旬彩火鍋

营业中

休息中

落雨涼涼哋想打下邊爐，有一段時間無食過日式火鍋放題，係時候要止下癮. 這間旬彩火鍋係日本嚟嘅過江龍，依家係試業中，裝修以木系為主，地方坐位好寬敞，唔怕張枱細，無位放火鍋料，我哋叫咗個期間限定嘅刺身拼盤配120分鐘火鍋放題，湯底選了旨辛同飛魚湯，旨辛即辣而好味，果然無改錯名，仲可以去自助bar加啲蕃茄、菇、洋蔥根據個人喜好提升個味道. 刺身拼盤好快上枱，擺盤貫徹日本人講求精緻美觀的作風，加咗啲竹、藤籃等去美化食物，好適合打卡，用料新鮮，拼盤上有兩隻磯煮鮑魚，味道不會死鹹，而係帶點淡淡的甜味，肉質彈牙，係不錯的下酒小食. 牛肉都有好幾款可以選，有澳洲和牛、美國黑牛、美國牛板腱，美國精選牛肉仲有健康價值較高的西班牙栗豚，牛板腱這個部位一隻牛大概只有2公斤的份量，所以都幾珍貴，平時都好少食這部位，今次可以試吓. 各款肉的肉質也新鮮，厚薄適中，油脂分布平均.除咗肉可以任叫之外，仲有壽司、日本韓國雪糕雪條可以任點，推介大家可以點抹茶味雪糕，濃厚的抹茶味，抹茶控必like.出面仲有好多飲品、配菜、甜品、醬料可以隨便拎，飲品個人鍾意花旗參蜜，醬料有個叫美味柚子醋幾適合點肉食，幾refresh同幾夾，配

📍旬彩火鍋黎到Mega box行街，見到有間新開食Shabu Shabu既日式餐廳～佢地最近推出一個期間限定✨既優惠套餐：刺身拼盤x120分鐘晩市火鍋放題🍲優惠價：每位$328‼️（原價：每位$388）🐠刺身拼盤一客（2位用）頭盤會包一客刺身拼盤：會有齊曬三文魚（4片）、八爪魚（4片）、帆立貝（4片）、磯煮鮑魚（2隻）、榮螺（4隻）同赤蝦（4隻）▶️刺身種類都幾豐富，食落都算新鮮！比較推薦既係磯煮鮑魚，好大隻～相當厚身而且食落好彈牙😋另外三文魚同帆立貝都好肥美，帆立貝會較鮮甜~🔆湯底一共有八款，提供日本名物湯底同香港限定湯底～當晚揀咗壽喜湯底同豚骨湯底！試完之後覺得壽喜湯底必點！！！另外，可選一人一鍋/鴛鴦湯底 （+$8）🐮🐷 120分鐘無限量供應可以任食美國精選牛肉、西班牙栗豚、美國牛板腱、美國SRF極黑牛同澳洲種穀飼和牛～▶️絕對啱曬食肉獸既我🤩一開始會將套餐包咗嘅肉類各上兩碟，職員仲會好細心咁逐碟介紹👍🏻最推薦既係美國SRF極黑牛，肉質紋理清晰，冇多餘嘅油脂，切到薄薄一大片，食得好滿足😋另外，澳洲種穀飼和牛既口感都唔錯，係優質嘅牛肉！淥兩下就食得，入口即溶，牛肉味濃！🍣壽司分別試左火炙

非常高質的Shabu Shabu放題！力推！呢個品牌來自日本，唯一海外分店位於MegaBox。個個都話呢度嘅「西班牙栗豚」同「日本黑毛和牛」一樣好食，今日食過，真係一啲都無誇張。「西班牙栗豚」切得很薄，所以和牛肉一樣，淥10秒8秒便可食用。粟豚有別於一般豬肉，非常爽口，比日本豚肉更有質感，亦非常有肉味。「日本黑毛和牛」如圖一樣，油花均勻，無可挑剔。此外，雞肉、蔬菜、雞肉、丸類、麵食... 飲品、甜品，在任食區任取，海量選擇。

呢幾日狂落大暴雨，涼涼地又想打邊爐，今日接朋友收工，順便黎megabox食shabushabu🍲。餐廳環境寬落，坐得舒服，裝潢都幾別緻，特別係牆身。點咗個期間限定：刺身拼盤 x120分鐘晚市火鍋放題 $328包刺身拼盤一客（2位用）：🔸三文魚4切🔸八爪魚4切🔸帆立貝4切🔸鮑魚2只（不過賣晒，餐廳好好比左吞拿魚刺身）🔸榮螺4只🔸赤蝦4只刺身超新鮮，三文魚同帆立貝好鮮甜，螺同八爪魚好爽口。湯底係一人一鍋我揀咗蕃茄湯底同壽喜燒。套餐肉類有SRF牛+牛板腱+精選牛肉+栗豚放題+澳洲和牛，全部肉都薄切，幾新鮮。我最鍾意SRF牛同澳洲和牛❤️。手機點餐有蜆（雖然細細粒但都幾新鮮），仲有多款壽司可供選擇。另外自助吧都有丸物、蔬菜、甜品及飲品。

見到有所謂半自助放題，諗住去食下。黎到碟肉得4片，仲要係薄到傻，唔緊要我都預左夜晚咁平係甘。點知出面自助bar啲菜同野飲長期冇人fill，想食多少少都要等。叫佢加湯，我本身叫左個辣湯底，佢話呢度係自己黎，叫我自己出去拎啲清湯溝淡佢，出面得清湯同壽喜燒湯，我問哂號？？？個碗細到放三粒丸已經冇位，個煲連放一個公仔麵都唔夠位，唔想人食咁多野？老闆娘態度不友善並且小氣，60分鐘放題岩岩過左一分鐘，想速戰速決出去拎少少水果番位食埋佢都唔比，逼我離開。重點係咁大間鋪夜晚得個三至四枱客，甘都唔比人食埋佢，做生意咁計較好難會有回頭客，食客數量反映一切。

尋日一家大細諗住滿心歡喜食岩岩新開嘅火鍋放題。。點知。食物質素唔錯。但係每次只可以叫4碟。。。開頭30分分鐘。上肉就正常。。愈叫就愈慢。食左30分分鐘後。落單。就要開始吹單。吹左幾次先上一半。。在講就叫我地重新落單。又話入面。無落單 漏單嚴重。落左20碟牛肉。計過都係黎得12碟左右。為有出去食其他丸，同菜。出面自助吧。又好小選擇，枱數又唔滿。。小貓幾隻都要咁做生意，唉。無下次，食2百幾蚊一位。咁嘅質素，我寧願食其他放題。唉。。差😣😣😣

日本人氣涮涮鍋 海外首間分店🍲無論春夏秋冬都要打邊爐日式火鍋放題就岩哂小妹🤩餐廳環境舒適 日式設計相當吸睛🌟 期間限定 刺身拼盤 x 120分鐘晚市火鍋放題🦐刺身拼盤一客🍲湯底揀咗豆乳(配蔬菜一絕)、壽喜燒(牛肉絕配)🐮澳洲種穀飼和牛(推介)、美國牛板腱、US SRF Beef（推介）、US Selected Beef、🐷西班牙栗豚無限追加🥚、🍣、日韓高質甜品🍧🍨🍦🍹飲品同配料都多到數唔晒，而且丸類同蔬菜好多都係日式種類，無論價錢或者食物質素性價比都很高👍🏻👏🏻

黎到megabox 好想食打邊爐！見到呢間有壽喜燒湯底同豆乳鍋出面好少見，即刻試下先～任食2個鐘仲有盆期間限定高質刺身😍好正呀！🔸刺身拼盤一客（2位用）：有三文魚、八爪魚、帆立貝、磯煮鮑魚、榮螺、甜蝦～全部都好新鮮高質，特別鍾意三文魚好肥美，甜蝦🦐大大隻又鮮甜～🔸另外，舖頭無限量供應美國精選牛肉、西班牙栗豚、美國牛板腱、美國SRF極黑牛、澳洲種穀飼和牛🐮最推介係美國SRF極黑牛～薄切又鮮嫩，其他牛肉都高質，油脂分佈平均～啱曬追求高質牛嘅你！！🥩

趁住放假同老公嚟到九龍灣行街，經過呢間火鍋放題店就嚟試下。C餐120分鐘火鍋放題+刺身拼盤湯底方面有8️⃣款壽喜
豚骨旨辛豆乳昆布番茄飛魚湯柚子貝柱湯而我同先生揀咗豆乳湯同昆布湯底，好少出面打邊爐會有豆乳湯底。牛肉有呢5️⃣款任食澳洲種穀飼和牛美國牛板腱美國SRF極黑牛美國精選牛肉西班牙栗豚牛肉好新鮮，食落好濃嘅牛味，唔洗點醬汁都好食，油脂分佈都好平均。刺身拼盤有呢6️⃣款三文魚八爪魚帆立貝磯煮鮑魚榮螺赤蝦刺身每款都好新鮮鮮，三文好厚身食落好肥美，鮑魚好好食咬落去好淋一啲都唔韌，鮑魚好入味手而且肉質好彈牙，赤蝦好鮮甜。壽司放題有呢1️⃣0️⃣款玉子鰻魚腐皮熟蝦虎蝦北寄貝八爪魚熟帆立貝火灸三文魚鱈場蟹棒我地呢個套餐C仲送咗期間限定嘅海鮮拼盤一客青口4隻、蝦2隻、蟹棒2條另外仲有火鍋配料區、甜品區、飲料區有好多選擇，好豐富。

今日去到九龍灣MegaBox 10樓到睇吓溜冰跟住之後就去食嘢、朋友同我好耐都冇食過放題、就決定去食放題火鍋！呢間點解我會揀？因為佢除咗有刺身放題之外，連高質素牛肉都係任食！😍刺身拼盤X 120分鐘晚市放題：（$328）刺身拼盤一客：三文魚刺身四片刺身八爪魚四片帆立貝刺身四片磯煮鮑魚兩隻片榮螺刺身四片大赤蝦四隻刺身全部都非常鮮甜，記住鮑魚一啲都唔會好韌、再加上幾彈滑、易咀嚼！120分鐘無限量供應：美國牛板腱美國SRF極黑牛西班牙栗豚美國精選牛肉個人認為牛肉同埋豚肉質素都非常之高、如果想任食牛肉真係可以食呢間！120分鐘無限量自己拎自助吧飲品、甜品、仲有火鍋配料除此之外，指定嘅壽司都係任食！著名壽喜燒湯底、旨辛湯底、昆布湯底同埋飛魚湯底：個人最推介飛魚湯！鮮香又鮮甜！同埋好特別出面冇呢種味道！旬彩火鍋九龍灣宏照道38號企業廣場五期MegaBox 10樓5號舖 #九龍灣美食 #日本過江龍 #火鍋放題 #涮涮鍋

之前係openrice 見到評價麻麻地，但屋企人話想試呢間，所以就試一試。甜品同凍野都幾多款，有雪糕，有薄荷雪糕脆皮雪條，仲有豆腐花。出面任食果啲都係丸、 蔬菜之類，不過不失。

因為公司在附近，開業3個月已經食左6，7次，6次lunch,1次dinner,放題幾個plan都試過，最高和牛plan就試過1次，覺得食中間個plan性價比最高，中間個美國牛也極之不錯，牛肉以外，自助區也有好多選擇，特別喜歡個雞肉，加錢個既就試過個蠔同蝦，蝦就一般，但個蠔堅不錯，服務方面，因為我lunch去幾次去都爆，有時上菜會慢d,但dinner果次就冇呢個問題，之於甜品方面就有幾款雪條雪糕可選，飲品就希望有更多選擇，但整體黎講，覺得呢個價錢可以話係超值

今日同女朋友過嚟食下午，突然見10樓有間放題，一於入去試吓，其中我哋叫咗個極黑牛肉任食放題，需然選擇唔太多，但食物勝夠新鮮同牛肉比想像中好，肉身唔會太薄好過出面好多倍，而且又有唔同菜嘅款色可以選擇，丸類亦多，如果依呢個價錢，係九龍區算係咁了，不過飲品區同甜品區選擇性比較小，樓面熱情度就低咗啲，如果服務質素提升一下效率，我諗就會好好多了，需然見到小小差評，但可能新開張，要俾啲機會，但今日難得經過一試，又唔係想像中咁差，而且牛肉新鮮，相對比其他放題算好好多了！出面多數牛肉肉身超簿，所以仍有進步空間嘅！

「旬彩バイキング」於香港的首間店正在試業中, 剛好午飯時間就光顧一下.店內以木系風格裝修, 座位寬闊舒適, 當日被安排在4人卡座.午市有2款套餐可選, 分別為90分鐘自助放題和60分鐘定量套餐, 因應自己需要選擇.這次選了2個90分鐘的B餐, 包3款肉類, 美國SRF極黑牛, 美國精選牛肉和西班牙栗豬.我主打西班牙栗豬, 1碟有4片, 肉片切的極薄, 能透光的那種, 下鍋很快就能吃, 豬味濃郁, 薄薄極易入口,友友主打牛肉, 表示味道也不錯.丸類和其他蔬菜可於自助區自行挑選, 肉類就需要使用QR Code下單, 每次下單就只能選4碟肉(不論種類).第一次下單肉很快就送來, 但之後下單總出現漏單, 點2次才出1次, 出肉時間亦較長, 最後要叫店員查看, 肉才來.希望只是試業期間的混亂而非故意, 因當時全場大概只有5-6批顧客, 一點都不忙碌.希望之後出肉狀況會有改善.

睇到广告呢间喺九龙湾MegaBox新开日本黑毛和牛放题同兄弟去试吓，我哋嗌咗最贵个餐为咗食日本和牛我哋嗌咗应该有10几廿碟佢都净系嚟咗6.7碟即系基本操作漏单我问嗰个店员跟住话佢哋系银重量计算喎叫我哋再嗌过但系上面都冇写清楚，我哋喺度等净可以食嗰啲丸同埋乌冬，其实都冇乜嘢可以拎过嚟食品种好少都算啦仲有啲系店员冇嘢做佢都唔会full 仲有半个钟截单，我又追加咗几点日本和牛但系竟然同我话卖晒叫我食其他啲肉，大佬食和牛先嗌呢个餐食到一半你同我话卖晒我食放题唔系食定食喎真系末试过咁捻差嘅体验品种少出餐慢漏单，质量差，严重影响用餐体验，而且试营业开始就这么差，就来执笠有分别，唔怪得都冇乜嘢客，我俾一星都算多咗太炸裂了呢间铺头祝他生意兴隆