新泰東南亞餐廳 (已結業)

朋友說想吃泰國菜, 由於他星期六要返半天工, 於是找一家近他的, 就找到這裡。這家泰國菜餐廳位於W square 2樓。lift 門一開已見裝潢非常有心思, 有格調又有情調。枱是木製的, 而燈光不會太光令我感覺舒適。是日有lunch set, 但我們想吃魚及蝦刺生, 於是便散叫。生蝦刺生這個鮮蝦刺生, 未吃其味, 先見其功。眾所皆知, 蝦刺生需要冰上的, 一般泰國菜店會於刺生下邊放置碎冰。但這裡的廚師為免鮮蝦觸碰水份而影響其鮮味, 在冰之上多放一層保鮮紙。鮮蝦上已放了醬汁, 你亦可選擇使用旁邊的生蒜及辣椒。蝦肉爽口鮮嫩 , 辣味適中, 生蒜亦能提高鮮味!鮮蝦叻沙碗中傳出陣陣椰香, 先淺嘗叻沙湯, 椰香味重, 微辣, 豆卜吸盡叻沙湯精華, 一口咬進去叻沙湯就走出來。蝦味爽口, 米線有口感。細看之下原來湯底用了銀魚乾, 難怪鮮味如此出。最期待的就是鹽焗烏頭。烏頭買相吸引, 十分香。魚皮脆口, 一 開魚皮盡見鮮魚肉, 口感嫩滑, 而有種香料味。原來廚師在魚肚放置各種香料來燒, 魚背更是滑, 骨少而香料味濃。來一點奉送的醬料, 更能突出魚味!芒果糯米飯這個芒果糯米飯真的等別, 是有黑糯米和糯米

香港的泰國餐廳，總喜歡在裝潢上花心思，營造不同的泰國風情，有些是渡假風情，有些擁抱着泰國佛教的尊貴及神秘，位於灣仔的新泰，入門已見一臥彿。 桌椅以籐及木為主，佈置金碧輝煌。 近窗的雅座，自成一角，估計可拉下窗紗，增加私穩。香芒軟殻蟹香芒卷 清清地的一道，卷物兩層皮，最外是扎實的米紙卷，口感如軟身一點及厚身的紙張，取名貼切；第二層是生椰菜，爽口的感覺，餡料主要軟殻蟹，酥脆感一般，勝在不油膩；芒果味道亦不特出，醮些魚露吃，味道會濃一點。 這一道，沒有想像中的美味。馬沙文牛腩 深褐色調的咖哩汁，但完全不辣，多加乳酪令咖哩汁更滑，除了主角牛腩外，配上薯仔丶花生、洋蔥及兩片紅辣椒。 牛腩厚身肉嫩，完全無筋，而且醃得入味，馬沙文咖哩調味豐富，香而帶些甜味，質感幼滑濃稠，佐飯或薄餅一流，薯仔未有煮至全腍，反有些硬身及嚼勁。蕉葉烤爐魚 香料完全泰菜風味，爐魚肉算滑，微鹹有香草香，魚皮略有焦香，配以泰式酸辣汁，不過不失。越式蟹肉炒粉絲 另一道清而不油膩的菜，感覺欠了一些鑊氣，蟹肉份量不少但鮮味一般，與扎肉丶芽菜、青菜丶紅蘿蔔絲同炒，口感爽；粉絲收水好沒沾多少油，但可能配料比較清，吸汁不多

銅記呢座w square原來都幾多野食今日試左呢棟大廈其中一間餐廳，有齊我平時鍾意的東南亞野食。呢間餐廳相當大，一出𨋢已經有一股泰風情，接待人客的位置好寬敞。查實呢到食物款式種類真係相當多，呢個「越式蟹肉炒粉絲 $75」味道唔錯架～ 材料相當豐富 ，有青椒 、札肉、蟹肉、 芹菜、 芫茜等加埋有d炸洋蔥食落特別香，粉絲炒得唔油膩之外仲炒得夠乾身，調味岩岩好，所以無叫錯。另一個餸「麵包焗咖哩軟殻蟹 $188」呢個咖哩以香味為主 ，辣味好輕微，用質感軟熟麵包點咖哩汁好味，唯一差d就係軟殼蟹唔太熱同比較林身唔夠脆，有待改善。今餐我既心水推介係呢到 「原個椰青大菜糕 $68」原個椰青上入面裝滿大菜糕，而每一啖大菜糕都充滿了椰青肉， 椰肉很嫩， 大菜糕應該是用椰青水做的， 食落帶清甜的椰香，係一個味道很清甜的甜品，食完晚餐食呢個唔會感覺太膩，份量夠3-4人。

今晚比較夜收工，所以跟朋友在公司附近吃飯，要吃辣的食物剌激一下。平日晚上灣仔區的餐人流少之有少，正合我倆想靜靜地吃個晚的要求。之前一直都未到過這間位於W Square的新泰，以為是很casual的東南亞菜，誰不知餐廳的裝潢比我想像中特別，而且店內環境很寬敞，很適合約朋友飯聚哩。門口位置： 座位： 眼見全部店員都似是泰國人，她們廣東話都非常流利，而且很好禮貌。看過餐牌，菜式選擇都蠻多的，主打泰式，亦有印尼、越南的菜式。單是咖哩已有十幾款，超誇張的，不過太夜下班，還是少吃澱粉質，叫幾款小吃、串燒，再加近期愛上的飛天通菜吧！ 泰式炸春卷($58)：內有紅蘿蔔絲、粉絲、豬肉碎、生菜等，餡料塞得滿滿的，春卷炸得很乾身，不會感到油膩，再配上呈黃色的酸甜醬汁，應該放了鮮檸檬，很開胃。 蒜茸越南牛油雞翼($65)：上一次在另外一間泰菜吃過牛油雞翼之後念念不忘，所以又試一下這裡的牛油雞翼，一份有六隻，用上太量的乾蒜、洋蔥作調味。外層微脆，咬下去還是熱烘烘的，肉汁都流出來，不過雞翼再入味一點會更好。 串燒羊肉($78)：以為是平日細細串的羊肉串，原來是超巨型的，似在barbecue時

同朋友兩個人行完街搵野食,由CWB向灣仔方向行行下見到有呢間泰國菜就上黎試下第一次來呢間泰國餐廳,地方算大裝修都有泰國味道好啦咁坐低叫野食,2個人叫左4樣野,上得都好快感覺好似將D菜係個鑊兜兩兜就上得味道整體OK,咖哩牛肉,牛肉可能來貨貴啦,得幾片,好彩兩個人食炒通菜太咸豬頸肉感覺上似用豬扒加鬆肉粉打成 不過都慣了,好多餐廳都係咁整體上OK,份量可以多D不過都未食晒D野服務員就係咁問仲要唔要,好似趕收工咁

同兩個老友搵地方食飯兼商討泰國行程，索性就食泰國野啦！環境都幾精緻架~先嚟一個清涼解渴既椰青沙冰~幾搞笑，將椰青打成沙冰，粗粗糙糙咁又幾香~跟住就飲個冬蔭公，幾足料又幾香，係略嫌酸左少少。馬拉盞椰菜苗不得了呀，香就唔在講，椰菜苗十級嫩滑，仲要大大碟食極都有！生蝦都幾好既，蒜片有啲太辣。燒豬頸肉又係好好食，脆邊、唔肥膩，問你死未。明爐魚都係傳統野啦，呢條鳥頭唔梅厚肉，抵讚。

一向鍾情泰國菜，以前讀書時學校鄰近九龍城，久不久就與同學們一起光顧附近的泰式餐廳。畢業後，大家各有各忙，能夠偶爾聚一聚已十分難得，要山長水遠走到九龍城實在有些困難。這次老友們說想食泰菜，唯有在市區尋找高質素泰國餐廳，search到了新泰東南亞餐廳，位於灣仔區，方便大家食完再到銅鑼灣行街，waitress幾乎都是泰國人，不過聽得明廣東話，未食已經覺得夠正宗。可以係市區搵到正宗泰菜，餐廳環境優美，位置方便，價錢合理，絕對推介呀！

見到網上咁多讚，生日同朋友來食飯。叫咗三個菜，麵包curry軟殼蟹$188，通菜$7x，豬頸肉$9x? 一入到去未坐低，就話俾你我聽要八點半交位，咁即係得個半鐘食飯同傾計。 不過嚟咗就算，費事換來換去。 麵包軟殻蟹，我覺得＄188唔值，雖然啲咖喱汁都可以，但蟹得幾件。兩個人可以免強，如果四人,真係一啖咁多，only 食包食飽你！！！ 豬頸肉，應該都係得七片左右，抵唔抵食？自己諗。 菜普通啦，冇乜特別。總括來講味道都可以，但係我話比你聽係唔抵食。 會唔會再嚟，如果食晚餐我應該唔會，我會去九龍城果邊

12月生日會，壽星仔 "千足純金"話想食泰國菜，一諗起唔就脚嘅九龍城 ，大家就頭痕 ！好彩我經常瀏覽OpenRice, 記憶中有間泰國餐廳係灣仔，即刻推介畀大家試試 ~新泰東南亞餐廳位處灣仔W Square 2樓 (係集成中心附近)，極之方便就腳！是晚靚女車預訂左9位，侍應生安排咗張大圓枱畀我地！泰式格局佈置嘅餐廳，清幽寧靜，狀甚 舒適！翻開menu, 發現有巧多美食啊 ，人多好辦事，樣樣點啲喇 ~1.泰式生蝦刺身 : 蝦夠大隻，肉質爽口彈牙 ！沒蘸上醬汁下，竟然有辣味，仲巧辣吓 添！2.冰鎮翡翠螺 : 肉質爽脆 ！3.蛹蝦 : 蝦夠大隻, 可以一分二食，肉質無生蝦咁爽彈，不過外層嘅炸麵卜卜脆，巧特別！4.泰珍珠椰菜苗炒香菇 : 椰菜苗口感較硬，似食芥蘭。香菇夠鮮脆！5.香芒蟹肉炒飯 : 有齊一般炒飯所需嘅配料，加咗芒果肉，更加香甜 ，不過好少蟹肉，每人分啲就食唔到 囉！6.拼盤 : 蝦餅、魚餅，爽口好味。春卷，饀料有芋頭蓉，香口脆好味！肉碎生菜包，包上生菜後，肉碎依然好辣 ！7.香芒軟殼蟹米紙卷 : 芒果、軟殼蟹等少得可憐 , 似有還無嘅口感

又到灣仔食飯，唔知啲乜野好？當時上Openrice研究下啦！係相片睇到有帳篷既卡位好特別，於是我就打電話訂位，我同服務員講想坐卡位，但被拒絕了！原因帳篷卡位係比4位客人坐，所以冇希望了！不過都唔緊要，上到去，座位相距都幾寬敞，傾下密計都唔容易比隔離聽到，私隱度都幾好。但估唔到平日都咁多人食，坐滿有7成人啊！【香芒軟殼蟹米紙卷】米紙軟綿包住蔬菜軟殼蟹，食落感覺好清新，一啲都唔覺膩，食多幾件都唔覺劑，幾好。【泰式柚子沙律】好多柚子，仲有腰果，甜甜酸酸味道，好開胃，作為前菜，打開個胃口先！【串燒沙爹】 $78/6串（豬、牛、雞）每一串都幾大串，肉質淋，入味，沙爹醬都惹味，就係醬汁較少，唔夠用！呢個價錢都算抵。【麵包焗咖哩軟殼蟹】側邊麵是偏硬身，點咖哩醬食用，軟殼蟹件數都多，起碼有6～7件，咖哩汁唔辣，重椰汁味，較結身，比較難點麵包食。【蒜蓉炒貴妃苗】貴妃苗食落都幾幼嫰，不過有少少草青味，大至上都OK。【紅豆冰/椰青】（$32/40）紅豆冰OK，椰青價錢算平，可能我吩咐要多椰肉，所以椰青比較老，椰青汁唔夠清甜，不過都可以。2個人食左$633

奶油大蝦蝦既SIZE 大到好似龍蝦咁, 但蝦肉無想像中咁多, 因為個蝦頭好大, 係成隻蝦既一半, 而且個蝦頭太大, 好難處理, 都無咩蝦膏, 但蝦肉好嫩同鮮甜,好surprise, 而且奶油也很香, 食咗好多辣野之後, 食哩個蝦可以即刻中和被辣痛了的舌頭。三色冰因為睇咗openrice 推介, 於是揀咗哩杯野飲, 果然好特別, 椰香幾重, 甜而不膩, 加上有三種不同口味的澱粉粒,色彩嬪紛, 很有特色.辣椒膏炒花甲份量適宜, 很有鍋氣,花甲配上特製辣椒膏非常可口, 而且辣椒膏很能突顯花甲的鮮味, 很滿意的一道菜。椒鹽軟殼蟹軟殼蟹炸得很香脆, 外脆內嫩, 蟹肉都算多,咸味剛剛好,係一道不錯既小食。

香港真係好多泰國餐廳，呢間真心要推介。先黎碗冬蔭公湯，味道岩岩好，用料足!不過份量略少小食叫左蒜蓉牛油雞翼，超級香口但又不會油膩生蝦剌身，爽口鮮甜，好厚肉地馬拉盞椰菜苗,ok幼嫩只係喊左少少！主角！明爐烤烏頭，好大條而且肉質好好，證明係新鮮魚，夾埋個汁真係一流！叫到成枱都係，大滿足！食物質素不錯，價格中等，朋友聚會之選＝]

位於灣仔W Square 二樓的新泰東南亞餐廳佔二樓全層，地方非常大，大部份侍應看似是東南亞籍，但全部能說流利廣東話，因此溝通完全沒有問題。佔地全層地方真的很寬敞，座位也預留非常合理的空間，坐得頗舒適。裝潢很有泰式風情，就像那種椰林樹景一樣，頗有特色。無論是餐具或餐牌，比起一般東南亞餐廳都有誠意得很，光看這兩張圖還以為自己去了西餐廳，有點high-eng的感覺。餐牌把食物劃分成不同類別，部份還附圖，好比純文字。整體價錢亦不算價，特別在灣仔這一區來說，與九龍城那邊的價錢差不多。冰鎮翡翠螺($72)共有五隻，先說醬汁，作為頭盤來說，醬汁非常細心，味道偏向酸辣帶微甜，非常有泰國風味，味道一流以及很開胃；翡翠螺亦很新鮮肥美，原本的鮮甜已令我十分滿意，沾上醬汁更是錦上添花，兩者十分搭配，確是一絕。燒原隻魷魚($98)的肉汁可算是十分豐富，由於燒製的火候掌控得不錯，燒出來的魷魚肉感仍是有彈性的，富肉汁並沒有老掉。這算是頗香口，魷魚味重，附少許香烤燒汁，味道很好。如果醬汁味道再濃一點更佳。酥炸香矛魚配青芒沙律($168)是原條魚上菜，但店方一早把魚起肉，做成魚手指(fish finger)然後酥炸，

當張敬軒聲嘶力竭地唱著「……祈求舊人萬歲，舊情萬歲，別隨便老去。時光這個壞人，偏卻冷酷如許。離場慢些，也不許……」，陪伴小妹近乎六年有多的老爹，明年今日，也將從小妹的生命中淡出，退休享福去。是夜，去了W Square的新泰東南亞餐廳，吃老爹愛吃的濃味菜式，珍惜我倆餘下的時光。甫踏出電梯，傳來陣陣饒富東南亞風情的樂韻，店內店外，全是店主從東南亞搜羅回來的木製裝飾和擺設，致力營造出一個舒適寫意、悠閒輕鬆，且摩登型格的用餐環境。每一件裝飾和擺設，恰如一件藝術品般，極具鑑賞的價值，教人看得如痴如醉的﹗椰青吃得多，把椰青與碎冰攪碎而成的椰青沙冰$55還是第一次見，當然不能錯過了﹗呷一口，沙冰質感幼滑，冰感十足，滲出天然、清甜和清香的椰青味，且夾雜少量富嚼勁的椰青肉，確是解渴解辣最佳之選！老爹要了一杯泰式凍咖啡$32，呷一口，已皺眉扁嘴了 – 咖啡味十分淡薄。吃東南亞菜，當然要點一客香芒軟殼蟹米紙卷$75了﹗薄身而晶瑩剔透的米紙卷，餡料包得實在且不鬆散。咬下去，米紙卷口感柔軟而煙韌，中間包著不太香脆的軟殼 蟹、檬粉、炸蒜片、甘筍條、白蘿蔔、金不換和生菜等，集鮮香爽甜於一口，味道又頗清新的，配上附上

泰國菜一向係我摯愛，聼朋友介紹尼間泰國菜夠正宗就黎試下我地得2個人，但又咩都想試下味道點樣，搞到order多左沙爹串燒：有豬、雞、牛肉各2 串，肉很嫩又不會太油，配上沙爹醬汁讓肉變得更好食。椰青：好清甜又可以降火，好中意食入邊既果肉好好味蕉葉烤鱸魚：用香蕉包住成條魚去煮，可以鎖住魚的鮮甜味，另外魚肉很嫩而且唔會腥，魚骨都比較少。泰式蝦炒金邊粉：麵條口感好特別，唔覺得干身，賣相又好靚忍5住會想影多幾張相，食前加啲檸檬汁落去更加好味。冬蔭公 (細)：湯好好味，酸辣味大大提升食慾。而入邊既蝦好大隻，推薦鍾意食辣既人，因爲都幾辣南瓜布甸：南瓜布甸同牛油果一齊入口，又係一個未試過既食法，本身唔係好鍾意食牛油果，但係食完呢道甜品對牛油果又有新看法服務員基本上都係泰國人，但又食講廣東話，真心佩服~！