新桂香燒臘

营业中

休息中

本來冇諗過要寫食評, 咁啱路過見到, 點解自從有youtuber 介紹過依間燒肉店之後, 突然有咁多劣評出現, 感覺好神奇. 利申, 我都係睇完youtube 第一次幫襯, $190/斤叉燒, 我都覺得有啲貴, 但最後都買左$100/半斤嚟試. 我行到門口, 已經有人排隊買燒味飯, 由於我只係想買叉燒, 所以有另一個哥仔問我要咩, 我話我想要半斤叉燒, 佢問我要肥叉定廋叉 ? 我話要半肥廋, 入面負責斬叉燒嘅哥仔再加多句, 咁要肥多啲定廋多啲, 有選擇困難症嘅我, 突然唔識答, 就話正常得喇. 五分鐘車程返到屋企, 未打開都已經香氣撲鼻, 雖然佢砌得有啲亂, 但見到真係顏色好靚, 同肥廋分明. 肥嘅部份好彈牙, 廋嘅部份唔韌,  真係好好食. 一家四口, 唔洗五分鐘KO 晒。我有食過 youtube 中講最貴果間, 相比之前, 果間啲汁真係有啲咸同得個肥字. 點解我話好神奇呢? 因為我買到, 食到, 感受到嘅, 都同人地唔同

一盒叉燒飯$45, 入面完全搵唔到啲叉燒，都搵唔到啲叉燒汁，食完更有有啲反胃嘅感覺。對佢非常之失望，唔明白佢出名嘅地方喺邊度，價錢貴過龍邦，但質素差過龍邦N 倍。平時話俾劣評都係得個講字，但今次真係忍唔住寫

👍🏻可能你覺得問一個香港人那裏的叉燒最好吃就好像問人那裏的奶茶最好喝一樣根本沒有答案我可以肯定的告訴你其實不是的就正如喝酒一樣有些人說是每個人的品味不一樣其實就算品味不一樣最後也殊途同歸所以全港最好食的叉燒是那間？是有答案的👍🏻市面上有很多什麼叉燒比拼盲吃叉燒但要數到一家每一次都會有人用來比較而且不敗的那必定是新桂香👍🏻屹立在柴灣很多年沒有裝修卻客似雲來不要以為開在柴灣便是一般貨色停在這個殘舊店舖面前的都是名車索價$200+一斤一點都不便宜可是每天還是很早便賣完當然有他的魅力👍🏻首先這個價錢用的是新鮮豬肉現在新鮮豬肉多貴不用我解釋個人喜歡吃又肥又窿的叉燒最好有個叉燒頭他的過人之處在於他的肥膏是可以吃的超級爽口一點不肥膩歸功於豬肉本身的質地太好用的根本就是第一刀註: 第一刀是一個部位的名稱👍🏻一定要叫他切大件才有質感千萬不要忘記!!!!!!!!!!如果切薄了口感完全不一樣這個超級重要!!!!👍🏻說到調味是超級古典的麥芽糖味久久在口腔裏不散他的豉油味也是獨一無二爸爸說是從前的味道現在能做出來的人寥寥可數怎樣形容這種豉味呢？自己去試一試吧！👍🏻順帶一提叉燒飯的叉燒和淨叉燒的叉燒不一樣一定要散

同前傾開話睇左個Youtuber同陳凱琳嘅節目，介紹左號稱全香港最好食嘅叉燒，竟然就係公司附近。柴灣不嬲無咩好嘢食架嘛，即刻約第二日叫FoodPanda啦平時收工係有一堆人慕名而排隊嘅（食完之後我好想勸佢地唔駛排）好啦重點黎啦，睇相先！由於影相📸️，已經係9盒入面搵左盒最靚仔架啦唔講主角住，剩係盒飯唔夠汁又無得加蔥油已經唔係太吸引，個飯最後係再叮過嘅。咁主角呢？根據條片講，應該係邊位帶脆，同埋應該係半肥瘦，仲要好juicy嘅。但面前嘅係好乾身嘅瘦叉，真係完全唔特別，會用唔難食去形容，但絕對唔係最好食囉。仲有想回應返條片嘅youtuber,一個唔食肥叉嘅人無論係點都唔會食肥叉架😕食完後全公司都黑人問號❓一係就拍個日俾超靚嘅叉燒俾佢地試，一係就佢地個日味雷有問題🤨真係唔駛試，除非堂食，如果唔係都好貴

喺OpenRice十年冇寫過任何食評，今次你令我開齋喇！我誇區幫襯，買燒腩佢就俾咗燒肉，佢已經唔係平，每斤成二百蚊，一條骨收我$140蚊，返到屋企打開嚇咗一跳，有4舊豬頭骨，D燒肉斬到大大舊，斬到甩皮甩骨，見到唔開胃，成盒垃圾咁，呃稱又以為人哋唔識，實在極唔老實！😡😡

慕名而來試一下他的馳名叉燒。 和太太老遠的來試一下所謂柴灣最好食的燒味店， 當然第一次來到就要食佢最出名的肥叉燒飯啦，太太就叫了肥叉燒燒肉飯。店舖細小堂食的位置只有那兩枱，要坐出街的還有兩枱， 侍應生服務就不要多提了， 一般就是一般， 等咗五分鐘就上菜了， 唉我已唔使影相了， 所謂的肥叉燒根本就唔係肥， 咬落去有點硬而且有啲柴皮， 都唔知係咪佢畀錯啲瘦叉燒。我太太的肥叉燒燒肉飯可能會好一點啩， 首先叉燒有一些肥的， 但太太話一樣好硬好鞋， 至於舊燒肉就應該好脆， 但 太太話係因為塊皮好硬所以才覺得脆， 我也是了一嚿燒肉果然真的皮很硬。整體而言這間柴灣最好食最出名的燒味店， 可以話係浪得虛名名不符實又貴又唔好食， 除咗又鞋又硬 之外， 叉燒的味道跟其他燒臘店的都差不多完全沒有驚喜， 燒肉是比較鹹的， 價錢也收得超級貴， 原本以為試過之後希望好食就會買些少叉燒回家， 但而家可以慳番。 食物質素差， 服務質素一般， 食物味道一般， 價錢收費極之貴。 整體評語做過一次傻仔下次一定唔會返轉頭， 提醒各位食家不要單靠信傳媒的吹噓， 或者網站上打手的評語， 食過就知中招了。

新桂香的所謂「肥叉」。我唔講嘢嘞，大家評吓理。如大家有餘錢，可以幫助有需要嘅人，我 ?!?!? 我要額外花錢買鎚仔揼自己袋。可能我生面口又或者個樣蠢 / 好蝦，結果返到屋企打開個袋，嘩............世界上有這等過份的事嗎 ? 在世道艱難之時，大家好應守望相助，誰知.............. 。究竟心要多黑，才可以幹出這種勾當 ? 願我是最後一名不幸者，眾生遠離此等災劫。不過，如果你喜歡購買和食用肥脂肪，咁佢真係你在必然之選，一定可以滿足閣下需要。

🍚乳豬叉燒飯附例湯 $70因明星效應慕名而來，約中午12點來到，門前人頭湧湧令我更有所期待，下單半肥瘦叉燒乳豬飯，但店員說只有極肥與極瘦供選擇，我要了極肥。🥢說好的極肥叉燒，懷疑錯給了極瘦，不見半點肥膏。口感雖不算硬，但味道是死咸，要是能淡一點還願意多吃，當下三四片就膩了。🥢乳豬皮的脆是因為足夠的硬而做出脆的假象，皮不鬆脆，並沒有層次感，而是又薄又硬，咬下去彷彿被掰斷脆掉。🥢白飯過硬，到後來我只好把它放湯裡當湯飯吃。🥢以為附上的例湯更差，反而是最好的，但最好也是因為其他太差了。例湯放入燒肉也沒有過咸，菜乾味濃，全部喝掉也不口渴。見名人讚不絕口，網評又多是正面，到底是哪裡出錯? 十萬個為什麼??????🤓結論: 完敗💯分數: 2 out of 7

從前喜歡佢係因為佢嘅燒肉飯，但今日sorry，佢嘅燒肉令到我連相都無影，所以都唔評價。今次講嘅係佢嘅叉燒，192蚊一斤嘅叉燒的確係離大譜，但試過又會覺得物有所值。今次買咗$130一條，但因爲我晏晝買夜晚食，所以碟叉燒翻蒸過，令到相嘅外觀比原先黑咗少少，唔係幾靚仔，但還好口感仍然同我一開始偷食嘅一樣。瘦嘅位置唔鞋口，肥嘅位置夠爽口。外表夠蜜糖味又唔會甜到漏，加上少少濃邊。就算你眼看好肥，但因為咬落爽，毫無罪惡感。

剛好經過柴灣，所以去了新桂香買叉燒，叉燒 192元一斤，收了我 200元，即是多過一斤吧，回家打開盒子一看，和我平時去君御買的份量有所不同，目測已覺份量有問題，按數字算 200元應有 1.042斤，一斤有605克，即應該有 1.042*605= 630克，但回家過磅只有 576克，少了 54克，約 8.5％，即多收了 17元, 誠信出毛病，好不好吃已不再重要了......

這家燒臘店距離住的附近不選，上下班的路上也會經過，經常是下午的時候，排隊的人最多。環境：店鋪面積不大，堂食的位置不多，一般是11點才開賣 叉燒飯 45港幣在openrice上點了外賣，需要到店拿，新用戶可以減20港幣。他們家燒臘用的是古法炭烤，可以吃得出炭烤的風味，叉燒挺瘦的（不過還好不怎麼柴），個人愛吃肥的多一點。而且甜度居然沒有很過分（來自對於香港連梅菜扣肉都是甜的牙掉的噩夢）後來發現叉燒底下還藏了一小塊肥肉！簡直不要太美味！

今日因事路經柴灣，心思思想晚飯加料，於是就上嚟openrice揾下邊間燒臘店好，見新桂香有咁多好評就胆粗粗試下。叫咗半斤叉燒半斤燒肉拎走。師傅問我叉燒要肥啲定瘦啲，我依啲唔怕死嘅就梗係大大聲話要肥喇。返到屋企炒返熱，嘩，燒肉夠哂味唔在講，啲肥叉燒真係好香好淋好好咬口，一口咬落去啲肥豬油咇出嚟係個口浪浪下嗰種感覺，真係好鬼正。抱歉唔中意相機行先所以無相，但好老實，而家諗返起都十分回味，下次再經過柴灣一定會翻啅

今日放假又去咗柴灣新桂香食我最愛嘅燒味，之前提過呢間喺柴灣嘅老店，咁多年都覺得佢哋嘅乳豬同埋叉燒或者燒排骨係最啱我口味，佢嘅乳豬全部係店家自己製作，聽講佢哋係仲有炭爐燒烤，在香港非常難得！今日叫咗乳豬叉燒雙拼，乳豬皮做得非常香脆，仲要有少少暖身，有少少炭香，新鮮出爐，醃料味道夠，入口油潤豐膄，雖然係有啲肥，不過如果唔係成日食，都無所謂啦！呢度嘅叉燒係傳統風味，有麥牙糖香的叉燒，味道帶點甜，有玫瑰露香，如果唔介意，食半肥瘦始終係最好食，肥瘦相間，肉入口肥而不膩。另外叫了叉燒油雞，油雞外皮顏色亮麗，做得皮脆肉嫩，入口滑嘟嘟，內殼又夠味道。最後值得一提，這裏的例湯非常濃郁，湯料紮實，非常老火湯的味道，如果太遲嚟其實都會售罄！

柴灣出名燒味店，屹立柴灣很多年，燒味是每個家庭煮婦加餸必備，每逢過年過節一定要訂貨，燒肉很早已經賣完。本人分推介這裏的炭烤燒肉，非常好味，皮脆肉香，肉味亦十分足夠，豬帶一點炭的香味。另外這裏的叉燒及燒排骨亦是十分推介，肥瘦適中味道略甜有酒香，是由細吃到大叉燒的味道。大家要留意燒味出爐的時間，咁就可以吃到新鮮的燒豬及叉燒，滋味格外不同。其他燒味油雞品質比較普通，燒鵝亦不是十分出色。可惜此店名氣十分大，價錢彼貴，但係個人覺得物有所值。此店亦有堂食送例湯，用餐環境不算舒適但可接受！

位於柴灣室內運動場附近的新桂香燒臘飯店屹立柴灣超過40年，之前的名字叫桂香店舖搬到現在的位置也已經超過20多年了，主要做外賣，座位大約只有10個當中最出名的當然是炭燒叉燒，由於叉燒名氣十足，所以價錢亦十分貴，需要$192一斤，較一般店舖差不多貴出一倍，但幫襯的人仍是絡繹不絕今天相約舊同學在此敘舊，每人點了一碟碟頭飯，我當然是點了著名的半肥瘦叉燒加油雞，還奉送一碗例湯叉燒的質素當然不用置疑，每次都不會令你失望👍整體仍然keep到水準，會繼續幫襯😘