新匯聚餐廳小廚

营业中

休息中

今次經朋友介紹之下去到觀塘一間工廈入面食小菜，唔食唔知又一間隱藏特色小菜。坐低前度體溫呢啲基本動作一定唔少得啦！芝麻雞 - 呢個小菜必試！係雞既表面灑滿芝麻，密不見針，食落既口感應該係用炸煮熟。先講外皮，鋪滿芝麻既外皮咬落既口感似食煎堆，但又會感受到些少雞皮既油脂，口感層次分明，如果再同時食埋滑滑既雞肉，口感再度升華，非常有特色！蜂蜜欖角骨 - 又一特色小菜！係豬骨條上面加上蜂蜜同埋欖角，口感新奇有趣，豬肉肉質爽口唔痴骨，蜂蜜醬甜度剛好，沾滿豬肉既每個部位，但欖角味道差少少，可能因為蜂蜜味太特出所以搶左些少口感，但整體都好唔錯，小菜設計特別！椒鹽九肚魚 - 一上枱已經覺得好驚訝，超級超級多炸蒜，九肚魚炸到外脆內軟，而九肚魚內既骨都炸到食左都唔覺，九肚魚再加埋炸蒜一次過食滿足感十足！芝士焗西蘭花（伊麵底）- 伊麵、西蘭花既份量都好足，芝士醬亦都好夠，芝士味夠濃！伊麵鋪上芝士汁之後，應該再焗左一陣，令芝士醬表面有些少焦香，令芝士味更加特出，絕對係除左白飯之外既另一選擇！見到自己叫啲餸咁多香脆野，就不禁叫左枝藍妹黎飲下，而另一位朋友就叫左杯薏米水飲，我都試左少少，輕微酸甜好開胃，而薏米亦都十

觀塘工廈又多個選擇，好開心啊🥳經濟小菜，潮州打冷，時令海鮮應有盡有！疫情之下，人唔算多，坐得好鬆動👍🏻不過餐牌上實在太多選擇，選擇困難症嘅我哋好耐都點唔到餸，好彩職員過嚟推介！酥炸乳鴿連我嘴刁嘅朋友都話好好食！肉質嫩，皮脆，仲有少少juicy🤤簡直比呢個蠔餅震撼到！塊餅仲大過我塊面，入邊嘅蠔仔份量好足，價錢黎講簡直超值，仲食得出係啱啱炸起，唔會薄薄一塊。由於太大塊，最後仲打包左返屋企！$50/隻 嘅扇貝我好鍾意食蒜蓉蒸扇貝上面嘅粉絲，而佢嘅粉絲份量勁多，好開心🤣 餐牌上面寫住係日本大元貝，唔知係咪真係日本野，但嗰粒元貝真係好大呀！！蒜蓉炒豆苗，上菜嗰一刻我哋嚇親！勁勁勁大碟😱 菜都幾鮮，係偏多油少少～檸蜜soda，除左多冰小小，味道各樣都無可挑剔🤗晚餐仲會贈送椰汁馬碲糕，幾清新🥴

今晚黎到觀塘朋友想食小菜我記得新匯聚餐廳小廚非常旺場我地兩個人叫左招牌話梅骨麻辣水煮田雞蜜糖薯仔牛柳粒先黎皇牌既話梅骨賣相橙紅色 非常開胃外皮炸槳好香脆 厚薄岩岩好酸酸甜甜 鐘意食咕嚕肉既朋友非常值得一試麻辣水煮田雞好大窩好足料田雞肉嫩彈牙水煮味道辛辣惹味麻香岩岩好仲有好多配料芽菜 木耳 大蔥 芹菜送飯一流蜜糖薯仔牛柳粒以前食過 記得好好食今次再回味牛柳粒好香軟 好入味要讚下薯仔唔可以睇少 整得好有心機外皮係焦香 脆身新鮮煮出黎非常有獲氣！

自從武漢肺炎之後，一直都冇食呢類中式小菜，今日終於可以約四個朋友，出嚟食吓小菜小炒。觀塘依家食店真係我嘅最愛之一，所以嚟到就大擦一餐。平日週三晚市，人數比以前真係少咗好多，可能因為冇咗大枱嘅客人，不過晚市都有五成滿，一坐低就先叫隻芝麻雞，芝麻嘅雞皮相當趣，而且半隻嘅份量都好多，味道好好。令一個必食嘅就係炸大腸，非常之趣，而且裏面洗得好乾淨，真係好好食呀，好開心可以咁耐之後食到呢個好味嘅炸大腸。呢個避風塘炸茄子，又係一絕，係將魚肉釀入茄子再炸，再撈埋炸蒜辣椒等好好味嘅配料，成個都無可挑剔，我食咗三件，超好味囉。

『新匯聚』都幾啱鍾意食大排檔小炒，潮式打冷或中菜的朋友們。 當然日頭就回歸於打工仔嘅茶餐廳食堂。小店喺區內都好出名， 星期日晚，接近七點也差不多滿座， 疫情之下算係相當熱鬧， 深得食客嘅支持！ 背後嘅大廚功不可沒～椒鹽豆腐$60小食嘅份量都算係好大碟～ 放上炸蒜嘅椒鹽豆腐 相當惹味！ 外皮輕輕炸過沾上適量椒鹽， 外脆內軟， 豆腐還相當嫩滑！！ 很久沒有來現在晚市竟然有特惠套餐， 相當抵食！ 包括是日冇味精老火湯，小菜一款，白飯和甜品晚市二人餐$180濃湯粉絲雜菜煲熱辣辣嘅雜菜煲， 湯底果然夠濃郁鮮甜～👍 大大隻色澤鮮艷嘅蝦乾，蝦米， 味道鹹鮮也帶出雜菜鮮味！欖角骨店家推介嘅菜式， 香嫩嘅一字骨用欖角調味再炸， 肉質有咬囗並唔乾， 表面一層薄薄的蜜糖少少甜， 可口美味！薑蔥魚腩煲這個小鐵鑊就如沙煲咁熱， 要小心！薑蔥爆得好香口惹味， 魚腩炸過才落鐵鍋， 外皮 少少脆肉質仲保持好嫩滑。粟米湯冇味精老火湯竟然係粟米湯～ 味道都唔錯熱辣辣， 呢個我buy 因為自己好少飲粟米湯, 總好過冇味嘅例湯～😂飯後甜品—椰汁紅豆糕。估唔到咁好食，椰汁奶味同樣濃郁。原來隔離甜品店係姐妹店， 食完晚飯再來個糖

下班時間總是肚子餓的😂，這次在觀塘工廈覓食，期間看到有家吃小炒的。由於我們未試過在工廈吃中餐，所決定一試吧🤤。餐廳環境與一般中菜餐廳大同小異，環境挻涼快舒適的☺。💥炸乳鴿 HKD$65，這個是店家招牌菜之一，上菜時已經聞到很香的味道。乳鴿做到皮脆肉嫰，而且有肉汁味道很棒🤤。就算攤放了一陣子，外皮仍然是脆的。💥鹵水豬大腸 HKD$70，這個份量挻多的😋，豬大腸很入味但不會太咸口感煙韌，是個拌酒不錯的小吃。另外有鹵水豆腐和花生，豆腐也是很入味🤤。💥吹水墨魚咀 HKD$100，用椒鹽來炒墨魚咀，味道很香😍😍。墨魚咀的外皮脆卜卜，口感煙韌有咬感。這個份量挻多的，拌飯吃挻好 呢😆。💥蒜蓉炒豆苗 HKD$78，吃完油膩的食物當然要吃點蔬菜來均衡一下。我們選擇了豆苗來吃吃，簡單地用蒜蓉炒味道已經不錯了🤤。

係觀塘食lunch，朋友帶左我黎新匯聚餐廳小廚食因為佢係工廈上面，如果唔係人地帶黎都唔知入面有餐廳🤣🤣🤗鐵板西冷牛排🤗呢個牛排勁juicy,一切開已經見到d脂肪肉汁，望住都流哂口水點埋蒜蓉汁食勁正😝😝😝跟餐配薯條同菜，幾中意食港式波浪型薯條，夠粗身又飽肚😋乾炒牛河😋乾炒牛河好多地方都有得食，但炒得入味又夠獲氣就唔係個個做到牛肉又比得夠，面頭灑左d芝麻增加口感同香氣🤗🤗🤗呢間小店雖然唔係好令裝修，但勝在d食物都係高質，而且我見到下午茶都係二三十蚊就有，勁抵食囉😝😝😝埋單只係人均60蚊，大份夾好味丫😋😋😋

觀塘工厦食肆不少，當中「新匯聚餐廳小廚」是我經常到的飯堂，皆佳因價格合理，食物也有水凖。今日到APM商場購物，順路吃過午飯才回家。鐵板燒有很多選擇，我們楝燒春雞拼炭燒豬頸肉配脆薯菜（黑椒汁）跟白飯，銀芽肉絲炒麵。燒春雞炸得皮卜卜脆，沒有油膩，肉質又滑，大大片的炭燒豬頸肉給燒春雞覆蓋著，炭燒豬頸肉又香又有肉味，炭燒豬頸肉又覆蓋著不少清甜的白灼椰菜，配香脆薯條，熱騰騰、香噴噴，吃得很滿意！銀芽肉絲炒麵，炒麵有獻汁覆蓋著的麵團，香滑可口，炒麵的邊邊則脆口，肉絲與炒麵份量也不少，兩人分享都足夠！嘗過香噴噴鐵板燒與炒麵，分別有凍檸水&凍水蜜桃給口腔一股清新清甜口感。。。真空包裝特式小菜，翻熱可即食，很方便！

黃昏從Mega Box 海邊長廊吹着海風行至觀塘, 有著一份閒適, 生活應該是這樣吧!新匯聚這鋪坐落於官塘工廈好多年, 也食過好幾次。今次再到訪, 是疫情第三波稍為緩和的時候。心諗:還在嗎?哈哈!果然係實力派, 仍然屹立不倒,所以點都要幫襯幫襯。仲要寫埋食評撐小店。地道食肆就緊係要點番D地道嘢-咖喱魷魚同藥膳雞腳。一碟咖喱魷魚就立即上枱, 當我點完餸抬頭一看, 碟魷魚已食剩一半喇, 喝止住才可以影張相俾大家睇咋。好味之餘又入味, 一定要叫呀。女仕們喜歡的藥膳雞腳, 真係要好好介紹, 夠腍, 夠入味的，好多地方都可以食到, 之不過, 那濃郁嘅藥材味道, 真係令人覺得食緊補品一樣, 正到不得了。另, 不得不提的是這食肆好多款餸都可以做雙併的。完全啱哂兩口子或又想食多幾款菜式的人。點咗個欖角骨併蝦丸, 香濃嘅欖角骨, 絕對係送飯首選, 而炸蝦丸, 原來是流心芝士蝦丸, 蝦丸彈牙加上我至愛嘅流心芝士, 真係一粒接一粒地搶住食呢~店長亦介紹當天有南非鮑魚, 抱着支持、支持,就叫了兩隻椒鹽鮑魚, 炸得好香、微辣加上鮑魚夠厚身, 唔好一口吃掉, 要細嚼品嚐啊。最後還免費送上椰汁馬豆糕, 雖然是送的,

今晚難得同爸爸出街食飯帶了他試我之前食過的觀塘小炒經過東廣場，沿著成業街行見到餐廳燈箱，走上旁邊樓梯便會見到餐廳招牌餐廳內有很多大圓枱，有間板隔開，好適合食飯聊天我們只有兩個人，餐廳給了我們四人卡位坐得好舒服，與其他餐枱有距離，感覺好安全更令我覺得安心的，是侍應主動給我們熱水，而且碗筷好乾淨，疫情期間真的十分重要侍應推介近來有新小菜套餐，不過我們想食滷水打冷，所以單點了兩個小菜、一枝大啤酒🍻及一碗靚仔白飯鵝片 | $110 鵝肉大大片，隻鵝夠瘦，好多肉，皮下脂肪不會太厚滷水味好香，鹹味剛好，點上蒜蓉醋汁，佐酒一流鵝片下還有滷水豆腐可以配飯食。台灣豆腐炆龍躉扣 | $180除了台灣豆腐及龍躉扣外，還有火腩薑蔥炆好香，火腩夠稔。而且好多龍躉扣，龍躉扣彈牙爽口，有甜味。其實龍躉扣有豐富膠質，好有營養台灣豆腐亦都好彈牙，跟平常的豆腐不一樣是日甜品椰汁糕甜品是送的，好開心，沒有想到有飯後甜品，而且這麼好吃棷汁味好濃，甜度剛好，好想多吃幾塊吃飯時留意到牆上掛着牛頭角下邨金利來的相片令我很懷念以前跟師兄弟食晚飯的日子😌想一想以往到底有沒有見過老闆呢🤔🤔整餐飯都見到老闆四處招呼客人服務態度很好，好有以

平時夜晚都會去成業街嘅新匯聚食小炒，但今日下午茶經過又上去試吓佢炒粉麵。其實佢午餐、下午茶一啲都唔貴，老公叫左個雜扒鐵板餐，有羅宋湯、雞牛豬扒各一塊、甜品、野飲，都係$68，肉扒全部都好淋而且煎得好香口。而我就叫左個瑞士汁乾炒牛河，上面加左芝麻好香，成個粉都好有鑊氣，配埋個中式辣醬真係perfect match，連野飲都係$42。可能都仲係有限聚令，所以我2:00pm去到都係得幾枱人食緊，但我見佢外賣自取係有85折，都唔錯👍🏻

七月初的時候為慶祝爸爸的生日，我便與娘親、姐姐一家和老公寶寶老早相約了一同吃飯慶祝一番，一家人相聚爸爸當然要暢飲慶賀，於是我便挑選了這間有名氣的新匯聚餐廳小廚。這間餐廳以前在牛頭角下村頗有名氣，曾經搬遷過兩次了，如今開在觀塘觀塘成業街成運工業中。以吃打冷、大排檔最為有名，以往爸爸曾光顧過不少，不僅食物惹味可口，而且鑊氣十足。滷水拼盤滷水拼盤分別有大腸、紅腸、豬耳、魷魚、豆腐，頂層再放置芫荽作點綴，大腸鹹香濃郁，嚼勁十足，紅腸緊實彈牙，肉質細膩香濃，豬耳柔韌爽脆，鮮香不膩，魷魚爽口彈牙，嫩滑鮮美，豆腐滷得入味，軟嫩滑溜，滷水製作得甘香可口，鹹味適中，口味偏向港式，用作配搭啤酒一流。芝麻雞芝麻雞是餐廳其中一款主打菜式，外觀色澤金黃，外層炸得酥脆可口，灑上大量芝麻作調味，入口鹹香惹味，雞肉肉質結實嫩滑，味道香口不油膩。杏汁燉豬肺湯豬肺湯色澤呈現奶白色，入口杏汁味道濃郁，口感鹹中帶甜且黏度較高，湯料方面亦甚是豐富，有雞肉、豬肉、豬肺，味道均肉味濃郁，嫩滑鮮美。秘製蜂蜜欖角骨這款同樣是餐廳的主打菜式，欖角骨份量充足大件，外層加有蜜糖、黑椒再炒至焦香，入口肉質飽滿厚身，香口惹味，味道甜香中帶有黑椒

今日等埋老公放工一齊吃晚飯，佢同同事平時有去開一間工廠樓上食店，晚市有大排檔美食，今日跟老公去wet。地鐵站apm出，容易搵，於大街搵到門口上一層就到啦。有電視，相信球季可以睇波。部分卡位，中間大量圓枱，都有圍板相隔，私隱度好高，啱曬大家啤一啤傾計。粉葛土鯪魚扁豆赤小豆~天氣熱加香港潮濕天氣，這個湯好啱袪濕，師傅保證絕對冇加味精，足料靚湯，果然冇介紹錯。欖菜蜜糖骨~欖菜獨特香味第二度冇咁容易食到，蜜糖甜甜地，一定要相當經驗豐富先可以做到這個效果，炸得外脆內淋，咬落豐富肉汁，一試難忘。叫罐汽水，沙嗲即叫即燒，熱辣辣，香噴噴，沙嗲醬是自家製，特別惹味。雞翼雞鎚雞腎($45/三款)~政府燒雞翼好多人都鍾意食，燒雞槌啖啖肉，燒雞腎爽口彈牙有口感。爽脆大白鱔~白鱔的油脂燒起嚟真係好香，鱔肉爽口彈牙。薑汁炒芥蘭~吃這麼多肉，叫碟菜中和下，薑汁味濃，芥蘭爽脆。最後送咗兩件椰汁紅豆糕，唔會太甜，為這個晚餐劃上完美句號。食物種類豐富，多人仲可以試多幾款。魚缸有蟹有魚。

太太說這家菜館小炒不錯，於是便跟太太及她的父母來嚐一嚐菜館位於觀塘工業區工廈的一樓，位置方便，由觀塘港鐵站只需約5分鐘一入座店主非常殷勤招待，我們點了下列幾道菜豉汁蒸白鱔 $130白鱔很新鮮，肉質實而不老，且蒸得很入味秘製咖哩牛筋腩 $120想不到的出色，牛筋腩煮的很軟滑，個人口味覺得咖哩汁可以再濃一點日式芥末牛柳粒 $120芥末味道很出，跟牛柳粒及青豆想不到的配合，很開胃特式椒鹽肉排 $100避風塘的口味，外表香脆肉質嫩滑，亦是送飯之選豉油皇乾炒牛河 $75店員說河粉賣光，便轉成米粉，但無減其炒的香，牛肉嫩滑生炒牛肉飯 $75生炒牛肉飯炒的粒粒分明，牛肉有點碎但有兜亂的感覺串串燒 雞中翼 多春魚 雞肉 雞腎 $55/3串串燒是店主推薦，串燒明顯有炭火燒的感覺，燒的很香亦不失肉的鮮味整體來說，這家菜館小炒的確非常出色，難怪週日到來工廈也能全店滿座，客似雲來呢

一家人外出食飯，小炒是不錯的選擇。假日陪父母逛完觀塘apm 後，來到附近出名食小菜，鹵水鵝的新匯聚餐廳小廚晚飯。餐廳裝修簡約，座無虛席， 蒲坐下，店員便熱情推介他們的特色菜式，親切感十足。🍋 特式串串燒～燒烤食材選擇多，我們點了燒雞肉，雞翼， 雞腎和多春魚，雞翼上枱香噴噴，餐廳即叫即燒，在快燒好的時候加上孜然粉，香味更盛，不錯。🍋 豉汁蒸白鱔～豉油和豆豉的份量拿捏準確，味道不會過咸，白鱔新鮮爽口。原來，不同產地的白鱔口感，是不一樣的，有些肉質軟淋， 有些肉質爽口，個人比較喜歡爽口的。🍋 生炒牛肉飯～家常炒飯， 有鑊氣，有蛋香味道，牛肉軟淋而且分量多。🍋 特色椒鹽肉排令人驚喜之作，啖啖肉的肉排炸得鬆脆，皮香肉軟，椒鹽炸蒜令味道更上一層樓，非常出色。🍋 日本芥辣牛柳粒牛柳粒抹上日式芥末， 做法新穎，入口既香且辣，令人又愛又恨，豆角也炸得香口，送飯一流。🍋 秘製咖哩牛筋腩爸爸最愛的菜色，上枱很大一鍋， 牛筋牛腩均炆得軟淋，咖哩味道濃郁而不會過咸，爸爸一人就食了半鍋。總結：新匯聚餐廳小廚,雖置身在工廈內其貌不揚，但小菜，炒粉麵飯，味道均非常出色， 盡顯大廚功架， 難怪餐廳座無虛席。