旺記糖水 (已結業)

在港島打混多年，想起要食宵夜，都不外乎連鎖食肆，甚至酒吧。又貴又無新意又悶。今日即興遊下車河，去左柴灣，見到好多小食店開哂，哇！今次有食神了！夏天熱辣辣整返碗凍綠豆沙！煲得好香，有臭草味，多豆，夠凍！仲要只是賣22元大大碗。喺旺區乜都食唔到。仲有香芋紫米露（24元），加五元小丸子！真係無諗過咁多紫米同小丸子同芋頭，勁飽勁足料！好感動呀！抗通脹呀！燒賣賣5元都係抗通脹價！好滿足嘅宵夜！讚！😁😁溫馨提示：堂食記得坐低左先落單！否則你俾人溫馨提示！掛住食，食食下先記得影相。。。