新泰東南亞餐廳 (已搬遷) 新店位置

動漫節開鑼，先黎到灣仔的<<新泰東南亞餐廳>>醫醫肚。十二點黎到，唔使等位有卡位坐。呢度裝修得好有泰國風，放左好多泰式擺設。中午時段有套餐叫，咁當然係叫套餐啦~抵食咁多，選擇又多。套餐加$28可以換個<<蒜蓉焗生蠔>>，一碟有兩隻，勁多蒜蓉，入口生蠔雖然縮左小小，但很香蒜蓉味。套餐點左個<<冬蔭海鮮炒飯>>剛上枱，目測已經有好多海鮮喇，青口，大蝦，尤魚等，仲要都好大隻下。因為剛炒起，又係冬蔭公底，入口熱辣辣，加上小小酸，好開胃呢。飲品加$8換特飲<<咸檸七>>，唔係好多地方有得飲，點可以錯過。因為我地兩個人吃，所以加多個<<冰鎮翡翠螺>>，一碟五隻，好大隻下呢。入口好多肉感又JUICY，愛吃螺的不能錯過呀。

新泰呢間餐廳的食物做得幾精緻，而且味道唔錯。沙爹串燒即叫即燒，雞肉同豬肉燒得皮脆肉嫩，最重要既沙爹醬做得好香口，有好濃郁既花生香。豬肉碎生菜包啖啖豬肉汁再加上香辣口味配上爽脆生菜，口感一流。泰式炒金邊粉外面既係蛋絲，賣相一流，另外金邊粉唔會炒得好油，酸酸甜甜好開胃。

收工過後同友人想搵d酸酸辣辣既泰國菜食，去左灣仔既新泰食!這裡環境很有特色，而且舒適寬敞店鋪都比較多位,很多擺設都富泰國風情，整個環境讓人覺得很舒服很放鬆。，一去到就有得入座喇!。泰式生蝦,去食泰國野必食,嘩~蝦身肥大肉厚,好少食到咁肥美完全有juicy既感覺! 中間既醬汁酸酸辣辣，入口後要等一陣先感受果陣辣味，泰國青芒果沙律,個汁甜甜酸酸,味道適中,不會有過酸的感覺~芒果夠熟所以唔係硬生生的,仲有紅洋蔥及香脆腰果,少辣......軟殻蟹的香脆, 配芒果的清甜, 好味

前幾日我地幾個去咗一間嗌新泰東南亞餐廳嘅，覺得都幾好味下，所以就決定用小小時間嚟講一下我嘅直觀感受喇。東南亞餐廳，第一道要講嘅系越式蟹肉炒粉絲，即使我地大家都覺得系比較普通嘅一味，哩間餐廳都炒得好正宗喇，火候方面絕對無洗講，簡直可以俾5分喇，碎蟹肉都好多，當然喇，粉絲更多，期間夾雜住紅蘿蔔絲等等，蟹湯嘅味道炒粉絲，鮮味都浸入咗粉絲度，所以真系超級之味道甜味，海鮮味濃、越式蝦米紙卷，系一道口味比較清淡嘅菜式，紙卷系真嘅，出邊嘅一層簡直好似紙咁薄，不夠口感就無系紙喇，入口即覺得鮮甜，頂層嘅是蝦米為哩一道清淡嘅紙卷又添加咗一絲嘅豐富層次，加上番茄汁，酸甜可口、蠔仔炒蛋，好簡單嘅，不過好味就系喇，蛋好嫩，滑，蠔仔就好新鮮，雖然兩個都系腥，不夠夾埋就一啲都唔覺。牛扒好食又抵食。

今晚與朋友來到灣仔區，不是到酒吧餐廳不是吃西餐廳，而是到泰國餐廳吃泰菜。吃泰國菜一向到九龍城，感覺比較正宗有風味，今晚一試朋友介紹的泰國餐廳。椰青沙冰。把椰青打成沙冰，頗有特色，平時較為少見。滿滿沙冰濃郁椰子香味，沙冰幼滑入口椰子味非常香濃，清新解喝。香芒牛油果軟殻蟹米紙卷。薄薄米紙包上芒果、牛油果、炸軟殻蟹。軟殻蟹香炸不乾身，蟹肉豐富頗是吸引，芒果、牛油果增添清新味道，加上蔬菜味道清香清甜，毫不油膩。泰式生蝦。大大隻生蝦肉質爽口彈牙，味道鮮甜鮮嫩，非常新鮮。新鮮蝦肉上滿滿蔥粒和辣椒，醬汁帶點辣味，辣度都頗高。生蝦加上蒜片，配上醬汁，辣中刺激，甜中帶嫩，非常出色。泰式炒金邊粉。蛋網包上金邊粉，即叫即炒上枱熱辣辣，金邊粉炒得乾身不油膩，醬汁味濃入口頗是滋味，大蝦爽口彈牙，大大隻份量頗多，加上花生碎等配料，味道香口咸香豐富，的確令人驚喜。

之前去灣仔見朋友，食過一間附近噶印度菜。店名就費事再講。總之就好難有第二次. 然後上個月同朋友去灣仔，又穩野食，系食過果間印度菜附近，穩到呢間了，新泰東南亞餐廳。東南亞餐廳我覺得D店名都差不多。3個人，點咗幾個菜，朋友中意泰國口味，所以都系泰國口味多。蕉葉烤盲曹，其實魚個名我就係沒聽過，甘幾日食新野，當然就系穩沒聽過食。荷葉蒸魚，我自己都做做過，蕉葉就因為平時少見到，距呢個都同荷葉一樣，各有千秋。首先個魚就比較嫩。呢個魚，應該都係東南亞果邊魚種，算唔咩骨，味道就有D重，即係咸小小，鹹魚淡肉，我覺得都巖餸飯。我哋去泰國玩，都系食芒果飯啦。芒果糯米飯，nee個都唔算好罕見，首先芒果都系新鮮，甜不澀，好爽口。我覺得有D似甜品，但係距又有糯米噶腍嚼口。三個人分就剛好，因為一個人食曬，有D滯。蒜蓉炒貴妃苗，E度菜就係好嫩，同豆苗差不多味道，都好爽口嘅喔。泰國青芒果沙律，沙律清新可好，佢E度D醬都系好特別清新，同西餐唔同，青芒就系特別爽，但是唔會好甜，呢個沙律我給好高分。香芒軟殼蟹米紙卷，e個卷同日本壽司都系好大區別，因為那個比壽司比較薄皮，更加滑，裡面蟹肉新鮮，我個人好中意，真系啖啖肉嘅感覺。

灣仔收工已經好晏，同同事食埋飯先返屋企，附近有間泰菜算比較新就去試吓。食物選擇都幾多有好幾頁Menu！可惜我哋得兩個胃，叫得唔太多。頭盤叫咗生蝦，份量比想像中少，得五隻。不過原來隻隻都好大隻同好肥美，一隻差不多等如平時一開二咁大！味道亦都鮮味，個蒜蓉辣汁唔無平時咁辣，易入口。香菇炒椰菜苗亦不錯！雖然菜苗比較老小小，冇想像中咁幼嫩！不過菜味都幾濃郁清甜，又唔會太油，所以我都幾喜歡。有菜又有蝦，我哋叫多一個肉食，揀咗蜜糖燒排骨。呢個係全晚我覺得最最最好食嘅一味餸，同平時西式嘅BBQ ribs唔同，呢個有啲炭燒嘅香味，再塗上少少蜜糖甜甜地，排骨係半肥瘦，咬落好淋，超級中意！最後叫多一個冬陰公湯金邊粉食，完全冇諗過咁大碗，差少少等如平時響酒樓一窩咁大！冬陰公湯底唔太辣，酸酸辣辣好惹味，金邊粉唔會過淋，而且海鮮亦好足料，青口蝦魷魚樣樣齊青口蝦魷魚樣樣齊，而且份量都唔算少！其實我哋兩個人都食唔晒。食到食唔哂仲要好食，但每人都係＄200！抵！

我最近一直都在搵一D新嘅特色餐廳，呢間新泰東南亞餐系我嘅新發現，推薦比大家啦！佢呢度嘅野食都好唔錯嘎！呢杯(pint)，只要$ 68，啤酒味足夠，而且酒味唔會一下子上腦，我比較建議再加D冰塊，會更加好飲！泰國椰青，整只上，都系只要$ 42，超級抵，而且佢比較有心，果個洞挖得比較靚，真系唔錯！香芒軟穀蟹米紙卷，$ 78，將軟殼蟹同芒果包得超級精緻，而且非常整齊，又可口，下次都要推薦比我嘅朋友先得！整只雞，無錯，就系整只雞，越式燒春雞釀香茅黃飯，$ 168，佢系用整只雞蒸嘅香茅飯，好香，而且雞肉好鮮嫩！

食過咁多間泰國菜嘅餐廳，覺得新泰東南亞都係算入邊好食嘅一間！！所以成日都會帶朋友啊、或者屋企人、同事過嚟食野。而且呢度環境唔錯，泰式嘅裝飾會有啲泰國風味。而且服務態度好，加水啊、換碟都好勤力。！麵包焗咖喱軟殼蟹！$188.超級推介！！咖喱嘅品種實在太多啦，雖然都係黃色，不過每間餐廳嘅味道都會有啲唔同，呢度嘅咖喱椰漿味唔會好濃，不過都好味，將軟殼蟹浸系咖喱到，令蟹更加入味！！泰式生蝦！$98.同平時食嘅日本料理入邊嘅蝦肉刺身好唔同。首先喺賣相，將蝦殼整開之後，將蝦肉分成兩邊攤開，再系蝦肉中間放上秘製嘅泰式醬料，蝦肉爽口，新鮮！！！泰式蝦炒金邊粉！$95.呢個金邊粉入邊食材真係超級豐富，有腰果、西柚肉、蝦肉，仲有各式各樣嘅配料，將金邊粉都遮到實曬。口感豐滿。呢個飛天通菜同我地平時食嘅通菜味道都係有啲唔同，佢嘅味道比較重，而且微辣，食起身好開胃。

人地話大肚婆胃口先會變化，但我最近都好似個大肚婆咁，呢排鐘意左食日韓泰呢幾種口味，經常食完泰國菜就食韓國菜，今晚輪到寵幸泰國菜喇，有時鐘意周圍穩食，嘗試唔同餐廳，新泰東南亞餐廳係無意中睇到嘅，第一感覺會唔錯。一般燒野食我都會放少少蜜糖，呢個蜜糖燒肋骨燒得好正，用蜜糖燒除左味道會有少少甜，另外原因係我覺得放左蜜糖，會烤得好食D，呢個肋骨肉燒得好唔錯，味道可以，兩邊都燒者收曬水，鎖緊左水份但肉依然好嫩，廚師技術唔錯。食完燒肉，再整一個新鮮嘅椰清，好清甜，好享受。青咖喱羊架比想象中要好食，羊肉無騷味，咖喱好地道，估唔到同羊肉都可以咁襯，我用薄餅蘸D咖喱，我咁嘅食法都幾好喔，咖喱味好正。薄餅有D類似之前係廣州食嘅千層餅口感，有層次，煎得又薄又香脆。主食無食飯，因為想食呢度嘅泰式金邊粉，炒個粉都要擺造型，好彩係有樣又有料，幾好食。

冬蔭公湯👍🏼✨第一次係香港飲到咁正宗既Tom Yum Goong咋, 之前係泰國飲到既味道, 而家係呢道終於搵得番啦賣相不錯, 蝦好大隻呀, 飲落香濃鮮甜，味道出眾, 入口先是酸味，然後複雜既味道混合，呢種口感複雜又帶有層次, 香辣調味料，辣味、酸味、香味凝聚於這一味湯中, 口水不自覺分泌旺盛泰式蝦醬炒飯😋✨炒飯中加入蝦醬調味，令炒飯口感變得豐富鮮香, 令本身勁好食既炒飯鲜香再度提升, 蛋絲令每一颗米粒都充溢着濃郁香味，入面的小蝦乾為炒飯增添微微的辣味,菜粒亦倍增口感而旁邊既臘腸,帶出有層次的口感，臘腸脆身香口加上玫瑰露和鮮肉香味，齒夾留香，令人回味無窮環境舒適寬落，不會有壓迫感，裝修也很精緻。鹹檸梳打採用泰國的梳打水+鹹檸。一飲條氣好順呀，酸中帶鹹鮮，不過梳打水為無糖，唔怕肥當然係鹹檸七好味d la!!😁😊呢間鋪👍🏼✨✨

慶祝黎到第二PART, 夜晚就去新泰食泰國菜環境好大, 坐位好寬敞, 坐得好舒服, 一啲都吾迫咸檸 梳打, 咸檸不太咸不太酸,注入了梳打,口感好得意, 清新又解暑!!!第一次食椰菜仔, 椰菜仔用蒜泥兜炒, 顏色翠綠, 口感爽脆, 甜, 少少苦, 又帶點辣, 每啖都有甜甜辣辣嘅味道,的確百感交集, 口感惹味香芒軟殼蟹米紙卷 一道香口惹味的炸軟殼蟹米紙卷 捲好後大大啖咬來吃，充滿層次的口感，愈吃愈過癮 用米紙將軟殼蟹、香芒、香草等不同口感和食味的材料捲起，大大啖品嘗，再點埋泰式酸辣汁, 感覺滋味又過癮。最正係呢個奶油蝦, 168蚊, 好大碟, SIZE就成隻龍蝦咁大隻, 堅!利用煎的方法將蝦的鮮味鎖住，再淋上蒜香奶油醬，蝦的鮮味搭配奶油汁真是一個完美的組合，吃完整個嘴巴都是奶油蝦香的味道, 呢個奶油蝦吃起來感到creamy 濃郁奶油味, 結果我點左一碗飯黎LO 汁送飯食!

今天同朋友來到新泰東南亞餐廳食嘢，剛行入嚟發現佢哋嘅裝修好有東南亞風格feel，有一面墻係唔同風格嘅瓷磚粘貼一齊，乍看比較有東南亞熱帶風情，樓梯間有一個展櫃擺設，上面嘅銅像人物也是泰國著裝，仲有其他飾品都佈置得原汁原味。冬蔭功係馬來西亞乃至全球都非常有知名道，來到點可以唔試下佢哋招牌菜，酸辣口感適中，味道唔會太濃太重口味，可以品嚐得到青檸同椰漿的香味；千層糕十分爽甜香滑，上面鋪咗濃滑嘅椰漿，食入口更加清香怡人；肉骨茶以前真無飲過，同我哋平時煲嘅藥材湯感覺差唔多，胡椒味比較重，藥材味都比較濃，湯底就好似品茶一樣可以不斷續杯，肉骨茶嘅歷史由來也是值得學習嘅。泰式青咖哩雞味道有點辣，雞肉幾嫩滑，馬鈴薯也夠軟爛，總體口味都唔錯；咸魚炒芥蘭味道好正，咸香爽脆，係我鐘意嘅味道；珍多冰椰香味好濃，加入椰果同水果之後都幾清甜，不會太膩。

今天做野忙到飛起，落班已經好攰喇，郁都唔想郁，Honey話見我咁辛苦要鎬勞一下我，于是帶我嚟一間好有特色嘅餐廳食嘢。新泰東南亞餐廳裡面嘅餐牌、擺設都比較有風格，我哋點咗南瓜焗咖啡海鮮、泰式炒金邊粉、越式燒春雞饟香茅黃飯。南瓜焗咖啡海鮮上枱果一個monment都令人幾驚喜咖，用原只南瓜做燉盅，裡面裝滿咖喱海鮮，試咗一啖咖喱味道真係幾濃郁，海鮮食入口爽嫩得嚟仲有少少香辣，南瓜我都細細試咬咗一口，好軟熟清甜。泰式炒金邊粉嘅賣相我是非常滿意的，香脆嘅網式炒蛋包住熱辣辣嘅海鮮炒粉，遠遠就可以聞到蛋香同炒粉的香味了。打開之後可以見到裡面裝咗好幾大新鮮飽滿嘅大蝦，金邊粉食入口很爽滑，大蝦也鮮嫩可口。越式燒春雞饟香茅黃飯佢嘅工藝和手法值得大大點個贊，燒雞表面烤得焦黃肉嫩，香氣四溢，饟了飯之後睇上去更加飽滿吸引，令人食指大動。用刀叉切開可以見到裡面的骨頭已經剔得很乾淨，只看到薄薄的雞皮下面係嫩滑的雞肉，再包裹住金黃飽滿，熱氣騰騰嘅飯粒。切開成四份，手拿一邊一啖咬落去，口感真係軟糯無比。

新泰系一間泰國菜餐廳，我就系突然之間好想食東南亞菜，於是就系網上search咗一下附近嘅餐廳，就搵到呢度啦...餐廳都幾大，而且用咗一啲特別嘅裝飾品同埋畫，呢度嘅服務員好似都係泰國人。點咗幾個菜味道都唔錯，有芒果糯米飯、蜜桃燒肋骨、日式南瓜焗海鮮、泰式炒金邊粉、蛹蝦。 *芒果糯米飯*$62。性價比好高，賣相都好特別。其實佢就係一款甜品，糯米飯系黑糯米，芒果好甜，再加上冰涼嘅奶汁淋系表面，鮮甜絲滑。 *蜜桃燒肋骨*~$88~外皮燒得好香脆，肋骨肉啱開始以為會唔好咬，不過呢度燒得肉質嘅軟熟度啱啱好，咬落去好嫩。再點上特製嘅蜜桃醬汁。東南亞風味就出曬嚟啦... *日式南瓜焗海鮮飯*~$98~先將半個南瓜挖空，再系入邊放入海鮮同飯一齊焗，當然唔少得芝士啦~~~~焗出嚟嘅海鮮飯南瓜味十足，而且食材豐富。食唔曬啊~！！！！ *泰式炒金邊粉*~$85~賣相有啲似薯粉，口感又有啲似濕河粉，不過就比河粉幼好多啦，不過粉嘅口感比較彈牙，而且唔會覺得好油膩。 蛹蝦，其實就係脆麺包住幾隻鮮蝦，香脆嘅口感幾獨特。