新九記粥麵

营业中

休息中

我是個“粥痴”之前講過灣仔某家粥店“越做越衰”今次就行遠少少來到大王東街的新九記一試新九記是老字號粥品店日本電視台；法國米芝蓮指南大力推介由街坊粥店演變成星級餐廳詳情可以在網上搜尋一番門店只有十餘廿個座位地方雖然不大但坐得舒服不迫餐牌一個；一前一後；過膠那一種這間店最奇怪的就是沒有油器供應油條煎堆牛脷酥完全沒有只有粥品粉麵供應豬潤豬心粥新鮮滾熱辣生滾的豬潤厚身；爽口無渣，夠熟唔會出血水血管殘筋起得乾淨，咬落無異味豬心也夠爽口乾淨，食落也無異味(吃任何內臟最怕洗得不夠乾淨)粥底像是無米粥那種入口綿滑有米香吃不出味精；不會太霸味不過雙併粥$46貴左少少不過一分錢一分貨呢整體可以，會回頭的粥品店

今日得嗰17度，凍凍地最啱食粥。諗起灣仔有間叫 “新九記” 食粥麵的，一於去醫肚兼暖身。位於大王東街，好易搵。店面光猛，店內乾淨。坐得都舒服。服務員姐姐招呼唔錯，粥品配料可自由配撘，我揀左皮蛋滑牛粥、灼鯇魚皮、牛筋腩併豬手。粥品係生滾，天寒地凍食一啖滾熱辣粥，暖到入心。粥品質素高，就一個 “綿” 字，牛肉就一個 ”滑” 字，皮蛋都是 “糖心” 的；超好味！灼鯇魚皮配以薑䓤加麻油辣椒絲上，我叫姐姐再私人醒碗辣椒豉油，爽脆、微辣、麻油香共冶一爐；一個人可食晒一整碟。唔夠飽再配多碗牛筋腩併豬手，兩者皆炆得好夠時間，筋腩腍滑柔軟，好入味。間中仲喺 d 汁入面搵到陳皮碎，我最鍾意陳皮嘅甘香，炆牛筋腩真係一流。無意中見到餐牌上介紹粥底打邊爐，下次一定要試下。

天氣轉凍最岩食暖笠笠的食物，今日想食粥，想起呢間未試過的新九記，試試看！一見餐牌選擇非常多，花多眼亂。粥品麵食也有，今日點了粥品，下次試試麵食。餐廳外有短短的人龍，看來頗受歡迎的一間店。🌈肉丸粥 $40 一打開熱辣辣，溫度夠。隨意數一數好像有五六粒肉丸。肉丸大大粒頗濃味味，唔錯！粥夠綿不過味道過濃，好像加得太多調味料，食完頗口乾。建議清淡一點會更好，因為肉丸已夠味道，粥清一點也可以。外賣要多加$1。

和朋準備由灣仔出發去行山，一於食飽先行啦！朋友介紹記得以前食過粥底火煱，一於清清腸胃，配合健康的行山活動。粥鋪位於唔太顯眼的位置，真係要望清楚先搵到，而且周邊多是五金鋪。一入粥鋪感覺環境都乾淨，枱的排列十分整齊，伙記十分殷勤。我自己都喜歡食豬潤，但完全唔可以相信，豬潤有手掌般大，仲有一碗有4，5片，份量十足，好似食豬扒咁雖然大塊，但十分爽口。粥十分綿綿，很鮮甜。而且每碗粥也生滾煮，所以上枱仍沸騰的。

通常想食清啲都會嚟，特別係想食碟清清哋嘅菜嘅時候。粥同麵麵係好高質嘅，除咗師父成日遺忘咗要打撈返我碟菜芯上嚟...又一碟廿蚊但係淥到溶嘅菜芯，有啲夾起會發現連條「框」都爛到開叉，入口感覺嘔心。希望餐廳見字會有所改善。

本身幾喜歡食粥,不過自己煲硬係唔好食~終於比我搵到間粥底又綿又香嘅粥店"新九記粥麵" . 呢日叫咗碗豬潤粥,意外驚喜地豬潤又大塊又鬼死咁滑,好啱我呢個豬潤控. 順手試埋佢地王牌豬手同筋腩,二樣都入味口感煙韌.無影到相嘅炸醬麵都超好味丫,個醬好惹味,我覺得配飯食都唔錯(亂來啦) .其實好多都想試,下次要來食粥底火鍋!!BTW,呢度嘅伙計有禮貌,殷勤但唔干擾.真係好好

簡簡單單的裝修，簡簡單單的粥粉面飯+粥底火鍋。平時成日黎食豬雜/魚腩/滑雞粥，魚皮，雲呑面（大底魚個仲），鮮牛栢葉，豬手………那天終於食左粥底火鍋。老人家都話豬肚粉腸正。招呼無得頂，生客熟客全部招呼周到，剛好仲有一枱加拿大的移民一家三口特登返黎食！睇相啦！

When I crave for congee, Sun9 kee always have the best option. That day I was trying to order online dining platform , but the pricetag is really high. It was 100+ for a two congee set and frankly I don'tthink that should be the price scheme online dining platform be charging people when congee is so basic and such a part of the Cantonese life. Anyways, with the pricetag and the craving in mind, I brave the rain and picked up the delivery myself. It costs about 40 for a bowl in person. The

呢幾日牙痛唔舒服，無咩胃口食嘢。今日晏晝碌落街同老豆揾嘢食，結果都係揀咗去食粥，貪其方便唔洗咬，吹兩吹就呑得上兩次嚟開新九記都係叫粥底邊爐，今次都係第一次叫一碗碗嘅粥。我叫我最鐘意嘅皮蛋瘦肉粥，老豆叫咗鯇魚片粥，另外叫多碟油菜(白灼菜心)皮蛋瘦肉粥，粥底綿、足料，瘦肉多、算新鮮、醃得夠味，皮蛋切得大件而且係流心蛋，加埋砌得頗大粒嘅葱花，送粥好菜心好新鮮，未試過係街食到咁嫩嘅菜心平時食嘢奄尖嘅老豆都讚好

尼道有同事介紹過，自己過來吃,坐底之後想食魚腩粥又怕好多骨，正在唔知點算的時候，見倒好多個阿哥阿姐都吃尼款粥，再問下伙計姐姐多唔多骨，佢都推介唔多骨，主要係大條的。阿姐咁好，又唔嫌我問尼問撈，我就order 了。碗粥來到，有４條魚腩肉，每條有２隻手指粗！好熱辣辣，有兩個姐姐邊食邊投訴個粥好熱，所以食得好慢，我就覺得粥夠熱夠鮮味，食得慢d 唔緊要。記得要將碗粥撈匀食，個底有好多生菜絲同薑絲，跟魚－起食才好吃的。另外，我見佢地而家有飯食，男生唔怕餓扁了。

係粥鋪打邊爐，你試過未？🤣一直以為粥鋪只有一碗碗粥食，但原來重可以打邊爐！首先，佢係用瓦煲，所以特別有風味！😋等待粥滾既時候，我地叫左皮蛋酸薑，你睇下個皮蛋，係溏心架，好好味！我地今次叫左一碟新鮮雞件，好滑架所以我地冇併其他野。另外，我地叫左邊爐不可少既鮮牛同魚片。重有就係去粥鋪不可不食既豬雜，一碟有齊豬潤、粉腸、肉片、豬肚同我最愛既肉丸！肉丸兩字雖然好似好普通，但呢間既肉丸真係特別唔同！好滿足咁淕完後，就係最期待既時刻- 食/飲（？）😂 d精華粥底啦，為呢個熱辣辣既晚餐寫上完美既句號。😉

灣仔一帶雖然很多餐廳，但有時候還是想食道地香港美食，這次我選擇這間正宗粵式粥麵專家，點了招牌菜淨豬手和牛筋腩，肉質好淋好入味，那個汁和肉的口感都做得好好，真是原汁原味！朋友試了炸醬麵讚不絕口，炸醬不會太甜，麵質彈牙，湯底濃醇，值得一試！店內主打不同配料的粥，粥底味道一流，配料都用足材料，豬潤好厚，也可以試下放雞肉，所有材料都好新鮮，好好味，同朋友食午飯或一家人打粥底火鍋食晚飯都好適合，值得再來，Yummy!

Restaurant sells both congee and noodle. Tried salted shredded pork and preserved egg congee. The congee itself was smooth. Though the taste was quite salty at first (kind of expected) but it got better with every bite. Will be back to try the noodles. English menu available.

一直難忘「新九記」既粥和白灼魚皮！星期六才有魚皮供應、次次都夾唔到時間！已經有超過一年冇嚟！😜今日午餐：薑蔥白灼魚皮 （夠爽脆）✅✅豬膶肉丸粥 （豬膶、肉丸都不錯、但粥底食到一半就變咗水）😳豬手撈麵 （豬手唔夠淋、麵好重鹼水味）😳又一間跌咗watt的老店!!! 😫

常有人說「有粥食粥 有飯食飯」粥總被人一個次一等的標籤，但如果有一碗美味的粥作為一餐，都可令人滿足。//這店已去過幾次，粥底火鍋當然是經典，見到不少食客「恰下恰下」得十分滿意。但今次是自己一人簡單一餐，我就點了補血健康的豬膶鯇魚片粥。//一上桌時，見到有三大塊豬膶，而且是滑溜的感覺，咬下去生熟剛好，而且沒有老的感覺，可能是較厚切，咬下去好有口感，很好。//魚片在底部，份量十足，魚刺沒有太多，而且都是生熟剛好，沒有煮得過火。//加上這家店的粥底係十分綿密的，所以一碗粥都可以令得到簡單的滿足。//