新豐記

营业中

休息中

葵芳小巷食打冷 潮州人煮夠地道潮式煎壕餅 $75 外脆內軟超級香 沾埋魚露食更香🦢鹵水鵝腸 $75 鵝腸鹵得夠入味 但鵝腸本身帶硬 牙力唔好嘅你地 就要花d時間咬著名鹵水鵝 $90 香噴噴嘅鹵鵝肉 肉汁溝埋鹵水到 一齊食超級入味 但肉質唔算嫰口 建議下次可以食 佢地嘅鹵水鵝片韭菜豬紅🐷🥬 $55 真係值得一讚嘅 本身我唔食豬紅 但係佢地嘅豬紅 竟然會無血腥味 濃郁嘅調味掩蓋 豬紅嘅血腥味😵‍💫 第一次可以食到 好幾舊韭菜豬紅 真係一試就愛上 佢地舖頭嘅豬紅

/ 同屋企人去親葵芳行街，多數都會去食打冷🤤，而呢間真係由細食到大，就算而家搬左屋，都仲會返黎食👍🏻📍豉椒炒蜆📍滷水鵝腸(配豆腐底)📍三寶 (花生、菜莆、鹹菜)📍豆腐火腩📍菜心📍白粥💬我地今次無叫到煎蠔餅，因為比較熱氣，但鵝腸配豆腐底一樣出色，好好食😋！炒蜆都好有鑊氣，唔錯👍🏻呢間打冷真係可以encore好多次，我同屋企人都食極唔厭🙈💕

味道正正常，不過不失。上菜速度快，阿叔非常熱情介紹。但疫情下，專登5點去食晚飯，諗住小啲客人，見到侍應、老闆、廚房冇見到一個正常帶番口罩，食完急急腳走人。傳菜時口罩放下巴仲要口水花噴噴講野，忍唔住叫佢帶番好個口罩，疫情期間真係唔會再去。

呢度食嘢環境真係一般又逼夾，但就好鍾意食呢度嘅韭菜豬紅、鵝肉片同蠔仔粥，太鍾意食蠔仔粥所以今次一上枱就急不及待食，已經清晒都唔記得影相，粥水清甜豪仔又夠多，十分足料，好有潮州菜館嘅風味，其他小菜都好夠鑊氣，而且價錢有大眾化

以前係葵芳返工時間唔時都會黎呢度食LUNCH，因為貪佢價錢算平同埋味道都好呢度既午市係正宗「快餐」黎，毎張檯既TURNOVER RATE 都好快，所以等好耐就會有位今日星期日LUNCH再次黎葵芳揾食，所以又同呢間餐廳一聚我㨂左沙嗲牛筋腩飯，同行友人就叫左和式豬軟骨飯。由於我無試到友人既豬軟骨飯，所以唔COMMENT了沙嗲牛筋腩飯既沙嗲好味，雖然個沙嗲既味就同沙嗲牛麵個種沙嗲唔一樣，但係都好惹味！筋就淋，一啖就咬得開，又有少少膠膠地既質感。腩就好鬆化，唔會UN就基本要求，又唔會乾到好似咬緊D渣咁。呢個沙嗲牛筋腩飯絕對收貨 加上個份量對我黎講好大好夠飽！仲有一樣野好值得讚！！！就係凍飲唔洗加錢！！！！！依家香港咁炎熱既天氣，行到黎智芳街都身水身汗，叫返杯凍飲唔洗加錢真係要值得加分！而且凍飲既份量都好大杯，奶茶又好飲，絕對要THUMB UP呢間餐廳有個特別之處，就係如果想邊食煙邊食飯，係可以安排客人坐係餐廳前面不過就唔會有冷氣同檯，淨係俾d 櫈你疊高做張檯再唔係可以快快手趴完個飯，拎埋杯野飲出去一路煲煙一路飲餐廳既員工都好友善，總結而言係值得再來的

#蜜椒薯仔牛柳粒 $90講到薯仔牛柳粒 大家可能會諗起萬x今次小編去咗另外一間試食小菜最驚唔熱 嚟到依到就唔怕啦每一件都係熱辣辣嘅🥰薯仔外皮係脆嘅 再加上蜜糖甜甜地好好食不過乾身啲再脆啲會更好而牛柳粒就都幾大粒😂大過小編喺其他舖頭食嗰啲而且黑椒味都幾重整體嚟講都唔錯 可以試下如果依個價錢再大碟啲會更好🤔評分:7/10

住開呢頭都會知道有幾間潮州打冷喺附近，環境就一定係地地道道架啦，不過碗碟尚算乾淨。最推介蠔仔粥、蠔餅，一啲都無腥，都無沙石，好食👍🏼炒蜆都食得出有鍋氣，好食。價錢都只係大概$100/位，幾抵食，會再去

行行下新都會，有d 肚餓，又想食小小野，就揀左潮州打冷啦，因為係葵芳既街坊食堂！ 因為老闆推薦豬紅，所以我地都點左個豬紅👍🏻👍🏻 新豐記必食都係豬紅，因為豬紅很入味，下面有韭菜墊底不錯不錯

新豐記一直算係葵芳最出色的打冷！ 所以每次想食打冷都食佢，但今次太失望了！ 今次我們來食宵夜，點了3樣野，豉椒炒蜆、鹵水豬紅同埋鹵水鵝件！ 話說個炒蜆係佢地問我地要唔要的，咁佢地介紹，我地也冇所謂就點了！ 佢地好快就上了檯，但個炒蜆係不熱既！ 好明顯就係落錯了單，就叫我地要！ 但都不要緊，但總不能凍既咁上檯俾我地吧！ 所以大大要負皮佢！ 而且個鵝件又勁肥 又多皮！ 冇幾多件有肉的！ 感覺受騙！ 除左個豬紅都keep到往日的水準！ 今次實在太失望了

童年住係葵芳，住係林士德對面十多年，果時我地叫信芳街果頭叫新區，依家.... 面目全非鳥！朋友依家住葵芳，佢話新區最好味嘅潮洲打冷係新豐記，而且朋友請食飯，咪聽佢意見，試試新豐記。點咗滷水豬大腸併墨魚豆腐底，炸蠔餅，蠔仔粥，蒜蓉蒸開邊蝦。豬大腸滷得夠入味，墨魚亦唔韌，朋友果然無介紹錯。蠔餅係水準之作，如果炸得脆d更啱自己口味，蠔仔粥嘅蠔仔極之幼嫩，份量亦唔少，無偷工減料，滿意！開邊蝦每隻都唔會太細隻，份量足夠，有d重有蝦膏！由於未食過其他嘅潮洲打冷，但新豐記嘅菜色絕對唔差！哈哈.... 真衰仔！又食又拎添，多謝朋友免費俾張美心月餅卷！

今日一家四口係開呢邊睇完早場，睇完就搵個地方食晏，行過呢邊，爸媽說很多回憶😌呢間野都成30年。入到去我叫左個雞扒米線，另外家人叫左兩個黑椒牛扒餐同一個吉列魚柳餐，出餐都快既。我叫既米線其實覺得不錯，雖然係普通常餐麵既清湯，但我加左好多辣椒油當佢麻辣米線咁食😂😂幾鍾意個米線，因為本人食得比較慢，米線一路食都無話變到好淋，keep到彈牙，佢既米線係比較粗身少少個種。而雞扒係分開4件既，肉都滑而且餣味剛好仍食到雞味唔會死實實，呢個價錢來講幾滿意。爸媽既黑椒牛扒餐$36，其實都ok既，有片牛油方包，雙蛋，一片蕃茄同d粟米。食左蕃茄同牛扒一舊，蕃茄新鮮又甜，牛扒都ok,普遍茶餐廳既味道。妹妹個吉列魚柳就無試過，但佢話肉係彈牙既，算唔錯～而家呢個價錢，而質素唔差算係幾好，食得過。

葵芳無咩特色的餐廳 所以有時唔知食咩 就會食呢間打冷 雖然打冷有d 麻甩 但勝在夠地道 每次來到必叫 九菜豬紅！ 真心 係我食過最入味既豬紅！ 平時食車仔麵都會叫豬紅，因為覺得好似健康d! 估唔到佢呢間豬紅 咬開都好夠入面！ 蒜蓉炒芥蘭都係我必點！ 因為大排檔先夠火喉！ 雖然都嘗過有次中伏，但係因為菜唔靚！ 好彩夠味搭夠！ 作為打冷鋪 點會唔點 鹵水鵝呀🤤🤤🤤鹵得好入味！ 蠔仔粥同蠔餅就例牌啦！ 三人埋單連啤酒一枝 330有找！ 都不算貴！

星期六在葵芳收工，行完新都會都無咩啱食，所以行去出商場禮芳街附近搵食，見到間古老式潮州飯店睇下又幾多街坊幫親，所以就坐底咗，因為當時得一張VIP枱，老伙記就叫我地坐呢度啦，呢張枱前面就係放晒啲野食係度啦我地叫咗鹽焗烏頭、鹵水鵝、蠔仔粥、韮菜豬紅，另外每枱客都有一小碗咸菜、花生、菜保送，我食咗口咸菜，嘩調味剛好，不咸不淡，真係好好味道，至於菜保就實了點，花生都夠香脆。講下主菜啦，鹽焗烏頭注明係元朗一個魚塲養有保證不大條有點瘦的，還要賣145,真係有啲貴，但食落入味的不錯，鹵水鵝就肉淋香入味有咬口蠔仔粥就普通啦因為還有蠔壳失分😍韮菜豬紅好入味，好味到我要對師傅講你做得夠入味，湯汁夠香濃，師傅氣定神閒答，更係，用咗好多料做先咁味道，我地做咗30幾年啦，少啲材料都做唔到，我又接著讚佢個咸菜小食，佢即刻再送多碗我地食，食啦比你食。好開心當晚可以食到好味食物，而且飯店老員工都好有親切感如講地方環境就真係麻麻，總括今晚都有90分，下次再去葵芳我一定再幫親架。

行過好多次都冇試過入去食，終於試咗一次，味道喜出望外，好有正宗潮州菜嘅味道！我哋叫咗蠔餅、豪仔粥，䜴招炒蜆同埋滷水䳘。店長推介食滷水䳘抵食個滷水䳘片，平＄20一碟，原本諗住會多骨少肉d, 點知都好多肉喎.其實同全䳘片都差不多。抵食！仲有我好喜歡佢嘅蠔餅，真係炸得好有潮州風味，唔會好似外邊食炸到呃晒，剩係得粉，應該係用鴨旦煎，蛋裏邊啖啖都有豪仔肉，好正！好正宗！另外蠔仔粥都一樣，啲豪仔好大粒，淡淡粥淡淡蠔大滿足！最令我欣賞嘅係見到兩位唔知夥計定老闆既男士，好勤力係兩間舖兩邊走，仲維持到好好脾氣好好既服務！雖然係潮州男人，但我見唔到潮州人嘅粗魯只係見到潮州人嘅勤奮。

打完網球朋友介紹左黎呢間小店食打冷，結果發現係無介紹錯既然好香好入味，最深得我心係d鵝係熱既，食過好多間打冷既鹵水鵝都係凍冰冰，個人唔太喜歡（可能咁先係正宗但唔太岩我口味），反而呢度既鹵水鵝肥瘦均勻，而且薄切令每片肉更入味鹵水腸都夠晒諗同入味，唔洗點醬已味道一流炸蠔餅意外失色，因為蠔餅好似炸起左一段時間外層無左新鮮炸起既香脆，夾起既軟諗諗似粉餅，但內裡既味道ok非常美味一試台就被掃晒，但分量稍嫌少好鮮甜，蠔仔肥美，又唔會重味精，值得推介埋單每人120左右，因為仲有叫左幾支啤酒