旺記冰室 (九龍中心大廈)

营业中

休息中

今日行開附近，之前聽朋友講過話呢間嘅滑蛋飯好好食，咁我哋就有一個為食之人，咁當然真係要試吓佢係咪咁好好食啦。佢哋嘅時間尚算早。入面唔算太多人。於是我哋叫咗滑蛋蝦仁飯同滑蛋叉燒飯。等咗5分鐘左右就有嘢食啦。首先要講佢個蛋係真係非常之滑口。而且蛋味濃郁，鍾意食蛋嘅朋友一定會鍾意呢間餐廳。另外啲蝦都相當之多，叉燒肉唔肥唔瘦。我自己就鍾意滑蛋蝦仁飯多啲。另外一提嘅係。佢啲奶茶好好飲。我覺得各位朋友可以一試。