新記特式車仔麵

营业中

休息中

食左咁多年車仔麵最愛都係西環新記，新記的辣汁真係辣得好過癮好啱我口味，每次都一定要食返碗辣汁車仔麵！新記辣汁出名就好多人都知，佢的辣與別不同，係好香，同會令到你回味嘅嗰種辣，食完又會有滿足的感覺。 今日叫左六餸一麵：雞中翼、八爪魚、五香牛肚、紅腸、蘿蔔、菜，油麵，加鹵水汁同辣汁！ 雞中翼同牛肚好入味，八爪魚鮮味爽口，值得一讚當然係鹵水汁同辣汁，醬汁帶起成碗麵的整體味覺，個辣汁辣得好鮮味，又辣得好開胃，加少少辣汁已很過癮。食完真心覺得堅好食，暫時係我人生中食過最好食既車仔麵!!

其實我本人一直都好喜歡食車仔麵。我同肥膏常常都會食車仔麵，最喜歡就是這些充滿香港特色的味道。當天經過，見這間小店幾乾淨，又沒有甚麼食客，所以立即走入去。天氣好熱，但店內的冷氣沒有開好大… 幾乎是比室外的氣溫低一兩度而已。大熱天時，這樣吃東西，愈食愈熱，又愈食愈焗。我個人喜好車仔麵的辣汁，如果車仔麵的辣汁是正的，就算餸普通都沒所謂。但是這家的辣汁，真的很一般，真的很一般，真的很一般。不辣，不香…也不給多。整個麵的品質就下降了。吃了很多很多個餸，但是沒有一個餸是令我們回味的。也沒有一個餸令我們想起，就覺得好吃。所有的食物都是一般，很一般。到現在想起要打食評，我仍然想不起我吃了甚麼。

中午途經堅尼地城，之前聽人講新記車仔麺味道唔錯，所以就走左入去試下。款式選擇都幾多，我點了個蘿蔔，咖哩魚蛋，尤魚油麵，份量幾多，咖哩魚蛋好香好惹味，味道不是太辣，黏牙又有彈性；尤魚爽脆，不過呢款水尤本身無咩味，若然配上咖哩味變成咖哩尤魚，應該會好D；蘿蔔夠腍又夠甜，麵就硬身左小小，可以再煮耐D腍D，整體唔錯，湯底同味道都幾像銅鑼灣好出名果間車仔麵，不過果間要食碗半我先夠飽

同朋友經過新記，見到入面好多人，就同朋友入去試。我們坐下後，有好多餸揀，就俾好多款餸吸引住，好多野都好想食，樣樣都好正。 選好食物後，大大碗車仔麵就有得食啦  三五知己一齊食車仔麵，當然要和朋友交換餸，一次過試哂大家叫左的餸，四餸變八餸，真係正。呢碗係我嘅，有豬大腸、雞中翼、魷魚、牛根丸、西洋菜、米粉：豬大腸、雞中翼滷得好入味，魷魚好爽！豬大腸確係好食，帶少少甜味，好有驚喜!!呢碗係個朋友嘅，佢揀左八爪魚、牛栢葉、辣豬紅、五香牛腩、菜、粗麵：八爪魚爽彈鮮味，五香牛腩夠淋，肉質鮮嫩，辣豬紅好滑超濃味超正！呢碗係另一個朋友的，佢揀左咖啡魚蛋、紅腸、鹵水蛋、墨魚丸、蠔油冬菇、油麵：咖喱魚蛋夠彈牙富咖哩香味，蠔油冬菇好厚身夠入味！整體樣樣都好好，我們食完好滿意，餸菜好有特色，而且賣相吸引，最重要係好好味，我們會再返嚟食過！

朋友話嚟西環，必定要去西環新記食車仔麵，食完覺得真係超正超好味，味道好啱我口味。蘿蔔清甜多汁，咖喱魚蛋彈牙好有口感，牛孖根夠淋好入味，咬落去有漿住個口既感覺，秘汁鳳爪同豬紅非常入味，超讃再加油麵佢有好多種汁選擇：有辣汁、牛腩汁、鹵水汁、冬菇汁、清湯，可以選幾款都得。我就揀左辣汁、鹵水汁加牛腩汁。辣汁真係辣得好過癮！食完真係想日日嚟食佢個辣汁，上左隱咁！但提提唔係好食得辣既朋友記得小辣。鹵水汁加牛腩汁就香濃惹味！另外，呢到環境衛生，服務態度又好，有好多款餸選擇，真心推介！

見到店面貼左好多明星合照，諗住走入去試吓。都係填紙仔選餸、麵，見到有幼麵，想問下係生麵定全蛋麵，員工答係生麵。。點知黎到一睇，好明顯就係一個全蛋麵，等我仲空歡喜一場。餸菜唔算平，最平＄8 ,最貴＄10個餸。店裏面影果啲食物相，好豐富，睇落好好味；點知黎到非常失望，生腸有七至八粒碎上，牛筋三條，八爪魚四條碎上，同圖片非常唔一樣。生腸好硬，八爪魚軟身味道ok，牛筋醃料幾香，幾焾，味道校得唔錯。。。。。但可惜， 三餸一面，食了＄38 ,只有七成飽，吃得不夠痛快

剛進店，想叫要杯水，店長竟然不給，還說要加錢。我點了金錢肚，店裏沒有也不吭聲，還背地裏換了另外一種肉。其次，面端上來後，我嘗了一口，清湯和腩湯淡而無味…總之，不值得一試。

因為看電影的緣故，所以逼使自己在懶洋洋的假日，拾起慵懶的身軀「出城」，當然也得順道尋找美食去。本選好了西環一間餐廳午膳，就是對西環不熟悉，加上老公的大意，我們下錯了車站。在烈日下，穿梭西環的街道，人彷彿快要溶掉，另一邊廂，肚子則在奮力地搞打抗議，步伐變得遲緩。正當不欲再走之際，看到路旁兩家車仔麵店，舖內客人也不少，對於一向喜歡車仔麵的我，決定一試西環地道風味，老公於是選了門外貼有明星照的「新記」。 店的後方劃作廚房，座位就以左、中、右三排密集地擺放，牆上貼有麵食的圖文介招，一派街坊小店的模式。甫坐下，旋即聽到一位女士如同在墟市叫賣：「有新鮮韮菜餃子、雲吞剛剛包好。」，為小店帶來一點熱鬧氣氛。依從聲音的方向查看，結果看到兩位女士正在包製餃子與雲吞的情景。特別珍愛手工食物的我，一會定當「捧場」。靜止下來，來一口凍飲，實在太美妙了！先為我們送上的是腐乳通菜。通菜菜莖稍為有點老，不過還是可接受的程度，腐乳醬的味道亦不過不失。老公的六餸油麵出場，觀其堆得滿滿與豐富的料子，肚子餓意更濃。店方為每碗麵食都添上綠色蔬菜，做法真的不錯！雞中翼、牛根丸、腐皮卷、蠔油冬菇、辣豬皮當中，爽彈帶淡淡牛香的牛根丸

是日想吃車仔麵到到來新記點了一個牛腩墨魚丸粗麵配熱咖啡，墨魚丸得兩粒沒甚墨魚在丸內，牛腩切得很薄而且沒甚牛腩味明顯煮得不夠火喉，麵剛好煮熟。熱咖啡，我飲了兩啖已經放棄，沒有咖啡香亦沒有咖啡味不喝也罷，白白浪費了十蚊。

是日到來午餐看看點餸紙，選擇頗多，於是揀了8蚊的豬紅，豬皮，粗麵，9蚊的牛腩配腩汁加多一罐6蚊的健怡可樂。點了不到10分鐘一碗車仔麵與可樂上檯，豬紅與豬皮都頗辣，廚房加了一點貢菜沒有什麼味道，牛腩肉少煮的火候未夠有點韌，粗麵軟硬度剛好，牛腩汁被豬紅的辣蓋過了味道。

西環很少車仔麵鋪頭，新記特式車仔麵屬少數之一。這天我點了三餸車仔麵套餐，餸是雞翼、雲吞和菜，跟米粉。湯底不算油、味道帶點牛肉味，應該沒有下味精。雞翼是滷水醃過，味很濃肉很軟身，雲吞肉多菜少，皮厚薄適中。米粉香滑，由於即叫即煮所以不會浸得'林'身，入口滑。套餐點了熱菜蜜，沖得好濃，又大杯，抵。

成日o係西環食o野，第一次試呢間，好失望。每樣配料盛惠八大元，連蘿蔔同麵底都係，搞錯！但想試，所以我叫o左四 食送 米線加熱飲，用o左$48! 四樣配料係雞翼、豬紅、蘿蔔、生腸，其中只是米線、辣汁同生腸算OK，但係生腸得個爽字，冇腸味。而雞翼令人最失望，好似比個圖"坤" o左咁，個圖又肥又靚又大隻，但實際上味道雖然都唔錯，但真係好好好袖珍！仲賣到咁貴！而豬紅呢，好鹹(得個鹹字，鹹得o黎冇其他味)、好o鞋，疑似係唔知咩"紅"，可能係因為銅鑼灣榮記D豬紅好好食又滑又熱又入味，我見新記夠薑收得咁貴，以為都有榮記o個個水準啦，唉點知......！ 蘿蔔呢，貴，但味道同份量其實唔錯，不過整到蓉蓉爛爛咁，賣相好核突，望落令人好唔開胃。至於衛生同裝修都算幾好，整齊乾淨，招呼都好，辣汁隨時可以幫你加，臨走會幫你開門，仲會好有禮貌咁講多謝。但係如果食物質素同價錢成正比，咁就好啦！

晚上九時，如常不用等位只有少少的七八張枱，選了一張可以看電視先說一點這裡的背景，剛在西環開店（舊店）的時候，已經常常光顧，那時，牆上還貼滿了銅鑼灣新記的報導，而辣汁也同出一轍，落單的紙和價錢也都一樣，可以想得到他們有一點關係，直至搬舖以後，那些報導都沒有了，那紙上的餸也都不盡一樣了，唯一保留了的，就是那個秘製的辣汁是次點了咖哩魚蛋，秘製鳳爪，通菜，粗麵咖喱魚蛋很入味，又香又辣秘製鳳爪則是自家製，很淋也很入味可惜麵底就一貫的水準一般了，粗麵沒有麵味，麵也煮得太久，但拌著那辣汁，這反而做了配菜，只要掛得多點湯就好了說真的，這樣的價錢，在西環可以吃得更好但每次，都會因為那辣汁而再回頭

小小的一間舖放了九張的圓枱，午餐時間都有七八成客人。你已先點了五餸河粉同凍奶茶，我最後都點了三餸加凍檸茶。你點的先到，好多好滿。你說重點是它的辣汁，原來辣汁本身是一舊的醬，將它放入湯拌溶就成辣湯底。但由於你的粉太多了，你只可以食左面的才可以再食了！你比了冬茹同墨魚丸加辣汁我，嘩！冬茹已吸滿了辣汁，好辣！即時要停停等我的檸茶救火。緩和後，走辣汁食墨魚丸！不錯呀~~ 還有試了白蘿蔔，好甜好清好味道！你說豬紅好味道，但我不食的！到我的啦！龍蝦丸，腸仔加鹵水雞亦清湯底。腥仔係廚師腸，花好靚！龍蝦丸無特別，反而個雞亦麻麻地！我的清湯底混了少少你的湯，有少少辣但好味道！另外，他們的檸茶的茶底幾好，茶好味道！

唔想去鏞記既應酬飯局, 後來嚟咗新記食車仔麵, 因為好耐好耐都無食過了.究竟呢間新記跟銅鑼灣的是不是一樣呢? 呢道好處係架車可以泊在門口或對面街, 睇住唔怕會抄牌 叫咗個3餸米線魷魚 - 都算是有咬口, 唔會軟稔稔, 好似壞咗咁辣豬紅 - 唔覺辣, 反而覺甜, haha豆卜 - 無特別, 出過水咁話另加通菜一碟 - 好耐無係呢d麵舖食腐乳通菜了, 今日覺得好奇怪, 乜有腐乳亦有豉油嗎? 總之, 每樣食物味道都好似差一點點.....欠什麼呢..