新城潮州飯店

营业中

休息中

因為好耐冇黎過九龍城食野...又好耐冇食過打冷...所以一心諗住黎lee 頭搵間打冷店食晚飯..總共睇左3間...最後誤打誤撞黎左lee 間度...返黎睇openrice 先知原來咁好評0家!!好彩冇揀錯!!!我地一行6人叫左.. 1. 蠔仔粥 (第一次見咁多料既蠔仔粥..仲要好好味呀!! 共分到佢地0個d碗仔成12碗呀!!)2. 大眼雞 (點佢地0個d 醬黎食...好好味呀~成條魚比我地KO晒)3. 潮式拼盤 (都算幾多料...有D一條圓圓地0個D~好爽好味但我地又唔知咩黎)4. 金銀蛋莧菜 (又係好足料呀...成碟好快清晒~)5. 蠔餅 (好熱,好脆好新鮮..又唔算油WOR)6. 0者0者雞煲 (這個...相比其他好味小菜來說...算OK...但都好食)7. 魚湯浸雜菇 (LEE個等左好耐呀~可能冇咩人會叫吧! 但都好食WOR)8. 反沙芋 (這個不得不提...一直只係0係阿蘇的節目知道原來潮州有LEE個反沙芋..唔知原來係咁好食0家!! 我覺得好好味呀!又熱WOR...又脆脆地咁~~男仔食就會覺得超甜...女仔食就覺得好味呀~我食左2舊呀!)整體來講....所有小菜都好好味!!D

有親戚係加拿大返左黎，所以又有飯局，大家話去酒樓食得太多食到厭哂，想去打冷食潮州菜，所以又黎到九龍城。上次去過南記覺得幾好食，今次又試下佢隔離呢間新城，因為見openrice都幾多好評下，同其他都不相伯仲。大概 7:30 黎到，見佢都已經有唔少客人坐低左，我地一行六人，佢就將我地安排左係佢隔離另一間店子裡。這裡的食物不算貴，和附近的店子亦是差不多，我們六個人總共叫了九樣食物，還有白飯/潮州粥，再加埋啤酒，所以食完個個都捧住個肚走。這裡食物的速度不算特別快，有些菜我們還等了頗久呢，但大致也是可接受的。環境沒有特別問題，當然不可要求十分乾淨或舒服，但整體也是可接受既。先講我最愛食既川椒雞，我食親潮州菜都必叫既食物，這個算係是晚等得比較耐既菜式。份量不大，不過炒得幾香，雞肉夠肥美而且很滑。但個人覺得佢炒得唔夠入味，雞肉雖滑但食落淡左少少，而且醬汁亦唔夠多，平時將D椒葉點埋D醬汁一齊食好正，但佢無咩醬汁所以唔可以咁做.... 唔難食但唔算特別出色。之後就有咸菜門鱔，門鱔很多骨呢，食既時候要小心一D。咸菜超多，但門鱔就得幾塊，不過食落去好在一D都唔腥，幾香魚味，加埋D咸菜好惹味，算是不錯的。另外

打去幾間九龍城打冷鋪問,都係關12點左右,新城關4點, 就心理上覺得開到咁夜一定係好好生意,應該會好好食。環境就緊係麻麻家啦,打冷都唔係求地方衛生。鵝肉就咸左點,肥瘦都幾適中,但個底的豆腐浸到好似咸菜咁...西檸雞,檸汁苦苦地唔夠甜,雞肉炸得唔夠脆好似無走油咁...椒鹽白反魚....不過不失,但味精好勁,飲多多水都唔夠.

每逢去到九龍城或者想食打冷一定諗起 新城因為真係又平又好食!食左好多次 今次先影相-0-仲要食食下先醒起 掛住食xd韮菜豬紅同蠔餅都必叫 好味!我好鍾意飲依度既凍檸茶 茶濃甜味夠!好解渴好有鑊氣好味!淨係d蒜蓉炒菜就已經好好味!!!諗起都想食/"\

老媽子生日, 同父親節撞正同一日, 費事要亞媽洗碗, 就扮下乖仔就出去食飯 週圍都爆, 餐廳又冇信用卡折扣(懶有野咁), 唯有搵D唔使訂位既, 好耐冇同屋企人打冷, 一行六人就落九龍城開飯啦 1) 大眼雞 – 我唔多食魚既, 都覺得可以啦 ($50)2) 紅腸墨魚 – 我既至愛, 汁入味, 唔係得個咸, 墨魚夠爽, 讚! ($40) 3) 西檸雞 – 大排檔風味, 香脆都夠, 唯獨係個汁唔夠, 失色 ($45)4) 毫仔粥(窩) – 好大窩呢, 6個人分都可以每人兩碗, 毫仔都算大隻, 好好味, 抵 ($50)5) 醬爆海鮮豆腐煲 – 好似用xo醬加辣椒同蒽炒, 小小辣夠惹味, 掂 ($48) 6) 金銀旦莧菜 – 不時唔多食莧菜既我, 居然覺得好好食, 冇計傾, ($40) 全晚6人叫6個餸, 8個飯, 1枝藍冰, 1罐汔水, 埋單只係$342, 服務都ok, 我罐汔水蓋掩壞左, 咪夾硬”中”開個掩, 睇鋪位先生好快主動同我換第二罐, 醒目, 有下次的!

聽說九龍城有很多好的潮州打冷店, 因為很多潮州人都在九龍城扎根, 所以與朋友到這兒打冷去記得之前到過街市對面的打冷店, 聞到很香的煎蠔餅味, 一早已經想食, 今次終於幫襯了, 煎蠔餅很脆, 很香, 蠔仔好大粒, 與之前的期望相若, 朋友一致讚好!鹵水鵝片是豆腐墊底的, 無論豆腐, 鵝肉都很入味, 點辣椒白醋食滋味無窮! 除了這些, 還叫了咸菜魚, 鵝紅, 菜脯煎雞蛋, 都很野味, 不過這店最主要的特色是味道比較重, 比較咸一點, 只係食餸有點吃不消的感覺, 還好叫了碗潮州白粥食來中和一吓, 特別再叫老板水多一點, 她都樂意效勞! 老板給我的印象是很隨和, 對客人招呼頗周到呢!食過這次, 相信之後的飯局, 都會再有機會來這裡, 因為味道不錯呢!

是夜也..一個人肚餓唔知點算,落街周圍搵野食行到衙前朗道街口,見燈火通明, 時間已經係兩點, 夜媽媽,都唔諗就入去食少少野跟住返屋企訓!要左一條大眼雞, 加一碗靚白粥, 想讚唔係條魚, 不過條魚都好食, 因為啖啖肉, 但係碗粥先係 主角, 唔係一般打冷飯粒好硬嗰種, 而且飯粒都煮得淋少少,而入口, 唔錯, 食完, 滿足咁歸家大覺訓了!

對於十月一號，除了感謝多了一天的假期外，便沒有甚麼感覺。下班後跟女友四處閒逛，到了差不多晚膳時間便致電給友人，最後一共有幾位"沒飯開"的朋友出席是晚的潮州飯局。潮州食物精彩之處，除了人所共知的打冷食品外，其無出其右的食物醬汁，也都是精心泡製，跟食物味道非常配合。本來打算到同街的那人氣打冷用膳，不過是晚等候的人數實在太多了，我們只好轉來這裡"落腳"。 這裡的格局以平民為主，普通的可摺檯櫈和開放式的玻璃廚房，加上可一目了然的各種冷盛，感覺來得親切。點好了想要的小菜和打冷食物，各人忍不住對這個假期背後的"意義"，各自提出了意見。這個"有趣"的話題，真是百說不厭的。近來天氣開始轉涼一點，也該要個能暖胃的"湯水"了。<<胡椒味菜豬肚湯>>味帶辛辣而有味菜的清甜及那一點點的鹹味，豬肚有咬口而不難嘴嚼，火喉十足。這個湯，可以更好但也合格了。被老師傅"教訓"之，屬於"年輕人"的自己當然選<<滷水鵝肉>>而不是鵝片。 鵝肉滷得入味而滷水香甜，肉質嫩而尚算滑口，合格了。這裡的<<煎蠔餅>>，用得是鴨蛋。當蠔餅奉

十.一國慶,對我而言,同平時沒有分別,仍要繼續上班.那些節日慶典之氣氛同我無關.任由維港年年煙花年年放,我們就在九龍城當"潮人".上一次來就潮州粥當早餐,今次就同幾個朋友,即慶來到衙前塱道的"新城"開檯食飯.沒有花巧菜式,隨意點幾味,竟然在味覺上有點驚喜.胡椒豬肚湯夠味,豬肚有點過稔,沒有一點爽脆的質感.由上次去樂口福,大衛說過最好有骨落地之後,就要個鹵水鵝肉,同年紀漸長有沒有關係?說回其鵝肉,鹵得入味,質感軟熟嫩滑.而鹵水夠香甜,不是陳年之級數,也不錯.煎蠔烙用鴨蛋,味道自然香濃過雞蛋好多,如果店方一早講明用雞蛋的話,就不要了.鴨蛋煎得香口,蠔仔粒粒肥美飽滿,咬下鮮味連同汁一併而出,感覺美妙.糯米釀大腸又是做得不錯,先用微波爐焗一焗,再用油炸.外表香口亦帶點煙齦,裏面的糯米質感豐富.水瓜烙亦是出色,水瓜的香甜一早融入蛋漿,而附加的蝦仁,同樣地爽甜.炒一碟魚麵吧.有火喉,魚麵每條粗糙,這是應有的質地,如果太過平滑,就有點假了.味道同樣充滿魚鮮,美中不足是,沒有辣醬給我狂加.甜品為反沙芋,是這店其中一道招牌,小試一件,芋件香脆,內裏軟稔.甜嗎?當然甜,如果不甜,就不是甜品.價錢便宜,食物

黃雨, 全部大小商場都爆棚, 行吓行吓, 來到九龍城, 又唔想食泰餐, 因上星期才由泰國返; 見到新城佔有兩舖位, 估實係堅野, 又咁大雨, 唔理了, 食左先講!!!舊式潮式打冷格局, 令人信心大增.洗乜睇menu 吖, 滷水鵝+鵝腸+ 豆腐底= 指定動作~另有蠔餅, 蠔仔粥, 豆豉鯪魚油墨菜.一路有電視睇, 時間過得唔覺, 但都好快上.蠔餅先o黎, 好香, 係十秒前剛弄起的.不粉, 多蠔, 正! 隻隻都好大粒o架.發覺內有少許菜莆的, 唔怪得咁香咁好味又有咬口.好像有咸蛋味, 係o米我食錯呢...唔理了, 總之好食啦!滷水鵝俾了隻鵝比過我, 略為瘦, 韌.感覺真的韌了點. 浸醋浸耐少少好點.但都入味. 滷得正.定係切得冇鵝片咁薄, 所以覺得韌呢...鵝腸係走肥的, 冇肥, 食得放心, 唔驚膽固醇!!!爽, 味道爽, 但心裡食得仲爽!好味!師傅忘了俾滷水豆腐我, 係我的最愛o架!阿叔好快補返俾我們. 蠔仔粥 $30 都好幾大碗, 兩人o岩好.蠔仔不特別多, 比牆上的雜誌 cutout 少, 但都好大粒.粥底好味, 像是豬肉/骨底, 好香.豆豉鯪魚油墨菜叫了少油, 果然少油, 女友和我都

跟兩個男舊同事聚會, 選擇了這間打冷本人己是第三次來這間潮式打冷, 貪這間食店價廉物美, 哈哈哈三個人叫了 : 鹵水鵝片併鵝腸 : 份量小...只能當前菜, 但味道OK 九菜豬紅 : 味道一流, 十分大碗沙嗲肥牛金茹煲 : 大排檔例排名菜, 不能要求在潮式打冷吃到頂級(大排檔)味道, 但是肥牛份量十分多XD腐魚炒通菜 : 普普通通的菜式, 可惜味道略咸蠔餅 : 味道依舊一流, 份量大大份, 脆而不油, 適合男女老幼 魚頭煲 : 始終都是媽媽好三支青島 : 沒有評價三個白飯 : 沒有評價服務質素有餐廳水準

打冷在此!!叫到七彩,炸蠔餅,鹵鵝片,九菜豬紅,春菜溝咸菜,大眼,紅腸拼鵝腸,三個人食,好似好離譜,皆因喺九龍城街市打完波,餓到暈!最好食係個炸蠔餅,勁大碟,煎到好脆,蠔仔好多隻,不過唔係好大隻,但係都有水準!鵝片其實都好味,因為入味,我反而鍾意埶底既大豆芽菜,俾d鹵水汁浸左咁耐,食落....正!九菜豬紅ok,不過比較多油,食到成口都係油!大眼雞新舛鮮,肉都好實,好食!呢間打冷絕對食得過!

此店蠔餅份量又大又好味手撕雞味道一流鵝腸尚有進步空間生炒骨十分不行

追回上星期的飲飲食食..之旅.嗯~是第幾次來這裡吃打冷呢？...很多很多次了！之前舊同學帶我到這裡吃第一次..印象非常深刻的是..椒鹽九肚魚，好像"麥樂雞"的樣子，很好味！..所以之後成為"每次必點"的美食....也常帶朋友來吃，或介紹朋友來...但今年年頭和朋友來吃這"美食"時...竟然有酸味？！..我想大概是一次半次的失誤吧？..換了肥牛煲..嗯，真不敢恭維！..非常難吃...雖然美好回憶破壞了，但今次和朋友繼續也光顧...相信之前只是小失誤吧？！...可是...今次的經歷更差...食物的好味程度大不如前...連我是愛的"麥樂雞"也走樣了..不再是特色！..之前和我一起來過的朋友也點頭說是！...第一次跟我們來的朋友也留下了"深刻"的壞印象...嗯..下一次...不知會是多久之後的事了...因為...不好味的回憧佔據了我腦袋的記憶...

幫襯了這兒都有不下10次，上莊是首次帶我來吃的，並叫它「大大碟」，因為份量也真不賴。當時已覺得很對味兒，最緊要還是經濟實惠！今次完了一個歌唱比賽，便來醫醫肚，一舒悶氣。一行10人點了8道菜：香酥鴨：大大碟，每人可吃最少兩舊，而且比之前在潮樓的好吃！夠酥脆，鴨肉分別。鹵水鵝：又是份量多的一道菜，鵝不是太肥，但鵝皮依舊肥美，讚。鵝下的花生是諗諗的，佐酒一流。九菜豬紅：今次吃就覺得淡了一點，但送飯佐酒真是一流的，也大大碗。蠔餅：比較港式的蠔餅，煎得香脆，份量又多，點起魚露來吃都算不錯啦！椒鹽九肚魚：既然這是潮菜館，這道菜實是非戰之罪，要吃還是去大排檔好了！雞油豆苗：都是大排檔貨色，但實在份量驚人，是普通大排檔的兩倍份量！沙嗲肥牛煲：又是大排檔常叫的菜式。這兒的沙嗲較淡，也好；而肥牛的份量再次令人喜出望外，是一般水準啦！反沙芋：是我第一次吃的，果真是有驚為天人的味道，哈哈！不過食上一舊已覺得夠了，因為實在夠哂甜呢。這兒的服務也親切，完全是快樂的回憶。必會帶人來Encore呀！