文記車仔麵 (福榮街)

营业中

休息中

小妹今次搵食搵到深水埗，深水埗呢個地方岀名多平民又地道的餐廳，食物種類繁多。今次行行下福榮街發現一間新裝修的車仔麵舖，被他懷舊創意裝修吸引住，加上幫襯食客超多，著個舖頭都坐滿。小妹決定去了解下有幾好食先。呢個名好熟悉，再仔細想原來是位於呢間舖的前幾間舖位。先知道呢間新裝修的舖是文記的第一分店。怪不得有似曾相識的感覺。舖內裝修很有特色，以懷舊慨念為主。左邊有出介紹舖內十大必食推介的車仔麵餸，而坐位設計就參照舊時的大排檔。雖然坐位有點窄而密，但食一碗麵的時間還可接受。十大必食推介，今次小妹就嘗試雞中翼跟玻璃魷魚。食物的種類跟總舖差不多，但落單方法就不同。總舖是要客人戚麵檔前排隊落單，然後自取碗麵到坐位。而新舖即改用落單紙落單，客人選擇後在紙上畫下交給侍應就可以。選擇都好周到，例如辣度，葱的多少都可以選擇。而醬汁都多選擇，有沙嗲汁，秘制辣汁，咖哩汁。小妹很喜愛這個懷舊碗。辣魷魚，凰爪，墨魚卷配幻麵，沙嗲汁$34十大必食推介的辣魷魚，爽口，但辣味不太重，可能被沙嗲汁蓋過了。反而小妹推介凰爪，大大隻夠入味。幼麵口感還可以，份量一般。沙嗲汁不會大濃味。鹵水雞翼，芝心丸，豬腩肉配粗麵，辣汁 $36再

新開的舖在深水埗区呢講也算貴，但也值得，因地方整潔，有台湾和日本麵舖的感覺，隻碗夠大湯水足，選料多而好好味，值得經常去光顧，可以講在香港最出色的（車仔麵）我現在每週光顧3--4次

文記開左好多年有時候放工差唔多凌晨2點幾文記都開緊 辛苦曬班阿姐文記最特別係要在門口排隊叫野特別推薦 瑞士雞翼 餃子 運動完可以食 牛筋豆漿都夠味玻璃魷魚都好Q但可能有小小貴距一個菜都要8蚊起不過距的味道係好值尼個價錢份量都夠 好好食深水埗最出名 最好食車仔麵 一定係文記次次去我都一定要排隊入去但係排隊都好快 入去唔驚無位坐所以唔係要特別入去羅位不過人多就另計啦 哈哈

嘩，大熱天時，呢間舖都咁多人排隊，因為今日好想食車仔麵，所以熱都排呢間，行開就見得多，食就第一次食。佢哋食物放晒出嚟，真係花多眼亂到一個點，先揀粉麵，除咗粗/幼/河/米呢啲大路嘢，好少見車仔麵有薯粉，所以叫呢個。餸就揀左鳳爪，螺肉，豬油渣。作為一個健康寶寶油渣呢啲嘢有機會梗係叫，佢同隔離專賣油渣麵果間周記啲油渣唔同整法，文記呢啲大舊啲，切開小件再油炸，口感是爽一些，咬落有油花，口感不同，好獨特。佢哋湯底幾好飲，唔會咸到痴線。但咁多人排隊又真係誇張咗少少。

要數香港地道美食, 一定少不了車仔麵。深水埗, 一個香港傳統舊區, 來這裡吃香港地道美食, 更有一番風味。文記位於深水埗心臟地帶, 人流多, 再加上美食當前, 排隊點餸的人更多。排了十五分鐘汗流浹背終於可點餸。食車仔麵始終油麵最正宗美味, 皆因夠爽口彈牙。除了餐牌推薦招牌瑞士雞翼，另外還點了墨魚丸、雞肉腸、鮮蝦腐皮卷、生菜。瑞士雞翼成為招牌菜當之無愧, 雞翼又滑又入豉油味。墨魚丸美味又彈牙。鮮蝦腐皮卷也不錯但稍嫌細條。然而, 最精髓的竟然是枱面最不起眼的花椒油, 朋友介紹不添此油，便吃文記也枉然。添了一勺子, 喝一口湯底, 舌頭即時麻了, 但一點都不覺辣, 感覺很特別。各位去吃一定要添些試試。大家多多支持地道美食啦！

黎呢間車仔麵，首先要忍受戶外排隊。場地就無乜好講，典型車仔麵格局，廚房係門口果種，唯地方整潔，我最怕有些車仔麵店一地滑沰沰又黑，呢度絕對無問題車仔麵既餸間間大同小異，我認為車仔麵成功與否有兩項因素，第一必然是湯底，第二是自家製辣醬，大家想一想有那間出名的是沒有自家製辣醬？呢度的湯底非常鮮味，絕對唔覺味精，車仔麵有無落師傅（加味精）其實好易食得出，濃味得黎食完又口渴十居其九是味精作怪，食得多就食得出味精的味。而自家辣醬亦一流，真係食到口水長流，又唔會辣到你食唔到。今次我揀河粉，是類似金邊粉果種較薄身而滑，配合湯底一齊食真係一流。既然講得稱霸，當然唔簡單喇，餸是關鍵的一環，佢能夠做到樣樣精，不是行貨，樣樣有水準，呢下手真係有難度，今次點了牛根同豬腩肉，牛根絕對唔會靭，半黏半啫呢狀，又入晒味，正！豬腩肉不是淋晒果種，少少硬有𡁻口，肥膏佔得不多，不會令人食一兩舊就有反胃感覺最後反而要提提煎釀三寶，我認為是必試，魚肉唔會甩晒出黎果下好難做到，而且彈牙，豉油又適中不會太鹹，加少少甜醬辣醬一流，唯一要注意的是她不會替你翻炸，我未試過浸湯弄熱是什麼味道，不喜歡冷食物的朋友要注意一下喇

今日終於初嘗文記車仔麵，大熱天時排了大概十五分鐘，食後感就是名過於實。食車仔麵最令人興奮就係唸揀咩揀餸嘅時候，而且呢度係排住隧揀餸，比完錢先坐底，所以排隧時一定要唸定食咩。打算食柚皮同最出名嘅韮菜餃已經賣晒，當時只是中午時段，失望。最後揀咗：豬手：好淋，都ok豬皮：淋同有d咖哩味，比較細磈，見到有d仲有毛喺上面大腸：ok淋但唔算好入味，有d糕喺入面雞翼：甜甜地瑞士汁味，不過又未去到好好食，唔明點解話出名我叫咗幼面, 個面唔彈牙，好鞋口另外個湯我冇加辣，甜甜地，好怪，好深色以為腩汁味，點知好似甜豉油咁味...所以食剩一嚿豬手冇食，因為感覺好「漏」。我老公嗰碗（冇影相）有加辣，不過都係甜。佢揀咗：魚片頭：竟然唔係炸而係白雪雪潮州魚蛋咁，食落口唔彈，仲好勁味精味。出名嘅玻璃尤魚：爽口，正常紅腸：正常冇特別總括黎講唔明點解咁多人排隊，其實真係好一般至麻麻地

深水埗，不只再是維記的天下。福榮街的文記車仔麵出現長長人龍，加上上次在銅鑼灣榮記失望的經歷，我一定要重新找回車仔麵的感覺。行過福榮街，文記卻無人不曉。晚上八點，兩家分店都已經排了很多人。我和男朋友去了舊店過幾個鋪位的新店，裝璜很新，燈光猛。似是剛新開不久吧？這十大推介不知是不是客人選的？就點了其中四款試一試！點餐都十分自助，紙仔也印得不馬虎，彩印令人睇得更舒服。而且價錢有平有貴，如何選擇，適隨尊便。我點了以下的: 瑞士雞翼，手打魚肉，玻璃辣魷魚，蘿蔔，都係十大推介。盛惠四十五元。瑞士雞翼同蘿蔔仲好入味，而且沒有已經浸到好淋的感覺。雞翼依然好結實，甜甜的非常入味！計我話令人驚喜係秘製辣汁湯底，一呷之下感覺好濃郁。加上辣醬有內涵，不會死辣，溶入腩汁後有奇妙的化學作用，加埋辣菜圃就差不多了！魚肉也很好，不過略嫌有點碎，不太吃到！其他都很滿意！不消十五分鐘就食完，加上小店地方不大也不要坐太久，總結就是好食到想加底。正！

今日去到深水埗行吓食吓,通常比我感覺呢D舊區都係有好隱世食店又平又好味,,呢次就試吓文記車仔麵!價錢唔算貴!雞亦尖好入味,好淋……個湯底好濃,正!朋友的.比左D猪大肠我試,同樣好味!不過衛生就一般,同埋都坐得麻麻舒服!

經同學介紹，專程黎食酸辣粉，企喺門口睇定餐牌，排隊去買，然後坐低食，酸辣粉只係25蚊一碗，可以再加其他餸，我加咗菜心同魷魚，加埋43蚊，我比較欣賞嘅係菜心，因為酸辣粉啲辣湯滲入到菜心裡，十分好味，而酸辣粉也是我食過咁多間中最為欣賞及鍾愛嘅，辣味是正宗的川味辣椒，湯汁的味道也很好，酸辣的味道適中，是我在香港食過最正宗嘅酸辣粉!其他嘅實在比唔過呢間，辣味多過酸味，仲要啲薯粉唔入味，有啲過分到用米粉整!總之呢間嘢嘅酸辣粉真系正，有機會會再黎。

食文記一定要夜晚晚打完波去食 別具風味～Yeah Y(^_^)Y去到見門口有十幾個人排隊揀餸是基本⋯⋯條隊都算快，只要⋯你瘋狂諗住啲瑞士雞翼嘅話多數排隊>點完餸>俾錢>坐底P.S. 鄉音呀姐們會好堅持幫你拎碗麵埋位 媽禾有得食喇～～扮健康揀薯粉又幾正我嘅皇牌選擇：必必必食瑞士雞翼－超入味瑞士汁，肥肥的～煮得淋淋吔，正到爆牛筋－OMG 又淋又入味～骨膠原在我口中蔓延開去魚肉－唔腥，勝在呀姐心情好俾勁多，直頭可以開心分享一半俾友人，幫你個朋友子加多個餸加腐乳通菜是必須的，十幾蚊大大碟，食通菜係食佢個種洗唔乾淨渠味(btw玻璃尤魚上次試過 個人覺得無必要encore)提醒:::: 來到文記，一定要加佢秘製麻辣油！！不！得！了！係碗頹麵精華所在！(唔食得辣都建議你要加幾滴試試佢)再叫呀姐幫你加啲 辣菜甫(免費)方為人上人之食法～～～凍檸茶唔簡單，茶有茶味(好重要)！車仔麵係佬食中既典範，我支持文記！

同朋友去深水埗黃金電腦廣場買嘢前見肚餓， 走左去呢間好出名既文記車仔麵食番個午餐先，去到門口排咗非常之多人，我叫咗個河粉、豬手、豬紅、豬油渣、通菜加多杯凍奶茶，個湯底加埋啲牛腩汁非常之好、 河粉係幼條那種非常之滑，連湯一齊食， 豬手煮得好入味同好淋， 骨膠原非常豐富， 豬紅都住得好有味 好滑，通菜非常鮮新鮮同清洗得好乾淨都好爽口好食， 豬油渣炸得好香口，河粉同豬油揸 一齊食都好好食， 凍奶茶走普普通通 茶味同奶味都還可以

今晚在深水埗食左個車仔面，好好味，好多餸可以選擇，而且好地道，鹵水牛展，鹵水豬大腸，生菜，油面，因為實在太多款式可以選擇，所以我選在最愛嘅3款，豬大腸好好味，小小臭臭地，好地道好味好滑有彈牙，生菜好新鮮，無青味，鹵水牛展，鹵水味好濃，牛展有嚼頭，湯底好濃味，正吖

黎到深水步, 通常都搵D地道野食, 通常都係車仔面呢間車仔面 送菜算唔錯雞翼尤其地好食!不過我通常都會點埋加大 因為本人食量都幾大 唔夠飽@@喜歡周圍試車仔面既人 可以試下!

過開來深水埗買野, 因為趕時間所以食碗車仔麵醫肚就算勒, 呢度既配料都幾多選擇又好似好吸引, 平時只叫 2-3 款餸既我今次叫左 5 款餸試試先, 包括有豬大腸, 魚肉青椒, 魚肉茄子, 蝦卷, 瑞士雞翼, 再叫多杯菊花蜜潤一潤先, 先試豬大腸係皮薄裡面有小小肥膏 , 煮得唔夠淋唔夠入味 , 味道一般般可以接受啦，魚肉青椒、魚肉茄子即係煎三寶每樣一件色澤光鮮 , 味道正常 OK ，蝦卷就真係麻麻地勒，味道好一般 , 唔爽口彈牙, 最後係瑞士雞翼好JUICY 應該係鎮店之寶勒, 好入味肉質嫩滑個瑞士汁仲好 SWEET。