旺記冰室 (九龍中心大廈)

营业中

休息中

因為約左朋友響尖沙咀拎D野，就順便放左半日假。見仲有時間，就打算去附近搵間食店，歇一歇，吃一吃。行勻成條阿士厘道，最後決定左揀旺記冰室。平日既下午茶時段，旺記都唔算少人，差唔多張張台都有食客。一個人揀左個靜靜的角落，就叫左個下午茶餐。佢既下午茶餐款式都唔少，有湯粉有三文治亦都有炸物。揀左個特濃蕃茄湯配午餐肉粒同多士。佢既蕃茄湯係絕對唔吝嗇茄膏，濃味又好味，如果一般坊間的蕃茄湯粉已經滿足唔倒你，你就絕對要試一試旺記。佢既午餐肉粒炸得香脆可口，蛋亦炒得幼滑，以茶餐廳黎講，水準係十分高。

⭐️旺記冰室⭐️📍:灣仔、尖沙咀、鰂魚涌都有分店 ⏰:7:30am-10:00pm💰:人均$50-$100⭕️: 現金， 八達通，Alipay👉🏻自家製叉燒日本滑蛋飯💰55(配秘製旺記甜豉油)🌜滑蛋夠滑 睇落好足料 叉燒肥瘦適中 配埋甜豉油撈飯食好好味🥺 👧🏻🍼自己食得晒一碟😂🌟👧🏻🍼係睇咗一個YouTube channel 做嗰個大胃王挑戰 覺得好吸引之後去食😚佢講到好好好好好好食 咁我就即管去試吓😂🙌🏻⭐️真係純粹睇咗佢YouTube先至去食架⭐️🌟總括而言，佢嘅叉燒滑蛋飯都比外面既好味😋好滿足 👧🏻🍼平時出街好少食呢啲睇落好頹既餐廳😂 不過真係可以值得一試 再試咗幾次😚🙌🏻 CP值都幾高！！

今日晏左食午餐，去左呢間旺記食晏，佢地有下午茶，叫左個鮮牛肉蛋三文治，再加紅豆冰，三文治個蛋好厚，入面仲有生菜，塊麵包係麥包，包仲搽左花生醬，開頭仲諗住唔夾，點知又唔錯喎，紅豆冰好有誠意，紅豆大粒，仲有椰汁，好好味，唔會稀流流。

成日聽同事話旺記冰室暗然銷魂飯好好味😋今次就去朝聖。因為落雨天☔️午飯時間吾多人並沒有人龍，直入店內。店內茶記裝修，鋪面面積不大， 容納大約三十人左右，設有卡位雅座，以香港🇭🇰茶記特色畫作裝飾，環境乾淨，燈光明亮。滑蛋叉燒飯（HKD 55):蛋係夠滑但唔夠蛋香，而且沒有奶香味，正常會加牛奶🥛去炒至滑身，吾太夠味。 甜豉油圍左一圈飯既外圍，水浸飯咁，甜豉油又吾夠甜，叉燒仲要係柒色叉燒，吾係傳統蜜汁叉燒，仲帶肥膏，咬落焾身，有點失望🙍，整體一般。總結：速食暗然銷魂飯 整體一般價錢略貴

先唔講位逼坐得唔舒服我碟野都未食完就急住要收咁野飲都未飲完就係到不停望住d客幾時食完咁一路食野d待應係面前一直望住食食得好唔舒服 好似限時食咁坐左十分鐘都冇 食完即刻比錢走咁趕住客走 唔左住做生意啦

被門口的什扒飯相吸引，但入到去先知道晚餐才有什扒飯。點了下午茶餐，南乳炸雞脾薯角，加錢叫了椰汁紅豆冰。紅豆冰超甜，飲了一口已經飲不下，椰汁加cream 加極甜紅豆，頂不順了。炸脾來了。炸脾和薯角都剛炸起，問題是沒有吸油紙，上碟前無停油，整碟都十分油。試一口，雞脾咸，薯角也咸，油腻極了，相信炸物用的油用得耐了都吸了不少鹽。還。有沙律，已經不想食了。食不下，飲下不，相也不想影，俾錢走了。搵食真難，餓住個肚出去，再去快餐店醫個肚。

由於係尖沙咀附近上班，所以晚飯選擇好多，但平均每星期都總會有一晚去旺記食晚飯，地方唔大但好光猛而且衛生做得好好👍店舖餐牌選擇得幾款但每一款都係用心去製作就好似雜扒飯有幫你起骨的豬扒，有脆皮的雞扒還有香草腸，配黑椒蕃茄汁😋勁開胃好正。

lunch係尖沙咀食到唔知想食咩,近近地去附近旺記攪掂佢. 都有一排冇食，記得當年係灣仔食要排隊排好耐,好彩多左分店宜家好好多，等左5mins到就入到場食. 食返最basic既滑蛋叉燒飯，依然都係咁滑同夠味, 冇失望既.不過下次可以俾少d豉油,水浸d飯啦

Char Siu(Roast BBQ pork)EggsSweet soy sauceShrimpRiceAll are affordable and local food for HK people, so what makes it so special about Mon Kee is that they combine the ingredients perfectlyJapanese eggs that are full of egg’s taste. The soy sauce complimented the egg outer perfectly. Making it smooth like butter, will depths of sweetness/saltiness. The cha siu is tender (but not crispy, which is understandable). The shrimp is also not bad but is outmatched by the egg/ char siu.For this price, w

十二點半左右嚟到已經要排隊，好彩翻枱都快，等左5分鐘左右就入得去。當然要食招牌滑蛋叉燒飯。滑蛋唔算好香奶味，但係應該用左好多隻蛋，所以都好香蛋味。叉燒都好多塊，同埋唔會太肥（本身鍾意瘦叉燒）。飯嘅份量唔算好多，女士都輕鬆食得哂。鮮忌廉雞湯飽魚火腿絲通粉雞湯飲落去都真係有陣用雞煲出嚟嘅鮮味。

可能失落於自由行的光景，但並未影響真正嘅實力！早年去到亞士厘道，一間茶餐廳經常排長龍，好奇有什麼大來頭，原來很多自由行的旅客抓住點評及旅遊雜誌一同前往。自問沒有此等耐性，並未有機會光顧。今日剛好在附近覓食，也許是平日，也許過了上班前的早市，也許經濟低迷⋯⋯剛巧可以輕鬆入座！😬我叫了一份旺記烘麥包三文治四重奏（鮮免治牛肉x雞蛋x花生醬x生菜)跟茶走 $34。首先來了個茶走，係一般好的茶餐廳水準，不是太香濃的茶味，但勝在沒有過份反覆加熱下的茶澀味。而個三文治，我本以為係圓形麥包，原來係全麥方包，烘得好好，新鮮，我最怕係食到啲好硬，又唔新鮮嘅面包！份量都好足，對我來講，過份足！雖然是標榜用日本蛋，都係質量的保證，但此蛋味不是咁出。估唔到個免治生菜蛋三文治用花生醬係咁夾，薄薄咁，帶少少甜，加埋花生的香味，仲有新鮮的生菜絲，真係滿意！😋咁大份，女生同男生嚟，要張開個大口食添！😅牆壁上有好多日藉插畫家 mangonaoho 的作品，可愛的小貓人生活在熟識的香港街道景物上，很是可愛呢！👍🏻

經過尖沙咀食晏，呢間冰室唔錯。1:45pm去好快有位。滑蛋叉燒飯：滑蛋夠滑，叉燒肥瘦適中，配埋甜豉油幾好味。即磨咖啡味道夠濃。唯一不足之處係OL份量，多數人應該食唔飽。

平時見尖沙咀旺記午飯時段大排長龍都費事等，見今日冇乜人排就試吓佢個日本叉燒滑蛋飯，果然名不虛傳的確係旺記嘅招牌菜初次試呢個滑蛋飯，賣相相當吸引滑蛋既份量完全蓋過個飯滑蛋炒得好滑，仲有陣牛油香味配埋甜豉油，撈飯食簡直係絕配同埋佢個叉燒唔肥膩，肥瘦適中，相當入味最後埋單都係$55

旺記食物快靚正就眾所周知所以今日諗唔到食乜 就黎旺記起碼包好食先黎過幾次 循例影番張menu話說有一個同事 樓下就有間旺記成日去食 佢就推介午4畀我所以我今次就食鮮薑汁豬膶鮮雞湯通粉跟餐配鮮牛油麥包多士 同埋4.3牛奶炒日本滑蛋個通粉認真唔錯雖然唔係好食到薑汁味 但其他都非常入味件件豬膶都大大塊 配埋個雞湯一齊食然後件牛油多士都好D牛油又足味又滑個滑蛋就正常發揮 配埋通粉一齊食都幾唔錯最後杯檸茶冇乜特別 一般茶記水準埋單48蚊 認真抵食不過我又未覺得係必食推介比較番嘅話 我會覺得係上次食嘅午5好食d

呢條街食肆林立間間各有特色而街頭呢間冰室最出名就係佢嘅滑蛋飯所以入到黎食野 menu都唔洗睇可以直接落單滑蛋飯有得揀叉燒滑蛋 鮮蝦滑蛋 或者mix有時晏得濟會冇曬叉燒今日午餐時間黎 兩樣都有蝦好大隻 唔係透明啤水冇味嗰種 都ok正常佢嘅滑蛋真係幾滑加埋甜豉油三扒兩潑勁快就食完趕時間之選好味又飽肚