文記車仔麵 (福榮街)

营业中

休息中

食文記排隊就一定架喇，排隊時要諗好同諗定食乜，揀好晒比錢就搵位坐定定等阿姐攞個麵比你，唔洗急但要快，唔好阻住阿姐做嘢，亦唔好阻住後面叫嘢食，入得文記呢個就係佢既大自然定律！一如以往點左雞尖、大腸、魷魚再加個辣醬，加點油菜，餸菜味道濃郁，仲要飲兩啖湯，食完必定要灌水，但仍乖乖排隊等食，間唔中食一次係滋味既！本人較喜歡舊店排隊點菜再入座既安排，對比起行過幾步既新店，雖有攞飛等叫號碼再入座，內裡新裝修較光猛，但坐下點餸再等個麵到足足等了我20分鐘有多，加上門外等位15分鐘時間，我已經可以係舊店食完埋單走人行街呢。

19:00去到等左10分鐘到入得明明我寫凍奶茶 佢打單變熱奶茶 同個亞姐a講 未聽我講完咩事 就話得得得 入左單 以為我追單!講4次終於肯聽我講話落錯單 a就同收銀b講佢打錯單 到b亞姐就話 佢明明寫熱架 我冇打錯 講左3次 (可能佢覺得講3次就代表係真啦) 我都好肯定我一定係寫凍 因為我從來唔會叫熱飲囉!!叫佢拎返個牌睇 又話抹左 睇唔到 ,都算喇 黎到變埋凍咖啡 !!我唔明點解要飲杯凍奶茶都咁難 又要比人屈我寫錯!! 食到一肚火 講返野食,普通車仔麵 唔係特別好食 只係服務態度令我忍唔住要出處女食評!!

去到勁多人排隊，見到門口貼了張紙寫左邊X個舖位係分店，就去分店食了，分店比較新也比較乾淨，我1個人不用等位可以直接進去叫了個柚皮，真係入口即化，很軟很多汁，完全不覺在吃柚皮，然而，好咸…………柚皮應該是用鹵水汁煮，就只有鹵水汁的味道………車仔麵我叫了豬腸和冬菇，這2款餸也大概是用鹵水汁煮吧，跟柚皮差不多味道而湯底也是鹵水汁，所以是咸上加咸如果是喜歡那個鹵水汁的話，應該會覺得很好吃吧我本身是比較淡口味的，所以除了咸到想喊之外完全沒其他感想，不會再去

佢個 瑞士汁✙ 辣汁調得幾出式，撈埋幾夾，食材質料(牛根稔/魷魚爽/蘿蔔無渣) 及份量適中，無被揾笨感，整體👍加上飲埋杯凍O七， 簡直perfect march一定會再試其它材料。。。

There are many MANY cart noodle places. But then there are some that are a cut above the rest.If you've walked by Sham Shui Po, this place has a particularly long queue of people waiting for cart noodle. 文記車仔麵 (English name: Man Kee Cart Noodle) is so popular, they now have another shop just a couple of shops down that is brand new. The original shop is a bit more run down. But the new shop is clean and seemed to be set up more like a ramen shop. If you want to see all the ingredients, the origi

文記車仔麵係深水埗都幾出名, 每次經過都係好多人排隊睇見總店咁多人, 再行過幾個鋪位, 就見到分店好似少人D又坐得舒服d, 一於就試下佢有幾好味一路等位, 後面既人話南乳豬手勁好味, 係十大推介之一, 就諗定一陣要試下叫左一碗車仔麵加辣汁, 附上一匙辣醬, 絕對係秘製, 味道幾好幾獨特我唔算食得勁辣既人, 只係叫左微辣, 都覺得辣左D, 要配埋汽水幫口降解辣先得點左另一推介既玻璃辣魷魚, 份量少得可憐, 每條都係魷魚鬚碎, 唔抵食, 不過魷魚係幾爽口豬紅不夠入味, 不過冬菇豬腸就做得好好, 鹵到入哂味叫左另一碗沙嗲汁, 湯底無想像中油膩南乳豬手, 一見到已經失望, 連基本豬毛都未清哂, 味道一般, 未能同意人地話勁好味韮菜餃就唔錯, 好香

之前黎深水埗食嘢經過發現呢間車仔麵經常性好多人排隊覺得一定有佢嘅特別之處終於今晚黎咗試原來佢有兩個鋪位一個應該係舊店，環境比較up dub但係好多人排隊，似係傳統車仔麵檔，係檔口面前揀餸另一間係幾個舖口隔離裝修好靚，所有野整整齊齊，燈光都好光猛係寫紙仔，佢再入單廚房整出黎問咗個侍應兩間有無唔同佢話呢間無煎釀三寶同酸辣粉由於想坐得舒服d，同埋想慢慢揀就揀咗新淨d嘅呢間呢個係menu好多野揀呀眼花撩亂，選擇困難添我同個frd揀咗10分鐘都有最後我揀咗烏冬、清湯底、秘制辣醬小辣、蠔皇小花菇(睇openrice介紹)、豬大腸同蟹子丸，要蔥花秘制辣醬擺係匙羹度，我自己再撈入湯底對我黎講，辣度岩岩好，唔太辣蟹子丸得兩粒有d失望，下次可能唔會叫返推介嘅豬大腸同小花菇都好好食，份量亦都好足夠朋友叫嘅腩汁、油麵、沙爹醬、豬紅、蘿蔔同豬油渣我試咗一舊蘿蔔同豬油渣蘿蔔十分清甜入味，亦都十分霖同無渣其實我本身唔係太食蘿蔔唯獨係元朗永年車仔麵嘅蘿蔔吸引到我每次去都會食，甚至一排無食都會因為掛住佢d蘿蔔同湯底而去元朗今次試咗文記嘅蘿蔔，發現多一個蘿蔔吸引我，下次一定一定會叫呢度嘅蘿蔔另外叫咗個腩汁生菜都唔錯，補充

昨天黎到深水埗，係openrice 見到呢間好多好評，就黎試試！門口排左一陣 (食完先發覺原來有間好靚裝修既新分店係隔離，會坐得舒服些)一入門口就選麵底+配料！叫左：河粉+墨丸+牛腱+蝦腐皮卷+蘿蔔($41) + 龍眼水($10)多辣多青，好好味！推介！龍眼水都好清甜！

一個人去放工去黃金買野，緊係係埋深水埗呢個平民美食天堂醫肚！無黎一排發現呢度條街變左食都街！車仔麵，豬潤麵，米線，雲吞麵。一條街有變十間八間食麵！今次揀左文記車仔麵幫襯！見佢裝修都幾特別，全部人排排坐。無面對面既位！叫左3餸：魚片頭，水餃，豬手。食車仔麵最緊要試湯底。有心機煮既車仔麵湯底一定係淆出黎。吾係求其撈腩汁。文記就係真心淆出黎！味道吾錯！三個餸都叫OK，豬手都彈牙，魚片頭入味，水餃就普通。

自從某一天, 我同HONEY食0左第一次之後, 變成每星期最少一次, 好次唔食唔自在咁。  今日又來食了。  食物選擇說多不多, 說少也不少。  不過因為唔食牛的關係, 所以選擇少了。  今天如常的要了:陳皮魚旦 – 入面真的有果皮, 幾香, 魚肉口感不是爽彈的一類, 但車仔麵來說, 已是交足功課了。紅腸 – 如常的厚切, 食落啖啖肉。  厚切就係依到D紅腸的賣點。韮菜餃 – 是自家製的10大必吃之選, 真。好。味, 因為好香韮菜味, 肉不太多, 不會覺得肥膩。魚皮餃 – 個皮好爽, 係我中意的TYPE, 細細粒, 一口搞掂。壓軸登場之選有 登登登登, 瑞士汁雞亦。  個雞亦的最妙之處是入味, 雞肉爽口, 同埋D皮唔係好肥, 係十大之選的第一位。我今次無點河粉, 要了瀨粉, 好YUMMY。  另外仲有D特別之選如銀針粉, 下次可試試。

文記車仔麵，值得一試😋同事第一次介紹我試下呢間好正既車仔麵檔，個日叫左瑞士雞翼牛腩蝦卷公仔麵（配腩汁）瑞士雞翼好入味，湯頭無搶走佢原有既味道，醬汁好濃郁牛腩好軟身好好咬口，而且唔太肥膩，同湯頭好夾好好味蝦卷唔太油膩，有蝦既鮮味，爽口公仔麵反而我覺得可以再硬身少少，有啲軟，而且份量覺得唔太夠一個公仔麵最值得一提就係佢既腩汁，好濃郁好好味，值得一飲，不過建議飲兩啖左右好了，因為飲太多會太鹹同口乾下次要試一試佢著名既辣汁先😎好味程度：😋😋😋😋😋😋😋😋

今晚和朋友去完深水埗修眉，心思思想食文記既車仔麵，所以修完眉之後就即係去「文記」食晚餐喇。我地兩個分別叫了每人一碗車仔麵加一碟煎釀三寶。朋友叫咗碗「銀針粉」-豬皮，菜，雞尖，豬腸，冬菇仔我叫咗碗「粗麵」-白蘿蔔，魚蛋，菜，雞尖煎釀三寶- 紅腸x1, 茄子x2, 尖椒x1 P.S 嚟到「文記」一定要選蠔油炆冬菇仔！因為炆得好入味，細細粒方便食又爽口。「銀針粉」都推介啊！因為而家好多車仔麵檔，都好少有銀針粉供選擇。

深水埗咁多街坊美食，今日就去食碗車仔麵，呢間車仔麵有新鋪舊鋪，不過都係同一條街，係隔幾個鋪位姐。今日去左新鋪，好值得一提既係，佢地好環保，唔再用車仔點心紙落單，而改左用白板筆👍🏻👍🏻👍🏻不論係餸，麵底，湯底都係好多選擇，真係好似去左食buffet咁😚😚今次我就揀左必食瑞士雞中翼，手打魚肉同埋八爪魚腐皮卷配個瑞士汁粗麵。黎啦黎啦，份量足，d瑞士雞翼煮得好入味，又唔會煮到過龍搞到個雞翼乾晒喎，個魚肉係彈牙架，個八爪魚卷就正常冇特別。原來配呢個瑞士汁湯底都唔錯喎，唔好睇個色咁深，但係一d都唔咸架，可能我好鍾意食瑞士汁，所以我覺得特別好味😋😋😋😋呢度仲有好多醬汁比你自己再配搭，仲有d我以為係辣菜蒲，原來係辣蘿蔔粒比你加tim。

昨晚又去了久違的文記醫肚，我最愛的銀針粉同它們的爽口冬菇仔， 真係食到唔知飽， 我最欣賞，係佢哋枱上黃色的麻辣油😈，食到一半加少少，一碗粉就有兩種口味，真係好似嗰啲四川麻辣米線咁，正呀!煎釀三寶大大舊熱辣辣!

久違了的窩心美食車仔麵是日午餐在深水埗文記尋回，怎能不寫。點選了辣魷魚、豬紅、豬大腸、韮菜的車仔麵，對於小人來說可謂是小吃清嚐！各款餸料都很入味，其中以辣魷魚最是出色，柔靭有致，咖哩味出。麵灼得爽，只嫌湯底咸了些。有時吃東西無需太複雜，簡簡單單一碗車仔麵，已經滋味爆分！