文華咖啡冰廳 (已結業)

捉o左母親大人出o黎食早餐。呢間老茶位於紅磡舊區，格局如「美都」，但味道未至於「美都」翻版；如果唔係巴士改道，相信佢比依家仲冷清。叫o左合桃牛油蛋糕、卷蛋同熱啡2 杯。合桃牛油蛋糕較窄身，唔係好重牛油味，合桃亦都無「益」，中規中矩。卷蛋係肥大（東海堂雜果卷size）、多圈、多cream（唔係厚cream ）版，銷得好快：o係我坐底45 分鐘內已銷o左2 條（唔係2 件，係2 大條）。靚姐見我母親大人對煙敏感，幫我o地搬位搬完一次又一次，好。唯一可惜既係，咖啡比較水，仲係ready-made o個隻。