影片
港铁九龙湾站 B 出口, 步行约10分钟
继续阅读
开饭介绍
日月星快餐以街坊生意及外卖自取为主，店内只有小数座位供应。
继续阅读
营业时间
星期一至日
10:00 - 21:00
以上资料只供参考，请与餐厅确认详情
相关文章
价钱亲民，主打外卖既茶餐厅，自从搬来食过一次后就已光顾多年，食物水准一直保持到，炒野炸野都好食好味，份量够大 食完绝对饱肚。呢样值得赞同继续帮衬。但亦都有唔好的地方，明白小店忙碌态度比较一般 亦已习惯，但比较难接受的是落错单／俾错野既情况真系多得离谱 一直冇乜改善，咁多年都系咁。２星期内帮衬了３次，有２次都出错野。叫一碗例汤俾了一碗白饭，叫冻柠茶但俾了热柠茶，最后一次终于俾岩冻柠茶，但茶苦味变，饮了会肚痛。经常出错但几乎次次都赶住CUT线冇对单 真系会越黎越打消帮衬既念头
继续阅读
大只仔今次觅食嘅店舖就系💥 日月星快餐 💥 大只仔今日去九龙湾食炸鸡髀名店「日月星快餐」。店舖喺牛头角历史悠久，属于怀旧快餐店，主打炸鸡髀🍗、鸡翼、薯条🍟、热狗🌭️、炒粉面饭，价钱相宜。大只仔今日第一次到日月星食嘢，居然有两个惊喜。咁贴心嘅香港小店真系好值得大家去支持。👍👍1）服务超级好老板娘主动拎多张櫈俾大只仔放袋，好多收加一服务费嘅餐厅都唔会咁做。2）有胶手套供应好多茶餐厅食炸鸡髀都唔会有胶手套。$32有大大只炸鸡髀＋火腿三文治+大大杯可乐真系冇得输，仲要味道好OK，应该冇其他餐厅食到。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服务 ⭐️⭐️⭐️⭐️⭐️环境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 抵食下午茶餐A2 $32（生炸/卤水鸡髀+腿治+ 汽水/咖啡/茶）可转珍宝鸡髀+$4罐装汽水+$4冻饮+$2生炸鸡髀 冇加钱转珍宝鸡髀已经好大只，鸡髀皮炸得十分香脆，鸡髀肉仍然好滑有肉汁，唔干柴，鸡髀入味，调味正常，用鸡粉、生抽、老抽腌制过，加上茄汁更加好食。火腿三文治（2件）唔会因为收得平而求其，火腿有煎过，火腿热力将方包上牛油溶咗，令到三文治更加好食。可乐原本以为跟餐汽水会好细杯，估唔到可乐可以咁大杯，真系好抵。温馨提示：「日月星快餐」属于怀旧快餐店，冇冷气供应，夏天可能比较热，比较适合秋凉冬天帮衬。抵食下午茶餐供应时间2:00-6:00
继续阅读
最近系网上留意到九龙湾有间隐世快餐店提供超佛心价的快餐，得知佢地的生炸鸡髀做得好出色🤩今次经开九龙湾就黎潮圣一下啦🥳一行2️⃣人平日下午黎到，店内环境是平民大众化的快餐店格局望望餐牌，提供食物种类非常丰富，有小食类，三文治类，沙律，扒类，炒公仔面类，西式饭/意粉类，汤饭/面/乌冬，中式饭类，素食，腊味饭，汤粉面餐同炒粉面餐都有，仲有超抵食的下午茶餐😇一个中式饭/粉面只系$4️⃣0️⃣，以今时今日物价飞涨的环境，佢地的定价真系好良心🥹一场黎到一定要试下招牌菜式啦🤪点左两个下午茶餐：==========🔹生炸鸡髀+腿治+饮品 $32（+$4转珍宝鸡髀）上台时见到鸡髀的大小真系相当震撼真系超❗️大❗️只❗️炸到金黄色的鸡髀，外皮超香脆肉质厚实，中间部份带肉汁够滑，边位会偏干少少调味适中不过咸，果然系招牌名物💯推介指数：9/10==========🔹百搭下午茶餐 $29朋友拣左回锅肉，煎蛋米粉仲配左几条生菜🥬生菜新鲜，煎蛋🍳做到微㶶边，有轻微蛋香回锅肉的荀片有几大片，回锅肉质素正常米粉做到爽口，煮的时间刚刚好，唔会断开哂推介指数：8.5/10==========整体用餐体验满意，以快餐店黎讲质素真系好唔错，而且价钱真系好平😗而且收银姐姐仲好健谈同我有倾讲，见佢同街坊都有交流，好亲切有爱的小店，值得支持🫰🏻
继续阅读
和朋友路过，见到他标示自己的炸鸡脾为区内名物。加4元有特大炸鸡脾。那便试一下是否真的值得如他自己说自己般出色。炸是热呼呼但皮不脆。鸡肉没鸡味，亦没有什么调味料的品。味道如白烚鸡肉。试了。坦白说这不单不可说是区内名物。比起普通茶餐厅或快餐厅的亦不及。但另加了4元的鸡腿又的确看起来是大只的。以现在的物价二十多元一鸡腿亦不可以说贵。但以区内其他选择来比较。无论以鸡腿的质素，环境，价格。性价比在区内好的还有很多好一点的选择。
继续阅读
有左好多年的老牌快餐店，朋友一直都话要黎食佢个炸髀，今日见顺路就会一会佢啦。门面非常传统，没有华丽嘅打卡点，但感觉实际。主打外卖，但有需要都可以开张折枱堂食。店内有满满的餐牌，价钱相当亲民，其中最多人叫就系呢个热卖星期套餐，几乎个个黎到都系叫炒贵刁。到左下午茶时段，就系炸髀同鸡扒包热卖啦。叫左一份A2同一份A7下午茶，加埋冻饮都系67蚊，抵！炸鸡髀+腿治即叫即炸香喷喷，无转珍宝髀但都唔细只㗎，炸得皮脆肉嫩唔干身，仲一啲都唔油腻，简单调味已经好好食，店家仲贴心地附上手套一只，拎住只髀黎咬正呀！意外地炸髀居然唔系配薯条，而系腿治，面包松软，涂满厚厚的牛油好香啊。吉列鱼火腿+沙律鱼柳同样即叫即炸，香脆得黎粉浆唔厚，鱼肉嫩滑劲好食。沙律系薯仔杂果沙律，沙律酱调得香甜，又无出水，高水准之作，而家杂果沙律买少见少啦。冻柠茶&冻奶茶冻饮都系加两蚊咋，仲超大杯！冻柠茶走甜都无混浊，个茶底仲可以咁清，劲㖞！茶香柠香，好饮。冻奶茶都好正，奶滑加上比例刚好，又唔过甜，赞呀～又平又好食，唔怪之得排晒队等外卖。
继续阅读