影片
以上资料只供参考，请与餐厅确认详情
相关文章
打边炉真系无分咩季节，一年4季你想打就随时可以打😋 适逢朋友生日，我地作为朋友紧系要贺一贺佢啦，顺便大家可以烚下烚下🥘🥘依间系鸡煲边炉放题，朋友之前食过，强烈推荐👍👍黎试下咩料子😎😎睇下系咪真系感好食先？？佢价钱方面分左三个类别，有平有贵丰俭由人，睇下自己钟意食肉多d定海鲜多d🥢🦀🦞我多由于女仔比较多，叫左海鲜类别。。侍应首先会拎左煲鸡煲出黎，在我地面前炒炒炒😉哗，慢慢渗左d香味出黎😋炒完食落去劲入味同好浓，仲有少🌶️tim, 我地 encore左多次先再打边炉。。而边炉里面有只好Q既汤底公仔，最啱打卡😂同埋佢各方面既海鲜同肉类都好新鲜，侍应既态度都好nice, 值得再去😍
继续阅读
行完山肚饿去食，鸡煲叫咗大辣，一上台已经觉得煲野好干无咩汁食落去麻又唔麻，辣又唔辣...... 已经叫大辣完全无料到...... 送啲油炸鬼放落去又干又硬一啲都唔脆......之后食晒啲鸡谂住叫佢放汤落去，点知佢竟然成个煲收走咗....... 换过新煲汤底打边炉(正常系留返旧𠮶个鸡煲，之后加汤落去再打边炉）。汤底一系清汤一系南瓜汤，叫咗南瓜汤完全冇味...好似清汤咁又冇南瓜嘅甜味，汤底只色似南瓜啰煲完啲配料上晒色系咪加咗色素扮南瓜汤？火锅配料方面，我哋叫咗海鲜餐，送𠮶款海鲜尚算新鲜，牛小排都唔算肥，但之后任食𠮶啲配料质素一般，成日走单(一定会漏几样野）送过黎又慢(上几转都够钟）配料你写数量系冇用，佢系睇人头...... 八点前离座原来要人哋比现金先有优惠...... 正常都碌卡啦，搞到要落街揿钱，好在最后比我PayMe，无下次啦，咁岩湾仔见揾唔到边间有任食先黎试下
继续阅读
3061 浏览
最近Openrice 订位有得抽奖又有得储飞行里数，中利节前同家人做节，拣左打边炉又可以一枱坐多过四人，最后book左【新南苑私房菜火锅鸡煲】位于湾仔内街的商厦内，地点一点也不起眼。出电梯已经是火锅店，不见门牌。【新南苑】装潢年青又有心思，完全跟老土的名字不相对。墙身有色彩缤纷的彩画，吊灯用上旧玻璃瓶做成，型！另外，这里有几间独立房间，每间房间都以学校为题，例如电脑室、体育室、实验室……等。当日客人不多，小编被安排坐在房间内，有私隐又有电视，正！新南苑名字似曾相识……看看餐纸上印有关于新南苑私房的小背景，果然新南苑是以前观塘仁爱围很旺的食肆，但因为重建而结业，辗转间再于旺角及湾仔开店。不过从以前打冷小炒店变成现在的火锅鸡煲。【新南苑】鸡煲兼火锅放题，有三个套餐: 海鲜餐 $308、牛魔王餐 $318 及至尊餐(即是海鲜、牛魔王）$468。五、六、日、假期每位加再20元。入座起计算三小时，价钱合理。【新南苑】饮品有凉茶、汽水、果汁等自取任饮。另外, 火锅醤油款式多，方便客人自取。先吃鸡煲后火锅，这个鸡煲配以芫茜、紫洋葱、蒜头、葱、辣椒等香料轻轻炒过，之后按店员指示会三分钟搅一搅，重复三次，加入油炸鬼便可以品尝。揭开盖香味扑鼻，酱汁够浓稠。辣度更可选大中小辣，小编拣了小辣，但入口带点麻香，越食越辣。鸡件大且肉多，鸡皮位会肥一点，以任食而言，味道不错，鸡煲控追加了二次。以为油炸鬼是噱头，不过这个油炸鬼又硬又干……零作用。 大部分都是食完鸡煲加入汤用来打边炉，小编就不太接受，因为又浓味又油又辣，不太适合小朋友。幸好，【新南苑】汤底有六款，包括免费的蟹锅花甲汤、牛乳、花胶鸡汤、沙嗲、鸳鸯(麻辣及南瓜)，及 +$128的鲜茄龙虾汤。小编蟹锅花甲汤底，因为见到评语上的图片，被这个用南瓜汤做成的小熊吸引，非常可爱。另外蟹锅花甲汤底里面有只蟹、花甲、粟米、蕃茄，单看材料觉得值回票价。不过，好睇真系唔代表好味。这个汤虽然有海鲜但又不算太有鲜味。南瓜小熊又不太有南瓜味。牛魔王餐包括本地手切牛颈脊、黑毛和牛肉眼、肥牛心片、安格斯牛小排。呈上的牛肉好大盘，初初以为只是同一款牛肉，实际应该有黑毛和牛肉眼、肥牛心片、安格斯牛小排，但图片每款牛肉肥瘦肉纹都有所不同，跟实物有大不同。 呈上的牛肉好大盘，以为牛肉只有表面两层，但实际有差不多六层，份量太多，食不完做成浪费。正因为这个牛肉太大盘，其他火锅配料也没有点太多。另外，牛肉虽然好大盘，只是质素一般，小编觉得质素比份量更加重要。小编可以回味是这这个非任食的本地手切牛颈脊，一看已经见到与大大盘牛有分别。口感腍身，脂肪不多，入口有牛肉味，质素不错。火锅配料有四十多款，款式普普普通通，例如豚肉、羊肉卷、丸类、云吞水饺、面食、蔬菜类……等。还有一些要加钱的火锅配料，牛肉及海鲜。如果想食海鲜可以加$点。牛肉份量超级多，食不完。幸好第一转的火锅料只是order 了几款。不过火锅料真系麻麻。豚肉及羊肉卷……雪到好硬，羊膻味重，豚肉冇味，好差！云吞及鱼皮饺……正常。最后，甜品每人一份，自家制牛乳布甸有牛奶味，质地不会太死实，味道不错。
继续阅读
特登早啲黎食个early dinner，惊喜 - 「新南苑私房菜火锅鸡煲」依间鸡煲边炉放题系朋友推介，朋友再帮手book埋，所以我谂都冇谂睇都冇睇就决定左食依间。book左17:45，我同两个猪朋一行三人17:00就到，好彩侍应叔叔都俾我地坐住等。依度唔系好大，坐得都ok舒服。呢度嘅餐大致上分三种（夜晚八点前离坐）：牛魔王餐$278，海鲜餐$278同埋至尊餐$438，星期六日公众假期前夕就加到$20。我哋三个人都系叫咗海鲜餐。一开始，侍应就比咗半只鸡嘅鸡煲你自己慢慢炒，我地叫咗小辣，ok香但唔辣，炒嘅途中加埋油炸鬼，但由于个鸡煲都几干身，所以啲油炸鬼都唔会点入味，啲鸡算正常味，我哋总共叫咗两次。食完个鸡煲，如果喺其他餐厅，通常就会加啲水就转做打边炉，但依度佢另外比个汤底你👍我哋今次叫咗个蟹窝花甲汤底，汤底都几清几几淡，当然你渌完d肉/海鲜之后，越煲越耐就会变咸，临尾我都饮到几啖，系南瓜海鲜汤嘅味，几好饮。依个海鲜餐包每人1份海鲜：有大虾、圣子、生蚝、带子、大蚬，同埋一旧唔知咩鱼。只虾好大只，成只手掌咁大，肉质爽有虾味，正。就算你系出边超市买呢啲size嘅虾，我谂都起码$20一只，痴线，真系落足本。另外依度仲包一碟新鲜牛肩颈肉。哗，依碟肉真系好好食，佢切得唔会太薄，加上唔多唔少嘅肥肉，渌10零20秒，再连埋胡麻酱+葱+芫荽一齐食🤤啲牛肉嘅油同埋肉嘅香味，真系冇得输。我真系想encore，一碟散叫$68，真系好抵。谂返起我lunch box 自己整嘅肥牛，系超市买都要卖$138磅，真系冇得比。其余任叫嘅火锅配料都正正常常：鱼皮、海虾、龙趸片都几好食，值得叫两三round。不过食到依度我都饱饱地，唔系食得太多。由5:30食到8:00，两个半钟，其实时间都只系啱啱好，因为自己炒鸡煲同埋食鸡煲，一次都差唔多用20几30分钟。有机会我都会再嚟，多谢朋友推介🤞Mcmug综合评分：8/10，绝对值得一试再试。
继续阅读
一年四季打边炉食鸡煲对我嚟讲完全冇问题嘅😆原来湾仔有间楼上任食鸡煲及火锅店，系朋友带我去先知咋！谂住weekday去食会少人啲，真系估唔到咁多人呀！晚市提供任食放题，鸡煲+火锅套餐有牛魔王、海鲜、同埋至尊餐餐俾你拣。价钱当然唔系款款同价啦。我哋叫咗「牛魔王」餐，成人星期一至四正价时段每人收取HKD318 (另加一）。点了餐后先上鸡煲，可以无限添加直到你想打边炉为止😆第一round嘅鸡煲已经好大份，我哋唔敢encore，怕食唔落火锅呀！要食好味嘅鸡煲记住跟足侍应同你讲解嘅「鸡煲4部曲」做。鸡件滑溜以及用多种香料+调味料腌制，惹味到食唔停口😋😋 油条要留到最后嘅步骤先好落，太早放落鸡煲就淋晒唔好味～ 食完鸡煲同侍应讲声，佢哋好快手咁换个新锅俾你打边炉。自选汤底有多款，我哋拣咗「新鲜蟹窝花甲汤底」，有新鲜蟹+花甲呢啲海鲜滚起嘅汤底应该好正。▫️「牛魔王餐」有美国SRF黑毛和牛肉眼、美国肥牛、纽西兰羊肉卷、安格斯牛小排，全部都系限时内任食。每一款肉类我哋都试过，觉得黑毛和牛肉眼特别正👍🏻除咗肉类仲有超过30款配料都系任食！食完真系捧住个肚走呀。▫️甜品 - 北海道3.6牛乳奶冻 (每人一杯，呢个唔系任食嘅😆)▫️饮品 - 有汽水、菊花茶、乌龙茶、马蹄爽等任饮。自己去雪柜拎就得喇。晚市放题有180分钟任你食，侍应上菜好快手所以绝对有足够时间㗎！
继续阅读