旺記冰室 (九龍中心大廈)

营业中

休息中

今日朝早開會開到中午見一班同事咁齊人就一齊食午餐一行5個人 原先都預左要分枱坐但諗唔到侍應喺張六人枱中間擺塊板咁就大家開開心心坐埋一齊咁多人 我就唔逐一介紹大家食乜了我自己就叫左個午5 蕃茄湯午餐肉粒通粉 配牛油多士 加牛奶滑蛋 配熱咖啡蕃茄湯好濃 咸度適中 好正唯獨是少左少少 多d湯就更正午餐肉粒大大粒 唔同果d罐頭餐肉呢隻午餐肉有種煙燻味 同埋d肉實實地 唔易散牛油麥皮多士d牛油味都好香同塊多士好夾 冇諗過麥皮包都可以咁好食然後個牛奶炒滑蛋 可能我係食完所有野最後先食蛋 所以都攤凍左咖啡就有d失望 聞落去係有咖啡味但係飲落去就好水好淡

今日去附近看醫生，見附近有呢問餐廳，故此重遊舊地。記得小時候，有親戚在觀塘秀茂坪，一定會去佢樓下呢間飲茶，之後秀茂坪清拆，已經找不到旺記。去到10幾年前，知道旺記去了紅磡純潔街，去了一次，但店舖很少，有點淺水浸蛟龍的感覺。近幾年，知道旺記越做越好，所以特登來食一次。估計，旺記已經交給第二代，所以沒有以前的影子，而且有點做遊客的感覺。炒蛋是好食，好滑，有蛋味。沙嗲牛肉麵就正正常常，好食過佢很多。但價錢不知是否尖沙咀關係，價錢好進取，$42，涷飲再如$3。雖然炒蛋好好食，但只可以間中來一次。

今晚同同事留低公司OT見肚餓 又多野未做完就去旺記買外賣 邊食邊做之前都喺旺記食過午飯上餐快 食物有水準晚餐有差唔多成10款選擇我同同事就揀左滑蛋牛肉飯同黑椒茄汁飯 配可樂等左大約10分鐘就拎得返到公司 打開份外賣 發覺都幾靚仔 冇話因為外賣就求求其其講真 滑蛋牛肉飯嘅味道真係差少少雖然話份量足料 但就冇乜味色水足 但食落去就淡茂茂同事叫嘅黑椒茄汁雞扒飯就好好多醬料足 雞扒大大塊 嫩口又惹味兩個人食埋單100蚊鬆d晚市黎講 十分抵食但建議都係堂食好d

最愛奶油豬旺記奶油豬，食咗好多次，每一次都夠脆！而家d 醬好大方！查到漏！！如果鍾意奶油豬必須試下HEA 飯出奇好味滑蛋蝦仁飯，甜豉油非常好送飯蝦仁大粒爽口無雪味平時好少食HEA 飯都有d 上癮最後一提，凍檸茶份量都好充足，唔會飲兩啖無哂！！

今日會去旺記冰室係因為朋友推介佢話呢間店嘅叉燒幾好味朋友帶路下 好快就到12:50咁岩唔洗等就有枱個餐牌好簡單 就早餐、午餐、下午茶三頁我同朋友都叫左叉燒滑蛋飯1分鐘都冇就上菜 真係即叫即上之後又唔洗1分鐘 又上野飲主食方面 我朋友碟飯嘅叉燒汁多好多我嘅就比較少 但都唔影響味道叉燒甜度適中 d蛋撈埋叉汁都好入味好快就食晒成碟飯講要挑剔嘅位係店內嘅冷氣都比較大我朋友覺得凍我同朋友都叫熱飲碟飯食完 杯野飲都凍埋睇完食評想去嘅人 記得帶多件衫

醬油滑蛋叉燒飯係數間茶餐廳都可以見到，今次我地率先試邊間呢？唔錯！就係尖沙咀嘅「旺記」啦～🔥 旺記冰室係香港有四間分店，平日都係打工仔嘅開飯之選🍴——————🤍自家製叉燒 日本滑蛋飯 $55 （凍飲+$2）好開心成隻碟係浸滿醬油，撈埋飯食真係一流，唔洗驚啲飯無汁啦🤪 叉燒同滑蛋鋪滿晒成碟飯，好足料啊✨ 蛋炒得好滑，唔會諧或者老，份量亦夠🤩 叉燒介乎於半肥瘦，當然小編會覺得肥美啲會再好食啲啦🥴

星期五lunch hour 接近1:00pm到,入面座位都差唔多滿晒，以前食開灣仔嗰間，今次嚟到尖沙咀試吓呢間隱蔽位置既旺記冰室。提一提大家，有紙仔可以寫，唔一定要scan code.我叫咗我平時最愛嘅午餐肉蕃茄湯通粉，有多士滑蛋。友人則叫了招牌叉燒滑蛋飯. 一杯奶茶一杯咖啡:午餐肉厚切大大粒，四面有煎香，番茄湯底正常，但總覺得總覺得灣仔嗰間既湯底好食d, 滑蛋正常, 多士有點兒過燶，偏硬左。叉燒滑蛋飯我冇試到但友人覺得都OK，我下次試一試先！

🍛自家製叉燒 日本滑蛋飯 $55✨呢個叉燒滑蛋飯係招牌黎，次次黎都必點💕💕首先賣相望落已經好吸引😍😍叉燒同滑蛋鋪滿成個飯，感覺好足料～～d蛋炒得好滑，熟度啱啱好😋😋叉燒肥瘦適中，食落唔會太”鞋”，同埋份量都好多～～最鐘意係佢地既秘製豉油，撈飯食真係好夾好好味🤤🤤

今日行開附近，之前聽朋友講過話呢間嘅滑蛋飯好好食，咁我哋就有一個為食之人，咁當然真係要試吓佢係咪咁好好食啦。佢哋嘅時間尚算早。入面唔算太多人。於是我哋叫咗滑蛋蝦仁飯同滑蛋叉燒飯。等咗5分鐘左右就有嘢食啦。首先要講佢個蛋係真係非常之滑口。而且蛋味濃郁，鍾意食蛋嘅朋友一定會鍾意呢間餐廳。另外啲蝦都相當之多，叉燒肉唔肥唔瘦。我自己就鍾意滑蛋蝦仁飯多啲。另外一提嘅係。佢啲奶茶好好飲。我覺得各位朋友可以一試。

今次係第二次嚟食喱個义燒滑蛋飯，其實係為佢哋嘅滑蛋同豉油而嚟😋喱個飯係成碟可以食晒嘅，下次會試下佢嘅雙拼蝦仁，見到隔離枱叫，蝦好大隻😍中午嚟講喱碟飯嘅價錢合理

記得年幾前旺記嘅叉燒滑蛋飯非常出名個個都post相 分享😳過咗熱潮之後已經冇咁多人但有時都要排隊等位.我本身諗住買外賣番屋企食但諗諗下 凍咗又唔好食就排咗一陣隊等堂食.叉燒滑蛋飯 $55⬇️滑蛋飯主要有3個選擇配叉燒or蝦仁or 叉燒蝦仁我唔鍾意食蝦仁 毫不猶豫就揀咗叉燒🤩賣相好吸引呀🤩好似蛋包飯咁 叉燒同蛋蓋咗係成個飯面🍚炒蛋真係好滑 一啲都唔鞋！叉燒我覺得普通 冇咩特別佢個甜豉油好味！撈埋成個飯食 味道一流👍🏻幫個飯加咗好多分🤣飯量我覺得女仔岩岩好 男仔可能會唔夠飽⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

奶茶濃滑可口 係香港算係中上水平 唔會又淡又稀👍🏻Really good!👍🏻 Better than average! You could feel the smoothness of evaporated milk and the bitter of the tea🤤但係嗰三文治就平平無奇 將一堆平平無奇嘅材料加埋一齊 賣相又好似幾吸引 以為佢可以化腐朽為神奇啦 點知...😔又見佢賣嘅菜式同中環xx茶檔招牌菜相類近 以為都有返咁上下 點知...🥴只可以話食落感覺到有菜有肉有蛋有花生醬👉🏻👈🏻但係完全冇1+1+1+1>4嘅感覺😕 感覺有少少胡亂韜光嘅感覺🤔The sandwiches is below average🥴 They are selling the signature dish of a famous "daipaidong" in Central, I thought it would be good that they are confident to compare themselves with the famous ones🤔 But it tastes

🍳旺記冰室🍳Lunch Hour 朋友帶左我去食尖沙咀嘅旺記冰室🥢，lunch hour 黎講唔算多人排隊😆我地都叫左日本滑蛋蝦仁叉燒飯🍤，蛋炒得好滑🍳，鋪滿左成個飯，好似蛋包飯咁，蛋上面就放左大大隻嘅蝦仁同埋叉燒，蝦仁好爽口但有小小鹹，而叉燒就正常發揮，淋埋甜豉油非常餸飯同美觀😋野飲就叫左杯凍奶茶🥛，奶茶一開頭飲奶味都好夠，但飲到後面就有小小澀🤧，下次應該會叫其他野飲飯嘅份量我覺得對女仔黎講都幾足夠，男仔就可能有小小唔夠飽，整體上lunch hour黎食非常適合同高汁🤠

🇮🇩印尼撈麵 — 香港人係7️⃣1️⃣1️⃣食唔少啦,估唔到今次係尖沙咀一間茶餐廳食tea時都食到!😋大滿足啖啖肉🐖豬扒🐖印尼雙撈麵 $54聽個名就知呢個菜式夠曬份量啦💯💯豬扒大大塊,啖啖肉🥓🥓~配埋炒滑蛋🍳同印尼撈麵🍝,蛋夠滑,麵夠爽口又足味🈵同平時係7仔食到既黏稠感有好大分別❗️食完個茶餐簡直飽到dinner 都食❌到呀！岩曬大胃王👑既你哋👸🏻🤴🏻啊～

亚士厘道的旺角冰室位于裕鹅庄的旁边，中午饭时间的套餐不贵，50多元就可以解决了。店外还标明所用的都是日本鸡蛋，有点吸引力。午饭套餐选择不算多，全面都是有炒滑蛋，配搭饭和通粉，价钱在尖沙咀来说是不贵的。加了5元把多士换成奶油猪，面包烘完后外皮有点脆，再加上炼奶和牛油，比一般奶油多好吃。炒滑蛋的很滑，而且蛋香浓，与面包配搭很不错。猪润通粉加了薑丝，把腥味去掉。通粉不是煮很过久，还保持着韧性。但猪润煮得有点过久，有少许嚡口。午餐的水平不错，价格适中，可以一试。