新匯聚餐廳小廚

营业中

休息中

疫情持續左都一段日子，已經好耐冇幾個人聚埋一齊食飯.趁限聚令由2人放鬆到4人，即刻約一約去食下飯聚下飯局。相約朋友去到一間位於隱閉工廠區内的上樓大排擋，唔係附近工作或熟人帶路真係未必知道，一坐下不久，職员就落力推銷招牌菜，他們的招牌菜真的有很多款，最終選了幾款。炸德國咸豬手 上檯時仍熱辣辣，食落去一點也不油膩，咬落仲脆卜卜，非常有口感，豬手的肉咸咸香香配埋的沙律醬味道簡直非常match,脆皮乳鴿乳鸽皮脆肉嫩，肉質鮮味惹味。芝麻雞 - 呢個係招牌菜！雞皮佈滿芝麻，密不見針，食落既口感你外脆内軟，先講外皮，芝麻令我咬落去的口感似食煎堆，但又會feel到些雞油，而且仲有埋再埋軟滑滑既雞肉，口感非常特別。蒜蓉粉絲蒸帶子，味道一流，仲有叫埋小炒王、椒鹽九肚魚，呢D餸菜都唔差.總括一句，味道ok,

收工和朋友來到觀塘新匯聚餐廳小廚食晚飯，這裡主打嘅係潮式打冷和大排檔式粵菜，呢兩款菜系在香港亦不乏x場客，而我和同行友人就係其中兩位。坐低後老闆熱情推介左一款隱藏菜式梅子蒸鵝，咁難得遇到當然要試下。唔好以為鵝一定要食燒嘅，呢到嘅蒸鵝配上自製梅子嘅果醬，食嘅上黎一啲都唔會輸，仲有種清新開胃感，食強幾舊都唔會怕膩。第二樣食蠔仔煎餅，呢到嘅蠔餅非常大份，夠晒四個人食，炸得很夠晒香口，蠔仔肉亦好香甜，非常不錯。最後仲有一份欖角骨拼椒鹽鮮魷，椒鹽鮮魷絕對係大排檔必食嘅菜式，咸香脆嘅口感，是一碟非常適合下酒嘅小食，而欖角骨用上蜜油去製作，食落香甜，肉質亦好soft，適合小朋友食用。

限聚令下，由全面禁止晩市堂食，直到最近，再由兩人放寬至四人一枱，終於可以約多一、兩個朋友聚聚餐，點多幾款餸了。今餐選址觀塘廠區，皆因這裏越來越多美食進註，餐廳裝修美侖美奐，中西美食，選擇眾多， 惟以鑊氣小炒為賣點，價錢、質素、份量合理的食肆，相信新匯聚會是少數中之選。由地鐵站出口沿開源道行至成業街，見到有老板招牌頭像的標誌便可直入上一樓，置於橫樑的菜館招牌下方，左邊門便是餐廳入口。入座後，店員會主動推介他們的撚手菜式，今日來了那些生猛海鮮等，若果還未有結論，可研究下餐牌再作決定。蜂蜜梳打水 $20鎮店特飲，當然要叫一杯啦，淺淺金黃的顏色，味道清清地又有甜甜蜜蜜的蜂蜜味，加入冰凍的有氣梳打水，簡直凉透心。煎蠔仔餅 $80外層金香酥脆，蠔仔粒粒飽滿，份量又多， 每一啖都是豐富的蠔仔鮮味，可按個人喜好配漁露或胡椒粉，我較愛胡椒的乾爽及香辣，令蠔味更特出酥炸德國咸豬手 $170上檯時仍熱辣辣，乾爽酥脆，一點也不油膩，外皮稍厚實淨，咬落卻脆卜卜鬆化無比，彷如食厚身薯片一樣，非常有質感，香口美味；豬手肉咸咸香香， 配啤酒應該好正 !  奉上的沙律醬帶少少Wasabi 味，用來點豬手，味道也不錯。獅

今日同朋友去到官塘一間上樓的中菜館，坐下不久，老闆就熱誠推介今日的菜式，他們的招牌菜都有很多款，最終選了幾款，都沒有失望。啫啫芥蘭，用馬拉盞加入少許肉粒，少少辣，芥蘭軟硬適中，而且用鐵鍋上，熱辣辣，非常好。秘製蜂蜜欖角骨，清甜蜂蜜味加少少欖角碎，不太咸，味道很好，而賣相都很精緻，細細件，容易入口。另外廚師特別推介，梅子蒸鵝，鵝肉嫩，而且新鮮，配梅子汁，非常合拍好味，最特別是鵝下面有柚子皮，柚子皮吸了梅子汁精華，好好味。

想不到在觀塘這工業區，有這一間有大排檔風味，環境又舒服的中式餐廳，於是今天收工就來試試了。我們點了個二人套餐，有兩個靚仔、無味精老火湯和是日甜品🤩👍🏼再加一客酥炸大腸配蓮藕餅😁話梅骨話梅骨類似生炒骨，沒有生炒骨那種過酸的感覺，反而有甜甜的香味，而且這道菜還配有三色椒😋，色彩繽紛，令人食慾大增。濃湯粉絲雜菜煲晚餐一定要來個菜，我選了這雜菜煲，有冬菇、粉絲、蝦米、草菇、油麥菜、小白菜、菜心、西蘭花🥦，非常豐富，各式各樣的菜，任君選擇。而且湯底是雞湯底🤩👍🏼酥炸大腸配蓮藕餅蓮藕餅是蓮藕夾住豬肉碎乍起，新鮮酥脆，面頭配上炸蒜粒和辣椒碎，更加惹味🔥豬大腸也是新鮮炸起😌我也吃了不少😋最後還送上椰汁馬豆糕，鮮甜好味，畫上完美的句號。

觀塘唔係只有apm,今晚朋友有我去容易搵到小炒王😆😆一樓。方便易搵餐牌多選擇。打冷。小菜款款有店員好好。一坐低就介紹我飲呢杯檸檬薏米水。小甜加檸檬🍋清香味。薏米夠淋。爽。正👍🏻👍🏻22蚊抵小鹵水拚盤。有整墨魚🦑。紅腸。豆腐。花水。鵝片。豬耳。豬腸。真係唔講得笑。百3蚊就有咁多款。大大碟。墨魚🦑係推介。爽。滑。甜。正。鵝肉唔鞋。小朋友都岩食。豬腸夠爽。花生🥜夠淋。豆腐又滑。整體好好金銀蛋莧菜，完全無失手。配料多。剁椒魚頭。唔係間間有得食。就算有都未必及呢間味道正。辣味適中。魚頭唔腥。新鮮。真心推介嘩。呢個係芝士焗大元貝。外脆。芝士味濃。但元貝被芝士味搶了風頭。但芝士麵底覺真不錯。下次會試蒜蒸元貝更突出。最後送上馬豆糕。不太甜。豆好味。一流

今晚同媽咪去到觀塘嘅工廠區發掘左一間有潮州小菜嘅餐廳，一到步老闆就十分用心又興奮咁為我哋推介小菜。喺芝麻雞同手撕雞嘅選擇之間，我哋今晚就試吓手撕雞。手撕雞有少少辣，但係感覺幾清新，係開胃嘅前菜。 老闆話，其實可以要求多麻多辣，視乎個人喜好。再叫咗一隻燒乳鴿，燒乳鴿非常多肉入味，而且肉質嫩滑，一人半隻，啱啱好。媽咪係潮州人，揀咗一樣潮州小菜，韭菜豬紅，分量十足，啲湯又唔會太杰，非常美味。最後叫咗一碟椒鹽炸豆腐，老闆話最好就係點醋食，外面脆，入邊豆腐夠滑。店員特別推介蜂蜜梳打水，所以我哋都嗌左一杯試吓，凍冰冰，酸酸甜甜，非常配合今晚叫嘅小菜。老闆仲送咗一份馬豆糕俾哋，有個甜品作結尾好滿足。我覺得呢一間餐廳老闆同店員都非常熱情，小菜出色，地點亦都方便，雖然係工業區，但係地方清潔，非常有水準，會係家人朋友聚會嘅好地方。

一年之中，你最喜歡那一個月份?有人喜歡7月，有人喜歡自己的生日月，而我就特別喜歡十月及十二月。香港每年在這個月份，都有特別多公眾假期。碰上運氣好的年份，請一天假就可以串連不同的公眾假期，一氣呵成地休個痛快。這個休假心願可，終於得以在月底完成。【新匯聚餐廳小廚】餐廳的面積不算太大，但作為一間潮州打冷餐廳來說，都好乾淨衛生的，有在飯堂用膳的感覺。呢度最出名嘅嘢食其實都有好多款，上網查嗰陣都見到有唔少吸引嘅嘢食。潮食嘅話，例如蜂蜜欖角骨、招牌話梅骨、避風塘茄子、酥炸鹹豬手、蜜糖薯仔牛柳粒、懷舊東坡肉同埋個個都會食嘅芝麻雞。但喜歡歸喜歡，實際上我的胃納卻是非常有限。未揀得完潮食就揀左潮州打冷啦。兩款推介食物不過我見佢餐牌都仲有一啲蠔餅、韭菜豬紅、滷水墨魚同埋一啲拼盤可以選擇。👉🏻鵝片 $110「師傅，滷水鵝片例牌，唔該！」鵝片是潮州菜中最受歡迎菜式之一，這裡老闆好推介我們滷水鵝，所以非常願意一試。滷水鵝片有光澤，色澤也可以，而且香料的味道平均，突出滷水味又不涸喉。鵝肉軟滑有彈性，，嘗其焦脆的皮； 滷水鵝則注重鹵水的芳香和鵝肉的鮮嫩，呢度算係處理得相當唔錯了。👉🏻酥炸乳鴿 $65外層脆卜卜，紅炯

去觀塘工廈行街，買到滿載而歸，係時間搵個地方食晚餐，上OpenRice睇吓附近有乜嘢美食，睇睇下見到一間新匯聚餐廳有好多小食喎，又在附近，便去試試。店員介紹有咖喱魷魚，便要了一份，上枱時也見份量不少，原來是冷盤的，咖喱味香濃，魷魚爽脆，真係冇介紹錯喎👍🏻飲啤酒就梗係要搵啲香口野黎食啦，原來可以雙拼，所以揀咗避風塘茄子拼椒鹽骨，不得不讚，茄子炸得香，脆，仲要一滴油都冇，好難得！好嘢💪🏻椒鹽骨5大件，肉多之餘亦做到外脆內軟。真係送酒一流😍再叫多個菜：腰果馬蹄炒藕片，收得$85但又俾到客人好質素嘅材料，值得的！觀塘工業區真係一個好地方，可以喪買、勁食😋，

我比較喜愛食小炒小菜，今日來到觀塘，就揀了食具有大排檔風味的新匯聚餐廳小廚。現在疫情好似又要蠢蠢欲動 ，大四波好像即將到來，餐廳佈置了一件件的 物料，務求將每枱的間隔就好，令客人食得放心。薑蔥桶蠔$170 薑蔥桶蠔鐵煲上，有很多薑蔥，蠔不是很大隻，但是入口又嫩又滑，與薑蔥一齊食，更為惹味！！招牌話梅骨$110 要了個侍應推薦的餐廳招牌菜，招牌話梅骨，話梅骨切得差不多粒粒大細， 調味是酸酸甜甜的話梅及秘製醬汁，話梅骨有少少干身，但非常惹味！蒜蓉炒菜心$70 蒜蓉炒菜心，有很多蒜蓉，菜心也比較嫩，條條爽口，很香蒜蓉味，炒得夠鑊氣。侍應都很留意我們客人，見我們食完飯，侍應隨後送上一個免費甜品馬豆糕，每人一件，一粒粒的馬豆很有口感，馬豆糕又軟又滑又很香奶味，又不會太甜……，這一餐食得非常滿意！！

記得上年到過它同一條街的新店, 好味的回憶依然健在。所以好的回憶, 就是食客心中的好廣告。今次在觀塘食飯, 就到新匯聚餐廳小廚的總店試試。原來漸入冬後, 這裡就有煲仔飯的期間限定供應, 店員亦說這獨門煲仔飯是冬季吸客的絕招, 我和朋友就叫個油鴨脾煲仔飯。再加店員推介的欖角骨拼椒鹽鮮魷, 波菜炒臘肉粒。南安油鴨脾煲仔飯終於知道為什麼是獨門煲仔飯, 整個飯底是可以輕鬆刮出的金黃飯焦, 好脆口。飯粒本身軟綿, 加少少店家帶甜豉油, 根本飯已經可以是主角。 至於「配角」油鴨脾吃得出是靚貨, 甘香, 最重要將香味滲入飯粒, 提升味美。欖角骨拼椒鹽鮮魷就是這菜式令我朋友把持不住叫多個飯。高質, 欖角骨好惹味, 椒鹽鮮魷炸得剛好。波菜炒臘肉粒這店臘味和臘肉入的都是好貨, 所以配搭其他食材都有一定質素。今次搭波菜中和味道並帶出波菜的美味, 鑊氣十足, 抵讚。記得一入門口店員就非常有禮地熱情招待,朋友都暗地問我是否熟客,就兩次認證的美味質素, 答案是「而家未係, 遲d係」。

工廠大廈都會有穩世美食，今日難得同朋友出街食飯，找了一間出名小炒嘅餐廳。一入內食客滿滿，老闆同店員都好好禮貌，介紹我們餐廳的招牌菜，有熱辣辣煲仔菜、懷舊東坡肉、招牌話梅骨、脆皮乳鴿、蒜茸蒸大蟶子、大元貝等。另外在這疫情期間老闆好好，推出特惠套餐給食客，真的很有人情味。而我覺得其實好像款款都是他們的招牌菜。潮式蠔仔泡飯（細）一大碗可以分到四碗仔，材料很豐富有脹卜卜蠔仔，粒粒都好大隻飽滿又鮮甜，肉碎蒜粒蔥花很惹味。椒鹽九肚魚厚肉鮮甜炸得香脆，配上椒鹽金蒜一起吃特別滋味。招牌話梅骨每件話梅骨都掛上牆汁，肉質嫩滑比起平時吃的生炒骨口感味道都高層次一些。脆皮乳鴿皮脆肉嫩又甘香，鴿肉鮮甜惹味。吃完仲有甜品吃，椰汁馬荳糕雪凍來吃很香甜有椰香味配上馬荳好夾，吃完喉嚨好舒服，今餐真的好滿足。

是日黎到觀塘，搵到間工廈抵食又好味嘅餐廳。餐廳防疫做得很足，出入都要量體溫，每張檯都有隔開，可以放心食。小菜選擇很多，服務很好，職員會介紹菜式。推介豉汁蒸白鱔，份量很足。鱔魚很滑溜，吃很出非常新鮮，骨絲不算多。豉汁很入味，整體很不錯。薑葱田雞香口彈牙，味道濃郁，薑葱能劈走腥味，田雞肉較實，鮮味十足。麻婆豆腐份量很大，一大盤，叫了小辣，仍然很香口。麻婆豆腐加入爽口的菜脯，與嫩滑的豆腐相映，軟中有爽的口感，又一特式。豆腐很滑，加上肉碎，撈飯一流。吃完正餐還有甜品送，認真抵食👍🏻

今日係呢個星期內第二次黎呢度食野！今次和家人一起來吃，可以叫多點！看餐廳介紹，新匯聚以前是大排檔，所以這裡飯菜的份量全部都是大排檔的份量大大份！招牌話梅骨：話梅骨外層炸到酥脆，外層再裹上甜甜的話梅醬，送飯一流。雖然是炸排骨，但肉質不會過硬，仍能保持肉汁。滷水鵝肉：鵝肉和花生都滷得入味，值得一讚的是鵝肉下面的豆腐，吸收了所有滷水的精華，而且非常有豆味。金銀蛋浸娃娃菜：特登叫了這個菜，可以有青菜吃也有湯喝，湯頭很甜，再加上鹹蛋和皮蛋，是這餐相對清淡的一個菜式。福建炒飯：炒飯有加蛋炒底，吃到鑊氣的味道！而且芡汁夠杰，蝦仁和雞肉豆吸收了芡汁的味道，忍不住吃了幾碗😝！蜂蜜梳打水：侍應介紹這個鎮店特飲，裡面還有一片檸檬，成日覺得吃大排檔的煎炸食物一定要配汽水，這個比起汽水的罪惡感沒咁大！

今次經朋友介紹之下去到觀塘一間工廈入面食小菜，唔食唔知又一間隱藏特色小菜。坐低前度體溫呢啲基本動作一定唔少得啦！芝麻雞 - 呢個小菜必試！係雞既表面灑滿芝麻，密不見針，食落既口感應該係用炸煮熟。先講外皮，鋪滿芝麻既外皮咬落既口感似食煎堆，但又會感受到些少雞皮既油脂，口感層次分明，如果再同時食埋滑滑既雞肉，口感再度升華，非常有特色！蜂蜜欖角骨 - 又一特色小菜！係豬骨條上面加上蜂蜜同埋欖角，口感新奇有趣，豬肉肉質爽口唔痴骨，蜂蜜醬甜度剛好，沾滿豬肉既每個部位，但欖角味道差少少，可能因為蜂蜜味太特出所以搶左些少口感，但整體都好唔錯，小菜設計特別！椒鹽九肚魚 - 一上枱已經覺得好驚訝，超級超級多炸蒜，九肚魚炸到外脆內軟，而九肚魚內既骨都炸到食左都唔覺，九肚魚再加埋炸蒜一次過食滿足感十足！芝士焗西蘭花（伊麵底）- 伊麵、西蘭花既份量都好足，芝士醬亦都好夠，芝士味夠濃！伊麵鋪上芝士汁之後，應該再焗左一陣，令芝士醬表面有些少焦香，令芝士味更加特出，絕對係除左白飯之外既另一選擇！見到自己叫啲餸咁多香脆野，就不禁叫左枝藍妹黎飲下，而另一位朋友就叫左杯薏米水飲，我都試左少少，輕微酸甜好開胃，而薏米亦都十