旺記糖水 (已結業)

在港島打混多年，想起要食宵夜，都不外乎連鎖食肆，甚至酒吧。又貴又無新意又悶。今日即興遊下車河，去左柴灣，見到好多小食店開哂，哇！今次有食神了！夏天熱辣辣整返碗凍綠豆沙！煲得好香，有臭草味，多豆，夠凍！仲要只是賣22元大大碗。喺旺區乜都食唔到。仲有香芋紫米露（24元），加五元小丸子！真係無諗過咁多紫米同小丸子同芋頭，勁飽勁足料！好感動呀！抗通脹呀！燒賣賣5元都係抗通脹價！好滿足嘅宵夜！讚！😁😁溫馨提示：堂食記得坐低左先落單！否則你俾人溫馨提示！掛住食，食食下先記得影相。。。

本人係一個小丸子迷鍾意食小丸子嘅程度係無人能及，每次見親糖水鋪有小丸子就一定會叫。今次都唔例外，見到餐牌有芒果小丸子即刻嗌。雖然見到有QQ果都好想食，實不相瞞我係勁鍾意食配料嘅人，如果你哋都係應該每次食糖水都會加依樣加個樣最尾都係叫咗香芒小丸子，一嚟到啲小丸子真係好多，比起平時其他鋪頭食嗰啲真係冇得比，平時係有限定可能一碗得12粒，見到枱面碗小丸子真係好滿足味道唔差，係有花奶兼且芒果沙冰，糖水最緊要夠凍，尤其是夏天食嘅時候，總括而言要芒果小丸子又平又多小丸子，如果真係唔夠另外再加都係$5，到時一定塞滿成碗都係

呢間糖水舖就係屋企樓下，因此成日會去幫襯，呢個香芒奶凍係極！力！推！薦！🤩🤩🤩除左奶凍外，入面仲加左小丸子同椰果，真係好好味呀🤤🤤啲小丸子好有趙口又軟身，而且呢間啲芒果係一年四季食親都咁酸酸甜甜。一個字：正！😋😋😋最近出街時有去其他舖頭食過糖水，通常啲芒果都苦既，但旺記完全冇呢個問題😍😍所以就算呢個糖水賣40蚊（我覺得偏貴）我都一直買黎食，完全唔會厭呀！！不過呢間舖頭食過腐竹糖水，成碗水，得幾粒薏米，之後決定回歸奶凍既懷抱😂

路過想食涼粉見糖兄弟末開門，就去lee間買外賣西瓜涼粉，$27, 回家打開外賣碗，嘩一聲，西瓜同涼粉一樣大，成碗野係七八粒西瓜，涼粉十一二粒左右，咁嘅價錢唔幫佢，挣錢挣到咁盡

其實每一次都好想食，不過就係唔想落街買。正當想打電話再自取嗰陣，佢竟然問我送去邊，即刻笑出黎😁😁😁😁😁今次叫左熱腐竹，芒果小黑子同楊枝金露。三碗都食左少少，對上一次食已經係幾年前，水準不變，料都比想像中多......最欣賞佢會加少少碎冰定沙冰，可以keep住凍。因為對我黎講唔夠凍係放唔到入口的。三碗野夾埋$86，都算合理，重點係唔洗郁打個電話就有得食🤤☺️☺️☺️☺️☺️仲要九點半都係等左十五分鐘就有得食✌🏻

記得剛剛出黎做野因為係輪班番工，好多時番到屋企已經好夜當年住起柴灣一個叫做大d嘅商場上面下面有好多餐廳，都有茶餐廳之後慢慢比d大集團搞到得番d快餐同無質素嘅餐廳之後放工就會行遠d去樂軒台買野食放假約左朋友又會去食碗糖水傾下計打完麻雀邊個贏就叫外賣食好開心☺️☺️☺️嫁左去新界就好少回來了樂軒台d餐廳都轉左好多手。。。唯一無變而我又成日食嘅應該係旺記大熱天時我最中意黎食碗冰凍糖水😋舖位都係一樣。人情味都係除左糖水都有d熱小食。。。例如腸粉燒賣雞翼餃子 如果未食飯我一定叫哂😂😂😂冬天有豬骨粥都好正！好耐無食喇冷熱糖水都有西米露呀小丸子呀涼粉呀呢d普通野一定有我食左10年都係中意石花糕🤓🤓🤓唔知你地有無食過。。。好似大菜糕咁透明一條條爽口嘅叫慣叫熟有時我會用佢地落單d口吻講芒石行街😂😂😂😂姐係芒果石花糕拎走因為今晚打麻雀，食完飯專登去買買回家吃👍🏻👍🏻👍🏻👍🏻買左碗芒石同芒涼石芒涼石就係加涼粉😝d芒果汁多到爆呀，加上而家食芒果當造好甜呀，佢加左d碎冰 令我拎到番屋企都好冰凍☺️☺️☺️☺️👍🏻 咁多年都係咁好芒果汁下面就係椰汁 仲有好多舊甜芒果石花糕就係透明一條條嘅仲有d西米 充滿口感呀 又夠凍好似食緊麵

　　　我記得我很久以前和朋友在樂軒台的一家甜水店吃過宵夜，但我多次經過樂軒台，一直的找呀找的，卻找不著，可能是因為去的時候總是白天吧，我每次經過，都只能見到招牌，並且隔壁的店舖把東西堆到這家店的門前來，所以我以為這裏已關門大吉了。　　　直至昨天四點多，我才經過這裏，看到這裏開門，有兩位女士在裏面張羅著，我說想買芝麻糊，她們說正在弄，叫我晚點來，我才知道這裏一般是在黃昏才開門，一直至夜巿時間的。　　　今天恰好夜歸，於是便來這裏看看是否買得到，見到有開門，門外並有幾張方形摺桌，有些人在吃，另外店前則有人龍排著要買外賣。看來這家甜品店是挺受歡迎的。雖然只是小小的一個店，甜品的種類都蠻多的，不過集中的是傳統糖水。　　　我依照慣例是要熱芝麻糊，買兩碗，一碗給媽媽，一碗自己吃。我挽著一袋芝麻糊，很開心地跑回家和媽媽一起吃。　　　打開蓋子，便能嗅到濃烈的芝麻味，用匙攪拌，夠黏稠，足料，夠熱，還冒著煙的；看看顏色，確實是黑芝麻的色澤，吃下，夠甜夠濃，夠香。　　　我和媽媽都吃得津津有味，在柴灣真的很難找到像樣的芝麻糊，在這微冷的晚上我們都很飽足。　　　只是芝麻糊稍嫌太費，要１８元一碗。除了這點之外，其他

呢間野係老公帶我食嫁@@我食左咁多間腐竹湯水呢間真係唔同好多..整法我都唔知點為之正祟@@佢係碎哂既D腐竹...入面都好足料嫁..白果都有好多粒..甜度岩岩好..而且好濃味D@@仲有燒賣@@冇咩特別碗仔''遲''@@同出面差唔多..呢度結D好味D仲有煎9菜餃@@真係好欣賞@@煎得好香口...入面9菜唔會''UN''唔會有渣@@呢間食既甜品都係好傳統..不過見到佢地既服務都有D改善..因為之前食唔知佢太多生意定啦==個個樣都係眼啤啤咁= = ''

有一晚跑完步, 想食個宵夜, 男朋友話有間食糖水good, 咁就泥左試.我叫左碗哈蜜瓜西米露, 嘩, 正, 好多生果, 又切得大舊, 食完真係好飽!我仲外賣左碗紅豆沙比媽媽, 媽媽都話好好食!只可惜我唔係樣樣生果都食得, 如果唔係都會試晒佢地所有的生果西米露!

十一月下旬‧陰天其實我有自己做湯丸的，但如果自己懶，又想吃，就買外賣。要了這裡的，薑湯底很甜，沒有什麼薑味。湯丸皮非常「滑」，不是平日自己包那種帶韌性的口感。一是湯丸包了放了很久才下窩，一是湯丸是包裝貨。二者也不是我希望的，不過佢賣得平，只是十三元，就是真的。

打完邊爐一家人興致勃勃殺去食甜品, 柴灣地膽極力推介o既甜品店, 單憑坐街食就已經有種好煞食o既感覺, 但點知一路食就一路覺得唔對勁...1) 芒果石花膏 $21 石花膏究竟係乜? 細問之下先知原來係一d 麵粉做o既麵條, 一d 無味道o既麵條, 加咗芒果同芒果椰汁都係完全無味, 仲要芒果肉只得4粒, 而芒果汁食2啖都無晒, 我食咗2,3條都已經放棄咗... 收成 $21 完全唔值 , 叫杯芒果汁仲好過, 仲話獨家出面無得食, 就算有得食我都唔會再食囉 !2) 芒果豆腐花 $21 個豆腐花有朱古力味同青蘋果味揀, 梗係揀大路o既朱古力啦, 味道都ok, 似朱古力味冰冰, 但口感就似食緊豬紅, 有少少煙勒o既... 好奇怪, 真係唔敢想像青蘋果味會係點... 而芒果肉同汁都係無得再少, 溝埋朱古力豆腐花只可以用2個字形容 - "騎呢"一句講晒 --> 唔掂 !

幾年前無意中,經朋友介紹而認識此店,估唔到chaiwan都有間咁好味既糖水鋪.不過我只愛吃甜品'食過咁多間既楊枝甘露,,無諗過呢間竟然好味過出面有名既咩記咩記咩記囉'真係好好味''mango都係比較大粒d,有時仲係大塊少少的'佢加左碎冰塊,,同咪用即ja mango沙冰鋪在面,,西米露在底,,再加些少煉奶'嘩...好味到不得了'''另外推介既仲有芒果石花膏,同咪芒果小黑子'同樣係有芒果粒/塊''真係值得吃完再吃'p.s. 可能要睇芒果季節性而來吃會好點'因為有時芒果唔當做既話,,芒果就會比較酸.有少少的影響囉口感''丫..另外一提係,隔離鋪,仲有串燒食(有時),,八爪魚丸'''讚...

二月上旬‧晴夜麻麻，吃碗粥真不錯。這裡雖以甜品為名，但也兼賣碗仔翅及豬骨粥的，順理成章的坐下來。一落單，店員連隨問「要不要蔥？要不要胡椒粉？」，當然是什麼都要。粥不杰身，一吃就覺得是「師傅駕到」。內裡好像料很多，但吃來吃去也是豬骨，是一點肉也不附在上面的，有無搞錯？除了豬骨，還有淡菜，吃起上來還有少許沙的。吃著吃著，疊埋心水吃隔離店的沙爹好過。11蚊，不便宜，吃不過。

聖誕節玩到興高采烈又點少得糖水區內糖水鋪唔多…我比較愛呢間的甜品點解? 食甜品的同時仲可以食埋燒烤(唔同鋪做，但係可以一齊食)推介下先芒果石花涼粉…少少碎的椰汁冰，同埋少少芒果汁，加上一條條似麵的涼粉和石化膏，簡直一流，你可以同時用叉食到兩種顏色、質感同味道的東西。加上芒果…絕配。最好有燒雞中翼跟一些烤物，好特別的感覺…隔離檔的烤物真係好出色…唔燶，汁香…價錢仲好合理…一食難忘。攪到我悶悶地的時候就會去約埋d 朋友落去食。但係聖誕一班人食仲開心。

離職在即，所以想回顧一下柴灣去過的食肆，無論好食難食，相信都應該沒有機會再到，除非咁好彩，下份工又是在柴灣(唔好！？)。 店第一次去，冇得堂食，試糖水我一定會食芝麻糊。哈哈！一食便知是粉，而且無聞無味，芝麻味？冇！甜味？冇！總之係「淡」，勁失望！不過，見佢都幾多人幫襯，惟有怨自己食古不化，係都要食芝麻糊。