日月星快餐 (已結業)

即炸大雞脾($12)好味到爆，我外賣由九龍灣到荃灣，回到家隻雞脾還是熱的，雞皮還脆的，我可以幻想到如果立刻食，一定更好味！雞脾入味，冇任何雪味，又炸得夠脆，但又唔會炸到乾，真功夫！一定再食！

過左下午茶時段, 唯有叫個貴啲既茶餐.炸雞脾: 真係炸得啱啱好, 唔會好似其他餐廳咁, 一係唔熟, 一係炸到過晒火. 所以食個時啲肉仲係好嫩, 好滑, 而且好入味, 唔錯!!腿蛋治: 明明係加左錢轉熱狗, 但係佢竟然比錯左, 真係好無奈囉……個蛋超細超薄, 而且係塊火腿上加左啲鹽, 好喊, 唔係太好味…..奶醬多留邊: 啲花生醬得好少, 只係係個中心先食到啲醬, 同一般既餐廳無分別, 唔值得一試.下次會試下個沙律, 好似好好味咁, 同埋要食返個熱狗.

去開九龍灣,對個邊唔多熟,所以之前係openrice睇定有咩好食。見到呢間個個都話好食,尤其個生炸雞比,真係要試一試。同友人去到,先知原來食野地方係半戶外的,大熱天時好在著了背心,如果唔係熱死。友人從是日午餐中叫了炒烏冬,炒得好有火喉,想像到傳聞的干炒牛河有幾好味。到我揀了個全日供應的B餐有炸雞比同火腿三文治,但對三文治無咩興趣,反而想食A餐的熱狗,叫友人問下可唔可以轉啦,真係好加$1就得!所以可以食到炸雞比同熱狗。熱狗雖然用左圓形漢堡飽,入面都係普通腸仔加沙律醬,但個飽係烘過的,真係細心,熱騰騰又幾好BOR~~食完熱狗到食隻雞比但都仲熱,雞比賣相一般, 但真係好好味, D皮友人話好似食薯片咁脆, 入面D肉仲好滑,而且炸野來講唔算多油,真係從來未食過咁樣的炸雞比!兩個人食左$44,生活原來可以咁簡單,唔需要很多的金錢堆砌,吃得出的人情味!只要有心找,就可以找到。

日月星係一間快餐店，專做外賣，堂食並唔係主打。可能因為一般啦！今日食左個下午茶，有雪菜肉絲炒蛋米加茶走！$13....個米粉ok 啦！而個奶茶我覺得唔錯，茶味奶味都好適中，唔錯！下次會試下招牌雞脾。相信都唔錯，因為今天見到有人買左幾隻外賣。

今晚去了日月星吃晚飯，三個人吃了三個客飯套餐。客飯套餐每個$2 8包大碗飯+大碗例湯/飲品哈哈~真係好正！^3^，又ok平wo..最重要係味道好吃嘛!聽講呢間鋪d炸雞脾好正，等我下次試下先^^ccf用戶寫,日月星是老牌快餐店無人能比我絕對同意啊! 有邊間快餐店可以係橫街小巷經營十幾廿年而價錢、口碑仲可以keep得到!ps: 有幾次經過我都見到警察幫趁,有次仲見到AR SIR開架衝鋒車去買飯tim.XD

由出世開始已居住了在牛頭角廿多年，食日月星也已經食了十多年，日月星由十年前大家歡關門大吉後已成為此區的快餐龍頭大哥，出名料多味夠好，生炸雞髀聞名全港，值得一提的是連廚房野一樣有水準，乾炒牛河較味一流，雖然難以避免地有落鬆肉粉，但問題不大。值得推介的還有快餐，牛扖或豬扖+蛋+火腿+餐肉+腸仔+伕飯或意粉+飲品，勁大碟包飽肚，次次我亞爸都叫黎食！

一個字正啊！次次經過日月星都會去食召鹽雞翼炒公仔麵呢個真係平、靚、正啊^^講起都想食！此鋪都開左十幾廿十年喇，絕對係老字號！！日月星絕對係平價之選

1點幾黎到... 唔係好多人~食最出名既炸雞脾...12蚊~加左杯野飲...20蚊...但原來有個快餐係腿治+ 炸脾配野飲~都係21蚊...蝕左呀!!不過炸雞脾真係超好味~~熱辣辣,出哂油~淺金黃色~靚到不得了!好juicy~好飽~因為好大隻。另外炸豬扒咖哩飯都好好味~但最好味都係炸雞脾~好抵食~其實環境都不是太差...就好似0係熟食市場咁上下^^

睇左食評講日月星的炸雞髀好食，今日與女朋友一齊去試，發現一如其他的食評不錯，炸得D雞皮好脆，但雞肉仍然滑，相信真係生炸的，唔其他先煮後炸，而且亦沒有過火，並且是order後即刻炸，各位可以一試。

平時都響九龍灣番開學，響Ｏｐｅｎｒｉｃｅ見呢間餐廳個評價唔錯就試下啦！真係好唔錯！平均１４－１５蚊有份下午茶餐，我就叫左份特大炸脾腿治餐，女朋友就叫左份腸仔雞翼薯條，好大隻脾呀！剛剛炸起熱辣辣！Ｄ薯條就麻麻地啦冇咩味，仲有可以挑剔既地方係衛生啦，街邊咁平冇得講嫁喇！下次試下外賣先！

炒野炒得好好食~叫外賣都一樣咁好~打定電話去order 好方便~

我以前係淘大果到做野成日都叫佢地d外賣食,真係好好味,西湖牛肉羹,生炸雞翼&雞比,薯條,熱狗,真係樣樣小食都唔錯,價錢又平又抵食,d外賣伯伯都好好人,所以每次我都一定會比tips,真係好懷念,唸起都想食,不過我從未去過佢地間舖,所以都唔知咩樣,希望下次經開可以食下啦.

經常在這裡叫外賣吃,因為便宜又好吃.推介的東西有很多:1.炸雞翼,雞脾-肉汁鮮甜,雞肉又滑,好食過大家樂多多聲.2.炸魚薯條-下午茶餐-脆卜卜咁,好食!3.豬扒薯條-d豬扒係我食過最好食的,好軟好薄好香口,正!4.雪菜肉絲炆米,好清淡,唔舒服時食最好!另外,咖哩雞飯,生炒雞絲飯都好好味!

睇到這裡的食評讚好，今日去完觀塘後，就搭車來這裡搵這間快餐店了! 當時12點多，又未好餓，就揀左熱狗($6)+熱奶茶($7)，熱狗okay，奶茶就真係唔錯喎! 下次要試下飯餐先得!

我有時都會叫下佢d 外賣食...有好多野choose 架.. 都好好味我通常叫快餐.. 好多野食又好抵食!!!