日和茶舍 (已結業)

放假帶愛寵去新嘗試，openrice85折優惠，有得意點心及日式，食評相片中環境，有寧静清新大自然感，夢幻，到達後不負所望，簡單自然氣色粉牆畫，静態彩色鳥兒在雀籠上點缀，配合淺黃木枱，木拱橋盛載調味料，加上只有一枱客，喧嘩隔絕，悠然已生。點黑豚肉义燒温泉蛋飯午市套餐$98，用長方石纹平碟盛載，賣相也不錯，义燒有根，味可合格，蛋過份浸温泉，老咗！飯一般。黑松露豚肉餃子$68，湯濃，豬肉湯粉攪出，接受，皮滑，黑松露及豚肉合格，不會失望。點心拼盤$68，金魚餃子與蝦餃餡差不多，都是蝦，扎實，味可，皮煙靱，前者賣相生動，豬豬义燒包，义燒餡好食义燒飯的义燒。上完以上菜，才上套餐雜菜湯及鱆魚燒，次序有問題，湯多雜菜，濃，有住家感覺，鱆魚丸壓為長方型小片，味也可，一啖食咗。配烏龍桃茶，桃香，洗滌心情，在鬧市有此悠閒店， 閨蜜或情侶談情好地方。

🧡 第一次去呢間餐廳，上到去見到有好多得意嘅畫，亦都有五彩繽紛嘅壁畫🌈🧡 餐廳有得食一人鍋，火鍋，亦都有可愛嘅點心~🧡 今次我同🐼就叫咗一人一個 "日和雞餃子鍋🥟" $268🧡 有成半隻雞，加五隻餃子🥟。餃子有四款揀: 野生牛肝菌雞肉/ 黑松露雜菌豚肉/ 牛魔王/時令餃子。全部都好多料，滿足😌🧡 湯底係白雞湯，好濃味👍🏼 最得意係入面有熊貓造型嘅魚蛋片🐼😂 好可愛！🧡 跟餐仲包左沙律同埋一杯飲品☺️

呢日由朋友帶路，上左黎一間食日式涮涮鍋既靚靚小店入面既環境好舒適，以不同既花卉及雀鳥既裝飾作為佈置晚市料理主要分為兩大類，分別為熟鍋及涮涮鍋～熟鍋即係既有固定食材組合，涮涮鍋則如平日食火鍋般自由剔選自己所喜歡既湯鍋同食材！！依家無論係食熟鍋套餐定單點涮涮鍋都有優惠，套餐有八折，單點食品就有七折，當然兩種優惠只能選其一喔我地有唔少心水食材都想試，加上單點食品有七折，所以我地當晚就無點熟鍋料理，點了一盤鴛鴦湯底既涮涮鍋先黎調配醬料，推薦要試試他們自家製既蘿蔔乾，超級惹味湯底選了豆乳拼椰子兩款口味，兩款湯底都非常濃郁，特別係椰子雞鍋既味道清甜，同時帶有啖啖既椰香，當中混合鮮嫩既椰肉，單係湯底以已忍唔住飲左兩碗呢度既海鮮都好高質！！！當日點選既帶子同虎蝦絕對係珍寶級，前者食落鮮嫩，後者爽甜肉類質素同樣高，和牛頸脊固然脂香肥嫩，而豚肉片更是驚喜！！當晚點選既豚肉係 西班牙橡果梅頭肉，食落十分爽嫩之餘又肉香十足，真係非常值得一試而店內既餃子亦係店家自製既，當晚試左牛肝菌雞肉同黑松露豚肉餃，兩款既香氣各有特色！手工扁麵很有嚼勁，就是對口味喔就連野菜籃既賣相都特別精美，新鮮既蔬菜吸入鍋湯精華後，份外

秋意正濃要開始打邊爐，今晚上黎呢間日和茶社食日式火鍋。餐廳嘅裝修好有日式文藝風，不乏花花草草，座位亦有好多4人卡位。呢排火鍋做緊7折，感覺真係平左好多。本身有供應玄米茶，$8一位，的確好香。醬料費用$28一位，選擇有成架車咁多，當中最鍾意沙茶醬、芥末芝麻醬。我地今晚點左雙拼湯底，古法藥膳養生醉雞、椰子雞（$138+$20）。食物方面：和牛牛頸脊四兩（$188），無咁肥嘅部位，但依然好重牛味，切得夠薄，無乜筋。黑毛封門柳四兩（$118），一樣薄切無筋，肉味濃。三寶丸（$88），分別係牛丸、花枝丸、台灣貢丸，當中貢丸係有爆汁效果，花枝丸嘅墨魚超彈牙而且份量好多！牛丸油份都好多。牛肝菌雞肉、黑松露豚肉餃子（$68+$10），餡多而且皮薄得黎又煮唔散。北海道帶子兩隻（$56），超級大粒！煮完依然好滑。日本廣島蠔4件（$78），一樣好大隻，無腥味。野菜籃（$68），擺得好靚，真係一個籃咁，當中包括好多款蔬菜。

「日和茶舍」嘅環境走日式簡約、寧靜風格，主打人手製作、即叫即製餃子配豆乳腐皮白雞湯。追求健康天然的配搭，用上多款菌類及無激素走地雞作餡；用料刁鑽，選用日本大蔥配黑豚肉，同時亦有供應各款特色造型點心。餐廳內好多擺設同裝飾，絕對係女士們影相打卡嘅好地方。近日秋風起，絕對係食熱鍋嘅好時候，我哋一行兩人，叫咗兩個鍋。前菜嘅野菜沙律新鮮，配上麻醬，非常清新美味。日和雞餃子鍋一人前：呢個鍋有日和香滑雞半隻，同埋五隻餃子配自家製美味養顏白雞湯。餃子款式有四款，分別有野生牛肝菌雞肉餃子、黑松露雜菌豚肉餃子、牛魔王餃子，同埋時令餃子。餃子外皮厚薄適中，入口嫩滑多汁，餡料飽滿，牛肝菌雞肉餃子菇味香濃，黑松露雜菌豚肉餃子相當惹味。湯料方面，除左粟米同菇之外，仲有切雞，包括雞胸、雞髀同雞翼，肉質嫩滑，湯底味道十足，簡直無得頂。特上肋骨上肉野菜鍋一人前：近骨位嘅肋骨上肉比較多脂肪，肉質偏軟，配上麻辣蕃茄鍋，入口微辣，蕃茄味偏輕，鍋底入面仲有唔少嘅蔬菜同粟米，配上日本珍珠米飯，味道非常夾。套餐有跟飲品，唔喜歡嘅話可以加$42轉特製花茶。我地揀左「蜜糖洛神花茶」同埋「粉紅玫瑰」。賣相有少少似利賓納嘅「蜜糖洛神花茶」

支持小店，是最近外出用膳的目標!除了私心喜好外，是因為發覺小店更用心經營。 一向喜歡水餃的我，最近試了這家以健康為賣點，人手製作的餃子鍋　１人前料理。既然人手製，我就自不然不期望賣相非常精美（精美的多以機製！）晚市料理均包括一客前菜沙律１人前餃子鍋，本來幻想著是火鍋形式的餃子鍋的，食物一到就知道自己想多了，不過還是滿滿的驚喜！【澳洲頂級和牛牛頸脊餃子鍋　１人前】包括：頂級和牛牛頸脊，５隻餃子（牛魔王餃子）　配豆乳雞湯，日本珍珠白飯牛魔王餃子—餃子皮薄，餡料帶點辛辣但有牛香味，不錯！和牛牛頸脊這個絕對是高質，價錢與質數成正比，牛味香濃，在豆乳雞湯煮過後，使湯底都有牛味，配白飯真的一流！【日和雞餃子鍋　１人前】日和香滑雞半隻、５隻餃子（野生牛肝菌雞肉餃子／黑松露雜菌豚肉餃子）配自家製美味養顏白雞湯此鍋並沒有配白飯，當初都擔心只食雞同餃子會否不夠飽！？後來發覺半隻雞還是頗多的，雞　的確的滑嫩，而２款餃子都非常好味，皮薄多汁黑松露味濃。不得不提，此湯底我喝個不停，真的非常好喝且你會發現並沒味精　（一般味精湯飲完都非常渴），正。最後我是整鍋連湯都吃完！各自食完個１人前鍋，店主都貼心送我們每人一客

好耐無打邊爐, 最近就約朋友兩個都去打一次先,唔講真係唔知有間環境咁好既餐廳係樓上.我地叫左個火鍋, 朋友極力推介清甜椰子雞鍋, 我又想食蕃茄又想食沙嗲, 見隔離點沙嗲好似好正咁, 咁另一邊我跟香辣沙嗲鍋打邊爐點少得SEAFOOD, 叫左特大虎蝦，外殼清晰鮮明，晶瑩剔透，肉質鮮美甘甜好爽口。北海道帶子有2隻，帶子豐厚的肉身極富彈性，味道鮮味甘甜。再叫埋邪惡既炸響鈴卷, 口感好鬆脆，塔配沙嗲汁，絕配!! 係時間點番D菜BALANCE下, 點左野菜籃 -白菜、生菜、娃娃菜、粟米、金菇，椰菜花都係好新鮮, 樣樣都有, PERFECT小食就叫左明太子雞翼，皮脆肉嫩，外層雞味濃郁，明太子餡料豐富飽滿，略帶微辣, 食辣野配番杯凍飲一流~飲品叫左杯西柚梳打，叫左少甜，好清新，打邊爐飲好夾。埋單仲有7折, 正! 再約人打多次先呢度既食物環境服務都好好,下次再黎!!

今晚同老公去左日和茶舍，今次試下佢地既火鍋。上到黎打邊爐仲有7折, 套餐晚市料理8折, 又幾抵,點完菜侍應就推一車醬料比我地自己揀，包羅萬有，唔夠隨時再拎。湯底就叫左椰子雞湯、沙嗲湯底，飲一啖椰子雞湯已經好濃郁的椰子味，入面勁多椰子肉，我爭d當左佢真係湯水咁，想一飲再飲，而沙嗲湯底就濃味得黎，一d都唔辣👍🏻岩哂我呢種唔食得辣的人。最欣賞佢地既肉類有頂級和牛牛頸脊、上級胸腹肥牛同埋西班牙橡果梅頭肉。和牛牛頸脊肉質鮮嫩而不油膩, 至於上級胸腹肥牛，油脂含量豐富，油花均勻, 相當唔錯。最後梅頭豬肉都ok，口感肉質非常細緻、脂肪充滿橡果香、軟嫩多汁帶甜，非常美味。食得出用料相當高質!!另外仲有三寶丸分別係墨丸、牛丸同埋包心豬肉丸，當中墨丸真係有驚喜，真係會見到墨魚肉，爽口彈牙。牛丸口感紥實。包心豬肉丸真係要小心，老公一咬多汁到流出黎, 相當JUICY。呢間店其中一樣出名的就係餃子，所以叫左佢的時令餃子，食落先知道原來係2種餃mix埋一碟上，入面分別有菇菌肉餡、芹菜肉餡，真係幾好味。餐廳無論裝修、壁畫、食物、服務都相當用心, 值得再黎!!

秋意漸濃，咁嘅天氣就最啱食啲熱辣辣嘅鍋物🍲今晚朋友就帶咗我去尖沙咀堪富利士道的「日和茶舍」，品嚐日式晚餐🇯🇵晚市料理套餐以鍋物為主，仲做緊八折優惠！店內裝修充滿日本和風感覺前菜係雜錦沙律菜，碧綠爽脆套餐餃子有多款選擇：野生牛肝菌雞肉餃子/黑松露雜菌豚肉餃子/牛魔王餃子/時令餃子：白菜豚肉餃 & 辣子雞餃🥟口味都幾獨特！我地兩個餐都揀咗雙拼，合共有四款餃🥟餃子外皮厚薄適中，而且好嫩滑～餡料飽滿又大隻，啖啖肉好juicy澳洲頂級和牛牛頸脊餃子鍋和牛牛頸脊好大片，肥瘦分布均勻適中，肉質香軟，脂香濃郁，充滿牛肉香！配上豆乳白雞湯底，好鮮甜日和雞餃子鍋雞件份量甚多，雞胸、雞髀、雞翼等等樣樣都有齊，肉質嫩滑，雞味好香濃👍🏻配上自家製美味養顏白雞湯，無得彈呀日本珍珠米米飯粒粒分明，軟硬適中，充滿米香，配湯底食用佐飯一流🍚

今晚隨意找一間店吃晚飯，真係有意想不到，這間店環境有日式感覺，店員服務態度好好，內心講解餐牌，食物有水凖，今次叫了一個牛肉鍋和日式义燒，另外加一份讚歧烏冬，個鍋湯底好好味，牛肉比個Like佢，义燒肉質鮮嫩，好食過廣東义燒，仲有份超低食物，只加1元送4件餃子，今餐好🈵️意，下次可以再食。

有一次見到朋友去了一間餐廳佢地話叉燒好好味, 咁我個心就好八卦想知道邊道有得食喇,  一問之下我就相約了朋友一齊去試下叉燒有幾好味了。 記得第一次去食係 7月18號LUNCH 時間, 當時點了叉燒飯, 小食和點心拼盤。其實都係抱住一個好奇心去試, 點知有少少驚喜!! 小驚喜唔係D點心擺得有幾靚, 佢有幾好味, 而係佢地配製既醬汁, 好特別, 好岩我口味, 好開心呀!!!! 而事實上佢既叉燒配埋糖心蛋, 真係溶化埋我個心, 個人口味覺得好得, 一定會再同其他朋友來食美味叉燒。由於疫情關係都好少外出用餐, 直至最近確診數字回落少少先敢相約閨蜜小聚一下, 首選叉燒ENCORE。這次晚餐除了必食叉燒之外就試埋打邊爐, 我和閨蜜各有喜好所了就點了個鴛鴦湯底, 一次過滿足晒 兩個為食既願望。簡單講少少個湯底, 麻辣蕃茄既味道拿捏得恰到好處, 完全食得出各自既味道, 而椰子雞也當然是清甜而且係一碗接一碗咁飲。火鍋配料精緻而且有品質, 連視覺享受都兼顧埋真係相當細心。我平常都會把食過的好東西POST 到社交平台給朋友參考, 沒想到朋友都對我咁有信心, 只看了照片同問左我一個問題就照來"朝聖"。妙問妙答

在openrice 預約了午餐後的時間，這個店店名很日式，到門口時是另一個名字，我以為去錯了😅😅后來店員說係cross over😆, 這個時候人不多，可以隨便坐，首先點了幾個點心及一個牛丼，牛丼有幾個選擇的，我選了牛肩脊，最快到也是牛丼，味道唔錯的，牛也軟軟的很容易咀嚼😋😋，點心推介猪猪叉燒包😍😍，因近期疫情下，店舖4：30要關門了，所以有點趕緊的，其實還有其他點心想吃的，下次再吃過🤗🤗。

5月個陣時黎，朋友見到餐廳做緊7折，而且未試過所以就book 左。最尾無7折，加埋唔好食，仲要服務麻麻。諸多規矩，餐牌唔齊：一坐低，侍應就同我地講餐牌得幾頁有7折，其他都係8折，之後甜品同飲品無折。但係一點到8折嘅dish, 就會成單得8折。所以話其實無7折。menu 好多野無或者唔做，飲品menu 都可以有一半唔叫得。聽佢講解完menu 已經無心機。之後叫做兩個晚市套餐火鍋，餃子應該係賣點但係好普通，湯底感覺重味精。亦都叫左點心拼盤，上菜時問侍應碟上面有咩點心佢居然答唔出。點心亦都唔出色，皮厚餡少。雞翼拼盤如是，無出色。簡單講句，唔好食，唔太老實，無誠意，唔推薦。

呢度啲環境都幾優美，裝修都日式feel，仲有啲陶瓷整得幾靚，我喺平日食lunch就冇咩人，係尖沙的繁忙地區之中搵到間唔使同人逼的舖頭，又可以休閒地同朋友傾偈，所以呢度都係一個唔錯嘅選擇。至於食物質素，我就覺得中規中矩，不過勝在夠多選擇，加上有第二份半價呢個優惠，所以價錢都尚算合理。仲有啲點心都整得幾得意，賣相精美，食都幾好味，係服務方面，我就覺得啲服務員都幾Nice，有個男仔都幾有禮貌。呢間都真係唔錯所以推薦俾大家。

今次呢間係位於尖沙咀嘅日和茶舍。就咁睇個名同裝修會覺得佢係日本餐廳，但睇完餐牌之後會覺得佢係一間中式同日式結合嘅餐廳。見到佢餐牌上面有兩款已叉燒為主打嘅主菜吸引左我嘅目光，分別係女王黑豚腩叉燒飯，同埋失傳黑豚叉燒飯。由於兩款都未試過，我隨意地就揀咗前者嘅女王黑豚腩叉燒飯，從佢餐牌上字面上嘅解釋，相信女王黑豚腩叉燒係相對冇咁肥。飯嘅外觀都算幾吸引，叉燒望落有光澤，唔會特別起焦，望落去瘦肉同肥肉嘅分布適中，食落亦唔會十分乾。而呢碟叉燒飯食落同平時燒味鋪嘅亦有分別，因為佢陪住上碟有一兜溫泉蛋，所以添加左一份日式嘅感覺，以溫泉蛋撈飯再配埋叉燒嘅醬汁相當滋味。總括來說，從環境同埋野食質素上，我覺得呢間餐廳都算相當滿意，唯獨係價錢上會相對比較貴一點，同埋睇得出係有心小店，店內亦唔會有好多員工，所以做餐時間都有相需時。