新城潮州飯店

营业中

休息中

追回上星期的飲飲食食..之旅.嗯~是第幾次來這裡吃打冷呢？...很多很多次了！之前舊同學帶我到這裡吃第一次..印象非常深刻的是..椒鹽九肚魚，好像"麥樂雞"的樣子，很好味！..所以之後成為"每次必點"的美食....也常帶朋友來吃，或介紹朋友來...但今年年頭和朋友來吃這"美食"時...竟然有酸味？！..我想大概是一次半次的失誤吧？..換了肥牛煲..嗯，真不敢恭維！..非常難吃...雖然美好回憶破壞了，但今次和朋友繼續也光顧...相信之前只是小失誤吧？！...可是...今次的經歷更差...食物的好味程度大不如前...連我是愛的"麥樂雞"也走樣了..不再是特色！..之前和我一起來過的朋友也點頭說是！...第一次跟我們來的朋友也留下了"深刻"的壞印象...嗯..下一次...不知會是多久之後的事了...因為...不好味的回憧佔據了我腦袋的記憶...

幫襯了這兒都有不下10次，上莊是首次帶我來吃的，並叫它「大大碟」，因為份量也真不賴。當時已覺得很對味兒，最緊要還是經濟實惠！今次完了一個歌唱比賽，便來醫醫肚，一舒悶氣。一行10人點了8道菜：香酥鴨：大大碟，每人可吃最少兩舊，而且比之前在潮樓的好吃！夠酥脆，鴨肉分別。鹵水鵝：又是份量多的一道菜，鵝不是太肥，但鵝皮依舊肥美，讚。鵝下的花生是諗諗的，佐酒一流。九菜豬紅：今次吃就覺得淡了一點，但送飯佐酒真是一流的，也大大碗。蠔餅：比較港式的蠔餅，煎得香脆，份量又多，點起魚露來吃都算不錯啦！椒鹽九肚魚：既然這是潮菜館，這道菜實是非戰之罪，要吃還是去大排檔好了！雞油豆苗：都是大排檔貨色，但實在份量驚人，是普通大排檔的兩倍份量！沙嗲肥牛煲：又是大排檔常叫的菜式。這兒的沙嗲較淡，也好；而肥牛的份量再次令人喜出望外，是一般水準啦！反沙芋：是我第一次吃的，果真是有驚為天人的味道，哈哈！不過食上一舊已覺得夠了，因為實在夠哂甜呢。這兒的服務也親切，完全是快樂的回憶。必會帶人來Encore呀！

同朋友嚟呢度打打冷,因為上次食過都唔錯!我地四個人order左鹵水鵝片一碟,煎蠔餅,大眼雞同埋大地魚炒芥蘭!鹵水鵝片好入味,食到lam lam 脷!煎蠔餅煎得燶左少少,不過好香,蠔仔唔算大隻唔算多,不過最緊要乾淨!我怕熱氣,所以只係食少少!大眼雞ok新鮮,個豆醬一般啦,大地魚芥蘭味道唔錯,落左好多魚露炒,好有潮州味!都係一個打冷既好選擇!

好幾年冇嚟過。食過創發、南記、樂口福、老四...兜兜轉轉，昨夜又番嚟一嘗價亷物美嘅潮式小菜...唔想攪乜嘢花臣，嚟幾個例牌嘢就OK --- 鵝片、大眼雞魚飯、沙茶牛肉芥蘭、紅腸墨魚及蠔餅，再加二粥一飯，一枝青島...但得兩個人食，誇張D啩?鵝片唔夠嫩，但勝在皮與肉之間有小層脂肪，添上一點甘香；鹵水幾入味，不俗...魚飯就普通，係可以expect嘅水準....特別在個普寧豆醬，非常之鹹，夠地道。唔食得鹹真係唔好亂嚟...芥蘭夠爽，响呢個季節揾到咁嘅水準嘅芥蘭，算唔話得；沙茶醬唔夠香濃，牛肉雖稍微受鬆肉粉洗禮，但肉味仍存，比上次去樂口福食到嘅已係超班百倍不止....墨魚質地夠軟糯，絕冇擦膠feel...蠔烙煎得唔油，蠔仔夠大隻，醮上魚露大啖咬，再飲一口青島，人生一大快事....份量足夠三四人食，埋單二百五...抵唔抵? 你話嘞...

經過一整天的辛勞, 當然要係晚飯上滿足一下自已啦,一放工, 就同左幾個同事一齊落黎九龍城食野啦, 想也不想就去了食打冷, 之前都食過幾次架啦, 味道真係幾好。我地五個人都叫到成枱野食, 有胡椒豬肚湯炒米線生腸拼墨魚蠔餅香蘇鴨仲有都唔記得了,,太多了,個湯真係好鍾意, 夠足料, 夠味.好可惜食唔到炒魚麵, 去到時已經賣哂.總括黎講, 係一個唔錯既選擇.

又是龍城,今次晨早吃潮州白粥.配料放在門口,十幾款任君選擇.今早就用味菜豬肚,菜甫,剝皮魚同咸蛋送粥.賣相求其,沒有所謂,反正這間老店也本是草根.菜甫爽脆,味菜不夠刺激,在剝皮魚同牙帶之間,選了前者,剝皮魚肉質結實.外皮微脆,吃落也幾多骨,魚肉也鮮.白粥充滿米味,正常不過.這個組合,名叫快餐,包一杯凍飲,盛惠$21,要多隻咸蛋,加$3.

吃完粥，忽然想吃潮式魚，便驅車前往九龍城的「天字一號」心水店，在城南道下車，卻見該店早已打烊，唯有再四處逛逛。見這裡的燈火仍亮，問過還有魚，便二話不說的坐了進來。吃魚飯，最愛烏頭，貪其夠肥美。但已近夜深，烏頭售罄，退而要了一條大眼雞。此魚肉多骨少，肉質是一貫的略為粗鞋，中下價魚，意料之內。幸好沒啥腥味，淋上一點熟油，味道也不錯。轉眼已「魚去肉空」，始終都是喜歡吃魚的人。連「大力」一支，合共65元，價錢合理。當然，要吃好一點的魚，還是到老字號的潮菜館較有保證。 離開時店主經已在店外設檯吃夜宵，看來也是接近打烊的時間了。

星期六夜晚,朋友帶我去食,大約7pm 去到,時間尚早,所以仲有位,到左7:45pm開始多人 煎蠔餅- 呢個真係要推介,蠔仔夠大隻又多,煎得好香,有4塊咁多,抵食墨魚拼生腸- 墨魚好爽,正,生腸麻麻地滷水鵝片- 唔係好得囉,好老, 墊底既豆腐又吸晒d 鼓油又覺得好咸鼓油至炒豬肉(定瘦肉) - 朋友極力推介,都係幾香既,送粥好出,我地唔食得太咸,一落單時已經講定叫廚房唔好整得太咸,整出黎之後,都ok 接受到3個粥+2 罐coke 埋單$195

去打冷總會想起啤啤佢!所以食物都要配合番飲啤酒先至合適!新城d食物,坦白講,都好肥膩吓,例如煎蚝餅,鹵水鵝,就算碟春菜都肥..如果怕肥嘅人,特別係女仕,就一定怕怕!不過,如果以味道嚟講,新城d食物,係值得食!因為佢肥得嚟夠味!吹脹!!推介嘅食物係肥鵝肉,肥鵝腸,肥蚝餅..哈哈!唔好漏左板大啤!!

前晚專程去找在九龍城打波的暖豬同他的波友食飯。一行人來了這裡。叫了很多東西。蠔餅好好味。雜菜煲，金銀蛋時蔬，西檸雞，墨魚片，大眼雞，炒蜆，蠔仔粥，全都很好吃。最最最正係壓軸的胡椒鹹菜豬肚湯，係極品，好辣，好好好味。係要多人先可以吃這類的。今次成11人，所以可以吃得很盡興。好開心呀。

16/12(六) 9:30pm於土記做面後已是9時多,肚子還是空空如也.跟男友會合後,便乘的士到九龍城覓食.週末的九龍城與平日相比可說是兩碼子的事.稍為有名氣的食店均擠得水洩不通.路過此潮州食店,見人流不多,肚子亦發出警號,更加不願呆在街上吃著西北風等位,決定到此店試試.店內環境佈局是典型的平實街坊食店,坐於圓木摺椅配上圓木桌,幸而人客不多,坐得挺舒適闊落.我倆神速地翻閱餐牌後,點了胡椒豬肚湯$30,豆腐拼韭黃炒蜆肉$30,炸蠔餅$30,腿茸炆紹菜$30,花雕蒸奄仔蟹$48.胡椒豬肚湯$30--極之足料,加上豬肚爽而沒異味;唯胡椒過重手,令湯頭味太嗆.豆腐拼韭菜炒蜆肉$30--條狀豆腐質地嫩滑,入口時還暖暖的;滷水也做得味道恰好.至於蜆肉體型如豆豉般大小,味雖非極鮮卻帶微辣,相當惹味,配以韭菜粒,佐粥一流!炸蠔餅$30--不推介的一味!蠔餅炸得不夠乾身,吃了半塊已感油膩得很;而且粉漿太多,萎縮的蠔仔鮮度也不見得高.腿茸炆紹菜$30--切絲的紹菜十分清甜,加上略帶甘香的腿茸,味道簡樸而美味!花雕蒸奄仔蟹$48--奄仔肉質較削,幸而味道尚算鮮甜,亦滲入了淡淡的酒香,$48的貨色算是有交代!

響final exam 前同0的姊妹聚一聚,減下壓,叫左:蠔仔粥: 好味,蠔仔好大粒姜蔥蟹: 肉比較少,但$38係甘上下胡椒豬肚湯: 太咸,好重胡椒味,飲2小碗已經頂唔順蠔餅:一般滷水鵝片:一般滷水生腸墨魚:生腸好味0的滷水鵝掌:又係咸左少少Overall, 一人$70的價錢,都叫抵食!

新城的食物, 不過不失, 最例牌的煎蠔餅, 蠔不算少, 但不知何解, 油味好像蓋過一切。鹵水鵝方面, 平凡, 不能說是差, 但很難跟陳勤記去相比。潮州炒麵線就不及同一條街的南記了, 反而是心形的糖醋麵幾特別, 但都是賣相吸引, 味道一般。

蠔餅--味道偏淡, 蠔仔份量真係好少, 個蛋漿唔係好脆口, . 唔係好油. 胡椒豬肚湯-- 太少豬肚，好多酸菜. 胡椒味夠.豉汁蒸烏頭–一般啦, 不過唔覺我個豉汁有味.欖菜肉鬆炒四季豆–ok, 但鹹左d排骨春菜-- 排骨無味, 春菜都幾好味.蝦球/蟹球(唔記得個名) –唔彈口, 唔覺鮮味. 整體上一般, 個人覺得唔會反丁囉因朋友請客, 所以唔知幾$.

已經黎食過好多次琴晚又去食叫左蠔餅,鹵水鵝同醬爆腰果美味骨蠔餅,鹵水鵝同醬爆腰果美味骨蠔餅～蠔仔份量少左,無以前咁啖啖都有,雖然仍然幾脆口,但比起以前黎食油左好多,無以前咁正,朋友仔仲話鹹左d鹵水鵝～原來係可以特別叫佢用豆腐舖底,鹵水夠入味但唔會太鹹,可惜又係比以前用多左油醬爆腰果美味骨～腰果脆口,美味骨即係粒粒豬扒,又油d味又唔好,最衰係等左成四五個字,每碟逐樣食完逐樣上,等到頸都長埋總括黎講打冷食物較好同穩陣小菜等得耐又唔好食