新泰東南亞餐廳 (已搬遷) 新店位置

係灣仔酒吧睇波之前去左食新泰泰國餐~食完一落樓就好多酒吧！！夠哂方便~叫左小食拼盤，有蝦餅，魚餅，春卷，生菜包。每樣4件~夠哂份量~最正覺得係個蝦餅！質感Q彈，仲有陣陣既香茅滲出黎！夠哂泰式風情~配埋泰式辣醬更加惹味！春卷亦帶香脆唔油脂！生茶包既豬肉亦炒到粒粒分明，入口唔會好乾！香料味濃郁，配上新鮮既生菜包住食口感一流~      拼盤真係唔錯！咩都有d唔使煩。叫左個芒果糯米飯~有齊黑白糯米2種！質軟爽實~煙煙unun!! 表面放上椰汁勁香！芒果甜夠哂鮮味。而環境地方都好骨緻~泰藉服務員個個都幾友善~下星期六睇波前同班fd又黎食過先！！

泰菜係我心目中位好高既位置，因為要辣有辣，要惹味有惹味，岩晒追求惹味既我冬蔭功炒飯, 加了冬陰功醬和泰式材料, 香茅, 辣椒和蝦, 集合左酸，香，辣, 味道別有一番風味, 飯香軟有口感， 啖啖冬蔭功香, 夾著炒飯和炒蛋的香氣，那鬆軟的口感和那恰到好處的酸辣味道，令人胃口大開, 又香辣惹味😋😋另外叫左Masala 咖喱, 香料的特殊香氣與咖哩香融合在一起, 雞肉吸收晒咖喱既精華, 入味之餘, 仲好嫩滑, 不錯食咖喱當然配埋薄餅, 外酥內軟，口感綿密，而且又有咬勁，點上咖哩更是一絕👍👍

泰國菜令人回味，新泰東南亞比我既感覺好似當日在泰國吃過咁，傳統得嚟又帶點創新，兩者結合起來，這個感覺我特別喜歡，決定在聖誕前相約朋友到盧押道店的新泰東南亞吃晚飯。率先嗌咗一碟XO醬炒泰蘆筍帶子＄128，味道偏辣，但正常人應該接受到。露筍嘅份量好多，索哂泰式辣汁，加上爽口的質感，真是令人吃不停手！配菜有粟米仔，紅蘿蔔絲，清椒和洋蔥片，帶子接近有八粒，份量好驚喜，半生熟的帶子口感十分彈牙！泰式菠蘿炒飯＄98 ，嚟到泰國餐廳點少得食呢個炒飯呢？表面鋪滿了大量腰果和肉鬆，裏面有三色雜菜撈菠蘿飯，而每一粒米飯都沾了黃色，菠蘿味很重呢。而且炒得夠乾身，唯獨是在較底位置嘅炒飯比較濕潤。三色冰$38 我哋叫咗一杯三色冰share，底下有啲紅色同埋綠色嘅粒粒，味道麻麻地，勝在係有啲口感，爽爽地。面頭有些少微酸的芒果絲，味道很好。椰汁來說，味道一般，不太濃亦不太甜。環境偏向清靜，而且地方空間大，每枱人都好獨立，唔會嘈到對方。食物質素高 但飲品(泰式三色冰) 味道有待改善！！

阿妹近日忙於準備考試，精神緊張，想食D酸辣醒胃嘢食，來到新泰食飯，希望啱佢胃口啦！泰國青芒果沙律（78元）芒果絲配上乾蔥絲、腰果，增加左爽囗同香脆，酸辣適中！燒豬頸肉（68元）燒到恰到好處！唔太乾，保留肉汁又爽口！沾上特色醬汁，滿口豐富味道，青檸味好香！鐵板蠔仔炒蛋（88元）份量十足！超多𧐢仔。可能之前既太好味，相比之下本人覺得佢冇乜味同好多油，一定要加同上既泰式辣醬至提升味道。冬陰公海鮮炒飯（85元）足料海鮮有𧎚、青口、鮮魷魚！炒飯好入味。但阿妹認為略為加重D冬陰公既味道就更好了！

今日同男朋友去左食泰國野 慶祝我地18個月 雖然冇咩好慶祝 純粹系食餐飯 食餐好既 所以我地就去左呢間食拉！呢間野有2層 一入到去就好有泰國feel 不過吾知有冇d咩 taboos 所以就冇影甘多相出黎比大家睇lu服務態度方面 都吾錯呀 不時都會有個人系附近行黎行去 又不時加水幫我地 講下食物先~1.不得不提既系泰式蝦炒金邊粉一上菜 個外觀已經好令 上面原來系蛋黎 幾有創意wo 而且個份量又夠大 2個人食都夠 d金邊粉幾有彈性 味道岩岩好 值得一試2.炭燒豬頸肉肉地吾系太肥 肥d會更加好 因為豬頸肉主要系食肥肉ma 同再燒得膽d會一流 份量一般拉 但系有個汁點黎食 又吾錯既 3.蒜蓉包好好味！非常之脆 雖然得4塊 但系每塊都好大塊 價錢又ok 大家可以試下啊總括而言，下次我都會再去 因為味道真系吾錯 又有泰國feel 好似去左泰國甘xd

唔知點解發現🐰仔好想去食泰國嘢，🐶仔一定奉陪到底，泰國嘢越做越旺要做幾多分店嘅只係數到新泰東南亞依間餐廳，之前已經去過尖沙咀分店，隔左無幾耐想食就去咗灣仔分店。其實價錢都幾合理，一個粉面都係＄100以內，但係已經都好認真製作，又有成個菠蘿或者成個南瓜，唔少都係功夫錢。又想食雞又想飲冬陰公，最尾我哋食咗個冬蔭雞煲＄168大大個冬陰公同埋裏面有啲海南雞？味道比較似海南雞！湯底因為雞嘅原故所以都比較油膩，如果唔想飲咁多油嘅話首先一定要撇開啲油先至飲用，不過份量真係好多最好就三至四人以上一齊先好叫，除非大家都係冬陰公嘅專家。冬陰公嘅香料十足好過某啲泰國餐廳，冬陰公除咗講究酸同辣外最重要嘅不外乎香料嘅配合，辣而不香或者辣而不香都唔吸引。裏面有芫茜，勁多香料，番茄和蘑菇等等，配搭唔錯。裏面嘅雞都好香滑，食雞有雞味仲入埋啲冬陰公香味，估唔到竟然係相得益彰！下面都有火keep住上面嘅熱力。日本南瓜焗海鮮飯＄98我哋都算幾鍾意食南瓜，呢個海鮮飯出面真係有大大件南瓜，好有萬聖節嘅感覺。裏面嘅海鮮不外乎魷魚青口和鮮蝦等等，海鮮都算新鮮嘅。最緊要係裏邊有好多粒好爽口嘅南瓜，唔係整到爛晒，啲飯軟稔稔真係名副其實

老媽最喜歡吃泰國菜，順應媽媽心，帶她試試呢間位於灣仔的泰國菜步行上二樓，裝潢充滿泰式風情我們被安排坐在卡位，位置亦幾寬敞由老媽話事，點了幾個泰菜試試這裡的冬蔭功用爐火盛載，可以保持着溫度就算吃著其它菜式，也不怕涼了不好吃冬蔭功內見到各式的材料及香料，酸辣比例拿挰得剛剛好菠蘿炒飯是老媽必點的，原隻菠蘿盛載上桌時經已聞到香味，而裡邊的材料亦相當足料腰果、蝦肉、提子粒，口感豐富均衡的飲食從不缺菜，一味馬拉盞炒椰菜苗色澤光亮，菜苗爽脆，連老媽都話炒得好媽吃的開心，做孩子的，當然也開心啦！

返完教會 去朋友家附近一家泰菜館 就喺灣仔盧押道同謝斐道交界 由於唔近電車路 所以樓下環境頗安靜 食完飯落樓都唔洗即刻食廢氣大門口喺地下 但入到去要先上一層 所以其實係一樓 XD 地方寬敞 有梳化位每檯設有牙籤盒和獨立包裝嘅砂糖同蔗糖 每個座位預設餐紙巾 筷子 匙羹小妹率先點咗餐廳嘅招牌「龍眼冰」 雖然賣相唔係驚為天人 但飲一啖覺得非常值得！煲嗰陣一定唔只用咗眼見四五粒龍眼咁少 味道非常濃郁 果香更勝甜味 同屋企煲嘅一樣天然和有益叫咗一客「翡翠螺」做餐前小食 serve嘅方法非常有心思 碟上放滿冰塊來保持螺肉新鮮 但礙於冰塊可能唔乾淨 餐廳先用保鮮紙封碟 再將翡翠螺放喺保鮮紙面頭 仲喺中間挖個窿嚟點醬 真係好聰明嘅做法！先講個醬 因為佢好特別 唔係一般泰式辣醬咁簡單 加入咗青檸粒 所以味道層次非常豐富 甜酸辣鹹都有齊！辣嘅程度一般 而且消散得好快 建議怕辣嘅朋友勇敢啲試下佢共有5隻螺 每隻挖出嚟都同個殼一樣咁大 好新鮮 而且無本身調味 食得出最天然嘅海產味 唔算太韌 亦保持應有嘅彈性 雖然得幾隻咁少 但極力推介！之後點咗食泰菜必食嘅「蝦醬炒飯」 雖然賣相（又係）唔太靚 但亦有精心設計過

同屋企人出街食飯，忽然想食越南泰國嘢，所以就walk in左一間泰式餐廳。星期六晚上嘅餐廳有好多人，所以所剩位置唔多。望完餐牌之後最後選擇了幾款食品分享食用。出街食多數都唔健康，但係出街食健康野點都比舊好，所以就揀咗星馬最出名嘅馬拉肉骨茶＄138裏面用咗新鮮豬肉，冬菇，豆卜等材料，味道比較濃郁，有少少似豉油味，而且亦有火爐在下面助熱，當然不少得帶點藥材味，由於豬肉不算肥，所以湯亦不會太多油，整體健康又清新。越式肥牛湯河＄68反而呢個湯底比想像之中濃郁好多，所以味道亦帶點咸。有生菜，洋蔥及各種香料，湯河的河粉索晒湯底味道，所以亦比較濃味，牛肉肉質都算可以，有一些比較厚身有一些比較薄，分量足夠。泰式甜品小拼盤＄78裏面總共有八件，有四件是千層糕，另外四件是椰汁西米糕，一冷一熱。話佢甜亦未算太甜，口味適中，連有少少糖尿病嘅婆婆都覺得OK-0-椰汁西米糕裏面嘅西米比較大粒，不過唔使用力咬已經可以食到；千層糕有熱力之餘亦很彈牙，口感和香味都夠！最後冇叫野飲，店員好勤力幫手浸水，估唔到泰國餐廳嘅泰國店員講廣東話同local冇咩分別。

餐廳有兩層，主要用餐區係二樓環境都唔錯，有好多雕像做裝飾，座位好舒服雞翼冇落粉醬炸，但依然炸到好香口雞翼有大量炸蒜係面，脆卜卜又惹味雞翼好好味，入面既雞肉有好香既香茅味傳出！依個麵包咖哩軟殻蟹好正！麵包烤到外層好脆，但入面既麵包仲係好軟綿！吸哂咖哩好好食黃咖哩好好食，味道好有層次好豐富，唔會好辣，甜甜地咁令人好享受！炸到脆既軟殻加上軟綿既麵包一齊，再配埋咖哩，真係好正係曼谷食完南瓜布甸之後就念念不忘！今次終於係香港再食到啦布甸熱辣辣上臺，布甸香滑甜美，再配埋南瓜肉食好正！

平時都幾喜愛食泰菜，新加坡同越菜反而少食，朋友我黎食依間新泰餐廳，佢時常同屋企人一家人黎食，因為可以叫唔同類型既菜，餐廳風格都幾異國風情，裝修都以東南亞感覺<<越式蝦米紙卷>>朋友話呢度既香芒軟殼蟹米紙卷幾出名，幾乎係每台必點，食落個米紙卷夠滑，配埋炸左既蝦米，清得黎又夠香口，再沾埋泰式甜酸醬，估唔到又幾好味<<泰式柚子蝦沙律>>柚子又甜又多汁，大蝦夠爽口，加埋腰果洋蔥等配菜，再加d酸酸甜甜既汁，呢個個人強烈推介，又好味又開胃，份量又夠多，好抵食<<冬陰公金邊粉>>食泰菜點可以冇冬陰公，我同朋友兩個人為左可以食多一味菜，於是就點左呢個冬陰公湯金邊粉，個冬陰公辣得黎帶少少酸，好夠味，仲有好多海鮮之類既配料食，份量真係唔少，食完已經好飽，想食甜品都食唔落呢度地方闊落，又坐得舒適，係朋友間聚會傾計既好地方，我地相當滿意呢餐飯，仲話下次一大班朋友可以係呢度聚會

今日又食泰國菜啦。已經有一排冇食，係銅鑼灣行完街，去左灣仔食泰國野。餐廳好靚，好高級feel。餐廳播住泰國歌，裝修又好有泰國既味道，真係一個高級泰國餐廳。叫左個蝦醬炒飯。有腰果，肉鬆，蝦，臘腸，一上菜已經好大陣蝦醬味。入口好香，惹味！呢個就係我最期待的泰國feel!。炒飯熱辣辣，加埋蛋一齊食特別香。呢個炒飯火喉夠，炒得真係好好味。之後叫個燒豬頸肉。豬頸肉肉質好彈牙，燒得啱啱好，好有水份。高質！溝埋豬頸肉既泰式沙爹醬，真係好開胃。酸酸地有少少辣味，仲好香。冇諗過豬頸肉同呢個醬可以咁夹，無敵。叫埋個豬肉生菜包。呢個同我之前食過既有少少唔同。豬肉入口好香既香茅味之餘，仲帶少少酸味，生菜包住一齊食，可以減低豬肉既辣味，好fresh好juicy。正，食完生菜仲可以再比生菜我包住d肉，服務都周到合理。成個餐廳比人既感覺就係舒服，優雅，同埋侍應態度好好。整體黎講今日真係食到個驚喜，下次一定要再黎。

同事生B出來慶祝，泰式餐廳便想到新泰東南亞餐廳。行完一輪過來，先要(椰汁冰)，入口有些甜，加了冰好一點。清清地的(蝦米卷)，蝦米少，菜比較爽口，有改善的地方。(泰式菠蘿炒飯)要熱食，飯多材足，菠蘿配炒飯十分夾。 

對於泰國菜既喜愛，基本由細到大都有增無減，一個月食好多次我都唔介意架😏新泰東南亞餐廳好似都幾多人食，我又同朋友食下有咩出色之處吸咁多人黎食~精緻幼細既蛋「巢」，包裹住炒得條狀分明既金邊粉，蝦既份量唔吝嗇，而且爽口大隻，撈埋花生同青檸汁食更加開胃。熟悉我既朋友都知我好鐘意飲椰青，呢度既椰青沙冰實在唔可以唔讚，椰子冰雪得夠冰凍，雖然雪成沙冰，但依然維持到椰子水既清甜味，而且口感非常細滑，舒服涼快。蒜蓉牛油雞翼啲雞翼金黃酥炸，肥大多汁，滿滿蒜蓉牛油香，於味蕾揮之不去，果刻只想獨霸啲雞翼唔想同朋友分享。平時食泰國菜甜品食黎食去都係芒果糯米飯，椰汁糕，反而呢度有呢2樣以外既甜品叫，南瓜布甸好吸引我，南瓜上既布甸蛋味濃郁，相當滑嫩，南瓜綿密香甜，若連熱辣辣既南瓜一齊食更有風味。

這裡地點就腳,  內環境都頗寬敞, 不會很迫。豬肋骨- 肉質腍，個酸辣醬汁好開胃～ 冬陰公- 好足料，又是好開胃～ 最好飲就係呢個湯！ 鍾意辣的朋友不能錯過呀！ 炒羊角豆原來泰國人稱秋葵做羊角豆加入車厘茄，紅綠的配搭好fresh~ Mango margarita 靚係幾靚，但有陣藥水味⋯ 好大杯，飲唔晒添～ 金邊粉，中規中矩，如果再酸少少會更好吃！麵包軟殻蟹～ 咖哩入面加左蛋漿，味道香濃，好足料。而個包就一般般喇⋯ 有點硬，有點乾。兩個女仔好似點左好多野食咁.. 哈哈～