日和茶舍 (已結業)

餐廳以木系裝飾為主 環境優雅寧靜🍂這裡主打健康食材 如選用不含激素的西班牙黑毛豬以及自家製餃子🥟.黑毛豚腩叉燒肥瘦相間 油脂增加整塊叉燒的質感 女王叉燒選用梅頭部位 肉質會比黑毛豚腩更加細膩🍖另外動物造型的點心亦很有心思 雖然味道和一般點心沒有太大分別 但相信大人小朋友也會喜歡🍤

食物質素同環境都OK，店入面嘅裝修好靚，好適合影相打卡，以花及雀鳥做主題，天花掛著不同鳥籠作為裝飾，牆身亦有花鳥嘅畫，而且枱與枱之間好闊落，感覺好舒服，tea time唔太多人，好適合girls talk...但係個女職員嘅態度超差，食到中途想搵個職員幫手收走枱面部份的碟，一嚟到就話要戴手套先至可以收，佢啲語氣好冇禮貌，咁法例要求咁我哋都覺得冇乜問題，但個女職員戴完手套過嚟收碟嘅時候極之大力及發出超大聲，感覺唔係太良好...

環境來講算係唔錯，靜靜地，方便同朋友傾偈。Lunch嚟到得一兩枱客。午餐set有跟沙律同湯同飲品，而飲品可以揀花茶。湯同沙律味道都算唔錯嘅。但係主菜就真係麻麻醬油橡果豚肉野菜丼啲肉好韌，豬味又普通。個飯嘅醬汁又太咸，隻溏心蛋又好咸，叫得野菜丼，以為會有多啲野菜，得一塊。份飯嘅份量算少，女仔可能夠，但男仔應該唔夠食。香煎西班牙豚肉野菜湯飯（香辣沙嗲湯）個湯有少少辣 幾開胃嘅，但都比較油，好彩個飯係另上。但以午市呢個價錢，就附近有更多選擇。

日和茶社，主打點心和餃子咁究竟係食啲日式？中式點心？定係餃子？入到餐廳，見到枱面有嵌入式電子爐⋯用嚟打邊爐嗰種。究竟呢度係食咩？唔通真係樣樣得？裝修雅緻，木係和式風格另外再加點粉紅色少女風，值得嚟打下卡既然餃子出名，就試吓餐牌$88的餃子湯麵吧！前菜沙律加南瓜湯沙律還算可以，南瓜湯⋯認真不敢恭維味道很淡亦很稀⋯味道似罐頭湯加水（雖說是午餐定食，配菜拜託努力一下）定食包括的凍檸茶，盡量當然不能和茶餐廳比較。少少一杯，女士分量剛剛好配合台上的粉紅色小乾花，兩張靚靚打卡相登登登～主菜出場。第一眼有少少嚇親⋯喺碗日式餃子面上邊放沙律菜？食落真係有啲唔夾⋯再加埋個豆乳湯底⋯好淡⋯(容許有煮開飯嘅我講句..呢啲唔係叫清淡⋯係冇味⋯加多少少柴魚粉落去已經會好好多）成碗野個味好分離⋯個麵底吸唔到個湯味，紫色嗰塊沙律菜仲要有啲苦苦地⋯同個湯撞味，sorry講句真係好怪我一向唔抗拒fusion餃子，逢餃必愛呢一個豬肉黑松露蘑菇餃係我食過最有「層次」嘅餃子豬肉，黑松露，蘑菇三個味完全傳無法混合 （仲要係個肉餡到都未混合到，甩開一嚿嚿）分別食到三舊餸嘅味⋯成隻餃子味道好唔統一。好怪我好少劣評餐廳，搵食艱難。我

同朋友2人本身book左枱夜晚7點半，晏晝有人打黎confirm booking。 準時7點半去到話冇位要等，咁問要等幾耐，一個態度惡劣既女店員答: 「咁前面既客人overrun左嘛，5點鐘，6點鐘都有客人架嘛。等15分鐘啦，有客人就走。」等左半個鐘，8點仲未有位，而遲過我地黎既3個人反而入左去。我地仲傻傻的等... 唯有再搵人黎問幾時入得，店員話: 「丫 我地好少咁多人overbook架 我再幫你睇下啦。」我一眼望過去 所有2人枱都好似岩岩開始食冇耐... 白白浪費左半個鐘，不知仲要等幾耐，再加餐廳係完全冇覺得唔好意思，最後決左離開。 其實等一陣唔係問題，但態度令人好唔舒服同完全冇諗辦法安撫好客人。不會再光顧 !

一去到餐廳，侍應淨係比啲食火鍋既餐牌我地，基本上一個鍋都要成三百幾蚊，但個陣都差唔多3點算係下午茶時段，我同朋友都唔想食咁多野，同埋睇openrice 啲相係見到有飯食，然後我地問侍應，佢先拎張午餐餐牌出黎，最後比錢發現訂左座都係無折扣，因為單點先有折，同朋友各叫左一個鰻魚飯套餐，人均消費$174.5。其次，侍應對餐牌毫無概念，每問佢一個問題，佢都要返入去問同事先答到我地，雖然佢無唔耐煩，但搞到我都唔好意思，好似我地刁難佢咁，但我哋只係問好簡單既問題，例如：仲有無飯賣？是日花茶係咩茶？套餐小食係咩小食？但佢對於每個問題都答唔到，佢總共行左成4 至5次問同事。此外，饅魚飯味道不錯，小食係蟹鉗黎，可惜無沙律醬點，但飲料出事，個餐湯唔知係咩湯，之前問過侍應，但顯然佢唔識答，淨係答無得揀咩湯，係套餐包埋。個餐湯好似好立克既顏色同質地，聞落去有陣臭味，試左一啖係無味，而且佢唔係裝滿比我，我個杯好似比人飲過咁，得返半杯多啲左右，我同朋友都唔敢再飲。另一方面，個花茶味道都正常，但望落去一朵花都無，同埋用個好似飲啤酒既杯裝住，超級奇怪。成個用餐過程都唔愉快，由一開始好似逼我地食火鍋，到侍應乜都唔識，再

我地叫左兩個Set Lunch，本身諗住再叫多兩個小食，不過因為太飽，所以最後都冇叫到。南瓜湯：用杯裝，可以直接飲幾好，味道同份量都啱啱好。如果滿分係5分，佢有3.9分。沙律：正常，醬汁唔會太多，都算ok。如果滿分係5分，佢有3.3分。八爪魚串：正常，唔會太濃味，可惜質感有少少硬。如果滿分係5分，佢有3.1分。主菜-焗黑醋無激素雞腿伴野菜飯值得推介，味道同質感都好好，份量好足。如果滿分係5分，佢有4.1分。主菜-醬油橡果豚肉野菜丼溏心旦配埋有少少醬汁珍珠米嘅白飯唔錯，豚肉既質感都ok。如果滿分係5分，佢有3.9分。整體黎講，食物質素唔差，性價比都高，環境都ok，加上可能我地食得晏，唔太多人既關係，靜靜地傾計一流。唯一我覺得唔太好既係廁所，出入都好迫好迫，如果唔太急既話，建議行多兩步去附近既商場會比較好。

呢間具有日式風格又走上fusion設計，另一邊有一個花花打卡位最啱啲少女喺度傾偈嘅時候亦都可以同朋友一齊打卡影相🌸🌷✨醬油像果豚肉野菜丼睇咗lunch Menu選擇咗豚肉丼丼，原來係用咗像果豚肉事不宜遲食咗個前菜先呢個日式餃子都幾香脆裏面仲係嫩滑前菜食完之後我哋就食主菜一到枱嘅時候就見到呀好似一個風景咁，因為每一塊豚肉望落去係比較厚身入口口感係非常Juicy同埋好腍鎖住咗肉汁嘅鮮味配埋個珍珠飯成個配合非常高質✨👍🏻👍🏻👍🏻✨原條日式鰻魚旋轉蛋飯我一個鰻魚控見到Menu 有一定要order嚟到成條原條嘅鰻魚放咗喺蛋包上面第一啖鰻魚有魚油滲入口腔，而肉質比較腍，鰻魚汁偏甜容易入口配一口香滑蛋簡直係層次好豐富，整個餐份量都好多，我一個人係食唔晒，另外值得一讚就係佢嘅海鮮湯感覺好fresh自製咗海鮮湯比較健康啲唔會有味精

餐廳：日和茶舍 (尖沙咀)地址：尖沙咀堪富利士道6-6A號爵寓1樓適逢考完試又臨近聖誕節🎄，當然要同朋友一齊去放鬆吓🥳，不過都唔好忘記限聚令，依段時間大家都要小心身體，做好個人衛生，同埋唔好冷親呀🥶一入到日和茶舍就感受到濃郁嘅日本餐廳味道🇯🇵，仲有棵靚靚嘅聖誕樹同埋一幅粉色系嘅花牆🌸，唔知又啱唔唔鍾意打卡既你哋呢😍？雖然餐廳名同環境都比較日系，但係餐牌裏面都有唔同種類嘅食物同飲品任君選擇💓叫午餐送餐湯同埋小食或者野菜沙律🥗，時日小食喺日式春卷，另外仲有一杯熱飲☕️，值得留意嘅喺依家做緊午市8折優惠呢🤪醬油橡果豚肉野菜丼 $108一上菜就聞到好濃郁嘅豚肉味，而且每舊豚肉無論肥瘦同大小都好均勻，加上濃郁既醬油，同䐁肉非常夾👍🏻，如果淨係食䐁肉覺得有啲甜，但撈埋飯去食就啱啱好😻，仲有一隻溏心蛋🥚，同埋野菜沙律伴碟呢鴛鴦餃子手工扁麵 $88兩款餃子分別喺用咗西班牙黑毛豬去整嘅時令香菜馬蹄豚肉餃，同埋用咗無激素走地雞去整嘅養生牛肝菌雞肉餃🥟，值得讚嘅仲有個手工扁麵，入口爽嫩彈牙，幾特別😎

放假同老公食個lunch+ shopping，朋友介紹左呢間係尖沙咀K11附近既呢間日式餐廳。餐廳有少女系花花牆打咭位，裝修還有好日系既感覺呢！我們order了做緊8折優惠既set lunch，set lunch 有湯、沙律/小食、飲品及主食。野菜沙律沙律菜夠fresh夠爽口忌廉粟米湯好creamy帶小小奶味，諗起冬天於日本旅行時喝的熱騰騰粟米湯呢☺️餐飲點了black coffee n 凍檸茶七味空腹肥牛野菜丼飯很大的份量，還配了溏心蛋。肥牛口感嫩滑腍身，配上濃濃且野味既七味醬汁+日本珍珠米，好食😋 原條鰻魚蛋包飯外層的蛋很滑，軟綿綿的加上日式蒲燒醬汁，甜甜地，鰻魚外皮燒得酥脆帶點魚油香味好野味，鰻魚肥美亦夠厚肉。餐廳有質素lunch set優惠幾抵食，會再幫襯!

依家唯有去食午餐先可以堂食，去咗間好有嘢食餐廳宵夜食午餐。環境好大好清幽。當去咗日本啦！餐湯及小吃(沙律或春卷)餐湯係忌廉湯，味道好濃，小食揀左各一，沙律好開胃，春卷好鬆脆，唔油膩，餡料多焗無激素雞腿伴牛油果飯 $128雞腿好香口，咬落好嫩口，好入味！大大舊牛油果伴飯，份量好夠飽。大蝦海鮮手工扁麵$138有大蝦、青口、帶子。三樣嘢食材都煎到金黃色剛剛好！用料都好新鮮，大蝦爽口、青口同帶子都鮮甜。手工扁麵係好似沾麵咁食，湯底好香牛奶味！麵又爽口彈牙。兩杯日式蒸餾咖啡咖啡味道香濃十足，可以自己選擇加唔加奶同落幾多甜！

近來發現左一間尖沙咀樓上日式餐廳, 主打火鍋/鍋物, 見到佢晚市有鍋物餐, 幾吸引就走左上去試下。餐廳環境比人一種舒適感, 簡單又日系。鍋物餐最平$168最貴$248, 每個餐有前菜, 白飯同飲品。田園沙律澳洲頂級和牛牛頸脊餃子鍋 $248豆乳雞白湯味道清甜, 和牛油花幾靚, 雖然未至於入口即溶但油香豐富。而依度既餃子好特別, 有多款口味而且係出面係食唔到, 店員話新推出左辣味既牛魔王餃, 唔洗諗啦愛辣既我梗係要試! 味道係有驚喜, 牛肉餡唔少而且加左麻麻辣辣既味道, 好夾好好食!澳洲和牛野菜鍋麻辣蕃茄湯味道好濃郁, 質感厚身, 辣味幾突出, 愛辣既要試下! 和牛肉質軟腍亦有牛香, 係不錯既選擇! 另外仲有好多菜, 菇等等, 配上辣湯食好過癮~最後飲番杯清香花茶, 舒服!

今日同男朋友黎到尖沙咀日和茶舍食個late lunch。餐廳環境舒適，座位寬闊，佈置都好有心思。我地叫左兩個lunch set，分別係香煎頂級安格斯牛小排伴薯蓉沙律菜同原條日式鰻魚旋風蛋飯，包日常餐湯&野菜沙律/小吃，仲有一杯飲品。日常餐湯係椰菜花粟米湯，佢唔係屬於creamy路線，但卻好好飲。飲到入面仲加左薯仔，真材實料。小吃係米網蝦卷，脆卜卜，好食。香煎頂級安格斯牛小排伴薯蓉沙律菜好欣賞牛小排用既係靚牛，有牛味又有油脂感，而且切成一條條疊起，擺盤有心機。薯蓉都好好食。野菜沙律幾大碟。原條日式鰻魚旋風蛋飯幾靚，鰻魚肥美可口，唔多骨。飲品係熱同凍既檸茶。

Serenity Tea Room🌸 Lovely Wonderland💕..一間尖沙咀樓上餐廳🍽 走和式簡約🌸 風格，環境舒服又寧靜，下午來吃個午餐感覺真不錯。除左有熱門可愛打卡Dim Sum 外，原來都有定食：日和特選午餐💕Serenity's Weekly Lunch，同樣精彩。有齊：前菜、餐湯、主食，飲品，仲可以追加小食，很豐富啊。.ll $178 200gPremium Angus Beef Short Ribs w/ Homemade Saucell $98BBQ Spanish Iberico Pork Rice．Onsen Egg w/ Egg.5成熟牛排🐮，紅紅嫩嫩，餐廳預先切好上碟更顯精緻，口感嫩度同樣Keep到；黑毛豬🐽 叉燒同樣處理不錯，肉腍而帶甜，配上溫泉蛋🥚 呈溏心，跟醬汁伴飯吃一流。.ll $24 /2pcsGoldens Shrimp Ball另外追加既小食🍤，蝦球炸至金黃彈牙，又帶點香脆。.✨Starter：沙律 or 小吃 ; ✨Soup：手工椰菜花粟米忌廉湯✨Drink：黑豆豆漿 Sesame Soya Bean Milk.每個套餐都有齊上述3樣🤗

日本裝修嘅風格😍坐得好舒服而家堂食有八折優惠😙首先會有餐前小食同沙律 質素都唔錯 係細份咗少少黑毛豚叉燒温泉蛋飯 (4/5)叉燒瘦得黎，口感好鬆完，絕對唔難咬亦唔痴牙。不過👦🏻就鐘意食肥叉多啲😂另外叉燒應該用過蜜糖去處理，甜甜的幾好味，但温度上唔夠熱。焗無激素雞腿野菜飯 (4/5)雞肉嫩滑，肉汁豐富👍🏻雞皮亦焗到脆脆的。另外加上清香嘅柚子汁，令到整體無咁膩。而且雞嘅份量都算多。另外一讚，侍應服務好好！即使得一個人打理店面，但係亦都有禮貌😊