方叔叔重慶老火鍋 (如心廣場一期)

营业中

休息中

今日收工同朋友搵緊有咩食，見到如心原來都開左間方叔叔，入面既位置仲好闊落同舒服添，所以我哋都決定再幫襯！✨鴛鴦麻辣湯底照舊要左個麻辣既湯底，貪佢辣得好過癮。另外要左個山珍菌湯底，有猴頭菇、茶樹菇同各式野菌，味道清甜。✨手打四寶丸有鮮蝦丸、墨魚丸、牛肉丸、豬肉貢菜丸，全部都好彈牙，當中墨魚丸味道最濃郁，我最中意～✨大刀豬腰片豬腰片淥十秒就食得，熟左之後點乾碟黎食，辣椒粉、花椒粉、熟芝麻同花生粉既味道好濃郁，唔錯！✨桂花蚌非常新鮮，一啲腥味都冇，淥30秒左右啱啱好熟，食落好彈牙爽口！✨嫩牛肉味道好濃郁，肉質好嫩滑，唔會柴又唔會硬。而且份量都幾耐，每件都切到大大塊咁！✨炸芋頭芋頭超級粉，外層雖然炸左，但係煮得耐都唔會散哂，用黎襯重口味湯底最夾。✨炸油條第一次打邊爐落油炸鬼，估唔到又咁夾。油炸鬼放左落湯之後外層仍然keep到脆脆地既口感，入面索哂啲汁又煙煙韌韌咁～

再一次嚟方叔叔打邊爐，因為佢環境寬敞坐得舒服啲嘢又幾好食，朋友都鍾意嚟，今次湯底揀咗鴛鴦鍋，一邊係麻辣，另一邊係新推出嘅養生花膠雞湯，雞湯好清甜有雞肉，花膠、杞子同蟲草花等配料，麻辣湯夠麻夠辣配搭肉類最啱!! 第一round叫咗:🔘迷你燕餃 -第一次食，似迷你魚皮餃🔘手打香菜牛肉滑 -芫荽味幾香，似食緊飲茶嘅牛肉球但口感實淨啲🔘手打魚籽蝦滑 -夠彈牙手打係唔同啲🔘嫩牛肉 -肉質夠嫩滑得來留有咬口，唔會醃到啲肉太軟🔘重慶炸酥肉 -每次嚟必點嘅熟食，香脆口感少少辣蔬菜幾新鮮全部都發揮正常: 海帶苗、皇帝菜、萵筍片、鮮腐竹～今次難得朋友食內臟，最後一round叫咗幾個內臟試吓，鮮豬心同大刀豬腰片都幾好食，薄切好容易熟最緊要冇腥味，反而大刀牛肝就麻麻哋，口感上鍾意食豬肝多啲~上次飲過飲品超大杯，所以叫咗一杯楊梅汁，兩個人share飲都冇問題~呢度除咗食物好味，服務都幾貼心：🔘一坐低就有糖水送，食咗糖水先食麻辣鍋冇咁傷胃🔘主動加湯，又有個牌擋住唔會彈啲湯出嚟，發現而家唔係咁多火鍋店會咁做🔘有圍裙提供🔘可以order半份，適合兩個人嚟食🔘好多食物都有標示要淥幾多分鐘，仲有timer俾你計時

自從上年食過方叔叔後，每個月都總會食一次。今日難得放假又一次約埋另一半去食方叔叔，每一次都無令我失望，今次專登加38蚊叫咗份牛小排，好正，另外薯粉都比我想像中有味，真心好味，有質素的火鍋店

普通辣大紅鍋容易入口，麻辣夠香 另外每位只係加$20就可以另一邊選擇養生雞鍋🤤 應該係期間限定有花膠仲有嫩滑雞肉店員窩心咁俾多2個碗叫我哋記得飲左湯先 然後先再打邊爐嫩牛肉肉質鮮嫩滑溜稻田毛肚滾十秒左右大刀牛肝牛肝拌鵪鶉蛋，店員提示食前必點五味粉乾蔥調味會比較惹味✨鮮黃喉 第一次食都幾爽手打魚籽蝦滑蝦滑加上魚籽增加口感功夫萵筍片薄切上碟，烚一陣就食得，好爽脆鮮甜油條打邊爐都幾好，索晒麻辣火鍋湯汁水仙烏龍檸檬茶，酸酸甜甜好開胃仲要勁大杯😆

改名字後今天第一次捧場，為弟弟慶祝生日。荃灣分店於如心廣場3樓，奈何商場沒甚人氣，所以位置不太好找，但亦因此感恩不用排隊。鴛鴦麻辣煲：麻辣選了小辣，另一邊選了大骨滋補湯，骨湯清甜生津，適合喜歡清淡的朋友。嫰牛肉：牛肉十分鮮甜爽嫰，而卻沒甚麼油脂，連注意飲食喜愛健身的弟弟都讚好要安歌！鮮黃喉：色澤鮮亮，每塊都薄薄通透，口感爽脆有嚼勁。牛骨髓：一問才知弟弟未吃過牛骨髓，立刻叫了一客幫他長知識。牛骨髓十分軟稔，滑溜得像花膠。鮮鵝腸：鵝腸煙韌有咬口，腸身爽滑鮮甜不腥。現炸豆皮：即吃很香脆；灼過再吃很是掛汁入味。炸油條：油條放進麻辣湯底浸淋，盡吸湯汁精華，是嫰牛肉外必點的菜式！

📌 方叔叔重慶老火鍋📍 荃灣 Tsuen Wan ˗ˏˋ 環境 ˎˊ˗餐廳位於如心廣場, 有多間分店*⸜( •ᴗ• )⸝*例如尖沙嘴, 中環等等, 隨時可以一嘗火鍋❣️環境乾淨舒服, 座位寬闊, 是一間時尚火鍋店.ᐟ.ᐟ 坐得舒服也食物很不錯｡◕‿◕｡˗ˏˋ 服務 ˎˊ˗店員態度親民, 很快幫手收拾空餐碟幸好提醒我們0辣湯底其實是特辣～xd 大家如果不吃辣記得不要點錯!!˗ˏˋ 特點 ˎˊ˗餐廳主打正宗重慶火鍋風味.ᐟ.ᐟ每樣食物都非常有鮮味🫶🏻尤其特別傳統蘸醬：香油 x 蒜茸可以增加鮮香味～🫧˗ˏˋ 菜色 ˎˊ˗▪️鮮滑魚麵(半份) $38▫️美國牛板腱(一份) $188▪️紐西蘭精品羊肉卷 $116▫️黑豚腩肉(半份) $58 ▪️武隆苕粉(一份) $48▫️鮮鵝腸(半份) $68▪️鰻魚(白鱔)(半份) $58▫️淮山條(半份) $28▪️韭菜豬肉水餃(半份) $38▫️鮮腐竹(半份) $28▪️鴛鴦清湯鍋 $0▫️手打豬肉貢菜滑(半份) $48▪️稻庭烏冬(半份) $28▫️紅糖爆漿粑(半份) $38˗ˏˋ 推介 ˎˊ˗1 肉類主要推介美國牛板腱🐮, 油花較少, 厚薄適中, 但係牛味濃郁~✨而紐西蘭精品羊肉

🔷🍲🎶 𝕌ℕℂ𝕃𝔼 𝔽𝕆ℕ𝔾 ℍ𝕆𝕋 ℙ𝕆𝕋 ℝ𝔼𝕊𝕋𝔸𝕌ℝ𝔸ℕ𝕋- 𝕋𝕊𝕌𝔼ℕ 𝕎𝔸ℕ〰️ 天氣涼涼地最啱食火鍋😃朋友之前食過方叔叔覺得好食所以今次帶埋我嚟食好西🥰每枱都會送雪耳紅棗糖水，好甜好滋潤。方叔叔嘅香油特別香，淥完蘸一蘸香油碟解辣降溫又提鮮😋〰️ 我哋揀咗鴛鴦麻辣鍋湯底，分別係普通辣同大骨滋補湯。朋友話原來普通辣仲辣過重慶辣😂唔太食得辣嘅朋友可以揀重慶辣，多牛油味會再香啲。🍽 🔹美國牛板腱(半份)$98肉質比較結實嘅部份，偏瘦，牛味重啲。🔹黑豚腩片(半份)$48雖然係腩片但肥瘦適中，唔會太多肥膏。幾有豬味但唔羶，唔小心淥耐咗都仲幾好食。🔹紐西蘭精品羊肉卷(半份)$58完全無羊羶味，色水好靚好新鮮。🔹嫩雞肉片(半份)$48真係好嫩好滑又有雞味，好好食😋➰🔹鰻魚/白鱔(半份)$58鮮甜爽口彈牙，唔算多骨。🔹鮮龍躉片(半份)$78鮮味十足，口感結實。➰🔹油麥菜(半份)$18翠綠鮮嫩，吸埋湯既味更鮮甜美味😋🔹土豆片(半份)、冬瓜(半份)$18、$18一嚟就擺定落鍋，最尾先食，吸晒湯底嘅味，腍腍哋一咬滲晒啲湯汁出嚟，正☺️🔹油條(半份)$18油條淥幾秒，外脆內軟，吸晒湯汁好好味🤤🔹武隆苕粉

鴛鴦麻辣鍋，12月至2月有限定的羊肉湯（羊肉湯另加$20位），如果兩個人去食，其他配料叫半份已經夠晒的了，又可以試多啲款式。🌟晨州生蠔（半份）大大粒，脹卜卜，好厚肉，熟左之後都唔會縮到好細隻🌟鮮鵝腸（半份）好爽脆，好鮮味🌟嫰牛肉（半份）厚切，灼熟後都好嫰滑，唔會韌🌟鮮豬心（半份）好薄切的，口感好好，好爽🌟手打魚籽蝦滑（半份）新鮮，肉質好，夠彈牙🌟鴨血（半份）大大片，滑滑的，索埋個湯底好夠味

😋😋今日去咗打邊爐🍲，決定試吓方叔叔，點知原來佢之前去渝味曉宇，其實佢裝修都係冇變，不過唔知係咪因為轉咗個名，人流就冇以前咁多啦所以決定幫大家探個路，以我食嘢咁嘴刁嚟講，🤣🤣我真心覺得佢keep到水準，特別係材料好新鮮，同埋佢加左啲以前冇嘅嘢，今日試咗佢嘅晨洲生蠔🦪，都OK嘅，但係就唔係必食，不過必推桂花蚌，以前食過好多次，都係呢度最鮮甜🥰，世一😂我哋食咗三碟😂😂其他食物都有質素！Btw 必須要提嘅係呢度啲員工服務態度好好，超nice 😁最鍾意遇到啲有熱誠嘅員工（but 唔會chur 住你），特別#恒仔（唔知有冇打錯😂😂），待客好有禮貌♥️

一行六人齊齊十下十下，一入去好鍾意佢既裝修，尤其二人位，高高地比較特別。一去到就有糖水食，雪耳好滑好淋，之後就用QR code落單，落完單勁快就上食物，店員上食物收食物都好有效率，唔洗成檯野！食物樣樣都好新鮮乾淨，亦都好多款式揀，每碟食物仲有溫馨提示煮食物既時間，非常窩心。樣樣都好好食，個個食唔停口，食完靜落黎先覺好飽，菜好新鮮好甜，連平時唔食皇帝菜既我都食👍飲品都勁大杯，岩晒最鍾意飲野既我，大大杯包你夠飲！

中午一個人黎到荃灣方叔叔火鍋店食lunch佢地有午市優惠免鍋底 ，一坐低 侍應有講解點落單，今日有咩推介菜 ，窩心送上暖胃糖水 話先食可以保護腸胃暖胃甘，菜式有半份 選擇，照顧到人少又想食火鍋人群，環境衛生幾干淨，侍應介紹我食紅糖糍粑，外脆內軟，系個吾錯選擇 ，見佢哋仲有推廣晚市優惠時間7點前埋單有88折優惠 ，下次可以約朋友一齊黎食過。

早幾日明明仲好熱，情人節先嚟凍番，另一半唔喺身邊唯有去食重慶老火鍋暖吓身🤭一坐低就送咗雪耳紅棗糖水同情人節先送嘅心形辣蘿蔔泥。不得不讚佢嘅醬料，尤其香油完全擔當住畫龍點睛嘅角色，本身食材都好新鮮，但係蘸埋啲醬料食真係昇華好多😋湯底揀咗鴛鴦鍋：重慶辣同養生花膠雞湯。嚟得重慶火鍋店無理由唔試吓個重慶辣，不過唔算太辣，唔食得辣嘅朋友唔洗太擔心😌而個花膠雞湯係限定推出架，唔係成日有，有幾件雞同花膠，鍾意飲湯嘅朋友裝咗一大碗嚟飲🤭美國Prime牛小排(半份)$138比想像中大塊，半肥瘦，牛味濃，幾好食😋特色迷你燕餃(半份)$28真係超迷你，未食過咁細粒嘅餃，幾過癮🤭皮薄但唔易穿。嫩牛肉(半份)$48半份都唔會太少，口感超鬆軟，牛味重，淥3分鐘就食得。萵筍條(半份) $18大條爽脆，甜甜哋。鮮鵝腸(半份) $68爽口得嚟比較滑身，清洗得乾淨無臭味。鮮黃喉(半份) $58好爽口，蘸汁幾好食。武隆苕粉(半份) $28苕粉比平時食開嘅紅薯粉更寬，口感更煙韌，badboy鍾意淥耐少少腍啲入味啲😋現炸豆皮(半份)$38浸一浸湯食，badboy食落覺得似係塊狀嘅山根🤭淮山條(半份)$28淥完好綿，唔蘸汁都好有

方叔叔重老火鍋好抵呀，可以免費叫鴛鴦鍋湯底。今次揀咗鴛鴦麻辣鍋同埋珍菌湯鍋，識食🌝梗係一邊辣一邊唔辣。呢度落單好方便，用手機落，幾時加單都不求人啦🤞！方叔叔好鬼細心，一嚟就俾碗糖水滋潤下。而且職員教我地整油碟：蒜加麻油，佢嘅功效係降熱。正呀！唔會熱親個口🌬️。👍乾貢菜 呢個食物好似識變魔術咁樣，上枱乾爭爭，放落湯底之後就變得好彈牙，好爽口 💁👍霞浦海帶苗海帶苗鮮嫩爽口，推薦大家一定要食🫰 👍美國牛板腱 牛板腱講究肉味濃、有咬口，今次呢碟100分。👍藤椒牛舌 好香嘅藤椒味，牛舌肉質夠晒爽口彈口。👍千絲柏葉 只需要淥一陣就有好爽口柏葉 ，大大條，食得好過癮。👍皇帝菜皇帝菜新鮮翠綠，我最愛。👍嫩牛肉 呢個嫩牛肉厚切、肉質夠晒滑，肉味濃。 👍手打香菜牛肉滑 呢個有陳皮嘅香味、牛肉嘅鮮味加埋一齊非常好味。👍重慶炸酥肉推薦大家一定要食呢個酥肉，擺喺個湯嗰度滾一滾， 入口有少少脆，肉質夠淋🥰 👍潮汕手打牛筋丸同食神入面嘅瀨尿牛丸一樣咁彈嘅，仲有汁㗎，正👍洛神花鮮橙特飲 $58 洛神花的顏色加上甘草嘅香甜，仲要係將啲橙汁擠返落去，成杯嘢又酸又甜，好飲。👍紅糖糍粑、冰粉呢兩款必食嘅甜品一定要嗌，新鮮熱辣嘅

早幾日明明仲好熱，情人節先嚟凍番，另一半唔喺身邊唯有去食重慶老火鍋暖吓身🤭一坐低就送咗雪耳紅棗糖水同情人節先送嘅心形辣蘿蔔泥。不得不讚佢嘅醬料，尤其香油完全擔當住畫龍點睛嘅角色，本身食材都好新鮮，但係蘸埋啲醬料食真係昇華好多😋湯底揀咗鴛鴦鍋：重慶辣同養生花膠雞湯。嚟得重慶火鍋店無理由唔試吓個重慶辣，不過唔算太辣，唔食得辣嘅朋友唔洗太擔心😌而個花膠雞湯係限定推出架，唔係成日有，有幾件雞同花膠，鍾意飲湯嘅朋友裝咗一大碗嚟飲🤭美國Prime牛小排(半份)$138比想像中大塊，半肥瘦，牛味濃，幾好食😋特色迷你燕餃(半份)$28真係超迷你，未食過咁細粒嘅餃，幾過癮🤭皮薄但唔易穿。嫩牛肉(半份)$48半份都唔會太少，口感超鬆軟，牛味重，淥3分鐘就食得。萵筍條(半份) $18大條爽脆，甜甜哋。鮮鵝腸(半份)$68爽口得嚟比較滑身，清洗得乾淨無臭味。鮮黃喉(半份)$58好爽口，蘸汁幾好食。武隆苕粉(半份) $28苕粉比平時食開嘅紅薯粉更寬，口感更煙韌，badboy鍾意淥耐少少腍啲入味啲😋現炸豆皮(半份)$38浸一浸湯食，badboy食落覺得似係塊狀嘅山根🤭淮山條(半份)$28淥完好綿，唔蘸汁都好有味。

情人節想找個比較安靜又好吃的店，就想起了如心廣場的方叔叔.服務的人員親切，菜色也多樣化，整體的環境都很不錯，上菜的速度也很快，值得去吃！唯一美中不足的是時間上比較短只有1個半小時吃，不能一邊聊一邊好好吃，有點可惜.