新越越式料理 (已搬遷) 新店位置

經常會到新越食 pho， 每次的質素都唔錯。 今次點了兩個下午茶餐很抵食，咖哩牛腩飯＋ 熱奶茶 $39， 鮮茄牛腩湯河＋熱柚子茶$39。咖哩牛腩飯～ 咖哩味濃不辣， 牛腩炆得又淋又入味，正！鮮茄牛腩湯河～ 平時我很喜歡吃這裏的鮮茄牛腩湯河， 但今次有點煮燶了。 湯底有點燶的味道， 店員很好馬上幫我換了生熟牛肉河。熱奶茶和熱柚子茶～ 熱奶茶普通， 熱柚子茶不太甜，我喜歡。生熟牛肉湯河～ 生熟牛肉的份量很多， 食河粉最緊要湯底夠熱，這一碗完全做得到。如果大家經過開九展， 可以來這裏試下越式河粉，價錢抵又好味。

這間越菜餐廳是採用先下單付款的模式，在你俾錢落order後，就可以搵位坐，等待應將食物攞俾你。火車頭河粉：非常大碗，足夠2個人share，河粉的面頭鋪滿了生牛肉、牛丸、洋蔥、芽菜等大量的配料。湯頭非常鮮甜，可以自己加入九層塔，加強湯的香氣。整體而言，河粉同配料都恰到好處，牛肉很鮮美，配合爽口的芽菜一起食，味道很不錯！炸蝦餅：蝦膠打得彈牙，蝦的分量也沒有偷工減料，上面灑上炸香的蒜片。蝦餠配上的蒜片，滿口濃濃的蒜香，很美味。牛油雞翼：雞翼外表金黃香脆，肉質嫩滑多汁，仲然經過油炸卻也毫不影響肉質，仍然保持非常鮮嫩，完全不會乾身，咬落去仲散發著淡淡的牛油香味。大推，建議大家必食這裡的牛油雞翼！

這晚在九展附近放工，於是便和同事在這邊食完飯先返屋企。我們去到二樓餐廳較集中的一帶，發現原來只有少數食肆在晚上營業。可能九展附近主要是工商業區，所以晚上人流比較少，大部分餐廳在晚上都不營業，於是我們便選這間越南餐廳。我點了香茅豬扒撈檬，檬粉、生菜絲，佐以酸酸甜甜的魚露汁，味道清爽又醒胃。豬扒也煎得非常香口，果然是撈檬的最佳配搭。而朋友所點的越式海南雞飯就有點意外，飯不是傳統的油飯，雞的味道也較為清淡，與新加坡式海南雞截然不同，可能是越式煮法的關係。最令我驚喜的是這間餐廳的越式豬頸肉。豬頸肉的肉質鮮嫩，肥瘦適中，口感柔軟，與以往的吃過的豬頸肉有著很大差別，想不到豬頸肉也可以如此美味。隨主食加$8元就有一杯越式特飲，我們就加了椰汁紅豆冰、椰汁珍多冰。

區內食越南野既地方寥寥可數，lunch想食碗粉麵，黎Emax呢間都唔錯！展貿中心裝修完之後，將其中一層變晒做餐廳，大家又多個搵食地點，非常方便。講返間餐廳，午餐時間非常多人排隊，侍應們好熱心地幫手搵位，個個都好有心，態度值得一讚👍🏻午餐以粉麵為主，有湯粉、撈檬等，可以配不同餸菜，今次食左個牛丸湯檬粉，質素非常不錯首先要講佢個牛丸真係好彈牙，個人覺得已經係手打丸既質素，牛味香濃又多汁，漲卜卜咬落去係滿足既感覺佢個湯底同出面有d分別，顏色雖然比較深，但味道反而清淡d，襯落個牛丸度更加帶出到鮮味，唔錯唔錯😁少少可惜既係個檬粉實在煮得太軟，散開晒好難用筷子夾起，下次試埋其他麵底希望好d

今天跟同事一起加班後來到在公司附近的九展吃晚餐，九展近年改進了不少，一、二樓有很多食肆，形成一個food court。生牛肉湯河($61)同事叫了一碗生牛肉湯河，牛肉不太生，也不太熟，煮得剛剛好，牛肉味也很重。湯亦很濃郁，最緊要的是不太咸。絕對有驚喜。炭燒香茅豬扒飯($61)這個炭燒香茅豬扒飯，豬扒真的是炭燒的，燒得蠻香的。雖然未有太多香茅，但有豬扒的香味已經很足夠。不錯不錯。沙嗲牛肉、雞肉串燒($48):吃落已品嚐到用炭燒的，很香，牛肉、雞肉又不太硬，每樣兩串，總共四串。而且配合越式辣醬，味道濃郁。飲品我們選了特式飲品: 咸檸七及凍越式咖啡。凍越式咖啡來的時候是熱滴漏越式咖啡，滴得差不多了就倒進冰杯內，冰杯內除了冰還有鍊奶。味道不錯。

中午突然要去九展做野，係開工前梗係要搵食醫肚😋先，中午一個人🕴🏻以為好易搵位，但九展間間餐廳都坐滿🈵人想攝針📍都攝唔落，徘徊咗陣見到呢間仲有幾枱吉位即刻坐，但原來要買咗飛🧾先，好尷尬地走返出去買完飛先返嚟再搵位坐，唔使三分鐘⏱店員姐姐👩🏻就上菜，生牛肉🐮河粉嘅賣相睇落都唔錯，有三塊大大嘅生牛肉，食落雖然冇咩牛味，但唔算太韌，牛肉🐮都尚算合格，河粉煮得較硬好似啱啱熟咁，湯底比較清淡，飲到少少咸咸地嘅牛肉味🐮，離鮮甜就有一段距離，以快捷午餐嚟講都係不過不失🈴。

又係喺荒島冇乜選擇的其中之選佢係先去櫃檯買嘢食，再自己搵位坐低等待應送嘢食，食物味道ok,佢坐位都算幾多，每次嚟到都唔使等位，可能佢有啲位係擺埋出走廊出面，所以如果想食下越南野係九展可以係一個好選擇。

have walked past this place numerous times and always felt happy with the fragrance of the soup. today decided to try.7 staff, 4 in the dining area on their phones and chatting away. no ordering at tableside. did we make a mistake? ordered the pork chop with flat rice noodles in soup, pork neck rice and shrimp cake (additional $15 for 3 pieces)before taking a breath upon sitting down, the soup noodle arrived. we knew it would be bad. the pork chop looked blanched before pan fried. no seasoning,

經常到九展這間越式料理用膳，今次決定寫一寫對佢哋嘅感覺。每次到這裏多數都會叫生牛肉河粉，但今次我叫了鮮茄牛腩湯河和海南雞飯， 熱朱古力和凍奶茶 ( 跟餐凍飲加三蚊 ) 餐牌上嘅種類都算很多，有各式各樣不同嘅越南小食， 粉麵飯類都有好多種選擇。餐枱上放了調味料，還有我至愛嘅辣椒和青檸，香草等等。鮮茄牛腩湯河，鮮茄湯味濃郁，牛腩軟身入口即溶，河粉配搭埋鮮茄湯， 簡直係超級美味哦！海南雞飯味道適中唔係太鹹，雞肉嫩口，又不會太油膩。凍奶茶和熱朱古力都好啱我哋口味，食完鮮茄牛腩湯河再飲返一杯熱辣辣嘅朱古力，真係好正！

昨天跟同事一起加班後來到在公司附近的九展吃晚餐，大概好幾年沒來九展了，這次來發現九展多了很多餐廳耶，在眾多餐廳中我們選了很久沒吃的越南菜，因為價格很親民，看起來就好好吃XD生牛肉湯河吃越南菜我都必點生牛肉湯河的，我喜歡這個湯頭不會很咸，而牛肉是意外的好吃！平常吃生牛肉湯河我不會太期待牛肉有多好吃，但這個真的有驚喜，牛味蠻重的，像我這種牛精就會忍不住一直吃！！越式豬頸肉這也是另外一個驚喜！首先份量很大！兩個人吃真的超飽！然後就是厚切，啖啖肉！最重要就是很juicy耶！！完全不會覺得乾，連醬都不用點就很好吃了！炸春卷真的有夠脆的！同事一口咬下去那聲音有夠亮，哈哈！而且餡料很飽滿，會整個爆出來！就連上湯生菜的份量都很多，我們兩個女生都吃得超撐，真的很划算，下次可以多帶幾個同事來吃晚餐，但希望不用加班，哈哈！

係九展睇完戲行行下肚餓，見到呢間越南野幾吸引就入左去試下。餐廳食身貴精不貴多，主打湯粉、海南雞等等，睇落都幾正宗。廚房為開放式，裝潢都幾光猛。食物方面叫左火車頭湯河、香茅豬排撈檬同牛油雞翼。火車頭份量十足，好大碗，配料充足，有生牛肉、牛丸、牛筋腩、牛柏葉，亦有小小炸乾蔥吊吊味，牛肉湯底好清甜，食完不會口渴，應該無落味精淆際，而且份量好多，2個人share都無問題。豬排撈檬酸酸甜甜，有生菜絲花生碎加添口感，炭烤豬排燒得好香脆，香茅味亦好出。牛油雞翼炸得好脆，有淡淡牛油味，可惜肉就無咩味，醃得唔夠入味最後仲叫左珍多冰及青檸梳打，珍多冰椰汁好濃推介！整體黎講食物性價比不錯，湯粉比較出色

這天是放假的日子，我和家人去九龍灣逛街，到了午飯的時間，我們經過這間越式餐廳，看到店內環境寬敞和清潔衛生，而場內的人客延多，証明食物的質素應該有保證，，便決定入去試一試蝦餅($52)用新鮮蝦肉打成的蝦餅，配上甜酸醬，這樣的配撘恰到好處，蝦餅味道非常清鮮甜美，份量足夠多，加上酸酸甜甜的蘿蔔絲，令人非常開胃春卷($45)用豬油網紙包著爽口微彈的海帶，酸甜蘿蔔絲，份量延多，春卷是即叫即製，所以食物的温度延高海南雞飯($58)雞湯用原隻新鮮雞熬成，所以雞肉的鮮味十分突出，海南雞十分香稔軟嫩，配上甜醬，辣醬，軟綿綿的油飯，非常容易消化，整體份量十分多豬頸肉飯($54)豬頸肉非常軟彈煙韌，晶瑩剔透的白飯，酸中帶點甜的蘿蔔絲，整體份量足夠多珍多冰($24)青檸梳打($24)整體來說，食物的選擇足夠多，食物的用料很新鮮，食物的質素十分高，食物的份量非常多，價錢相對十分合理，店員有良好的服務態度，所以我認為這間餐廳值得再去惠顧

前兩天在九龍灣國際展貿中心聽完講座，差不多晚飯時間了，那兩天的胃口不是很好，所以選了越式料理，這間新越越式料理的裝修有一種小清新的感覺，以天藍色為主，坐在那裡吃飯，給人一種舒適的感覺。來吃越式料理我必選的一個餐是撈檬，下點越式辣椒，喜歡越式那種酸酸辣辣的，非常開胃。除了一個豬排，撈檬還配了很多菜，適合晚餐吃。牙車快雞絲椰菜沙律也是一個開胃的，酸辣酸辣的，有椰菜生菜雞肉等，吃起來有不同的層次感。海南雞飯的飯咸度適中，每一顆飯粒粒粒分明，雞皮不太膩，雞肉很嫩，份量十足。蒸粉卷的皮很滑嫩，裡面的餡很很多，都是肉，有圖有真相。春卷的皮很脆，熱騰騰的春卷，包著新鮮生菜一起吃，有另一番口感。這一餐又開胃，份量又十足，吃到撐著還有剩。因為沒想到每一個菜都那么大份，唯有打包回家吃。

去九龍灣國際展貿中心到睇L M F演唱會由於我要去拎飛所以專登早啲到好耐冇去九展嘅我印象中記得嗰度其實都冇乜嘢食今次佢竟然令我有啲驚訝喺嗰度嘅2樓竟然開咗一條食街裏面有唔同國家嘅菜式基本上諗得到嘅都會朋友就揀咗去新越食越南野我個心態食咩都冇所謂其實嗰度已經冇乜款式好簡所以我就揀咗豬頸肉飯出去叫嘢食番埋位無耐我估3分鐘左右我嘅豬頸肉飯竟然上枱心諗有冇咁快呀豬頸肉係乾爭爭 仲要係凍嘅呢個飯完全係唔合格60幾蚊食一個飯做下樣即煎又好炸又好出嚟唔好食但起碼都叫熱咁貴食呢一個咁冇誠意嘅飯真心有少少嬲咗我以後都唔會再嚟呢間食野

九龍灣工廠地帶, 了無人煙, 食肆可謂少之有少。為滿足口腹之慾, 跋涉而至位於E-MAX的越食。碰巧非繁忙時段, 無需等位。桌上配料、調味等無一或缺。越式蒸粉卷 $45餐前第一波。粉皮口感嫩滑, 再配上特式醬汁非常開胃。生牛肉湯河 $54不能不吃的菜式。滾湯把牛肉片焯至半熟, 鮮嫩且牛肉味濃。咖哩羊腩湯檬 $55較新奇的配搭。咖哩味濃, 醬汁配搭檬粉同食, 味道非常突出。羊肉嫩滑有咬口, 不膻不膩。炭燒香茅豬扒 $56外皮部分燒至乾身, 肉汁鎖於其內。多肉少骨, 非常適合肉食系。椰汁珍多冰 $24總結: 「九龍灣無啖好食！」同在九龍灣工廠區的上班一族, 必有此同感。但不妨用兩三分鐘腳程, 試一試這新派越食。