都好乾淨企理同清靜。職員好快帶咗我哋坐低，俾Menu我哋睇。原來午市套餐好抵食。我叫咗一個$50嘅午市套餐，包括魯肉飯，大腸麵線同埋珍珠奶茶。我同事都係叫咗一個$50嘅午市套餐，包括魯肉貢丸滷雞蛋乾麵同台式奶茶。同事話個乾麵都幾多，味道正常。而我嗰個魯肉飯就夠濃味，最啱用嚟送飯。至於大腸麵線就比較普通。我同埋我同事都覺得個奶茶比較稀咗少少。但係，如果以$50呢個價錢嚟講，其實真係好抵食。…查看更多

🐷魯肉飯配大腸麵線($50)魯肉肥瘦適中，醬汁調味啱啱好又唔會太油，好啱送飯，配菜既醃青瓜酸酸地既開胃又幾好食添。大腸麵線既蒜味幾重，雖然質感偏稀但我自己就覺得啱啱好，不過大腸只有2大舊，如果可以比多1～2舊就更好🙏🏻🧄黑椒香腸(星期5限定特價$12)當時做緊每日唔同款既特價，見到星期5係黑椒香腸就即刻叫左😍估唔到有跟我最愛既生蒜片，辣辣地好好味👍🏻🧋珍珠奶茶(BB少甜，跟餐免費)因為怕會太甜就叫左店員提議既BB少甜，果然真係啱啱好，只帶微甜。味道中規中矩，不過都幾多珍珠，飲完都好飽肚50蚊有飯有麵有野飲，仲要凍飲唔使加錢又無加一，環境又ok，係堂食嚟講應該係平絕成個銅鑼灣，所以每次去都座無虛席，如果想慳錢或者有糧尾既煩惱，呢度真係一個好選擇👍🏻…查看更多