新南苑私房菜火鍋鷄煲 (海德中心) (已結業)

先來個雞煲， 少少辣，好野味，仲可以追加 食完雞煲先可以上火鍋， 叫咗花甲清湯底， 有個南瓜蓉係bear bear形狀，好得意喔。每人有半隻龍蝦，一隻鮑魚，一隻聖子，兩片肥牛，用料好新鮮 接住其他丸類，龍躉片，鯇魚片， 蜆，等等，都係任叫任食，果汁汽水亦都可以飲飲，食到飽飽。Waiter 都好細心，會幫我哋炒雞煲，make sure 可以煮熟曬先食，食得安心。下午5點半入場，8點交枱，每位都只係$250，抵食 又唔會食到太夜太飽，好好既時段喔。

今日farewell同事，成team一共12人去食lunch真係幾難諗食D咩。好在有同事諗起呢間新南苑，於是book左一枱。佢既lunch係有set，可以每人揀一個菜，種類都好多。我最鍾意食既係咖哩牛腩﹑咕嚕肉﹑梅菜扣肉。佢既菜每碟既份量都好多，其實每人叫一款都食唔晒。下次成team人黎叫10個菜都可以~~~最好既係佢每人仲會送多一個甜品，成餐飯非常滿足!!!

同事要走了，當然要食返餐好嘅！想揾個地方圍埋一齊傾計聚腳，於是上OpenRice search,就揾到呢間新南苑私房菜火鍋鷄煲，見多有人係好評價，就決定去馬。 到達店舖後就 立即叫佢最出名既雞煲，果然名不虛傳、招牌菜式👍🏻，成個雞㷛好有雞味之餘，肉質感彈牙兼夠野味，誠意推介要有加辣，一級捧。其後當然唔夠喉，立即再叫個海鮮套餐。有打邊爐方式 或 火燒，經職員推介後就決定火烤方法，果然又係好好味，最後再叫其他小食打邊爐，都一樣甘正！

今日想食小菜，就同同事去左新南苑。去親新南苑食午餐都會好飽。因為佢碟餸都頗大碟。佢既午市套餐應該會定期更換，因為menu同之前果排食已經唔同左。我地叫左三樣餸share.豆豉炆雞都頗好味，感覺雞係有炸過的，所以比較香。我最鍾意食招牌甜酸咕嚕肉，佢既份量好多，肉比較瘦，冇乜肥肉，所以亦有少少乾，但整體係幾好。馬拉盞豬頸，睇個名好似好幾惹妹，所以叫左。但真係好鹹，鹹到大家都唔想再食，入面有茄子🍆，都好難食，雖然好想有食德，但真係鹹到好難入口😓。

餐廳內嘅吊燈非常之特別非常之有特色係用一啲酒樽瓶設計的招牌鬼馬麻辣雞煲放題味道都不是太辣非常適合侍應中途會幫忙睇火👍🏻象拔蚌刺身兩客略嫌一般新鮮有些少腥味仲有例湯送味道都幾好肥牛非常之鮮嫩打邊爐之靈魂仲有生猛海鮮拼盤果然非常生猛，新鮮都係第一次一路打邊爐一路食小籠包原來咁樣是好好食的小籠包超級好食，非常多肉汁火鍋湯底揀咗個新鮮蟹鍋花甲湯底仲有個壞蛋掌門人Minion叼南瓜送湯底材料非常之豐富蟹味十足、非常鮮甜火鍋套餐包送一桶蜆雖然係送，但係都好新鮮

"一次過滿足你三個願望嘅kinder出奇蛋火鍋"🤩最終章首先要補充返之前講嗰個好好味嘅雞煲原來係無限任添，大家一定要好好享受呢個福利丫😂😂好好享受完個雞煲先佢就嗱嗱臨上左呢個勁靚勁靚嘅海鮮花拼盤 😍😍我真係為之嘩然丫，因為真係好靚好多好巨型❤❤❤❤其實根本就預咗每人一定有一隻鮑魚仔,半隻龍蝦,一隻桂花蚌或者聖子皇,花甲,海蝦 同埋有啲龍躉腩同埋脆肉鯇🦐🦀🐟 直情係包羅萬有，超級無敵豐富嘅佢仲會畀你有兩種選擇: 一係就係佢幫你親自燒埋🔥🔥，一係就自己烚🤣🤣 我咁懶嘅性格😅😅我梗係揀叫佢幫燒啦!!!🤭🤭🤭因為我覺得燒咗會香口啲又即刻有得食👍👍👍 首先我係麻麻地烚海鮮嘅， 我會覺得好wasted, 因為你會成日擔心佢唔夠熟咁你就會烚耐咗，然後佢就會過老😐😐 好似如果你的龍蝦攞嚟烚，咁好容易啲膏就會走曬出嚟囉，"膏"沉大喺海😭😭海鮮呢個回合我覺得"新南苑"絕對完勝"倫哥" 💪💪💪因為我覺得佢好新鮮,性價比高，高質!!👍👍👍相反，"倫哥" 我唔覺得佢啲海鮮有任何嘢係畀我回味嘅🙄🙄 甚至乎我會覺得佢畀啲海鮮都係幾削，同埋都係cheap嘢扮大堆頭，稱不上新鮮，無咩好貴嘅海鮮，都唔會係聖子王而係聖子仔

<<一次過滿足你三個願望kinda出奇蛋火鍋>> 今次食嘅呢間火鍋真係好大驚喜😍😍因為佢完全一啲都唔單調👍👍你以為佢淨係得打邊爐咁簡單,你就大錯特錯喇!! 今時今日淨係得打邊爐已經滿足唔到我哋 😂😂又有雞煲，又有燒海鮮，最後再嚟打個麻甩邊爐，甘先夠盡興!!頭盤係麻辣雞煲❤❤ 雞煲真係正👍👍其實我個人呢就唔係好鍾意食雞煲,因為我食過好幾間都係鞋嘅🙄🙄🙄但係今次呢間雞真心好滑㗎😍😍😍佢已經其實煮咗好一陣間，但係啲雞肉仲係好嫩，仲係入面帶啲粉紅色🤩🤩絕對唔會好似椰子不如嗰啲烚雞甘鞋恰恰😅😅 同埋要讚下佢個麻辣汁真係做得好到位，麻而小辣，好正同大陸啲麻辣燙，串串香個底有得拂😋😋同埋一定讚揚佢個椒鹽香酥龍躉腩😋😋呢個係送嘅，但係超級吸晴，舊舊都有三隻手指甘厚!!啲肉好紮實!彈牙!!有誠意既打頭"贈"😍😍😍😍

"Minion bb 都要游水啦🤣🤣🤣" Minion bb咁得意冇理由唔打卡呀😂😂 最緊要嘅係佢唔係淨係得個樣㗎佢仲勁有內涵架😘😘😘個湯底真係好好味呀!!! 😍 係新鮮蟹窩花甲湯底😋😋好鮮甜!!!飲落去好順口,舒服!! 唔會有濃濃嘅味精味! 神奇嘅係我食完打邊爐竟然冇喉嚨痛!!👍👍👍我平時食完呢都要拍番好幾粒龍角散㗎,但係唔知係咪因為今次一路食一路飲佢嗰啲新鮮五花茶, 所以我今次一啲喉嚨痛都無!! 超級正❤❤❤ 但係睇住佢溶嗰陣真係有啲心痛㗎😢😢minion bb 真係好偉大丫😂😂😂😂😂認真好食同埋好抵食，詳細介紹記住留意我下個食評😊😊☺☺

新南苑雖然開業已久，但小編遲遲未有試過，今天終於有機會喇！店內沒有太多的裝潢，最大特色是已牆上的彩繪作點綴。午市餐廳不賣雞煲火鍋，而是一般大路的小炒客飯。 先來的「蘿蔔瘦肉湯」足料可口，建議追加更多的雞腳更合小編心意。「砵酒焗生蠔」雖然酒香蠔味勻不算重，但成品經炸煮後質感外脆內嫩口味都算不錯。 「薑蔥霸皇雞」評價中規中矩，雞香嫩感合理。薑蔥的投入量可再增加。「奶凍」甜品奶味芳香，以敬送的甜品而言值得一讚。午市無加一，人均消費約一百元性價比合理，可以再訪。

第一次去依間嘢食🐔煲，同🔥煱，上到去見倒🔥煱店個地方很乾淨，地方寬闊，但我地十幾人是訂房的，侍應帶我地入房一開房門我心想⋯⋯唔係呀啱啱好容立10人嘅房間好迫，如果朋友要出出入入就要起身企埋一邊，一起身就最小兩三個人，朋友先可以出房，好唔方便。大家吹左一陣水，上左第一個🐔煲，一打開個煲蓋，哇！個雞煲咁細煲嘅？每人一舊都無晒，仲要斬得好細好細舊果隻，心諗起碼要食返6至7煲先夠喉，但係當我地食到第三個🐔煲嘅時候，大家諗住再叫第四個之際，侍應即話如果再食🐔煲你地就食唔落邊爐喎，我地❤️諗D🐔咁細舊食多幾煲仲得呀。我感覺倒個侍應個樣開始不內煩，係唔想我地再叫落去。咁好啦⋯⋯就開始打邊爐啦，未打已經侍應攞咗兩碟牛肉入嚟sale，我哋個餐已經包左三碟牛肉都仲要攞多兩碟入嚟sale，今時今日都仲有依啲呃錢形式，真係好煩。先泥一個海鮮湯底➕一碟海鮮拼盤，D海鮮係0K嘅，但其中有十幾塊魚片（班片）就好腥，直頭放唔到入口食，應該放咗好耐唔新鮮變咗，牛肉好食但係⋯⋯係佢sale嗰啲，如果係跟餐果三碟就⋯⋯唉其實依餐都唔平每人都要400，食多幾個雞煲都比面色你睇，加上好似趕收工咁，我哋一行10人埋單都＄4000啦

朋友話想食雞煲，所以收工之後就去咗灣仔附近睇下有啲咩餐廳可以食，跟住上網就搵到呢啲間主打半放題嘅火鍋雞煲新鮮嘅招牌麻辣雞煲係可以揀大細辣嘅，朋友怕辣所以我地叫咗少辣～一嚟到個雞煲已經超級香！望落已經知道十分足料，食落雞肉好入味好滑食完雞煲之後我地叫咗既幾款火鍋配料就陸續上枱了～海鮮拼盤、本地手切牛頸脊依兩樣真心推介！海鮮拼盤入面有海蝦、蠔、鮑魚、蟶子、鯇片等等，每款都非常新鮮。成個拼盤入面我最鍾意鮑魚，好大隻而且彈牙唔太韌，仲好鮮味！海蝦啖啖肉，蟶子都好大隻，就算熟咗都唔會縮到好細！本地手切牛頸脊就喺水準之上啦~脂肪比較少，重肉味，一片片厚薄適中，個人覺得比起肥牛更加啱打邊爐呀！最後，依度店舖環境好有特式，店員又有禮貌會主動問我地有冇野未到，覺得下次可以成班同事一齊再嚟~

一個月前已約定的好友生日飯聚，左挑右選結果定了灣仔新南苑的海鮮火鍋半放題套餐，當時真沒想到天氣會這樣酷熱，飯聚當天還在想：這樣的天氣還有胃口吃火鍋雞煲嗎？結果卻換來了驚喜。雞煲煮之時，先上了前菜以及炸魚頭，我忘了是斑還是龍躉頭，總之就幾好味，有嫩肉也有骨給我lun 我們只顧聊天雞都黏底了，侍應馬上過來替我們處理，我們點了bb 辣，很惹味，對於我來說辣度適中但又夠麻，雞肉也不會韌，還有些油條加到雞煲，沾滿醬汁後很適合喜愛濃味的人，雞可以添加但我們還要留肚吃火鍋呢。雞煲吃過後便是海鮮鍋。這個湯底叫東海龍王，即冬瓜龍躉湯，侍應還先問我們有沒有對胡椒敏感，這個湯會加胡椒的，夠細心。侍應還叫我們未開始時先嘗點湯，真的很鮮的魚味。這個火鍋包含一個海鮮盤，應該是時令每天不同，我們的有龍蝦、鮑魚仔、龍躉片、海蔘、海蝦、蜆，除了蜆不夠新鮮有點腥，其他都很不錯，但要掌握好處理鮑魚的時間。還有兩碟牛頸脊，這個真的要讚，很濃的牛肉味，並非一般火鍋店的肥牛可以相比。還有碟小籠包及手打牛丸，手打牛丸不錯，小籠包幾特別但味道普通。這個套餐還有一些任點食物，都是一般火鍋食物，但我們胃太小只點了牛栢葉與腐竹。另外還有例

近幾日天氣真係好熱，五月已經咁熱了，咁六七八月咪會熔咗？不過，咁熱嘅天氣都阻唔到我去打邊爐嘅意慾！今次去到位於灣仔嘅新南苑私房菜火鍋雞煲專門店，始終喺港島區，對我係會比較方便。首先，我哋食咗雞煲先，雞煲有唔辣、小辣同大辣，我同朋友唔係好食得辣，所以就叫咗個唔辣嘅，呢度好特別，特別有啲炸得好脆嘅油炸鬼粒落落去同啲雞一齊食，雞肉嘅味道調得非常好，勁惹味，我同個朋友都一齊讚話好食！食完雞煲就打邊爐，夏日炎炎，我哋就揀咗個消暑「冬海龍皇湯底」！個湯底有一大塊冬瓜，仲有好多石斑魚肉，好足料。侍應姐姐仲叫我哋飲幾啖湯先，因為係最清，未有其他配料嘅味道。飲完湯就正式打邊爐了，首先嚟個生猛海鮮拼盤，有刺參、海蝦、鮑魚、蜆、龍蝦同石斑魚肉，非常名貴。我係第一次食刺參，好爽口，鮑魚同龍蝦好新鮮，前者唔韌，後者有膏！食完海鮮就食肉，呢個係本地手切牛頸脊，食落好有肉味，真係好好食；呢兩個小籠包同黑豚豬肉丸，一食入口就有好多湯流出嚟；肉丸好彈牙！其他配料仲有冰凍豆腐、牛柏葉、響鈴、蟹棒、魚皮餃、墨魚丸、鮮蝦雲吞，凍豆腐索哂啲湯汁，好正；魚皮餃係靚野，入面餡料好多，其他配料都幾好！甜品係意式奶凍泰式石斑魚飲品任飲

邊爐之友又話去打邊爐， 嘩! 日日三十幾度喎! 得，我明，”邊個話要冬天先打邊爐喎” 好，一於奉陪。聽聞呢間啲海鮮夠正，一入門口見到有個大魚池放滿海鮮，應該唔錯。呢度除咗大堂放咗十張八張枱外，仲有幾間VIP房，寫上家政室，體育室，校長室等等，好有趣呀先嚟招牌鬼馬雞煲，我哋叫咗走辣，但係都好香好惹味，啲雞喺個煲上面炒炒下，香氣四溢，食落雞肉仲好嫩滑見到有新推介，冬海龍王湯底，一於試下。冬瓜加上龍躉，仲配有粟米，冬菇，啖湯好清甜 冬瓜預先界開一格格，方便食用， 抵讚海鮮拼盤有，蝦，龍蝦，龍躉片，蜆，海參，鮑魚唔係一般貨色喎，海鮮夠新鮮，最愛鮑魚，美味又唔韌，食到唔停口。手打肉丸，夠彈牙。小籠包，內裡充滿肉汁。本地手切牛頸脊，脂肪分佈均勻。擺放得好靚嘅蔬菜仲可以任點任食其他火鍋配料，好多選擇，其實飽咗大半喇。冇理由唔點火鍋必備嘅烏冬同出前一丁，索曬啲湯，零舍好味。仲叫咗響鈴同冰豆腐，都係吸曬啲湯，因為個湯實在太美味啦最後仲有甜品附送。飲品，醬料任拿。食到飽飽，睇下邊爐之友幾時有抽起條筋又話要打邊爐。

朋友生日，幾個人相約聚會，當然少不了吃雞煲打邊爐啦! 貪氣氛好、夠熱鬧嘛!這次跟朋友來到灣仔盧押道的新南苑私房菜火鍋鷄煲，點了半放題套餐，任食任飲，這次可以盡情吃喝了!每位$288，雞煲以外還包了火鍋料。招牌鬼馬麻辣雞煲超級香口惹味，幾個人吃不完! 雞煲還配有「油炸鬼」，非常有趣的配撘呢! 而且「油炸鬼」吸盡雞煲汁，超級好吃，口感也很獨特，值得一試!而最驚喜的是... ...美味的雞煲原來吃完可以再添吃，我們最後也多點了雞煲，吃了兩煲，哈!火鍋湯底我們選了鮮蟹窩花甲湯底，除了見到好大隻蟹、好多花甲好多料外，還有一個壞蛋獎門人 minion造型的南瓜茸在湯中心，超級可愛呀!!!!!可愛的南瓜公仔湯底 =) 大大個南瓜茸, 除了可愛，等湯煲溶後，味道更是香濃呢!套餐會送上人頭份量的海鮮拼盤，有肥美的蠔、爽口龍躉片、有咬口的鮑魚仔、大大隻彈牙新鮮龍蝦仔等等，海鮮真的很豐富很鮮味。跟餐的小龍包好可愛呀! 第一次吃火鍋吃小籠包呢! 太驚喜了!我們急不及待要試!原來這樣吃小龍包也是非常好吃的，最重要是不要整穿小龍包，包內的肉汁超級好味!套餐也包一碟靚牛，看牛的色澤已知正!可以任添放題式的火鍋料，必