文記車仔麵 (福榮街)

营业中

休息中

今次去了新舖食，新舖幾好乾淨企理，阿姐安排坐低會俾餐牌你自己剔，有d似日本拉麵式的order 形式，感覺新穎。而今次試下d唔同我自己就叫左薯粉底，文記比起其他車仔麵店，麵底有很多不同選擇！當然亦有很多配料任君選擇，每款$8-$12 不等，因為同男朋友黎食，所以可以叫多幾款唔同餸一齊share 必試瑞士雞翼，夠多汁又入味，大推！另外酸齋估唔到好食，酸酸甜甜吃得很開胃瑞士雞翼$30 必試！有免費辣菜莆提供，可以自己加到車仔麵！仲有記得order 紙上揀埋秘製辣汁（有不同辣度可揀）想食車仔麵，文記車仔麵會係我的首選，唔難怪每次黎親都咁多人排隊！！

從我口裡吐出蟑螂腳🤢🤢今晚特登黎文記分店食車仔麵，排左15分鐘左右。叫左豬紅、豬腸、雞翼、酸齋、中辣、瑞士汁。食左3-4啖後，放左一舊酸齋入口，咬咬下，感覺到有一條長長地似木碎卡左，從我口裡慢慢吐出那條疑似木碎，再吐埋舊酸齋。再望下條疑似木碎原來係一節手指咁長蟑螂腳，因為有刺有腳頭😭😭正當想影相俾阿姐一下拎走左。即刻話換過碗俾我，因為真係好肚餓最終食左少少😰😰行出門口就已經反胃想嘔，一度作嘔兼想嘔番晒出黎，嚇到路過對情侶9秒9秒彈開跑狗般走左。*就算搵食環黎，最多封幾日。香港人為名氣又善忘好快就會繼續食，所以對於佢地無咩損害。*

今日見得閒就出深水埗幫公買HD，順道試下聽聞已久的文記車仔麵。因為係下晝3點幾關係，人唔太多。入到去坐都ok，係門口冷氣位勁凍。好，點餸…… 大腸，尤魚，豬油渣，柚皮，菜……豬油渣同柚皮唔係度度有得食，亦唔係度度整得好食。老實講，個人覺得文記整呢兩樣麻麻。豬油渣 - (唔係我想要既油渣麵煮法) 無錯第一啖食落去係炸到好脆好香口，但再食落去就覺得好膩同有油益味。柚皮 - 冇咩味尤魚 - 都幾入味而且爽脆豬大腸 - 入味而且爽腩汁湯底濃郁，而且唔油膩，加少少辣仲惹味。總括唔錯，不過都真係幾貴，而食完都幾口乾，相信都有落"師傅"。

陪男朋友返佢爹哋媽咪屋企探狗狗經過深水埗附近就醫咗肚先男朋友話呢間係分店黎。ok既，咁就試吓啦反正我都未食過湯底就要勁辣腩汁，番薯粉，然後叫咗蘿蔔，大腸,牛筋,麻辣筍絲,小花菇勁辣其實都唔係好辣不過佢枱面啲辣椒油就好得應該有啲花椒，好香又夠辣蘿蔔細細粒冇渣大腸都夠肥牛筋淋滑麻辣筍絲幾驚喜，切得又細，好爽口，夠辣又唔油，仲有少少清甜，正小花菇其實都炆得幾入味，不過真係好細粒…如果大粒啲就好啦座位係打橫一字排開好似日式自閉面咁幾好呀自己一個人去食都冇咁尷尬鋪仔雖然細但坐得都幾多人，而且又唔會頂手頂腳下次再試吓其他料先

雖然價錢偏貴。五餸一面52蚊。但味道層次都比較豐富。耐唔時一餐都可以接受。而今次試嘅係佢隔幾間舖嘅新分店。新店裝修肆正又光猛。平日都坐滿客。湯底有沙爹。辣汁。腩汁。清湯。如果唔夠，枱面上仲有辣油，辣粉，辣菜莆比你加到滿意為止。但個人認為都唔算勁辣個隻。個人鍾情於豬大腸。夠晒入味。陳皮魚蛋又夠晒經典。車仔面嚟講都幾出色難怪呢間喺深水埗食街嚟講都算幾熱門。

懶洋洋既星期日，係屋企hea到下午先出去搵食。平時去深水埗，多數都會走去食豬潤麵，今日經過呢間車仔麵，見到排晒隊，應該唔會難食掛，一於入去試下。大約等左15分鐘⏱就入座。店內座位都幾擠迫，客人都坐得比較親密😆每位客人都分派左一塊點餐牌📋，用🖍圈出想要既食物。價錢唔算好平，不過有好多選擇。枱上放有不同調味料，仲有我好鐘意既花椒油同辣菜莆🌶🌶🌶辣菜莆 ： 無想像中咁好食，菜莆唔夠香，如果可以炒香d會好味好多。雖然見到指天椒係入面，不過唔算好辣。 辣度🌶🌶 (以5🌶為最辣)凍咖啡 / 凍奶茶 (因為跟餐，所以+$9/杯)份量比一般茶記大，我飲的奶茶唔會澀，奶既份量岩岩好，飲咖啡的人兄最後成杯飲晒，無聽到有投訴，相信都👌🏿油菜：西洋菜配腩汁西洋菜唔會煮過龍，仲好爽口👍🏼，份量都幾多，不過腩汁應該係先落，所以由底食先有腩汁味。油麵🍜 - 西洋菜餃 + 豬大腸 + 牛腩 + 牛孖筋 (微辣腩汁)油麵同一向食開既好似幼左少少，但都仍有嚼口。西洋菜餃3粒，不過食唔到西洋菜味，外皮較淋，味道麻麻。豬大腸好多舊，肥肥的，處理得幾乾淨，煮得都幾入味😋牛腩幾淋，唔會鞋同埋都都係幾入味。牛孖筋切開細細舊，好淋👍

Went here for noodles while waiting for my god damn mackintosh to be fixed.I quite liked the ordering form because it is plastic and it can be reused.The noodles were quite expensive but good because they were thin and absorbs the broth like japanese hakata noodles.

上完去嘉頓山等埋個日落都已經肚都餓埋, 就OPENRICE下睇下附近有咩好食就搵到呢間文記車仔麵, 佢既位置都唔算太難搵一去到就見門口有條長長的人龍問一問呀姐先知原來外賣同堂食都係同一條隊佢地係以流水式作業咁, 排到你就落單即整今次我就嗌左牛孖根($12)加豬大腸($10)加河粉($8)個呀姐會問你食唔食辣, 因為SEARCH完好似話係幾出名, 所以就加左辣如果係堂食既話, 呀姐就會將碗粉安排座位不過講真位就唔多, 都坐得幾迫下再講一下食物先食物既份量都算大份, 而料都唔會話好少, 都幾足料同足味最喜歡係個牛孖根, 爽口彈牙之餘吸收左濃濃既牛腩汁味超好吃, 反而我大腸好似剪得太細粒, 食落冇乜口感可言, 但味道都算係中上之流

今晚來了深水埗逛逛，順道來文記吃車仔麵。文記車仔麵有兩間店，新店和舊店都是位於福榮街，兩店只是相隔幾個舖位。新舊兩店我都未吃過，兩間店都要排隊，今晚我們選擇了新店，等了大約十分鐘便可入座。我們點了一碗瑞士雞中翼、墨丸、南乳豬手、粗麵，瑞士雞中翼和南乳豬手都是十大必食推介，瑞士汁雞翼甜甜的，非常入味，而豬手炆得很軟腍，也很入味。另一碗是辣魷魚、豬大腸、生菜、米粉，辣魷魚辣得來好好味，而豬大腸很爽口。兩碗湯底都加了腩汁，味道十足，值得推介。

今日屋企人話想食文記車仔麵當晚餐，個個旨意我出去買經過我再三相勸，都仲係堅持要食，最慘係要我去買...咁無計啦，拿拿臨揸車出去深水埗文記。叫左兩大碗車仔麵，加左勁勁勁勁勁多餸！返到屋企，打開碗麵，嘩！已經聞到好香，佢啲牛腩好大舊，同埋係我最鍾意嘅牛筋腩！啲牛筋腩咬落去，可以話係入口即溶，炆得好軟；另外啲牛栢葉好爽脆，唔會好似橡筋咁咬唔開，同埋佢啲冬菇粒，細細粒入口容易，都有成十幾粒架！至於另一碗，啲螺肉都好大粒，但有一個位要彈一彈，就係啲餃子。可能佢地係"錄"完就放係度，等客人叫先再放入碗，雖然見到佢地有再"錄"過，但可能翻煮嘅時間太短，餃子唔夠熱，返到屋企只係得我啲餃子唔夠熱，下次叫餃子可以叫佢地"錄"多一陣。另外佢地個湯底有一陣果皮味，而且腩味香濃而不油膩，無油浮喺湯面！整體黎講，可以再翻啅！

今日真係非常之熱所以今晚嘅晚餐打算食啲濕濕地嘅嘢不停喺度諗諗諗諗到食車仔麵但係又唔知邊度好，諗起深水埗呢間都幾有水準所以去左隔離左右嘅新舖，之前都食過舊店！新舊店都係相隔幾間舖頭，舊店依舊好多人排隊，新店就比較少啲人所以就去咗新店，今晚七點半左右等咗大概15分鐘已經入座座位寬闊坐得舒服乾淨企理餐牌好可愛自己用雙頭筆寫上既環保又方便我哋叫咗三碗分別1.牛柏、雞翼、炸魚皮、油麵2.蘿蔔、豬紅、滷水汁大腸、油麵3.蘿蔔、豬紅、牛筋、粗麵以上三個麵都係好味味道不會太鹹牛筋夠林入味大腸入味夠爽蘿蔔夠林夠香油麵和粗麵都夠爽值得推薦亦都會再去繼續繼續努力一直會支持

文記經常超多人排隊，所以從來未試過，但昨晚7點經過，只見4、5個人排隊立即跟尾排隊接住上。點知到我時候，6面果個阿姐停晒手，原來6面d水未滾，明明接住6，點解到我水未滾，到左幾分中到啦，終於可以6啦！我叫左一碗河粉，另一碗一個粗麵，點知2碗粉麵6起左，不餸果個阿姐又正其他野，都吾知佢地想掂……，由排第5個直至食入口，足足用左20幾分鐘，做嘢慢成最樣吾怪得成日都敢多人啦！最奇怪d嘢食好普通姐，叫左豬腸、酸齋、豬皮、豬紅、蝦條同玻璃尤魚，d味道完全吾覺有驚喜，仲有我叫一個粗麵，個size同鴨蛋差吾多大細，食二注就無嘢睇，吾明d餸味道一般同麵底又少，點解會咁多人排敢耐隊都要食？真係耐人尋味？？？？？

黎到深水埗福榮街，每次呢間文記車仔麵都有好人排隊等入去食！呢間車仔麵牌頭認真架勢呀～緊係入去食喇，我就係文記嘅常客黎添又點會錯過！平時食開係同一條街呢舊鋪，就有風味d；舊鋪係向店員嗌餸即整再搵位，而新鋪開咗唔係好耐，就係入到去劃order比店員再係廚房整！但注意，如果要外賣就只有舊鋪先做到！其實兩間嘅野食一樣，人流都一樣甘多！食晚餐時間，望到都知多人啊！睇下門口，見到咁多人，的確會有點怕！但唔洗擔心，其實我等隊都係等咗10-15分鐘渣，可能食車仔麵好快食完喇！新鋪比起舊鋪坐得舒服d，而舊鋪就有風味d，至於各位鐘意邊間多d呢就要試過先知喇！我就鐘意新鋪多d喇！店入面坐位唔算係寬闊，但環境衛生整齊、小小嘅位置有齊調味料、放得曬食物，所以都可以接受！車仔麵配料都幾多！價錢正常！麵底都好多，呢個都係我鐘情於文記嘅其中一個原因！菜單後面有單點嘅野食，同飲品！飲品仲有d係自制咖！我比較中意試自制飲品，個人比較鐘意羅漢果龍眼茶同埋豆漿！呢個係我今次點左嘅野食！羅漢果龍眼茶雖然比較少龍眼味，但因為唔係太甜、又清熱所以成日都會簡！呢個係友人嗌嘅車仔麵配料。麵入面最鐘意係佢嘅腩汁湯底，加埋佢嘅辣醬！然後我

一個充滿童件回憶既地方。以前係深水埗讀書, 成日係呢頭食飯。今日重遊舊地，見到呢間車仔麵開左分店，人龍亦好長。但都難忍我想食既衝動。 新裝修幾有香港風味，個落單牌好特別，幾環保，好似白板咁。落完單就擦走佢。好特別我叫左　八爪魚腐皮卷同魚皮餃，配辣汁（微辣）。個湯幾入濃郁，少少辣，幾惹味。而八爪魚腐皮卷就幾好食，入面有一粒粒既八爪魚粒，幾有咬感。魚皮餃就普通，ＯＫ既而我朋友就叫左　鮮蝦腐皮卷同手打魚肉，配辣汁（中辣）。呢個個湯好有驚喜，好入味　鮮蝦腐皮卷，蝦味十足，好食！！手打魚肉，我覺得有Ｄ腥，朋友就覺得ＯＫ，仲覺得好食，所以好因人而異，整體ＯＫ整體：湯好入味，麵質有少少硬，份量都夠，滿足價錢都抵，呢度每人都係＄２７同以前既味道都差唔多，係人多左Ｄ，坐得迫少少，如果空間大Ｄ就會好Ｄ。下次係深水埗會再去不過要早Ｄ

每逢經過這街，文記車仔麵定必大排長龍舊文記、新文記，一副請君入甕的格局但無奈人龍川流不息，不敢入內難得今日人少，等了10mins新文記，裝修企理，光線充足，有點日式味道那個醒目環保點菜牌，任君採摘店內十大美食，只嚐了其中一二，倒也滿足了等了5mins，食物端上來，那個湯底很濃，不似是否有味精 (到現在重未分得出?)，但真係一飲再飲食材新鮮，一圓味蕾心願雖聞深水埗美食眾多，倒有不少經濟實惠，貨真價實文記得以屹立不倒多年，自有其一家派別，用心做得好，香港車仔麵將來在世界美食舞台當有一席之地下次人少少，再嚐舊文記風味