新豐記

营业中

休息中

當日唔知食咩經過開呢頭, 見到呢間食潮州菜, 又好似唔少人係度食, 所以入去試下, 點知就中伏, 呢間野環境同乾淨程度都好差, 坐得好唔舒服, 心諗去得呢D 地方預左, 希望食物好味, 點知又係中伏, D 食物超級難食, 價錢又唔係平,  呢間野真係無下次 

同屋企人諗住求其食個晚飯就回家，就求其入左間打冷鋪，一坐底已經周身唔舒服，好似好唔乾淨甘，但打冷地方都唔會期望幾乾淨，坐底洗好碗同筷子，就俾店員叫起身換台，甘都算，大家互相就下。但俾安排到坐係廁所同廚房隔離，我同屋企人真心都食唔落...但都諗住快食快走，點了：9菜豬紅：$50豬紅，無味，梅梅地甘，9菜咬唔爛，無一條9菜食到落肚...煎蠔餅：$70好似食梗薄餅加蛋煎既蛋餅...唔脆，無味...點蠔餅果醬汁又好奇怪...唔酸唔甜唔咸...形容唔到...老水鵝：$80得肥既皮，無用，得幾舊仔，夾都唔想夾...仲有叫左碟支竹火腩$60..原本諗住係煲黎，點知一pat野放係碟到。凍冰冰的...叫左幾碗飯同一支啤酒，埋單3百幾...講真，我寧願去酒樓食俾多3，4百仲好過，環境已經唔衛生，坐得又唔舒服，算啦諗住食好味既野，但又難食，又唔係平，甘做咩要食你先？無下次。

難得同家人吃餐飯，點知選擇錯了潮州店。 點了三道菜韭菜豬紅 啲汁黑到唔知咩黎，又唔夠熱，食到驚驚，沒有特別的豬紅，韭菜成陣唔知咩味，好難咬，唔知食緊啲咩。 呢碟就係所謂既豆腐火腩，來到真係嚇一跳，好似成堆東西求其堆埋一堆就算，見到都唔開胃，肉無得幾塊，其他好像是吃余的東西。 呢個蠔仔餅應該係我人生吃過最特別了，一點都不會脆，不香口，全都是林林的粉混蛋，乾身，沒有什麼蠔仔。 價錢也不便宜，呢個價錢可以吃得好一點。這環境服務給我一定不會再來了。

以前在附近讀書，lunch 的時候都在附近吃咩咩汁配咩咩扒飯，但此食店一到晚市便會轉成潮州打冷店。是日收工，重踏此地，便走入去試一試*滷水鵝件，鵝件下為滷水花生，大大粒，入味而稔軟。但鵝則略肥，脂肪比例較重。*潮州煎蠔餅，一碟兩大塊，貨真價實。基本上每口都會有一粒蠔仔，煎得金脆而不油，好吃*班腩炒西蘭花，略為失望。首先，魚塊有一半都是魚背/魚鰭的位置，其次是有腥味，魚質實而無味，不夠新鮮，失望。

又來到葵芳shopping喇~~今次決定走出商場, 到球場附近的茶餐廳吃個下午茶。恰巧經過見到''新豐記'', 不多作考慮就選它好了~由於這裡喝有檸檬的飲品要加錢,所以我們都叫了凍奶茶。甜度適中, 但茶味一般.....即炸西多士, 這裡的出品較油,而且內裡的花生醬不夠, 邊皮亦不夠脆身, 第一啖吃還好,但放了不久就腍....整體上僅僅合格。翻炸又翻炸的雞翼, 單看賣相都不吸引...入口更是又硬又韌, 差!!幸好穩陣派的薯條能挽回分數,夠熱又夠香口, 轉眼吃清光~

星期五收工又唔想返屋企食飯，於是同男友係公司附近食埋sin 返屋企la~~~男友話想有beer飲既地方，於是行下有間潮式打冷店，了結佢既心願la~~入到打冷店雖然地方有d 細，但有好多款式選擇，最後我地都係叫返招牌鹵水野食，韮菜豬紅，炒蜆肉，潮式煎蠔餅同1枝Asahi…..豬紅好滑，一D都唔”鞋”，韮菜混入醬汁中，好濃味，但如果加d潮州辣椒油咁就仲惹味蜆肉分量好多，清洗又夠乾淨，不過可以落鹽重手左，有點兒咸黎得打冷呢個餸當然唔可以少得，夠大塊，不過蠔肉唔太多，但係煎得好香

天氣寒冷的,羊腩煲又再出沒,是夜在癸芳新豐記,再下先點羊腩,再配合啤酒,來個冰火交合.點了大羊腩($288),羊腩份量極多,皮,肉及脂肪比例也合適,咬下亦很淋,也稱得上入味,支竹也出色,有咬口,但唯獨欠了冬菇味.可能是以前吃的雞煲味道太濃,好像現在的味道不夠,總括味道不錯,味道偏淡.

去完wine & dine festival後，慢慢由啟徳行到港鐵站，時候也不早了，但由於沒有在場內吃太多，所以還想找點宵夜～在選擇不多的情況下選擇了較夜關門的潮式打冷店「新豐記」除了潮洲打冷食品外，還有不少小菜及湯羹等鵝腸拼墨魚 $60 來到打冷店怎能沒有招牌的鹵水食品，由於宵夜時段不想吃太多肉食，所以就要鵝腸拼墨魚而沒有鹵水鵝～雙拼份量還真不少，除了鵝腸及墨魚外，底下還有豆腐及腐竹作伴，配菜吸收了濃濃的鹵水汁及油脂，味道隔外香濃，有時還真覺得伴菜比主角更惹味呢，不過始終油份較高，還是適可而止比較好～鵝腸份量較多，每條也長長的，肥瘦參半，部分還有點脂肪連在腸身，然而鵝腸質感爽彈，沾上鹵水汁，味道甚佳，而墨魚，薄薄的一片，帶點嚼勁，軟硬適中並帶點墨魚鮮，沒有被鹵水汁所遮蓋，自己比較喜歡墨魚的觸鬚部分，較為粗身，口感更佳～魚香茄子煲 $65 由於在街外吃茄子，多數油份較高，所以一向少點，不過友人想叫，就照要一個試試，份量頗多，熱辣辣的托到枱上，傳來陣陣魚香。茄子切得厚厚的，入口綿軟，而茄子則如意料中的油膩，吸滿了油份，所以入口滑溜非常，而肉碎如圖所示，只有少許作點綴，想多吃一點也沒有呢！

昨天和一班朋友在葵芳打完籃球,皮倦得大家也不想多說話,於是先找個地方坐一坐,吃飽再說.見到這間新豐記,不用等位,於是一行五人便走進去.點了鹵水鵝,韭菜豬紅,豉椒炒蜆,椒鹽九肚魚等等,當然玩有啤酒降溫.鹵水鵝片尚算入味,二話不說,我們已經吃完,分量不多,只有十片左右,但已經要85元,相對比較貴.韭菜豬紅,味道不錯,韭菜混入醬汁中,十分惹味.豉椒炒蜆,分量看似很多,但蜆的尺寸比較細,蜆肉很少,豉椒味不夠.椒鹽九肚魚,外面不夠脆,而魚肉很滑,尚可接受.

今日做嘢搵食！因為要遷就拍車，所以食呢間！可以睇到架車！阿姐好熱情响門口拉客！地方平民裝修！無特別！幸好尚算乾淨！揀咗午餐F「沙嗲牛腩飯」$38，冷飲唔使加錢！仲可以免加錢飲紅豆冰！不過我唔飲得凍飲！都係飲熱檸水！食物極速送上！牛腩好多！仲有幾件牛筋！炆得入味淋身！肉質唔嚡！沙嗲汗偏咸！一定要送飯！仲有少少椰菜做配菜！我成碟飯食晒！係食到尾覺得有啲咸得滯！配杯熱檸水就剛好消咸！熱檸水正常！食緊期間！全個場都係學生！因為真係價錢平，又大碟！平靚正！

26-5-2013(日)是日改了期，一連上、下午兩場都要補習。好！早上醒來後，便坐巴士 30 號來到葵芳，在勞動前先在 新豐記 吃個早餐。點叫了一個 豬軟骨米線、火腿蛋、多士 套餐。豬軟骨份量也頗多非常入味，腍身的肉質，骨是脆口的；不是很多肥的部分，吃下都是啖啖肉，正！米線煮的時間適中，夠爽口。多士烘得非常脆口，加上內裡的半溶牛油一起吃，簡直是一流！這個早餐，能為這勞動的星期天打打氣、加加油。。。

昨天太太難得早放工,所以就去葵芳行街食飯,而太太一去到葵芳就好喜歡到這裡食潮州菜,因為這裡的鹵水好好味,我們好多時都係星期五幫襯成日都要等位,唔知今次係咪星期四關係唔駛等位.鹵水味好濃,豬耳和鵝腸好爽口.夠鑊氣,腐乳味香,好味.一樣夠鑊氣,雖然火腩少啲,但多白鱔搭夠,但冬菇好似有啲異味,不過應該唔係變咗.次次到這裡幫襯都好滿足,怪不得太太每次去葵芳都要到這裡晚飯啦!

老豆中了馬請食飯.於是去了這間店打冷.我們三個人叫了三餸一湯.有滷水鵝,魚香茄子煲,金銀蛋莧菜和豬肚湯.其中滷水鵝和金銀蛋莧菜都很好食.滷水鵝的滷水味很香,鵝口感都淋.金銀蛋莧菜的蒜香和金銀蛋的蛋味都很溶合和特出.但豬肚湯就很淡.可能廚師失手掉了半碗湯再加番半碗水下去.不言一個煮過的湯唔可能會有食水的咸覺.今時今日二百蚊,三個人食三餸一湯,都ok啦.

同事的新早餐聚點，今天我都係首次到來。$19-20 一個早餐，轉凍飲及多士不用加錢，我諗係同區最平。我點了炸菜米粉另加火腿蛋麵包，熱奶茶。只可以講係不過不失，杯奶茶就幾好飲。

上個月尾聽人講信芳街有間打冷d野好好食,特別係賴尿蝦,不過上次去食唔到,食左小菜:食左個薑汁芥蘭,炒蟹,嘩..............個薑汁芥蘭唔係間間都好似佢咁炒,好好食,,,,,,,因為多數都係用薑絲炒呀,但係佢地唔係呀,大家可以去一試,仲有個蠔仔粥.......好野味,