旺記冰室 (九龍中心大廈)

营业中

休息中

September 2022本身好鍾意食蕃茄湯底嘅我，每次去尖沙咀都必食呢間茶餐廳，呢度嘅餐肉蕃茄湯係我嘅首選，午餐肉切到一粒粒咁又香脆又好食，再加埋濃郁嘅蕃茄湯底 ，真係好好食，另外炒蛋真係好滑，奶茶又好飲。值得推薦

如果係尖沙咀食飯，又唔想係各大商場等位，我自己就鐘意行過去亞士厘道，呢度真係好多餐廳選擇，旺記冰室就係其中一間人氣之選！｛早B鮮忌廉雞湯鮑魚火腿絲通粉 $39｝早餐配鮮牛油多士同4.3牛奶炒日本滑蛋，平時超鐘意旺記嘅麥包，不過今次因為來貨問題只有白麵包供應，麵包烘得幾香，滑蛋就保持一貫水準。通粉推薦轉做公仔麵或者銀絲米粉，超掛湯，保證食過一定愛上呢個配搭！飲品推薦忌廉即磨咖啡，因為用咗鮮忌廉，口感更香同順滑，夠曬邪惡！Ü

旺記既lunch我食過，但早餐就未試過，今日過開黎尖沙咀就試試先～Ⓐ 特濃蕃茄湯 午餐肉粒 通粉配鮮牛油麥包多士 + 4.3牛奶炒日本雞蛋 ($46)蕃茄湯真心足料真係超濃郁，望落好似好稠杰，但攪拌下其實並非如此，好香蕃茄味，食落唔酸反而係甜甜地，調味調得剛好。午餐肉粒係大大粒cube，切好先拎去煎，六面都有煎過，食落好香口。通粉係我中意食個款，偏軟淋身。Ⓓ 招牌鮮沙嗲牛肉 雞湯 公仔麵配鮮牛油麥包多士 + 4.3牛奶炒日本雞蛋 ($42)牛肉係新鮮既，牛味濃，肉質嫩滑，食落鬆軟，用沙嗲醬煮係完美配搭，好入味。呢個沙嗲牛麵係高質既👍🏼牛油麥包多士都烤得幾好，多士邊夠脆，麵包有牛油香。4.3牛奶炒蛋份量唔少架，食落好滑，有蛋汁有蛋香，仲要用日本雞蛋，的確唔錯😋跟餐飲品我地叫左熱華田，味道偏淡，可能落少左粉吧。餐廳環境都ok既，乾淨度可以，座位就少少窄不過係茶記特色黎既🫢.味道 ★ ★ ★ ★ ☆環境 ★ ★ ★ ☆ ☆服務 ★ ★ ★ ☆ ☆性價比★ ★ ★ ★ ☆

返工時屋企人推介就去咗位於銅鑼灣嘅餐廳食嘢，睇到FB都有好多人介紹呢一度性價比好高，所以就走咗去享受下！🥰沙嗲牛肉麵我很喜歡這個，沙嗲湯好香，好juicy，口感好好，絕對要嗌呢一個😋

女朋友極力推薦既一間餐廳由於佢對食物都有要求 聽到佢極力推薦自家製叉燒日本滑蛋飯咁就真係應該值得一試我地叫左1.自家製叉燒日本滑蛋飯2.芝士洋蔥豬扒仔包配薯角首先講講個自家製叉燒日本滑蛋飯一黎到既時候個賣相真係好靚好吸引即刻食慾大增 食第一口既時候 發現叉燒同以往食過既都好唔同真係好食 加上有佢地自家製豉油 配搭之後真係食到停唔到口而且食得出雞蛋係用日本(本身我係一個雞蛋狂熱份子,所以分得出係唔係日本蛋)然後再試埋個芝士洋蔥豬扒仔包配薯角塊豬扒鬆軟適中 又唔會太乾太硬另外就算攤凍左都依然咁好食題外話:本身係想試旺記既鮮薑汁豬潤米 可惜已經賣哂 食唔到希望下一次可以試到啦總括而言:極力推薦呢間食店 如果我係附近做野 呢間肯定係我既開飯熱點

下午茶時段嚟到旺記叫咗個茶B忌廉雞湯鮑魚火腿絲公仔麵雖然唔係一丁 但麵質口感彈牙 👍🏻👍🏻👍🏻個人覺得湯底可以再濃啲麥包多士脆口👍🏻👍🏻凍檸茶茶底好 但細杯😢

疫情5月重開部份場所，所以有機會陪下屋企人去戲院睇戲，買定戲票仲有個幾鐘，想起 附近就有呢間冰室，夠時間食個下午茶先入場。原先想叫個滑蛋🥚义燒飯，但自己又想食薯皇，所以分別叫了茶A,茶B同s3hare豬排包配薯皇。先嚟忌廉雞湯火腿通同蕃茄🍅餐肉粒通。兩個湯底都好濃郁好味，蕃茄蓉full湯底添，襯上厚切粒都幾滿足。後上個豬排包薯皇，沙律伴碟；外觀上都有份量，饀料有煎香洋蔥加芝士拼上厚切豬排，都足料，如果醬汁上再多番啲應該更好味😋！不過整體環境乾淨，牆上有好多得意嘅🖼畫作，放慢腳步平日同屋企人輕鬆坐下都感覺幾好。六日就難講喇，想靜靜食下嘢呢個位置平日都幾寧靜，可以同朋友嚟下呢到的。 以尖沙咀價錢嚟講都算平均的

因為番工養成左食早餐嘅習慣😌😌😌而我最愛早餐就係佢，沒有其他👍🏻👍🏻👍🏻👍🏻👍🏻但因為佢唔喺我公司附近，係老公公司樓下所以我都係有老公陪我一齊嘅時候就會過去食不過都有一兩次因為太想食老公又唔得閒太多嘢做我都有試過去獨食😹😹😹😹🙈🙈🙈🙈😋😋😋😋😋佢個餐肉蕃茄湯通粉簡直冇得頂我每一次嚟都係食佢再加一個勁多料嘅奶油豬加多一杯茶走我果一日就會覺得世界很美好🤣🤣🤣🤣🤣🤣

~自家製叉燒日本滑蛋飯($55)🍚通常唔知食咩又驚伏就會叫翻餐廳嘅招牌或者推薦😂。因為本身唔鍾意食肥墨肉所以叫咗瘦叉😜，雖然係瘦叉但係食落去一啲都唔會太乾身同硬👍🏻。叉燒同啲蛋係覆蓋晒喺個飯上面嘅😌，感覺有少少似蛋包飯🤔。最欣賞嘅係個滑蛋真係好嫩滑😋，有少少似嗰啲牛乳炒滑蛋😚。滑蛋撈埋甜豉油真係好好餸飯🍚，上面仲加咗少少蔥花食落更加香口😙。~凍奶茶(+$2)唔知由幾時開始叫奶茶已經開始叫少甜少冰😌，真係老啦😂。

今個月放10日假期所以好鬼得閒，就出嚟老尖搵我妹食早餐睇完open rice就決定揀呢間餐廳，呢間早餐唔錯，上野速度快，味道可以，而且唔貴～出嚟老尖唔知食嘜，就食呢間啦附上早餐餐牌比大家睇吓我最鍾意餐廳有埋紙巾🧻，好貼心～呢到啲奶茶唔錯，奶同茶比例較得剛剛好我最鍾意啲早餐跟條菜感覺健康啲～佢呢度啲蛋係用4.3牛奶炒成，所以好厚同味道濃郁好味～呢個通粉個湯係用左忌廉雞湯，唔會好咸，亦都唔會太清淡，好岩我口味～

突然呢排調咗返尖沙咀，所以就係尖沙咀搵食，打工仔lunch都係食啲貼地平價嘢，走咗去食冰室～近年多咗好多「冰室」，我覺得「冰室」感覺好食啲又乾淨啲（對比茶餐廳）今日食常餐$46 - 忌廉湯火腿鮑鮑通+炒蛋+麥包多士上枱時熱辣辣，賣相都幾好，成晒全部嘢飲埋杯嘢都好飽火腿通：忌廉湯係我食過咁多間餐廳最好味最濃味嘅，比一般餐廳濃味通粉硬度適中炒蛋：好滑麥包多士：平時麥包偏硬，但烘熱咗嘅多士都脆，又有厚牛油，好食好多茶走：以為自己落練奶，佢落埋俾我，所以甜咗啲但整體ok, 價錢又平，可以再嚟但working day lunch hour 好多人，要食一係早啲，peak hour 只有30分鐘食咋～

今晚要加班 就同同事黎到樓下食晚飯旺記冰室喺午飯時段黎過唔少次因為太多人排隊 所以食完就差唔多就要走人第一次過黎食晚飯 比我預期中少人晚市嘅選擇比午市嘅多1. 旺記小確幸雜扒飯（洋蔥汁）食物上枱 同menu對到相 已經值得一讚碟飯有咩材料 喺menu上都寫得好清楚炒滑蛋一如既往咁好食 好滑 同白飯一齊食好夾兩件扒都大大塊雞扒煎得好香 又嫩又有肉汁豬扒都差唔多 有少少油 唔會覺得乾同鞋口餐飲叫左杯熱朱古力 個人覺得水左d 唔夠朱古力味最後埋單每人69蚊免加一因為晚市較少人 所以可以坐耐少少吹下水唔會俾店員趕 唔錯

比較多人選擇滑蛋叉燒飯，但轉下口味試下成日好快買完嘅豬膶通粉！🔸薑汁豬潤鮮雞湯通粉好足料！新鮮厚切豬潤，入口軟滑多汁，烹調時間剛剛好👍🏻薑汁比較淡，但尚可接受，配合雞湯通粉，適合冬天暖胃🔸 4.3牛乳炒日本滑蛋（升級配奶油豬）雞蛋非常滑溜！炒得唔會鬆散，仲有蛋汁～😋總括🔹高質快餐，用料新鮮，性價比高！但注意，茶餐廳風格，繁忙時間需要限餐用時30分鐘！

今晚去尖沙咀睇燈飾，所以食飽飽至啟程，去亞士厘道搵食，見到以前排曬大隊旺記無人，梗系入去試下。旺記烘麥包四重奏（$34）5分（鹹牛肉x雞蛋x花生醬x 生菜）- 絕對系非常特別，因為 - 4拼真系未見過 - 涵料夠厚 - 至定系麥包 - 加埋味道吾錯，尤其是蛋滑菜多。 -牛肉同花生醬吾夠，所以食吾到味。 日本滑蛋叉燒蝦仁飯（$59）2分- 其實本來下午茶吾應該食飯，但平時食飯時間行過，基本系非常長龍，加埋D食評話最多坐30分鐘，所以都試埋，可惜系非常失望。 話自家製叉燒，好老實真系差，無肉味，太薄切無口感，無燒“窿”邊。愛爾蘭咖啡（餐+$4）-加4蚊都抵，有小小whisky 味，咖啡亦幾香濃。

今日同事帶我去食蛋包飯，冰室舖面不大，所以要在門口等位，並且要齊人才可以內進。目測等位的人也不少。冰室設有最低消費$16，而且用餐時限衹有30分鐘，包埋點餐時間同等餐時間，以我食飯慢的人來說真的有點壓力壓迫感有點似O牛。如自問食飯慢的你真的要考慮一下是否幫襯。不過出餐速度也算快。我們目的是食蛋包飯，當然要點啦日本滑蛋叉燒蝦仁雙拼飯$59 - 蛋好香滑，叉燒肥瘦均勻，一點也不鞋口，蝦仁比想像中大隻爽口豉油同蛋一齊撈飯好好食午市套餐包熱飲，凍飲+$2，免加一!在這區來說算是平價之選!不過略嫌食得太急有壓力