旺記冰室 (九龍中心大廈)

营业中

休息中

今晚去尖沙咀睇燈飾，所以食飽飽至啟程，去亞士厘道搵食，見到以前排曬大隊旺記無人，梗系入去試下。旺記烘麥包四重奏（$34）5分（鹹牛肉x雞蛋x花生醬x 生菜）- 絕對系非常特別，因為 - 4拼真系未見過 - 涵料夠厚 - 至定系麥包 - 加埋味道吾錯，尤其是蛋滑菜多。 -牛肉同花生醬吾夠，所以食吾到味。 日本滑蛋叉燒蝦仁飯（$59）2分- 其實本來下午茶吾應該食飯，但平時食飯時間行過，基本系非常長龍，加埋D食評話最多坐30分鐘，所以都試埋，可惜系非常失望。 話自家製叉燒，好老實真系差，無肉味，太薄切無口感，無燒“窿”邊。愛爾蘭咖啡（餐+$4）-加4蚊都抵，有小小whisky 味，咖啡亦幾香濃。

今日同事帶我去食蛋包飯，冰室舖面不大，所以要在門口等位，並且要齊人才可以內進。目測等位的人也不少。冰室設有最低消費$16，而且用餐時限衹有30分鐘，包埋點餐時間同等餐時間，以我食飯慢的人來說真的有點壓力壓迫感有點似O牛。如自問食飯慢的你真的要考慮一下是否幫襯。不過出餐速度也算快。我們目的是食蛋包飯，當然要點啦日本滑蛋叉燒蝦仁雙拼飯$59 - 蛋好香滑，叉燒肥瘦均勻，一點也不鞋口，蝦仁比想像中大隻爽口豉油同蛋一齊撈飯好好食午市套餐包熱飲，凍飲+$2，免加一!在這區來說算是平價之選!不過略嫌食得太急有壓力

旺記嘅麥包烘三文治真係百吃不厭，難得早左出尖沙咀，即刻去外賣個早餐。雖然選擇唔多，但樣樣吸引。外賣會有膠盒裝住，非常企理，不過烘過嘅多士放喺盒裡面，焗左一陣始終會變淋，最好真係堂食。叫左C1〰️裡面有咸牛、生菜、雞蛋同花生醬🥜花生醬真係神來之筆，好難想像所以食材可以夾到咁，雞蛋嘅蛋汁流出黎，加埋生菜嘅爽脆增加口感，每日食都得呀🥰另外配左杯絲襪奶茶，就覺得普通，茶味唔夠，奶味偏重。下次想試埋lunch呀🤤

中午十二時多已經坐滿人，而食物的質素依然保持不變。滑蛋叉燒飯真的是這店必吃的食物。而這個叉燒蛋飯的質量以這個價錢仲包餐飲的確在尖沙咀找不到別家了。而醬汁更是美味的配搭，要KO 成碟飯真係易如反掌。

I have breakfast with my family and this local HK cafe is recommending by my sister. I ordered luncheon meat with noddle, scramble egg, toasted bread without butter on (healthy?) and a cup of coffee. The luncheon meat was nicely done with crispy texture but the tomato soup was a bit too heavy. To sum up, it’s good to give a try since the chef has put in heart for the dishes.

中午時間好多人排隊嘅一間冰室☕️最出名就係滑蛋叉燒飯🍚食得出佢哋嘅蛋係用咗日本蛋🇯🇵🥚 而且叉燒都半肥瘦啱啱好 🐖加埋佢哋嘅秘製豉油 🥢唔會話太鹹少少甜啱曬撈飯佢哋杯奶茶好好飲 茶底好滑

餐廳要落幾級樓梯，如果落雨會唔會水浸🤔？四個人坐卡位，檯好長，可以坐六個人。餐廳唔大，大概有八成客。午餐選擇好似有七款，48蚊起跳，七號餐係午餐肉煎蛋飯，即其實食材嚟嚟去去都係嗰幾樣，蛋，叉燒同午餐肉……所以選擇唔多，雞扒，豬扒無，如果食素嘅更加唔啱，我覺得自己好似去咗澳牛😏😏😏叫咗個义燒蛋飯，其實蛋幾滑，义燒都半肥瘦，面仲有啲蔥花，加埋凍飲57蚊嚟講尖沙咀區算經濟，不過星期六午市無乜人都趕我地走就有啲無奈。😑

旺記冰室我就成日都幫襯開而每次我都會嗌滑蛋叉燒飯～♡成日都想試下其他野食，但我真係捨棄唔到我嘅心頭愛🥲#自家製叉燒日本滑蛋飯 $55蛋同叉燒都大大份⚗︎·̫⚗︎滑蛋正常發揮，真係滑嘅😂叉燒好入味，肥瘦適中(我唔中意肥的)，仲唔會鞋颯颯✧另外叉燒汁好多啊 ♡加埋餐廳秘製嘅甜豉油真·兩三下就食晒碗飯٩˙▿˙۶

係social media見到好多茶記都有出名嘅滑蛋叉燒 或者黯然銷魂飯 咁啱係尖沙咀就加入左旺記冰室嘅人龍～問左姐姐使唔使攞飛 但係原來係要親自排隊 所以出面先咁多上班族🤣入到去都見到用膳時間淨係得半個鐘 keep住高效率🥵lunch set得7個餐可以選擇 其中有三個都係滑蛋飯 其他都係常餐 果然keep住冰室特色！🥘日本滑蛋 叉燒 蝦仁雙拼飯💰59一眼就望到好似張被咁嘅滑蛋😻上面分別有蝦仁同埋叉燒 成個飯都浸住甜豉油 用來撈飯一流！滑蛋真係好滑 唔會有半分煎過左 食落口有牛奶味！叉燒就偏肥同薄 蝦仁幾新鮮 size都幾大！整體份量蛋就好足 由於雙拼關係所以蝦仁叉燒剛好 飯量個人食得唔多淨左1/3 可能大食D嘅男士就未必夠🤣整體來講呢到節奏好快 由嗌餐 送餐到食完都好快 所以排隊都好快就有得入！特別推薦呢到嘅滑蛋！真係值得一試📌 旺記冰室 (九龍中心大廈) (尖沙咀)尖沙咀亞士厘道29-39號九龍中心大廈地舖

好味指數：🌟🌟🌟🌟抵食指數：🤑🤑🤑喺尖沙咀鬧市想簡簡單單食一餐都唔係咁容易。之前喺海港城行完街，沿住海防道轉入亞士厘道，就發現另一番景色，有一堆家常餐廳🤩入邊我最鍾意就係旺記，係我印象佢係第一間主打滑蛋飯嘅茶餐廳，亦都係我覺得最好食嘅🤤✅叉燒滑蛋飯滿滿嘅滑蛋舖住成個飯，炒蛋濕潤有光澤，加埋牛奶炒真係有日式嗰種滑；叉燒半肥瘦，肉質有咬口又唔韌，淋上自家製嘅甜豉油香味十足，一啖一啖好快就食晒

黃店選擇之一，旺記冰室。晚餐選擇唔多、幾款雜排飯/滑蛋飯。我叫左個滑蛋蝦仁飯，價錢合理，$58。凍飲加兩蚊，點知原來叫可樂唔洗加錢。下次再去食，一定會叫番可樂。

長期排長龍嘅旺記冰室🥄🧂我竟然有幸喺食飯時間唔使排隊入到去食🤣！so lucky〰️💕自家製叉燒 日本滑蛋飯 $55前一陣子勁想食滑蛋飯 但食開嗰間又好遠 離島區 搞到一直心掛掛 同事介紹咗食呢間 見到有滑蛋飯我即刻心心眼😍味道方面 旺記自家製叉燒之如 甜豉油都係旺記秘製 非常有心💗滑蛋分量多〰️幾乎滑蛋同飯嘅比例係1:1🤩而且滑蛋仲加上牛奶🥛堅係好滑！叉燒偏瘦 咁就無咁肥膩 我自己都鍾意瘦叉燒多啲🤪整體來講中上水準🔝趁而家冇咁多旅客 大家經過真係可以試吓😗！

買咗飛睇早場 但係仲有九個字時間 快快手去附近搵間茶餐廳食個早餐先一坐低就即刻點過早餐B 好快手 唔駛五分鐘就已經有得食啦最鍾意呢度就係佢嘅麵包係厚切麥包黎通常其他地方都係頹頹嘅方包個炒蛋都香滑 唔錯 鮮忌廉雞湯鮑魚火腿絲通粉 佢個湯真係同平時差餐廳嘅唔一樣 唔係得個名 係真材實料 香濃好多 啲通粉仲係好彈牙 唔會好似出邊個啲咁浸咗好耐已經煮到淋曬爛哂佢杯凍咖啡溝左鮮忌廉 幼滑好多雖然計起上嚟佢比普通茶餐廳係貴幾蚊但係佢嘅質素真係唔一樣

每次最想食大大啖豬扒印尼撈麵 分量極足 撈麵汁酸辣開胃 豬扒外脆而肉嫩 可惜只有下午茶或者甸拿先有的食超正 有咸檸七亦有紅豆冰 鮮蝦🦐清甜惹味叉燒配埋豉油撈飯係舌尖上的享受啊上餐極快 落單5分鐘內已經可以上餐 除咗用餐時間僅限30分鐘外 其他都算OK

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️話說俾人捉咗去食旺記下午茶，佢話好好食喎🧐 不過好彩，可能係冇乜期望底下我又覺得OK喎：️⭕️ 旺記烘麥包三文治四重奏 - 午餐肉+雞蛋+花生醬+生菜。一開始我都極度懷疑呢一個配搭，上枱就覺得足料，食落出奇地所有嘢有幾夾喎🙌🏻有驚喜！⭕️ 特濃蕃茄湯午餐肉粒通粉 - 湯底夠甜，唔會話太稀淡味，通粉唔會煮到過熟，午餐肉係炸過嘅，大大粒夠邪惡😍