日月星快餐 (已結業)

話說工友星期日都要開工慘無人道，起身就同佢去左食左個想食好耐的雞比餐..真係好肥好熱氣呀，不過好好食﹗好耐都無食過可以大大啖食的油膩野了﹗好滿足，不過食完之後飽左成兩三個鐘呢﹗估唔到星期日呢道竟到要等位先有得坐，真係勁多人特登走來呢到食雞比餐架，一0的都唔野少﹗

跟朋友冒名而來就係為左試呢度既炸雞比!咁岩今日午餐係炸比飯/意就揀呢個!隻比真係炸得好脆又冇油益味好有肉汁正!就咁叫1隻要$13 好似比出面貴左少少但其實非常超值因為真係好正食過你就知=]不過食野既環境真係麻麻...令人幾不安下...

桌球大戰後黎食lunch,叫左個雞脾餐，有炸雞脾、火腿三文治同凍奶茶，五分鐘即食得。雞脾熱辣辣，炸得好香好脆，雞肉又滑，真係好好食!三文冶就冇咩特別，早知烘底啦!試左朋友既炒貴刁，幾好食喎!哈哈，太吸引，食多隻炸雞牌!

去九展睇小男人週記之前，去日月星食個TEA，如果唔係OPENRICE睇過食評，真係唔會知道有呢間小食店. 地方都幾隱閉，店內只有一張台，其他台都係排排坐係冷巷，周圍對住D煙囪+ 二手煙. 星洲炒米- 乾身，夠味. 果然係佢既招牌. 炸雞肶餐- 雞肶即叫即炸，入味且皮脆肉嫩，加埋腿治夠晒茶餐廳風味. 熱HORLICK唔會太甜，夠奶味. 建議外賣食物較好，因地方淺窄.

近排成日睇到d食評寫時新, 但係其實九龍灣的日月星都有番咁上下水準架雖然佢既環境麻麻, 但係佢既茶餐:炸雞比+腿治+熱奶茶, 都係20蚊唔駛, 隻生炸雞比皮脆肉嫩, 唔太油膩, 邊度搵呀!! 行開九龍灣試下啦!!

幫趁左呢間野都有五六年，經濟又好食﹗估不到呢道竟然有人品題呢間小店﹗好多野都食過，不過最鍾意的是炸雞翼及炸雞脾，又脆又香﹗呢個下午咁岩又經過，點了午餐西炒飯飯身炒得乾身，最不鍾意0的炒飯成擔油，呢道滿足到我﹗$19有好味的炒飯食有野飲，仲想點？

我有一次Order外賣.叫左個星洲炒米.我問佢大約幾時有.個接線話半小時左右.點知道.等左成個鐘頭先黎.不過算數啦.個服務員都講左對唔住.佢走左就食野啦.打開個飯盒.好彩仲熱的.無倒汗水.真好.之後就食啦.嘩!正野.唔多油.夠味!感想:要外賣就要早少少.因為要等好耐.

呢度有無限多的外賣要送，不過無影響堂食的速度，叫的雞脾餐很快上枱。（全日供應，不過2:30下午茶時段平幾蚊）招牌雞脾，當然無甩拖，似乎腌過，又脆又多肉，雖然我始終懷念兒時大家ｘ的炸脾（那時候大家ｘ的小吃是很不錯的啊）。這裡的招牌掛在一個車仔面檔上面，所以不要見到招牌就坐落去，要再走行多兩步先到呢。

日月星的外賣tea set 非常抵食，首推$13兩餸+飲品的粉麵，不過最近俏俏加了$1，送來才知道。如此便宜，通漲之下加價很正常...不過該在落單時'單聲'吧~未試大大隻的生炸雞脾，只試了炸雞中翼，女仔不吃那麼油膩那麼多肉嘛...雞中翼亦是不錯的選擇。

睇完網友的介紹琴日終於去試了一個下午茶餐.隻雞脾係炸得幾好, 香口+唔會一口炸粉, 但好似無腌過, 無咩味咁. 可能我食慣濃味的炸脾吧. 如果有鹽就好了.不過真係好抵食, 16蚊有雞脾+腿治+飲品(凍飲+1.5)

最近刨緊一本叫<鬼吹燈>既小說，故事係天馬行空的中國版盜墓迷城，非常緊張刺激，刨到懐 ，便乘覑 書中的冒險精神，去牛頭角追"星"逐"月"也！無需小說中主角的尋龍點穴的本領，亦不用他的過人嵗 色，好容易便找到日月星。佢得幾張摺枱 摺凳放在門前的私家車道旁，頗有種另類港式露天茶座feel。理所當然如雜誌的介紹，要了炸雞脾配火腿治餐，三文治薄薄的非常軟熟，而炸雞脾熱辣辣、香噴噴，皮脆肉嫩，多年來己經被KFC埋葬了的兒時屋企樓下茶記鮮炸雞脾的回憶即刻返晒黎!$17換來的不只是味蕾的享受，更難得的是開心回憶的味道呢!

在這個世上活了幾十個年頭,一直也不知道,在淘大隔離的嘉和園,有間以港式生炸雞髀作招牌的老牌港快"日月星".看看個招牌,寫明馳名生炸雞髀,連電話號碼也是得七個數目字,可見此店已存在起碼二十多年.炸雞髀是我輩集體回憶之一,小時候有隻雞髀吃,已樂得大半天,今天的年青人,只懂吃KFC的西洋貨,本土地味也一早忘記.標榜生炸,即是即叫即炸,不是炸過再炸,所以吃落沒有太多油溢味,雞皮咬落香脆得卡卡聲,已經很有水準.雖然長大之後味覺已經擴闊,偶爾回憶一下青荵歲月,又何妨?畢竟小時候的味道,還是最純真.

今日返工前...特登去試下呢間野，發覺d雞脾...真係好脆+好滑，比起我平時食個d...真係好~好多>v<而且價錢都唔錯呢!!除左雞脾之外...仲叫左個黑牛黎食，唔...發覺就普普通通，同出面個d差唔多...唯一唔同既係，佢\特別多料...。另外...覺得佢\d服務態度，唔係好得...=口=\"!!

食過佢哋嘅炸肶後，忽然勾起兒時回憶...細細個時屋企樓下有間茶記，D生炸雞肶大大隻，只賣八大洋一隻，炸得皮脆肉嫩，好滋味...自從搬咗之後，久未嘗此味矣...如今一試呢度嘅炸肶，有如老友重逢(雖然老友減磅不少)...皮脆肉嫩，如果肉可以醃得夠味一D就更加冇得頂....

家住九龍灣的你, 如果唔怕熱氣, 應該一試日月星的炸雞脾.它沒有華麗的外表, 浮誇的賣相, 但它確是一隻誠實的雞脾.金黃的外皮包著沒有丁點兒雪藏味道的鮮嫩肉質, 一口咬落去, 皮脆肉鬆, 這是炸雞脾的最基本要求, 但要做到基本, 也不是容易的事. 基本功做不好, 就給你十樣醬料的味道去掩蓋它, 或者, 吃炸麵粉, 還多過炸雞脾. 但日月星的雞脾卻是忠於自己.在香港, 愈來愈難找到這樣的店舖, 大家都在"裝", 在"扮", 在"充", 一切都是"假大空", 日月星, 卻仍然誠誠實實的炸雞脾.香港需要日月星, 香港更加需要誠實的炸雞脾.