文記車仔麵 (福榮街)

营业中

休息中

沒有豪華的裝修.. 簡簡單單的一間車仔麵舖.. 卻佈置出一份懷舊氣息.. 包括普通的擺設, 簡單的用具都讓人感覺不同.. 我叫左菜底牛柏葉加蝦春卷.. 當然唔少得辣菜甫.. 再配上一杯咸檸七.. 潤一潤喉.. 大滿足..其實之前我都食過好幾次.. 每次都有叫唔同嘅餸試下.. 每樣餸都有一定水準.. 車仔麵迷值得一試..

深水埗有一間車仔麵非常出名，叫做文記車仔麵， 咁岩係深水埗附近做嘢就去咗食一餐是是但但，我淨係叫咗一個餸就係通菜，個粉就點做銀針粉。 你兩個餸加埋只係＄15非常抵食，啲通菜非常之有油香，加上腐乳係好好味，又爽口。 但個銀針粉就唔係幾好味，完全唔索腩汁湯底嘅味道，似普通湯底整出嚟咁樣。但係本身個腩汁都幾好食嘅，不過唔好叫銀針粉呀

好少見到食車仔面嘅地方會咁新凈整齊，無論喺從間鋪嘅外觀定喺店內嘅裝飾都好光猛。中午12點店外面已經排曬長龍啦，要食下次一定要早啲過嚟排隊！！魚肉+牛肚+牛百葉+蝦卷同埋米線，咁多料嘅一碗野一啲都唔貴，43蚊雜！！~！~！魚肉口感彈牙，牛肚好香嘅牛腩味，應該用腩汁浸咗好耐。米線都算可以。最鐘意佢嘅湯底，好濃嘅牛腩味。牛肉紫菜米粉先24蚊！！！得兩樣野以為會好寡，點知湯汁都有牛腩味，而且紫菜完全吸收曬湯嘅味道。羅漢果龍眼茶，清熱解渴，清香嘅龍眼味，飲到最底嘅時候仲有兩粒龍眼肉添....

其實上次碗麵已經冇咩味，唔知係唔係加咗底。不過個豬手好林好好味，所以再一次返嚟。不過今次返嚟，個豬手燜得唔夠時間，冇上次咁好食，冇入口離骨嘅口感。朋友介紹食辣尤魚。點知個尤魚一啲都唔好食，係嗰啲漂到咩味到冇晒嘅水尤。如果洗走咗表面嘅汁，同食一舊膠冇分別。所謂嘅招牌菜，完全失望。啲温度好奇怪，凍唔係凍，熱唔係熱，好似喺冰箱啱啱攞岀嚟，放入微波爐解凍咁。嗰個滷水雞腳，完全同想像兩回事，硬，冇膠質。個豬紅，咬到入面粉粉地。。。完全唔似豬紅。。。感覺好差，唔會再食。

今次行到深水埗，聽個fd講話深水埗好多正野食，今次黎到果然名不虛傳，成條街都系野食今次試既系都幾出名幾多人食既文記車仔麵，一黎到雖然見好多人排隊，但好快就排完。文記車仔麵比其他車仔麵多選擇好多，有魷魚，雞翼，牛柏葉...好多好多，佢個湯底仲好出色好正價錢又吾貴幾平民，好想再去食多幾次

今日心血來潮到深水埗閒逛, 在維記附近見到文記原來開了新分店, 就車仔麵癮起, 入內一試.. 新店感覺比舊店光鮮乾淨, 中間一排長木檯間隔, 點菜用紙寫不用像舊店排隊order. 選擇困難之下點了四餸跟瀨粉(車仔麵真係唔多地方有瀨粉揀, 所以一向鍾情新記, 因為除了那裡的重口味之外就係多麵底選擇, 除了平常的選擇還有粉絲和瀨粉! 文記這裡也有少見的銀針粉, 如下次再來或會一試) 湯底辣汁選了中辣但感覺甜多過辣, 整體點的餸都唔錯, 而且幾大份量, 頗油但可接受, 總括來說如果"上菜"時間快一點和味道再辣一點就更滿意了~

是日去電腦中心行開街，睇下附近有咩好嘢食，見之前電視介紹呢間車仔麵又好多人排隊所以就決定試下，今次叫咗個少少辣同中辣試下，魷魚勁爽囗，豬腸好入味，不過無咗入面嘅肥膏更好，鳳爪好淋又軟身，唯一豬紅唔夠入味要扣少少分.

文記，新開這分店比較大型，而且是自修室位子，不用像舊店般老是搭桌，面壁思過吃車仔麵也不失壞事🤔。自行畫單點餐，一目了然，慢慢思考，毋須緊張。鹵水豬大腸，中間有點肥膏，不乾淨，但味道香濃。牛腩，大大件，有兩件還是全筋，又軟又化，而且入味，美味不痴牙！湯底濃味，米線上湯能力不錯，有點兒過林，畢竟是車仔麵店不是米線店，不能苛求；沙嗲醬挺辣的，本來湯底已濃，再加入辣沙嗲更濃。座位不算太窄，還有大電視，以多人光顧的文記來說，三四十一碗濃香車仔麵也物有所值。下次可試蘿蔔，或三寶等搭配。

本來就愛吃車仔麵的我，簡直對文記瘋狂了，選擇多，味道好，最最最重點有大量不同調味醬料任君選擇及調配。最愛麻辣麻油，每次都比我落左半瓶😂。推介食品就有尤魚，彈牙。九菜餃，皮薄足料。蘿蔔，鮮甜入味。

文記車仔麵 深水埗美食團 又點少得有名既文記車仔麵 所以美食團既第三站就係文記車仔麵 甘出名排除是常識吧 車仔麵既一貫架步 先叫麵後叫餸最後先搵位 其實每次叫車仔麵 對於有選擇困難症既小妹都係一個困難 諗得慢又或者三心兩意 一覺唔覺意遇上更年期唔耐煩既阿姐 隨時比人話 所以每次都要利用排隊時間諗食咩 文記車仔麵既餸選擇好多 真係諗到小妹頭都大埋 豬手，韮菜餃，雞翼，大腸，蘿蔔 螺肉，雞翼尖，魷魚 通通都想食 但上一餐既炸雞還未清化 所以只好選左淨餸 我們最後點了豬腸，蘿蔔，螺肉和雞翼 豬腸洗得非常乾淨，無臭味 亦滷得好常入味軟腍有嚼勁 好好味 蘿蔔 蘿蔔清甜，無渣 very nice 螺肉煮得非常入味 帶少少辣，非常惹味 瑞士雞翼 雞翼大大隻 亦煮得非常入味 但小妹還是鐘愛滷水雞翼多一點 整體而言，以車仔麵黎講 文記價錢一點都不親民但食物質素不錯，可以一試

朋友成日話文記好正, 今日行完黃金, 一於試試佢姐姐服務好好, 知我第一次食,好有耐性笑住口等我揀送豬紅蘿白一定要叫啦, 再叫個紫菜索汁, 我叫左小辣, 豬紅普通, 蘿白唔夠甜, 不過湯底夠濃建議唔係好食得辣既朋友唔好叫咁辣,煎釀三寶加埋佢個辣醬真係幾好食, 不過油左少少

好少見到食車仔麵的地方會那麼新淨整潔，無論是店外觀或是店內都十分光亮清潔。中午12點店外已經排長人龍，要食真的要早點來排隊。魚肉、牛肚、牛栢葉，蝦卷 米線。魚肉口感彈牙可口，牛肚好香腩味，應該用腩汁浸了很久，米線軟硬適中。最欣賞它的湯汁，有好重牛腩味，香濃而不油膩。牛栢葉爽口，來到一定要點牛栢葉！魚肉、紫菜米粉。只得兩個餸就以為會好清淡，但湯汁都有牛腩味，就算淨麵都夠味。紫菜完全吸收了湯汁，所以紫菜都是一個必點的餸！蜂蜜菊花茶有淡淡的蜂蜜味，不太甜，菊花味重。可能我本身不太喜歡菊花茶味，所以就不多說了。羅漢果龍眼茶清熱解渴，清香龍眼味，飲到最底還有兩粒龍眼肉，好有誠意。好特別的餐牌！全場滿座！！！有好多調味供客人選用。這其實是一個牙籖筒。

去到深水埗都係食d平民野車仔麵都幾好選擇見到人多等位嘅應該都唔會太差同一條街有兩三間同名我同老公就去左最少人等同最新淨嘅一間等等左15分鐘左右啦可能係新分店d店員對於派位好似有d唔熟😅見佢有d自家制涼茶叫左支羅漢果龍眼啦中左伏。。。。好甜好甜好甜甜到一半都飲唔到腐乳通菜都不錯菜新鮮翠綠👍🏻如果d腐乳可以傑多少少就仲正我叫左呢到嘅十大名物其中幾種豬手啦辣尤魚豬大腸個湯好深色。。。好濃嘅所以都幾重口味又唔可以話佢好咸 重味d囉豬手好重膠質👍🏻好淋好好味我見有d人叫一碟淨豬手食個樣都幾好有機會都想咁叫辣尤魚好堅辣。。。辣到食唔到味辣到我成碗麵都好辣🙄豬大腸就正常啦😁我老公叫嘅餃子都唔錯牛肚都夠淋👍🏻間車仔麵落單係自己寫如果要加汁都記得圈住。。。如果唔係就麻煩d呀姐幫你加喇😛

我和肥妹食野最「臭味相投」的是，麵食中她最愛吃的就是嗱喳麵，又名車仔麵🍜一直在外國讀書的她，假期時難得返下香港，梗係要帶她食盡「本地菜」啦😏之前未返香港的時候，日呻夜呻我唔等佢，成日一個人去食車仔麵😂所以某日去開深水埗電腦廣場買野，我就順路帶佢黎到一家深水埗頗有名氣的「文記車仔麵」😏文記歷史我就唔係好清楚但見食客對老闆、店員都好似好熟悉咁，相信都有一定的街坊熟客呢（至少叫餸的時候唔會好似我地兩個咁迷失😅）因為文記車仔麵配料選擇實在太多，每日近50款選擇，真是花多眼亂呢！🙈和眾多車仔麵檔的經營手法一樣麵檔規矩就是先排隊叫麵叫餸，然後先付款最後就會有店員幫你搵位作為米線愛好者的我，食車仔麵我都係揀米線（$7）😂配料多到真係好難揀，因為太多餸想試🙈第一次食，就試試文記招牌吧！瑞士雞中翼（$12/2隻）雞翼每隻都大大隻，香甜的瑞士汁把雞翼熬煮得相當入味😋肉質鮮嫩多汁，但如果雞翼掛汁一點會更好鹵水豬大腸（$10）豬腸基本上是我每次食車仔麵呀米線呀都必叫的因為很喜歡那種有嚼勁的口感😆文記的豬腸雖然標榜以鹵水烹調而成但鹵水味並不重，可取的是豬腸洗得乾淨，沒有多餘的內臟味而且一份配料的份量相當多，大概

窩夫與蝦子餅一直沒有試過深水埗的文記車仔麵，只知店外常現人龍，最近同事推介文記車仔麵的新舖給窩夫，便跟蝦子餅去試試看。新舖其實在同一條街上，只隔幾個舖位，在新舖坐下來填紙落單，不用排隊點麵。小食和飲品的選擇也不少。十大必食推介當中，窩夫與蝦子餅合共點了三款，分別是瑞士雞中翼、秘製牛孖筋和清甜蘿蔔，下次再來的話，要試南乳豬手、柱侯牛腩和自製韭菜餃。凍檸檬七喜跟餐半價，只需10元。蠔油菜心($15)軟硬適中，份量合理。蝦子餅的麵($43)來了，麵底是油麵，配牛孖筋、豬皮、魚片頭和陳皮魚蛋，加微辣辣汁和蔥花，豬皮切得小塊，方便進食，煮得非常入味，牛孖筋同樣入味有水準，難怪成為一大必食推介之一。窩夫的麵($44)跟著來了，麵底選了在車仔麵較少見的蕃薯粉，配瑞士雞中翼、蘿蔔、八爪魚卷和齋麵根，瑞士雞中翼一份有三隻，瑞士汁的味道不錯，不會過甜，八爪魚卷亦好吃，蘿蔔則不及銅鑼灣登龍街那間清甜。