文華咖啡冰廳 (已結業)

不去新發，也會來這裡，因為這裡也有蛋糕麵包新鮮出爐，還有多一個賣點，就是佢夠「舊」。頭頂轉轉的牛角扇，功效不太好的抽油煙裝置，直角卡位等等，也都是這裡的增值位。次次來這裡，也是在辦某一類事情。下午四時，驕陽似火，還是找一處地方喝杯咖啡，吃件餅較化算。麵包櫃內，選擇不多，就隨便選了卷蛋及合桃蛋糕，來襯托一杯「溶」一點的咖啡。卷蛋奶油不夠多，蛋糕卻也幾鬆軟。另外一邊，因為合桃水準不濟，是「益」的，大大影響食趣。咖啡是茶檔水準，夠苦夠力。懶懶的坐著，看一眾上了年紀的食客在討論金融股市及時市，時間很快便過。埋單22蚊，繼續上路。

再一次尋找冰室的故事,今次故事主人翁,到紅墈寶其利街"文華冰廳".樓底高,光線猛,典型舊式冰室格,買份報紙入去馬經送奶茶,典型到極的麻甩格.只見四周食客,大多是中年男子或長者,一杯啡茶,一個菠蘿包,一個早上.其奶茶不夠濃,亦不夠滑.$2一個菠蘿包,面頭包皮鬆化,包身反而沒甚味道.早餐$17,凍飲加三皮,外面大多加$2,難道這處的凍飲,比熱飲更好聲譽?我們也還不自在一個幾毫,但對老一輩的人來說,一蚊大過天.有必要減至與市場掛勾,才算合理吧.

應該係紅磡區最耐茶餐廳，一切都很古舊包括人和物。早餐時份，大部份人都係嘆報紙，無人趕住返工。叫個早餐有餐肉煎蛋、沙爹牛肉麵同奶茶。餐肉唔係用靚，質感略差。沙爹牛肉唔錯，無落梳打粉，麵質都幾好。不過杯奶茶就差D，好「鞋」。舊式茶餐廳，人倩味濃，伙計可以做緊同時又坐度食，伙計同食客打成一片都好難分。

我鍾意佢個懷舊feel,牆上仲係當年既平果綠漆油,極似我以前住過既"戰後樓"裝修.佢地好似仲係自已焗面包,餅盒係舊款好吸引^o^不過有樣野幾不滿,就係睇到佢地用微波爐"叮"d炒面俾人食>_< 真係要扣分呀....

今天乘著假期part-time賺點外快, 工作前先到這裡吃個早+午餐.特別喜歡舊式食肆, 因為已經愈來愈少了...來到茶餐廳, 當然又是例牌特餐...到底一間沒有特餐的茶餐廳, 還能算是間茶餐廳嗎? 可恨現在有些"茶餐廳"真的已沒有特餐了...沙爹牛肉麵+火腿奄列+牛油方飽+茶走=$18(這裡涷飲可是加$3的). 立即聽到開鑊做奄列的"滋滋聲". 火腿奄列蛋已全然是蛋餅, 牛油方飽是軟軟的, 沙爹牛肉麵不過不失, 簡而言之, 這是一個傳統的特餐.聽到阿姐提起鮮油多($5), 想起來這邊的機會不多, 便又要了一份. 上桌時多士是剛烘起, 又熱又脆, 夾著兩塊四方形加起來略少於十元紙幣的鮮油, 看著鮮油呈半溶化狀, 一咬下去, 壓力令鮮油溶得更快, 滲進多士內......還能不佩服香港的茶餐廳文化嗎?阿姐一直保持有禮, 動作勤快利落, 雖不至熱情如火(那倒會讓人吃不消...), 室內卻飄蕩著一股淡淡的人情味...

捉o左母親大人出o黎食早餐。呢間老茶位於紅磡舊區，格局如「美都」，但味道未至於「美都」翻版；如果唔係巴士改道，相信佢比依家仲冷清。叫o左合桃牛油蛋糕、卷蛋同熱啡2 杯。合桃牛油蛋糕較窄身，唔係好重牛油味，合桃亦都無「益」，中規中矩。卷蛋係肥大（東海堂雜果卷size）、多圈、多cream（唔係厚cream ）版，銷得好快：o係我坐底45 分鐘內已銷o左2 條（唔係2 件，係2 大條）。靚姐見我母親大人對煙敏感，幫我o地搬位搬完一次又一次，好。唯一可惜既係，咖啡比較水，仲係ready-made o個隻。

二十蚊一個豬扒飯又真係幾抵食,豬扒肉質幾硬下,而個洋蔥汁就幾好,洋蔥亦唔係太多"刺激",可以入口,志在飽肚可以一試,但凍飲要加$3就太過令人反感.

30-10-2005 1523不過硬左少少囉。與MC小姐係P記打完羽毛波後，行過去食個午飯/tea，佢就點了腿蛋治烘底加熱檸樂加薑，而我就要了豉油豬扒飯加凍檸樂。佢話檸樂唔夠熱，反而我杯凍既不錯，原因係可樂係用枝裝，夠曬氣。反觀豬扒就硬左些少，豉油的甜味挺特別，飯就一粒粒得來唔算硬正。埋單廿幾蚊，不算便宜，但作為餐廳文化的遊歷都可以一來，不過埋邊空置的地方似乎浪費左。

早前午飯時間經過見倒呢間舊式茶餐廳，最鐘意就係去啲有咁舊得咁舊的茶餐廳，好想搵日試下，１０日前終於去試一試。午飯時間，又唔係好餓，所以叫了最愛的午餐，有沙爹牛肉麵、牛油方包、香腸煎蛋同熱檸茶。碗牛肉麵都唔算細，都幾好味，唔知點解放耐咗都唔腍仲好爽口，幾好；香腸煎蛋熱辣辣，係傳統用好多油來煎果隻，可能就係呢個原因覺得特別好味；杯茶都不過不失啦，埋單＄１８。見其他人好多都叫飯食，佢啲飯係用載通粉果隻碟上的，個ｓｉｚｅ又唔係幾大，啱晒午飯，諗住下次一定要試下飯餐。今日去幫襯食飯，叫咗個咖哩薯仔雞翼飯，加飲品一杯，好抵，＄２０。個咖哩汁好夠味，辣度啱啱好，薯仔又夠多同夠晒腍，啱晒鐘意食薯仔的我。雞方面係用雪藏雞全翼斬件再炸先煮汁，本人較喜歡滑雞多啲，所以就只係覺得呢方面麻麻地啦。我覺得＄２０已經超出咗水準喇，起碼佢啲咖哩唔似快餐店果啲成層油浮晒響面啦。不過原來個飯好大架都，我都食唔晒就飽晒喇。另外我朋友叫咗生炒牛肉飯，係即炒架，熱辣辣咁，質素就普通啦，不過都好夠料同炒得幾香下，一樣都係連嘢飲＄２０，真係抵。得閒再去試下其他嘢。

睇完食評今日去試o左豉油豬排飯，朋友就要午餐A。豬排一般啦，我嫌佢"乾"o左少少，但係就好鍾意個飯d豉油甜甜o地，好啱"送"飯。朋友要o既午餐出乎意料地，個餐飽好好味！义燒意粉得好少义燒，多番dd就更好o勒！

呢度既午餐以豬扒為主1) 鮮茄豬2) 洋蔥豬3) 豉油豬款款都試過, 最愛都係豉油豬加蛋多豉油！！！

記住多豉油啊~

拆禮物日仲有點手尾要做，晨咁早已經出動去了紅磡。以為晨早八點咁早會無咩人，點知又係周街都係人，好多食肆都已開門做生意，隱約覺得好有生氣，希望05年會是越來越旺的一年。周圍搵早餐吃，有檔吃粥的唔係幾對路，見呢度個樣夠晒歷史，就到了這裡飲奶茶。基本上覺得，其實每一個老區，也有一間有番咁上下年紀的港式茶餐廳，好似白宮、祥利、星座、美都等。今朝來到，人客一點不在少數，我一個人也要行左個幾圈至搵到位。叫個最基本的早餐A，腰通加煎腸蛋，例牌茶走。份量足夠，吃完很滿足。埋單好似係18蚊﹝定係16蚊，唔記得﹞，覺得如吃早餐，與其去左右隔離的茶記，不如試試這裡。

係好耐以前就好食.以前佢唔賣飯連公仔麵都冇.只有意粉,通粉,麵包奶茶真係一流以前下午茶我都會去食佢新鮮出盧蛋撻...好味..(以前)

$18就有個經濟客飯,有魚香茄子,椒鹽骨....基本茶餐廳有o既佢都有水平同永利果d o既茶餐廳差唔多,真係抵食