日常素食 (已結業)

嚟到黃大仙食齋菜， 餐廳位於黃大仙中心北館的2樓。餐廳很大，見到有不少長者在這裏享用齋菜。餐廳係一個自助餐形式，餐具要自己拎，最食完之後都要自己收拾。先食少少頭盤啊，頭盤有酸辣青瓜/木耳，泡菜，木耳酸酸辣辣好開胃。 食完前菜後就飲湯，有老黃瓜湯五寶素羹，黃瓜湯很鮮甜。飲完湯就食主菜，推薦咕嚕肉，應該係用猴頭菇製成，酸酸甜甜，口感爽口，可以媲美出邊嘅咕嚕肉。主食方面仲有很多選擇有上湯津白，甜豆西芹，炒三絲，窩笋淮山，芋頭南瓜等。另外仲有好多炸物，有炸咖喱角， 炸春卷，推薦炸芋頭，炸芋頭好軟很淋。食完主菜後仲有甜品同埋水果；甜品很多種類有薑汁紅棗糕，楊枝甘露，涼粉，水果汁有西瓜車厘茄。

位於黃大仙中心北館2樓電梯上到地面就見到非常方便，地方算寬敞，環境光猛，女侍應生非常有禮貌，可能是下午自助餐，入坐時不算人多，坐位好舒服，食食下便好多人了。😄下午自助餐每位$68真的很平民化，最啱姊妹們 shopping完三五知己坐下一起享受了。👩款式也很多呢！睇得出師父也很用心製作食品，各種款式美觀級引，更不時添加食物。食物多數是傳統素食，非常適合初食素者，味道清淡不濃不肥膩。👍每樣食一件都好多啊！😂馬拉糕 紫芋糕 糙米糕  咖哩角 素鵝 芋頭魚 番薯 豉汁苦瓜 南瓜炆芋頭 特別煎釀茄子魚肉好真呀！味道一流👍琵琶豆腐手勢非常了得👍👍一出嚟！差不多已經冇曬😁好功夫👍烏梅汁雪梨汁比較淡，不太甜。最啱食完美食清清口腔了。👏沙律都好特別，有很多款式，本人就喜歡食三色椒三色豆非常夾，顏色又靚又健康。最特別係竟然有薑醋蛋，整返碗先 。😁雪櫃甜品就少咗啲只有兩款，紅豆椰汁糕和桂花杞子糕，不算太甜味道清淡。重有雪糕啊！食了一球。😁總結~~蔬菜款式又多，選新鮮蔬菜食材，廚師有心機製作款式，侍應生有禮貌招呼，最緊要味道又不錯入口又不算肥膩不算咸，好開心滿足的自助素餐。😍

很少吃素食，今天因為朋友喜歡吃素食，就試試這餐廳😊餐廳是開放式，環境簡約舒適，食物區真的有很多款式，熱盆冷盆甜品沙律也有，我估有大約五十款菜式👍🏻沙律巴也很大，很多選擇，哈蜜瓜超甜，吃了很多😊👍🏻相片右邊的是琵琶豆腐，是我覺得最好味的一款！口感很淋，外面的汁醬也配合得很好😋我共吃了三四塊左邊的是椰香芋頭南瓜，椰香非常香，也煮得很淋，和南瓜配合得很好👍🏻這個是用糖炸的芋頭，甜甜地又脆脆地，是不錯的小食。總括食物種類很多，每款吃一塊也飽了😋不錯

不知什麼時候開始喜歡間吾中抽時間出嚟吃一餐素食。感覺好似健康啲，所以一直堅持下來。日常素食位於黃大仙地鐵站附近商場內，交通非常方便。餐廳半開放式設計，位置非常寬敞，空間足夠，通道寬鬆。食物區集中在一區，方便取用。有沙律、熟食、熱食、蒸類、炸物、水吧丶熱湯、糖水、甜品、生果⋯種類上來說係算多嘅。餐廳嘅熟食會時不時轉下種類。例如第一輪我吃左菜心，下一輪又轉左做煎釀三寶。夠晒驚喜。炸物大概六至八種。炸番薯當中如果有紫薯就更好啦，因為我比較鍾意食紫薯。煎釀三寶係廣東人代表作，素食也加入呢個元素。入場計90分鐘放題時間。素食除咗健康，一般都崇尚環保和愛護大自然，所以餐廳主張少拿多次，不造成浪費。食完之後還要自己收集餐具。

好食的餐廳我一定會再次回味，今晚收工相約知己到黃大仙「日常素食」來相聚兼尋味一翻。菜式與味道都保持住，沙律新鮮甜椒爽脆，麻醬粉皮同蒟蒻麵條都是我必食。欖豉叉燒蜜汁味豐富口感佳。甜品時間到，冷熱都有任你選擇，我特別喜歡紅豆椰汁糕，奶香椰味濃。😋上次都忘不食豆腐雪糕，今日初嚐口感軟滑帶豆香。😋入座計 90 分鐘抵食，收費 $110 免加一，重點坐得舒服，非常滿足的一個晚上。

在黃大仙廣場其實選擇不多，但竟然有一間新開嘅素食自助餐廳，就和朋友兩個試一試，每段時間會推出唔同嘅菜式，熱食選擇很多。最好吃的是【金菇西蘭花】，芡汁味道濃郁像蠔油，一注注金菇夾西蘭花。【自家製豆腐燴小白菜】的豆腐像玉子豆腐包著菠菜碎，【煎壤三寶】的饀料質感非常逼真，做得很像，而且味道亦夠濃郁。除了熱食還有其他炸物，例如蔬菜天婦羅，有茄子、南瓜等，而【芋頭魚】和【腐皮卷】都很有水準，我覺得最好吃是【炸蛋散】，不算太甜，但炸得夠香脆又不油膩。另外有不同甜點如【桂花糕】、【椰汁糕】和【芒果布甸】，又有【楊枝甘露】、【馬拉糕】和香港製造的【豆腐雪糕】。其他【沙律bar】和【飲品bar】選擇都很多。

上網睇到以為好多野食！但去到現場環境發覺已經受騙！75分鐘下午茶放題！首先門口待應唔比客人入去睇有乜嘢食！可能公司規定我唔怪佢！但原來入到去先知出事！啲嘢食完全唔Refill !出去一轉之後已經冇嘢食！莫講話其他食物連基本炒粉炒麵都話冇！從來未試過！真係好差！竟然連啲侍應服務態度都有問題！不停出碟但唔出嘢食！我同個侍應講！個侍應竟然叫我自己同廚房師傅詐型！食到火都嚟埋未食過咁樣嘅放題！感覺上係完全受騙！一定唔會再有下次！

我哋去食下午茶時段，2:15已經有10幾人係門口排緊隊，佢大約2:25開始比人入去，入去前先攞飛，跟住侍應就會帶位，食完走時再比錢。可能因為假期前夕(我哋係平安夜當日去食)，人特別多，有9成滿，食物仲係上一時段食剩嘅食物，之後添加新鮮食物嘅速度好慢😔，好多小菜類同炸物都經常冇得食，呢點有D失望🙁。前菜:酸醋雲耳、泡菜、粉皮 (可自己加麻醬)、酸白蘿蔔青瓜條、麻辣青瓜、酸青瓜紅蘿蔔絲、沙律菜、車厘茄、紅腰豆、鷹嘴豆、燈籠椒、荷蘭豆、粟米、菠蘿、西瓜、哈蜜瓜小食:壽司、炸茄子、炸蕃薯、春卷、咖哩角、芋頭魚、脆麻花、腐皮卷、椒鹽豆腐壽司較普通，入面包住甘筍、青瓜同酸蘿蔔。素食自助餐嘅炸物嘅質素一向都唔錯，呢間都係一樣，尤其是炸茄子，外脆內軟，可以咬到一絲絲嘅茄子肉。腐皮卷外皮夠脆身，餡料多，咬落好滿足。糕點:薑汁糕、紅豆小米糕、南瓜糕、饅頭、馬豆糕 (好快比人夾哂，我第二輪出去夾野食時已經唔見有，店員亦都冇再添加)、馬拉糕 (呢款糕點我連係出面見都見唔到，淨係見到隔離枱食緊)、桂花糕薑汁糕嘅薑味好重。南瓜糕甜甜哋，口感煙韌。我見openrice 嘅評論都推薦呢兩款糕點。小菜:茄子豆腐、傳統羅

這天中午陪亞姨來這家日常素食，位置於商場內，坐位濶落，食物種類豐富，賣相吸引，味道方面屬中上，感覺製作是頗認真的。冷盤有：爽口的雲耳、醃青瓜和醃蘿蔔絲等也有素壽司和自助沙律等。熱葷類有：茄子炆豆腐、西蘭花炒雲耳、炒涼瓜、炆時蔬、咖喱薯仔和羗醋蛋等。也有炒飯和炒麵。煎炸類有：軟糯的南瓜餅、咖喱角、春卷、很多蘿蔔蓉及很惹味的炒蘿蔔糕、煎蛋餅、素鵝及質地粉軟的炸竽粒等。中式糕點有：傳統口味的馬拉糕、小饅頭、和羗味濃郁的羗汁紅棗糕等。甜品有楊枝甘露和海帶綠豆沙，兩者味道不會過甜。這裡用餐完畢後，是需要自行把餐具送往收集區的。這樣餐廳便可以減少人手降底成本，也所以讓顧客稍作伸展，幫助消化呢！

食物款式多，手工精緻，是花心機做的菜式，每盤食得差不多會換另一個菜式，不用擔心吃來吃去那幾盤，非常有新鮮感。素瑤柱西蘭花瑤柱是用金菇製成的，味道很香，有真的瑤柱味，太神奇了。我本來就喜歡吃西蘭花，這道菜再添了幾次，配飯吃更好。煎釀茄子茄子很大一塊，口感軟軟的，仍魚肉的部分是用麵筋做的，是有魚肉的彈牙口感，好好吃。蒸蛋吃了很蛋不太記得名字，像蒸蛋是一層層的，有腐皮夾層，每層有不同口感，混在一起吃口感豐富。

是日好日，跟前輩去了黃大仙參拜，之後當然要搵地方食一食齋，洗滌一吓心靈，以前在黃大仙中心都有食開齋，不過唔知係咪近幾年新裝修過，大部分店舖都變了，所以跟前輩找查下見到這間有素食自助餐，見時間許可(限食75分鐘)，價錢都可以，就入咗去試吓。唔知道午市同晚市嘅素食款式是否一樣，因為選擇都幾多，而且不是凍冰冰，味道都拍得住外面其他的素店，第一眼望落有點似回到國內食團餐嘅感覺，但攞食物時都見到服務員在旁邊協助同提示，地方都好乾淨，沒有污糟感覺，可能老人家和街坊偏多，見到服務員都同啲食客有講有笑，算係幾有人情味嘅一間食店。

平時食得太過熱氣 所以今次搵左一間素食自助餐呢間素食自助餐是位於黃大仙市中心 地鐵入商場就到 十分方便👍👍因為閒日人流吾算多，好快就有位。位子十分寬闊。呢間素食自助餐主推傳統素食為主，菜式比較清淡一些。適合我呢D長期食煎炸野既都市人清腸胃。 吾好以為素食自助餐好清調 無咩野食。食物菜式有 30款素食提供，但每日會從中抽出幾款出來。店員會不定時推出新款食物出黎，不過建議準時6點入席，因為太多好餸好快俾人清了。要左等店員推其他食物出來，這會花了一點點時間。前菜 沙律有新鮮既粟米、生菜、紅豆等等配搭自己口味既醬汁混合一同食用 熟食方面，我本人喜好 菠蘿咕嚕肉，用了素雞代替了肥豬肉,有肉的咬口,又不會肥膩,加入現成的甜酸汁 好惹味❤️餐廳有自製素蘿蔔糕與出面的有些不同，因為無肉既油膩,食落會更加清甜。仲有陳醋蛋 醋味濃道剛好 溶易入口

朋友叫我到黃大仙北館食素放題，我就覺得好新鮮，齊菜都有放題，有咩食？心裏都有疑惑，但又不防一試。到了北館廣場2樓，看見一處開放式食店，這就是日常素食店。裝潢簡潔俐落，環境衛生整潔，給人舒服感覺。豉油王炒面，田園炒飯配咕嚕肉、西蘭花，這就是我的頭盤。炒麵味道適中，麵條爽口微彈。炒飯香軟綿密，都幾好食。齋菜炒羅白糕，值得一試。不油膩、有口感，味道都唔錯。薑蛋醋：薑不辣，選細件就沒有根，容易食。蛋細細粒，夠新鮮，有蛋味。醋酸中帶甜。除了齋菜外，還有沙律吧，有不同新鮮水果，甜酸青瓜，泡菜等等，都適合不同人士選用。飲料區有酸梅汁、雪梨汁任你飲。雪梨汁清新淡雅，飲多幾杯都不會肥。我覺得今晚食得健康，沒有肉，沒有味噌。每星期食吓素菜，清理一下腸胃。人都健康D。

After vacation in the US where we ate nonstop huge amounts of gluttony, boyfriend and I returned to the world of Hong Kong. I wanted something a bit more humble and clean for my meals lately. Boyfriend mentioned a new vegetarian buffet place near his home so we decided to try it out.日常素食 (English name: Daily Green) is located in the mall right next to Wong Tai Sin Temple. They offer a vegetarian buffet that are priced according to lunch, afternoon tea or dinner session.  There is no 10% service

家中兩老常常要我帶他們去食素食，早排聽到做導遊嘅舊朋友傾計講開佢帶團時行過商場知道黃大仙開咗間素食放題，所以就跟佢介紹帶咗兩老去試吓。因為食放題有指定時間，晚上6點才安排入座，都幾多老人家同佛教徒去食(偷聽隔離左右對話估計佢地係佛教徒)，款式都幾多，多到攞完第一輪想encore之際，出去再攞可能已經轉咗其他菜式。同埋有我最愛嘅芋頭魚，本來去其他齋鋪都必點，而家有得任食當然唔放過。有湯、甜品、飲料、沙律，種類算多元化，帶長者嚟食都幾抵，兩老都表示滿意。