日常素食 (已結業)

近來大魚大肉得太多，所以就想食下素食，清清腸胃。黃大仙這間素食，餐廳環境很簡單、闊落，坐得很舒服，疫情期間，出去拎食物都一定要佩戴口罩，食物大多都有蓋蓋住，讓人食得安心第一次食素食自助餐，估唔到有咁多選擇，沙律吧、冷盤都有十多種配料，如拍青瓜、木耳、雜果沙律、沙律菜等等，可以自己mix。飲品凍飲得有雪梨汁、烏梅汁、橙汁，熱飲有普洱茶、羅漢果茶。主食有田園炒飯、豉油王炒炒麵，其他素菜有款式超多，茄子🍆豆腐、碗仔素翅、鹵水豆腐、椰香芋頭南瓜、黃子薑蛋醋、介菜豬肚、炒三絲、淮山窩、川味回窩肉等等，未能盡列。甜品有西米露、雪糕和各式糕點款式很多，而且調味適中，熱辣辣的素菜，吃得十分滿足。

今日剛好係黃大仙，就搵下一d 特別既食物。平時都比較少食素，咁岩經過呢間日常素食，仲要係自助餐，一於試試佢。有基本既炸素食估唔到中式素食竟然有沙律吧！岩哂一家大細嚟食仲有橙汁同烏梅汁其實你見到啲食物都比較簡單。但係唔代表佢味道好淡，或者唔好食。我覺得味道啱啱好，仲清清地。而且有好多唔同嘅款式可以選擇。其實驚唔夠飽嘅，仲有炒飯炒麵糭等。甚至馬拉榚。其實呢一間餐廳顛覆左我對素食嘅睇法，我認為自助餐形式更容易吸啲年青人食。

這間素食餐廳已經聽朋友介紹過，今日幾過黃大仙便來試試它吧！餐廳以自助餐既形式，可供選擇的手菜式種類也頗多，除左本身既炸物之外，仲有熟食同冷盤比大家選擇。熟食方便比較大路，我對佢個素蓮藕豬腳好有興趣，因為佢啲「豬肉」做得好有層次，就同出面既五花腩好相似，幾特別冷盤方便，佢提供左陳村粉比大家，啲粉幾新鮮彈牙，加埋其他素菜配料，別有一番風味！湯水都唔示弱，有合掌瓜湯同素𡙡，味道清甜，值得一試。性價比高的餐廳

「返璞歸真」，與幾位朋友，回到舊時工作地區「黃大仙」開餐。現在素食似乎已經慢慢變成一種流行文化，其涵蓋范圍除了中華文化圈，也延伸到歐美國家。可能素食也是一種養生之道吧！是日【日常素食】，地方非常好找，黃大仙中心北館2樓基本上，上到呢層回頭看看便是了，開揚式的設計，地方大得很。室外室內佈置沒有裝修很精緻，顏色的搭配亦沒有比較新和時尚。整體佈置會比較傳統，設計元素比較貼近大自然。餐廳的整個格調很舒適親民，服務員非常友善，沒有西餐廳可能會感受到的拘束和講究。餐廳地方不小。可以容納多人聚餐。另外燈光明亮，地方看起來很潔淨。仲有餐具供你自行再清潔。外面的自助位置企理又整齊，看看有什麼食物吧。食物選擇也不少，可以行一小圈，一面會放有些炸物「蘿蔔糕、春卷、炸豆腐粒、天婦羅南瓜茄子等」、叉燒、馬拉糕雜糧、五寶素羹、西洋菜湯、芋頭西米露、甘梅汁、凍橙汁、熱羅漢果茶等等一面會有熱炒、三絲菌炒翠玉瓜、菠蘿咕嚕肉、蓮藕豬手、茄子豆腐、滷水豆腐、椰香芋頭南瓜、金針雲耳蒸素雞、咖喱薯仔、仲有主食田園炒飯、豉油王炒麵而最後一面就係壽司、甜品同沙律吧咁。沙律吧顏色鮮艷，仲有開胃小食，酸醋雲耳，好醒胃！熱飲有羅漢果茶我

肉吃得多了，有點消化不良，忽然想起吃素來。黃大仙中心的日常素食口碑不錯，交通方便，今晚特來一嘗自助晚餐。 地方開揚，整潔明亮，座位寬敞，有別於一般的「齋舖」。 沙律巴。先來個開胃沙律。 熱盆方面有：<咖哩薯仔><椰香芋頭南瓜><涼瓜枝竹><菠蘿咕嚕肉><雜菌炒翠肉瓜><蒸茄瓜><白菜炆豆腐><炒豆角> 素咕嚕肉，口感很好，酸甜開胃。涼瓜枝竹內有素肉，幾可亂真。白菜炆豆腐，豆腐炸過，外脆內軟，非常可口。炸物方面有：<炸素蠔><腐皮卷><炸素蝦><芋頭拔絲><炸茄瓜><芋頭魚>其中炸蠔的餡料是南瓜，炸得很脆，非常美味。腐皮卷內有多種餡料，皮脆兼爽口。糕點方面有：<薑汁千層糕><馬拉糕><桂花糕><紅豆椰汁糕>甜點都不錯，我最喜愛的是薑汁千層糕，入口薑味芳香濃郁，有嚼勁。湯有：<

今天和朋友去黃大仙中心食飯，因爲朋友想食得清淡一些，於是我們就選擇素食。這一間素食是自助餐的形式，職員告知我們取食物時，一定要戴上口罩，確保衛生。👍🏻👍🏻我們找到位置后就去拿食物了，所有熟食都有蓋蓋住，款式都有十幾款。我選擇了田園炒飯做主食，炒飯軟硬適中，而且還有紅蘿蔔粒，粟米，十分健康。另外還有幾款煎炸素食，一口炸豆腐，炸芋頭，芋頭餅，春卷等等。一口炸豆腐味道不錯，不會太鹹，而且一口食到，很方面。食完正餐，當然要食甜品才算完美的一餐，我要了一碗紫米西米露，味道剛剛好，不會太甜，西米軟硬程度都很好。😋朋友要了碗仔翅，味道都很不錯。偶然食一下素食都不錯，而且有很多選擇，值得一試👍🏻

今天到黃大仙中心逛逛和購物，看見人流多了，南北兩館都熱鬧起來。沒有吃午餐，因為看到「日常素食」的下午茶時間在2:30開始，於是與朋友決定逛完商場和購物，下午茶當午餐。素食館設計開揚，座位很寬敞，再看看熱食有12款，當中我很喜歡椰汁南瓜芋頭，椰香、芋香粉、南瓜清甜。鹵水豆腐也是很推介，味道香濃的鹵水汁掛滿豆腐外皮，再細嚼皮裏白滑豆腐，雙重享受。豉油皇炒麵味道香而不鹹，因為炒麵始終較油膩少許，所以淺嘗即止。料不到有香醋雞蛋薑，我自然不會錯過，雞蛋比較細，心想：「會不會是浸到硬而縮細？？？」，細嘗之下有喜悅，雞蛋雖小，蛋白非常軟滑且有香醋味，蛋黃甘香可口，薑有微辣，原來素吃香醋雞蛋薑是另一個美味層次。炸茄子，脆醬包裹軟綿綿的茄子，同時感受脆脆與綿綿的美味和口感，是有趣的。我的甜品：「黑白配」雲呢拿雪糕&涼粉，爽呵！分享照片吧！美食不能盡錄啦！

天氣太熱，近來都只留在商場中活動，是日來到黃大仙逛逛，見到日常素食的自助餐下午茶只是68蚊，呢個價錢也太便宜了吧，即刻入座試試。午市，下午茶同晚餐都好抵。冷盤區有沙律，涼拌菜等。炸物，蒸點，湯品等。熱盤區，有十二款餸菜。先來個沙律，菜新鮮爽口，醬汁有千島醬同麻醬選擇。炸物很脆口，因為食物清得很快，完全不會過氣，個人覺得腐皮卷，炸豆腐，炸南瓜同矮瓜都好味。小菜也是不錯，調味適中沒有過多茨汁。飽肚類有炒飯炒麵饅頭等，同時也提供白飯及白粥，可以來一個多餸飯呢。其他食物買有薑醋蛋，蛋很入味，但醋就個人覺得酸左少少。素羹同素湯，羹太杰身很黏口。素湯是西洋菜湯，好飲！飲了兩大碗，其他飲品還有熱羅漢果茶，普洱茶，凍酸梅湯同雪梨茶，全部唔啱口味嘅話亦有清水，哈哈。甜品有桂花糕，很清甜香口。涼粉，清空了只拎了幾粒，可以加糖水。腐竹糖水，微甜幾好味。仲有牛奶雪糕，幾甜，很滑的，唔知係咪自家制，都幾好味呀。食物款式不算少，又好味，不過鹹不油膩，加上價錢實在太抵，唔怪得長期爆滿人。

平時食齋都是一圍圍，而且不便宜，但今次吃的齋菜是抵食的素菜放題。價錢：可能是午餐,齋菜款式不及晚市，但都不少. 任君選擇。每款夾少許，嚐嚐不同菜式，也夠經濟實惠。 環境：相當寬敞闊落，沒太迫的感覺。防疫：先量體溫及提供搓手液，取食物時要戴上口罩，若忘記戴上，服務生會即時提醒。食物：冷盤、熱食、炸物、甜品丶熱湯等。沙律：想不到除了基本的沙拉菜丶粟米粒丶菠蘿丶青瓜丶薯仔粒外，還有西瓜粒丶哈蜜瓜粒丶涼粉等等，不但有特別的感覺，也能開開胃口。冷盤：素海蜇、粉皮、木耳、酸瓜及泡菜等。推介：素海蜇爽口，調味不錯。雪白粉皮自行調配辣度，或者混木耳丶酸瓜一起吃，也是一個不錯的選擇。炸物：芋頭魚、素菜腐皮卷、蛋散、豆腐粒等。推介：芋頭魚及素菜腐皮卷都是我喜歡的，而且每款炸物都皮脆內軟，不錯！紅豆糭口感煙靭，不知是否年近端午節關係，限期推出的呢？熱食：滷水豆腐、炒三絲、雜菌炒翠玉瓜、咖哩薯仔、茄子豆腐、椰香芋頭南瓜，田園炒飯及豉油王炒麵等。推介：滷水豆腐，豆腐滷水汁入味，真不錯，還有炒飯也炒得很乾身。薑醋蛋：是以酸醋為主，薑爽脆入味，加上蛋浸了一些時間，掰開加上醋汁才吃，最佳拍檔。當然最

身邊多咗人奉行一星期一天素食， 除了飲食健康，對環境對地球始終都係一件好事～今日陪朋友去黃大仙北館嘅《 日常素食》 身體力行。 可以揀自助buffet形式 （晚市每位 $118），經濟套餐或单點。只有二人行當然揀自助形式，可以試多款不同菜式。座位設於店舖門外空曠地方圍間着， 取餐時也要戴上口罩保持衛生。熱食有十款左右， 做得唔錯，整體唔會好油膩或者濃味。清炒豆角 ＆ 羅漢齋豆角清甜夠爽嫩， 羅漢齋的馬蹄好爽口！菠蘿咕嚕肉咕嚕肉質感堅韌， 有咬口而且個醬汁好正宗， 菠蘿酸酸甜甜好開胃～咖哩薯仔 ＆ 金針雲耳蒸雞咖哩薯仔唔辣， 金針雲耳 竟然都幾入味， 素雞 的麵筋質地和蒸雞肉味道也很像真。蓮藕炆豬手豬手肥膏脂肪啫喱層真係做得好似～ 南乳香味濃。要試佢嘅葉羅漢果茶， 好滋潤饮完喉嚨好舒服。西洋菜湯， 裏面有粟米和紅蘿蔔都幾清甜喎！五素補羹， 味道似碗仔翅， 筍嘅味道好香～！薑醋蛋同豬腳薑嘅薑醋味差無幾， 醋蛋個皮好煙韌， 蛋黃好香，平時唔食薑醋個friend都勁讚好味道喎！豉油王炒麵和田園炒飯， 都幾有鑊氣唔會太油膩和過鹹。茄子豆腐和西蘭花椰菜花唔會焗到腍晒， 茄子好入味。另一邊有沙律區和

現在人們愈多愈講求飲食健康，少肉多菜，素食生活亦愈來愈流行，因此素食餐廳比以前多，不會再去廟宇或舊式齋舖，而且與時並進，還有放食放題。今晚就去了地鐵出口的黃大仙北館，跟朋友吃一頓素菜晚飯。閒日成人每位$118 （免收加一）。餐廳開揚有空間感，食物款式不算多但沙律、前菜小食、粥粉麵飯、餸菜、糖水、果汁、飲品、生果、甜品樣樣俱全，已經好足夠。輕輕每款都試試：《炒三絲》《川味回鍋肉》《羅漢齋》《炒蘿蔔糕》《菠蘿咕嚕肉》《椰香芋頭南瓜》《豉油王炒麵》《田園炒飯》《炆茄子》《黃耳薑蛋醋》當然沒有豬腳，但醋香十足，女人欣物。《綠豆海帶糖水》微甜健宜，而且海帶多，一般很少能吃到。《粉葛甘筍湯》湯很清沒味精，夠清潤。《熱羅漢果茶》《雪梨汁》《酸梅湯》味道天然沒另加糖，很清甜。《五寶數湯羹》和《咖喱薯仔》已經沒有了，很受歡迎，下次有機會要試試。

今日下午同媽媽去完黃大仙廟後，去左黃大仙中心食素食自助餐，平時同媽媽食齋，去齋菜館食，又要茶芥、又要加一，但依度$118一口價，對比齋菜館，價錢便宜有好多款炸物，有炸茄子、炸蕃薯、炸素蝦、鮮竹卷、炸芋魚炒素飯、豉油皇炒麵，味道不錯有好多涼拌青瓜、木耳、酸瓜⋯⋯，醒胃熱飲有普洱、羅漢果茶，凍飲有利賓納素翅，好似平時食既碗仔翅一樣，好味菠蘿咕嚕肉，麵筋同真肉冇乜分別，真係以為自己食緊豬肉馬拉糕炸物熱辣辣，香脆，炸粉唔係太厚，炸素蝦好食，炸蕃薯好甜有各式甜品及生果，楊枝甘露、桂花糕、椰汁糕、涼粉、西瓜⋯⋯食到好飽配合價錢及服務，下次要再帶媽媽食多次

今天約了朋友去黃大仙吃素食。這家素食店原來有自助餐，既然不貴，不如試試。行了一個圈，有飯麵小食，又有甜品涼菜，還有蒸點。豆腐茄子茄子幾香，汁濃，豆腐也好吃。蓮藕豬手蓮藕爽口，可以拉絲，味道也不錯金針雲耳蒸素雞素雞爽口好有趣菠蘿咕嚕肉這個很好吃，素咕嚕肉口感很好，甜酸適中，讓人胃口大開琵琶豆腐很香軟，熱辣辣的炒飯粒粒飽滿椰汁糕富椰汁香味，中間有紅豆，非常夾。桂花糕富花香味，不會太甜最後唔少得生果，又有西瓜，菠蘿，還有沙律菜可以選擇，甜品再end call.

同事生日，一向吃得清淡的她特別喜歡素食。大家就趁疫情好轉，四人齊齊來一頓素食自助餐賀生晨，不知是否太耐沒有吃過自助餐，大家都有種莫名其妙的興奮和期待，哈！壽星女揀了這間環境不錯的素食店，而且位於黃大仙中心，非常方便。綠油油的門面，感覺好fresh，加上開放式的設計，寬敞闊落。地方挺大，設有多張四人枱外，還有兩排長長的沙發座配二至四人枱，以及幾張卡座，而取食物區就集中在最入端，方便企理素食自助餐分三個時段，午餐（11:40-14:30）、下午茶（14:30-16:30）和晚餐（18:00-22:00），不同時段收費各不同，而初一、十五食齋日的價錢亦不同，但同樣免收加一服務費。我們當然是晚餐時段，由18:00-22:00任食90分鐘，成人為$118，而小童/長者就$98。亦順帶一提，除自助餐外，還有多款傳統齋食小菜和經濟客飯，選擇不少。******************是時候取食物，但帶返個口罩先。餐廳為各食客吃得安心，故指定大家要帶着口罩才可取食物，真係令我們安心好多，讚！先去凍盤區，色彩繽紛，挺吸引！有沙律菜、三色椒、車厘茄、鷹嘴豆、紅腰豆、粟米、西瓜、哈蜜瓜、菠蘿、醃菜、泡菜、涼拌