文記車仔麵 (福榮街)

营业中

休息中

睇完小儀金剛介紹就即刻跑黎食，已經食咗十幾廿次。 通常會揀出前一丁，無計啦! 普通粉麵7蚊，出前一丁8蚊，點計都係出前一丁花算D，至少唔會因為阿姐手鬆手緊而食唔飽。大腸、雞翼、豬紅同炸蝦餅! 大腸好正，唔會好淋，仲有小小咬口，同唔會好多肥膏；雞翼真係佢既必食，好似好普通平凡，但完全唔平凡，好入味好滑，唔會一夾就骨肉分離；豬血學食神話齋，亦唔會一夾就散，如果可浸耐小小，俾佢入多D味就仲好；蝦餅就一般般啦! 記得最後要加佢個秘製辣汁，我通常加沙嗲味，好惹味!

見食評好多人話排隊好好食，老實講，我去福榮街十次有約九次或以上都唔見有人排隊。星期六中午12：45左右到都係唔洗等位。叫咗豬腸、魚旦、魷魚、唔記得蟹定蝦卷粗面加凍檸茶少甜。個卷就只有一條剪開少咗啲，其他餸份量都好夠又夠入味。好多時去茶餐廳叫少甜都超甜，呢到少甜檸茶絕不失望堅少甜。請阿姐比少少沙爹汁試吓，阿姐好豪比咗一大，但超辣，可能我唔太食到辣椒油嘅辣啦。4餸面加大杯凍飲$42算係唔貴啦，因為面底份量比其他車仔面檔嘅大。如果唔洗點排隊都值得試吓，因為我最憎要排隊等位

成日都見到大排長龍（2間車仔麵平排）。好多時只有佢排隊。又跟人一齊排下試下先。地方乾淨程度仲可以接受。亞姐服務態度都好好。有好多選擇材料同粉...見到柚皮真係少可（因為煮都吾易）今次叫左個$46車仔麵：柚皮，通菜，豬腸，牛腩，蕃薯粉，冬菇，沙爹湯底柚皮吸晒汁好入味有口感（吾淋），冬菇細粒但入左蠔油味好好，豬腸吾肥但吾難咬成碗都好好味。但沙爹味吾多同比較咸。明白為何咁多人排隊而都肯等

打完波真係好鬼肚餓!  諗返轉頭好似離開中學之後就無食過車仔麵, 打完波又突然想食D好好味好肥既麵, 所以就黎左福榮街搵食喇! 呢度有2間車仔麵, 有1間門口有條隊喎, 理論上應該好食D, 我地當然排埋一份啦! (仲聽到後面有個女仔話佢企晒係2間門口前面嗅過, 依家排緊呢間香D, 咁即係無排錯啦! 一路排已經一路揀緊食咩好...  車仔麵好似配河粉夾D~ 再叫左豬大腸, 雞腎, 9菜餃, 八爪魚腐皮卷~ 多辣! 真係好耐無食過豬大腸呢樣好肥既野... 好彩呢度個D又唔算話好肥, 都好易咬開...  9菜餃好足料, 成隻都係菜!可惜既係食完咁大碗麵都好似唔飽咁, 仲想食多碗添...

一個人經過黃金, 見到有間車仔麵未食過就試下, 入面除左係內鋪呢個條件之外, 其實買車仔面既摸式都係同好多年前車仔檔差吾多.首先叫左個麵先, 煮熟左就喺一格格放有吾同食物在煮熱中既格仔入面拎你所選擇既食物, 我叫左美味薯粉, 彈牙, 煙UN!另外, 菜肉餃, 紅腸, 雞腎, 雞翼全部都好入味不得不提其實最好食係佢個湯汁同咪辣椒醬,  個湯汁好濃, 好香, 都吾知佢經過幾耐既歷練先有呢個甘香既味道, 辣醬似係自己炒, 雖然好辣, 但食食下D 料俾D 醬滲哂入去,真係會上癮!

放假忽然間想食車仔面，由屯門過SSP。未見招牌就見到小人龍。排前面d 熟客㨂餸好純熟，執parts 果啊妹專心又細心。魚蛋有鮮味；瑞士汁雞翼非常入味；蘿蔔夠冧完全冇渣；朱皮有口感。個油麵可能快左少少上碗。

行過幾次都見到好多人排隊, 所以好想試下.  終於尋日早少少放工, 過黎見到無咩人, 即刻入去!係門口叫麵同餸.. 我已經係外面睇定要咩食  我要左米線, 配瑞士雞亦, 雞腎, 蘿蔔, 同豬紅.  啊姐問我要唔要辣, 我話要少少.  佢係比左少少, 不過對於我黎講就唔係少.雞亦好入味同林.  雞腎蘿蔔同豬紅都好.  而米線係比其他地方粗身少少, 口感非常好  整體好好好食, 我一定會再去.  價錢又唔係貴, 咁樣都係三十幾.  不過下次就一定會要少o的辣醬.

呢間我已經食過好多次, 初初去既原因係因為知道佢地係太子旦王酸辣粉既分店夜晚去成日都有條大約10人既人龍係門口排隊, 食過就知點解福華街既車仔麵店係佢地最多人幫襯餸試過白菜雲吞, 雞翼, 豆卜, 蘿白, 全部味道都OK蘿白夠哂稔, 無渣...白菜雲吞很好吃車仔麵既自製辣醬好味, 夠辣我覺得呢間既酸辣粉好食過傷心酸辣粉要彈既係麵底細左啲, 三個餸都唔會好夠飽

車仔麵啲配料選擇正常多，而且試過嘅大部分料都幾入味，味道算中上，最值得一提嘅係酸辣粉，食到好味嘅酸辣粉之餘又可以同樣享受車仔麵配料，正，食中辣都唔會好辣，酸味方面調教得幾適中，唔會過酸，幾醒胃，飲埋啲湯亦唔會過鹹。最常叫鹵水雞翼、雞翼尖、魷魚鬚、螺肉、蘿蔔做配料，都唔錯。仲有煎釀三寶賣，不過一般。

文記車仔麵門外一直有着長長的人龍這次我見人龍不長不短於是決心一試雖然有人龍 但卻很快便到我叫在麵方面我選的是油麵 在餸方面則選了招牌韮菜雲吞&招牌雞翼&腸仔&生菜當煮好了 有店員會送到你的桌上我點的是自製辣醬先試一口泹 辣醬的辣味加上湯的甜味 是我所喜好的味到招牌韮菜雲吞及雞翼更名不虛傳 雲吞口感十分好 雞翼的熟度剛剛好而且帶甜味真的令人回味而腸仔及菜則跟一般店舖差不多油麵的麵質彈牙 也是我所好的有機會定會再次光臨

呢日中午, 同2 個朋友仔揸車出咗深水埗買野~買完之後, 正煩跟搵咩醫肚… 我就響 OpenRice 搵到呢間車仔麵~貌似食評唔錯喎, 所以一於就去試下!!門口一條唔長唔短既人龍, 我先揀好野食, 交帶同事之後就入去搵位…還好, 位都唔少, 而且好多人都係外賣, 坐低之後就等食~無幾耐, 姐姐就拎咗我碗麵埋黎, 原來呢度買完唔使自己拎, 你只需要同姐姐講你坐響邊, 姐姐就會幫你放~等埋2 位同事仔, 一齊起筷!!先試一啖湯底, 嗯…不濃不淡, 帶一點點甜味, 再混合埋佢地既自制辣椒醬…可惜, 佢既自家辣醬一D都唔辣, 香味亦欠奉, 只令湯底既顏色變深咗~再黎麵質, 油麵煮得剛剛好, 唔會太硬又唔會過淋!最後就係餸料, 我揀咗我最愛既必食豬三寶: 豬皮, 豬紅, 豬腸豬皮 – 半硬質地, 爽口但唔吸汁, 個人都係鍾意軟淋又吸晒汁既豬皮豬紅 – 普通來貨, 無特別, 一般豬腸 – 軟淋度啱啱好, 有咬口, 夠味因為買果時就已經收咗錢, 所以食完就可以拍下籮柚走人!!你問我呢間車仔麵好唔好味?! 我唔會答好味, 我只會答: 普通 / 一般~同行既同事仔就好直接話唔好味, 因為無佢鍾意既咖哩汁

在友人極力推廌下我便來到這間文記品嘗他們的車仔麵 琳瑯滿目的食品滿佈在門口的玻璃後面與其他店不同顧客要在玻璃前選擇好食物才入坐別有一番風味這次我選擇雞翼蘿蔔粗麵這湯底的色澤比其他店的較深色 味道亦較濃剛開始吃時我覺得十分好吃 但吃久了就開始覺得有點咸.. 有點口渴..蘿蔔很入味很甜 不會太老 至於招牌雞翼...果然不錯 夠味道亦夠滑簡簡單單的一餐味道不錯又不貴值得一試

沒留意這家車仔麵的前身是什麼店,只知被門外長長的人龍吸引了過來.其實是被這支花椒油吸引了入來的!只是試過之後味道很一般,只屬聊勝於無.菜肉餃魚皮餃牛腩油麵----不知是腩汁還是湯底的問題,盛覺是極重味精加超鹹!油麵沒有淥得過腍,菜肉餃的餡料原來是韮菜,那為何不直接叫韮菜餃呢?魚皮餃淡淡的沒甚味道,牛腩炆得軟腍但極鹹.蘿蔔,大腸,菜,豬紅----蘿蔔不甜有少許渣,大腸內壁的脂肪已盡去咬下去是頗韌!煎釀三寶----想不到是連翻炸也懶!凍冰冰的就這樣加豉油給客人,要自行浸入麵湯內加熱.進食的十多分鐘內可看見什麼是人龍不斷客似雲來!是這區的客人喜歡重口味還是自己吃得太淡?

過去一星期，在下多次突然想吃車仔麵，從元朗到葵芳，到今天去了深水埗，共吃了三次車仔麵，雖然元朗那一次並沒有吃麵，但總算是吃過車仔麵吧。今天去了文記車仔麵，也是臨時決定，原因是在下不想走得太遠，才選擇深木埗。幸好來到門外，已經開始營業，不用等待開門。文記車仔麵與元朗的氷年士多差不多，都是從門口的廚房，看著車仔餸隨意點算，與其他車仔麵店不同，其他的店舖是坐下來在單張上勾選車仔餸。在文記，當在下點選以後，店員會替顧客捧到枱上，顧客不用親自拿到枱上。在下的車仔餸的材料，有牛腩、蘿蔔、豬皮及油麵，三餸一麵作為早餐，已經是很豐富了。豬皮和牛腩做得很腍，雖然牛腩未至於入口即溶，但是已經很入味；蘿蔔也很清甜沒有渣，而且也很腍。至於湯底，是用上了牛腩熬製,加上花椒八角，使味道較為濃烈，不過濃烈中還算是清淡了。雖然不及車品品的清甜，但是味道也不錯的。至於店舖的秘製辣汁，在下就沒有試過呢。除了車仔麵，在下還點了一杯凍咖啡，然而在下原先不是要冷的，但是阿姐說沒有熱咖啡，才點了凍的，而在下也減少冰的數量。這杯凍咖啡雖然沒有傳來咖啡香味，但是喝下後咖啡味卻很濃，啖啖都是咖啡的味道，是一杯良品咖啡，而且是在下少見有

呢日放工好想食車仔麵, 就叫左住深水埗既朋友出來同我一齊食文記!好彩有佢早d出去同我排隊, 我地total等左唔駛半個鍾就可以坐低快快諗好食咩然後落單, 已經好一段時間無食過文記既我, 今日真係有車仔麵慌! 一直知道, 文記係車仔麵既代表作, 係無可替代架~野食固然好味, 最讚既當然係佢既辣椒醬! 坊間應該無咩其他地方肯咁大方俾咁大匙真正既辣醬出黎. 一係就唔辣既, 一係就辣油. 但呢兩樣又點可以同辣椒醬相提並論呢. 睇黎文記係真心明白食車仔麵既真諦. 真係抵佢多人排隊.話說回頭, 我地叫左一碗米線, 一碗蕃薯粉, 都係足料夠熱既,餸又多,餃子個餡好豐富,牛筋爽口,豬腸尚算亁淨,肥瘦適中.香辣湯底又香又好味. 抵食!