明閣 (鷹君中心)

原於旺角的明閣，獲得米其林一星多年，目前在灣仔有分店，食物菜式基本相同，味道水準當然能夠保持。此店沒有太花巧的點心造型，反而保留了一些傳統的款式。麻香以前在舊式茶樓經常見到蛋散，麻香金絲蛋散脆卜卜，十分香口。貴妃醉蝦餃必試，口味獨特，酒味鮮味柔合。鵝肝醬蝦多士乾身香脆，蝦餡保留了少量肉汁，口感不會太乾不舒服。黑松露蒸牛肉球嫩滑，加上黑松露點綴。生磨蛋白杏仁茶和一般餐廳的相比較粘稠，口感還好，惟甜了一點點。麻香金絲蛋散生磨蛋白杏仁茶雪山竹炭叉燒餐包（件）x2鵝肝醬蝦多士（4件）黑松露蒸牛肉球生磨合桃露茶位 x2貴妃醉蝦餃（件）x2加一後，合共HK$618.2。

特別推薦大家✅鹵水鵝掌翼Marinated goose webs and goose wings, Chiu Chow style✅酥炸美國生蠔Deep-fried jumbo oyster✅焗釀鮮蟹蓋(芝士焗 / 酥炸)Stuffed crab shell with crab meat✅龍王披金甲Fried sliced giant garoupa with minced shrimp《鹵水鵝掌翼》鵝翼本身好厚肉肥美🦆☺️滷得好入味，滷水汁唔會得個咸字，帶少少甜味好好食😝💰$128 regular《酥炸美國生蠔》生蠔成個脹卜卜🐚，勁肥美、飽滿，食落好鮮甜❤️個炸衣好薄、炸到好脆身，外脆內肥美☺️加埋生菜食好match又可以解膩💰$98/p《焗釀鮮蟹蓋(芝士焗 / 酥炸)》芝士嗰個表層焗到好濃、好香芝士味🧀，襯托一絲絲嘅蟹肉，但冇蓋過蟹肉嘅鮮味🦀酥炸嗰個表層有薄薄嘅炸衣🔥，咬落好鬆脆、乾身，有別於芝士嗰個，呢個更加品嚐到蟹肉嘅鮮甜味🦀💰$158/p《龍王披金甲》呢樣菜式分2️⃣parts，🦐蝦頭和蝦尾以酥炸方式炸到好香脆，可以連殼食而蝦肉就打成蝦膠釀入龍躉一齊烹調，炸到外層脆身，食落有

又到中秋佳節🥮有借口食餐好嘢喇😝今次揀咗灣仔「明閣」，明閣有兩間分店，一間在旺角Cordis Hotel內，另一間在灣仔鷹君中心⛳️.灣仔「明閣」係新店，裝修得很時尚🧚一入門口係吧枱🥂往前走係西式設計嘅餐廳，而房間內就係中式格局嘅飯廳。我比較鍾意有枱布的餐枱，所以次次都揀房間內的位置😅.今晚想食片皮鴨🦆可惜侍應話要預訂，但我之前明明即叫都有㗎🧐唔通中秋節所以要預訂，anyway, 大家醒水喇，唔預訂片皮鴨係未必有得食㗎🙈不過唔緊要啦，返正餐牌仲有好多選擇🐠🐖🐓🐂🐏.最終點左炸生蠔🦪、炸子雞、胡椒蝦、魚湯素菜煲、醋香黑豚肉😋媽咪話生蠔炸得剛剛好，外脆內軟，鮮味十足，炸子雞係我至愛🐔皮薄香口、雞肉夠滑，胡椒蝦🦐大隻到要咬三口才可食完，蝦味十足👍🏻還有醋香黑豚肉，差不多每次都點，因為別處沒有，每件黑豚肉份量十足，但酸酸甜甜，又唔會覺得好滯，反而越食越想食🤩相比之下，魚湯素菜煲就不過不失啦。.總括來說，實在太美味了🥰但埋單折實都$14xx（四位）貴就貴左啲，不過物有所值。.❤️明閣❤️無論係在旺角或是灣仔，無論飲茶或晚飯🥢從來沒有令我失望過，一直係我心目中全港中餐的三甲位置之內👏🏼👏🏼👏🏼

最近想搵下灣仔區高質中菜, 方便之後見客食飯. 今次就去灣仔「明閣」試下.地點好方便, 「明閣」係會展旁邊鷹君中心2樓，一上電梯就見到。餐廳裝潢有空間感。俾客人有一定私隱, 好適合見客食飯.食品方面, 我地叫左幾個點心. 其中, 米芝蓮食府出品嘅叉燒肉質細嫩,又有點焦香. 其他點心都有水準.我特別鍾意巧手醋香黑豚肉, 外屠香脆, 又有陣陣醋香, 內層非常juicy. 必食!最後有養顏好吃嘅黑糖桃膠薑汁3.6牛乳奶凍, 桃膠好大粒, 薑同奶香好夾.  

早前限聚令祇可兩人一桌，而家疫情稍斂放寬為四人一桌，美食四人組唔駛再分開坐，興緻勃勃相約去飲茶☕🍤旺角明閣素有米芝蓮星級嘅殊榮，早排係灣仔鷹君中心逸東軒舊址開咗分店。聽講係由原先旺角明閣曾師傅過嚟主場，出品應該唔差之前亞妹同朋友嚟過，話呢度食物幾好，就吹雞拉隊過來食嘢。呢處格局同以往逸東軒好唔同，灣仔明閣有酒吧區同用餐區，重有唔少廂房，地方闊落，全間裝修格調都好舒服我哋一早book咗間廂房，然後就点鍾意食嘅點心悠閒地用餐醉雞花雕酒味頗重，可惜雞肉有啲榎口唔夠嫩滑。餃皮晶瑩通透咬落煙韌，外型飽滿，蝦肉爽口彈牙最特別係四隻蝦餃中間有粒 cutty 点点綠迷你餃， 餡係香芹，幾清新芋角一向係我喜愛嘅点心，炸得幾鬆化，可惜油多咗啲。生煎包不俗皮較厚，唔夠薄，可能浸係湯中時間耐咗，個皮腍pat pat👎不過，湯底幾鮮甜同足料，重有帶子添牛肉球不過不失燒賣面頭舖上瑤柱，蝦肉同豬肉比例幾好，無乜肥肉，肉質鮮甜，唔錯甜品我哋揀咗黑白芝麻千層糕同桃膠北海道牛乳奶凍做壓軸好戲。改良版健康千層糕3.6 牛乳奶味濃郁，混入黑糖同薑汁，奶同薑汁味都拿捏得好，又唔太甜，比傳統薑汁撞奶更美味面頭有我喜愛嘅桃膠，好食

今次同大家介紹一間位於灣仔嘅米芝蓮星級粵菜(⁎⁍̴̛ᴗ⁍̴̛⁎) 先講餐廳環境有別於一般中式酒樓，因為餐廳有一部份位置係酒吧區，非常特別~ 食物質素亦相當有保證，最重要係以米芝蓮級數黎講，呢度嘅價錢都算幾親民😛.🦀芝士焗釀鮮蟹蓋全家人都好鍾意呢個蟹蓋‼️面頭嘅芝士層微焦，第一啖已經食到滿滿嘅鹹香味🤤入面釀左蟹肉，份量好多，真係每一啖都食到鮮味十足嘅蟹味💓不得不提蟹蓋賣相亦好有心思，用金色形狀嘅蟹模呈上~~. 🐷巧手醋香黑豚肉作為呢間餐廳另一招牌，呢個醋香黑豚肉同樣無令我失望☺️外層炸得鬆脆唔油膩，入面嘅黑豚肉嫩口多汁，火候剛好!! 醬汁酸酸甜甜，十分開胃，夾起嘅時候仲會有拔絲嘅效果😻 如果炸粉再薄啲就更好~~.🦐海生蝦炒蛋白三款小菜之中，呢個炒蛋白味道最清淡~ 蛋白炒得非常嫩滑，份量極多，而海蝦新鮮，肉質彈牙🦐上碟嘅時候連埋蝦頭，菜式望落嘅視角效果更完整~

首先讚一讚服務經理 Gary 非常專業、殷勤、有禮。感謝。由旺角開過嚟灣仔，感覺也沒有什麼錯失。 就算價錢也非常之貴 我自己個人覺得味道就與較為只是相應， 但屋企人說不錯。 至於另外一位客人要求做的素食為主餐單則老實說，不敢恭維..... 當然這點也不容易，因為每個人都有自己的招牌菜， 每個師傅都 有擅長的，也有不擅長的。 但考慮到世界的潮流， 素食不但 環保也更健康。 況且這個價位的其他高級餐廳也有不少做出非常不錯的素食， 所以盼望此餐廳以後再試下功夫。總結：個人覺得味道一般，但因為Gary的態度專業,所以還是給予好評 。

今次和兩位朋友相約慕名而來到灣仔，吃的是高級中菜。我們可謂慕名而來，這家明閣為位於鷹君中心之中，是榮獲米芝蓮星級榮譽的旺角明閣於港島新設的分店，主打的是精緻且質感現代的廣東菜。餐廳環境整體可謂典雅舒適，餐檯和地毯均採用雲石質感設計，牆身掛上了大幅的現代中式插畫，也設有大型落地玻璃，中間的出品區域也有植物裝飾作點綴。除了中菜館常見的圓枱外，也加入了高檯和酒吧區域(雖受疫情影響當日未有開放) ，也有大量的廂房，故不論是三五知己和團體聚會均告適宜。裝修雖好，但食物才是主角，且看質素如何！極品蜜汁叉燒 ($208) Supreme Barbecued Pork Loin in Honey Sauce (HKD208) 頭盤是叉燒，帶蜜汁的香甜，脂肪入口即溶。焗釀鮮蟹蓋酥炸 ($158/位) Stuffed Crab Shell with Crab Meat (deep-fried with breadcrumbs) (HKD158) 招牌菜式，除了看來高級外，香脆的酥皮，內藏鮮味啖啖蟹肉，吃過不停，一食難忘。濃湯花膠雞絲羹 ($198) Chicken consomme with fish m

知道灣仔有間新開米芝蓮餐廳明閣，旺角既明閣係米芝蓮一星，睇下開黎灣仔之後有冇保留到實力呢。聽講灣仔明閣都係由之前旺角既主廚主理，一試果然有驚喜！雪山叉燒包睇落平平無奇，但相當好味！上枱時仲熱辣辣，少少酥脆，抵食之選！叉燒更驚喜！又係熱辣辣上碟，蜜汁好香，食完一件又一件！個人認為貴少少都係必點要食既。蟹蓋好多肉，兩個人share一個都已經足夠。呢個獲獎菜又係必試推介！將蝦膠釀入魚度，好惹味，好夠鑊氣。最後甜品反而幾失色，而且好多都過甜，可以唔需要試。

難得和好友歡聚，這晚選擇了「明閣」的灣仔分店嘆嘆高質中菜。「明閣」位放鷹君中心的2樓，一上電梯便看到招牌。餐廳裝潢設計時尚優雅，甚有空間感。桌子之間有一定距離，給予客人一定私隱度。一進餐廳大門口，更是有一個酒吧。在中菜廳內設bar實屬少有，可惜疫情之下暫時休業，未能觀摩。否則的是，一試這裡的特色中國茶cocktail也是不錯。素來愛吃叉燒的筆者，又怎會錯過一嚐米芝蓮食府出品的這個機會呢？明爐叉燒燒至色澤金香。半肥瘦叉燒厚切，入口是肉香和脂肪油香並存著。一件過後，蜜汁的香味餘韻久久未散，令人忍不住再來一件。造型華麗的焗蟹蓋，放置在蟹形碟上，甚具打卡度。蟹蓋有2款做法可選，分別是芝士焗又或香酥，這次試了芝士焗。蟹蓋面上舖滿烤焗的焦黃的芝士，看得吸引。芝士之下是滿滿的蟹肉絲，也夾雜了白蘿蔔絲去加添口感。蟹肉的鮮美配上芝士，是一道香口美味的佳餚。能夠成為米芝蓮星級粵菜餐廳，殊不簡單；這個雞絲羹更拿下旅發局的美食賞金獎，再錦上添花。湯羹足料，啖啖都充滿著花膠絲、雞絲、木耳絲。以老雞和金華火腿熬成的湯底鮮味也頗為濃郁。值得一提的是，湯羹還加了陳皮絲熬煮，進食時隱約感受到陳皮的芳香。吃時還可以配上咸

早排，朋友帶我去食高級中菜！好開心呀😆👏🏻 餐廳環境好靚！服務好，菜式都好高質🤤極品蜜汁叉燒 $208好吸引呀！睇見都想流口水喇🤤叉燒既肥瘦度簡直係黃金比例✨咬落好腍、夠蜜汁！😍焗釀鮮蟹蓋 $158可以揀芝士焗同酥炸，我自己就揀咗酥炸。個碟好得意🦀炸得好好！唔會覺得油膩👌🏻入面充滿蟹肉呀！🤩鍾意食蟹既朋友仔唔好錯過！巧手醋香黑豚肉 $268呢個係明閣灣仔店既招牌菜之一，個醋汁好惹味呀！🤤黑豚肉既口感爽而不黏牙，好高質👍🏻濃湯花膠雞絲羹 $198/位好滋潤、美顏既湯呀🥰 好好既湯❤️聽講師傅好用心去熬製架👏🏻鮮杏汁杞子百合浸時蔬 $238杏汁味濃郁！岩晒鍾意杏汁既我🤣時菜夠淋同入味👍🏻黑糖桃膠薑汁3.6牛乳奶凍 $683.6 牛乳好濃！奶凍超級滑！😍再加上黑糖薑汁桃膠，又特別又好食！

同友人慶祝生日，佢係一位對中菜幾高要求既人，上網搵到哩間位於鷹君中心的中菜廳，食物同環境都幾吸引，就訂座黎一試。極品蜜汁叉燒 $208厚切叉燒，肥瘦均勻，沾上蜜汁，做得高水準，每一啖都好林又爽口。第一道菜同朋友已經留下好印象，期待打後的每一道餸菜。焗釀鮮蟹蓋 - 芝士焗 $158賣相非常有趣，金黃色既芝士內有乾坤！內有滿滿的蟹肉，混有芝士、羅白絲等配料，估唔到裡面係有咁多拆肉蟹肉，食得勁方便。濃湯花膠雞絲羹 $198/位女士們都鍾情花膠哩個養生食材，哩個羹清清地十分足料，花膠切條，有木耳絲同雞絲。巧手醋香黑豚肉 $268哩碟既黑醋醬汁做得非常出色，係哩度既推薦小菜，黑豚肉沾滿醬汁，好開胃。鮮杏汁杞子百合浸時蔬 $238雪白色既杏汁煮蔬菜第一次食，所有食材都特別適合女士，美顏明目，杏汁濃郁。窩燒海味飯 $238一上枱香氣撲鼻，個飯調味得恰道好處。黑糖桃膠薑汁3.6牛乳奶凍 $68/位哩道甜品絕對值得一食再食，我地都大讚，超滑身既奶凍，混入黑糖同薑汁，冰涼甜品，面頭有我最喜歡的桃膠。

本來想去佐敦 Eaton 逸東軒，預早一個禮拜訂都冇位，朋友推介灣仔明閣。好！就試吓。叫咗個頭盤，四款唔同味嘅海蜇同埋一個鮑魚，幾好味😋。主菜試咗佢最出名嘅黑豚肉，仲有杏汁莧菜，仲試咗個蝦，同埋蝦子油皮......樣樣都做得唔錯，非常精美，這樣的價錢，做出恰如其分的味道，可以一試。甜品係桃膠薑汁奶凍，這個是全晚最精彩部份，薑味同奶味夾得啱啱好，Good!

明閣由旺角開到去灣仔！今次唔洗過海都食到呢間榮獲米芝蓮一星既中菜廳相比旺角明閣，灣仔既裝修以杏色為主，多左一份優雅，另外仲多左個bar table，聽講會用茶黎整唔同既雞尾酒，有機會一定要黎試吓講番野食，先黎一碟《極品蜜汁叉燒 - $208》相信叉燒對香港人黎講係由細食到大，但要整得好食既叉燒，都幾考師傅功夫，呢碟叉燒真係不得了件件都好厚切，食落去好鬆嫩，好多汁，半肥瘦叉燒係最好食！再黎一張近鏡！哈哈另外仲嗌左我期待已久既《焗釀鮮蟹蓋🦀 -$158》有芝士焗或者酥炸，我就揀左酥炸，外皮炸得脆卜卜，入面就釀左一梳梳既蟹肉，份量十足！食得好滿足再黎就係呢度另一款招牌菜《巧手醋香黑豚肉 - $268 》，一上菜個下已經聞到香噴噴既醋香味，炸得外脆內軟，醋醬酸酸甜甜，仲有拔絲效果，好好食，黎到必食《明閣炸子雞 - $288(半隻)》炸子雞色澤好靚外皮炸得好香脆，雞肉好嫩滑，另外伴碟既蓮藕脆片都整得好好食唔食蓮藕既朋友都話正食左咁多肉係時候要嗌番碟菜《珊瑚素心燕 - $208》其實係冬瓜絲伴甘荀蓉同蛋白，平時食冬瓜都係飲開冬瓜盅，未試過食爽爽地既口感，味道清新好驚喜！身為食肉獸既我都覺得好好食主

明閣旺角店拎咗米芝蓮好多年了，佢哋最近喺灣仔開咗分店，仲推出咗啲灣仔分店限定嘅菜式，港島人有口福了😋。極品蜜汁叉燒 $208 比起平時嘅叉燒相比，明閣招牌嘅叉燒更加肥美，食落蜜汁同油香混埋一齊，叉燒肉質軟稔，超正。焗釀鮮蟹蓋 (芝士焗或酥炸) $158(位) 呢道菜嚟明閣必食！唔單止造型有gimmick適合打卡，個餡都好勁，入面成個都充斥住一絲絲嘅蟹肉，成個都係！我食嘅芝士焗蟹蓋更加增添咗鹹香。巧手醋香黑豚肉 $268 (圖為半份) 呢個係灣仔店先有㗎，醋味唔會太過酸，另外仲加咗焦糖點綴，食咁多肉都唔會覺得膩。明閣炸子雞 $288/半隻 雞皮香脆而肉嫩，唔點sauce食已經好正。另一亮點係啲蓮藕片，薄身炸完好似薯片咁，但又比薯片多咗蓮藕嘅甜。珊瑚素心燕 $208 素食嚟講呢個都算高質，底下係消暑必食嘅冬瓜絲，面頭係甘筍蓉同蛋白，食落好清甜，食肉獸嘅我都好喜歡💕窩燒海味飯 $238 有別於傳統中菜，呢個飯係加入咗日本豉油去炒，出嚟嘅飯粒粒分明之餘，又帶濕潤，味道仲多一份甜。黑糖桃膠薑汁3.6牛乳奶凍 $68 不得了嘅甜品！平時我係唔會食薑味嘅嘢，但呢個薑汁用嚟配上黑糖桃膠，出嚟嘅效果好提