敏華冰廳 (新都會廣場)

营业中

休息中

入正題喇 今日中午 大約一點鐘左右啦 見到排到好長龍 一於自己排埋一份 不過 都要等咗20分鐘先入到去 首先坐低 自助點餐機 即係自己落單 好啦 今天 午餐 不想食飯的我 點咗 兩隻蛋撻 1個餐蛋治一杯凍奶茶 攞起部手機 突然好有興趣咁㩒入咗openrice 睇一睇 葵芳呢間文華冰廳 😁😁😁連鎖 店 反應…… 咁啲評語有好有唔好啦 其中一篇講( 多士 發霉)都畀客人食😓😓😓 喺我啱啱買咗件三文治會唔會 濑嘢 㗎 🤤🤤🤤🤤蛋撻到咗 想攞支叉 嚟食， 嘩啲叉咁污糟嘅 好多積未抹乾淨 在望一望擺餐具個 拉櫃桶 實在 太多塵喇 唔緊要啦我用手食都得嘅 …… 凍奶茶又嚟埋啦 竟然個 著住白色衫 幾大隻 嘅四眼 仔🤓🤓漏咗畀飲管， 算啦食都係食個名啫 依家要求唔可以咁多㗎喇 下次等我心情好啲先嚟啦

懷舊冰廳文化熱潮近年再度興起。文華冰廳一口氣開左好多間分店。九龍灣總店長期排長龍。今次黎新開嘅分店試左佢地嘅tea set 。下午茶餐同普通常餐無異。大大份好飽肚。五香肉丁麵+炒滑蛋 +厚多士。餐飲熱檸茶。厚多士唔夠熱。好似放左好耐咁。硬繃繃唔軟熟。唔好食。炒滑蛋好香濃雞蛋味。生熟剛好。炒得好滑漏又熱辣辣。好味。五香肉丁麵辣度適中。五香肉丁唔會過多肥膏。唔會有肉腥味。麵質不錯。軟硬度剛好唔會過淋。湯底亦冇過鹹。好味。熱檸茶係好飲嘅。茶底香而唔澀口係好重要。而且檸檬亦冇帶有苦澀。

一直都好鍾意食茶記冰室野呢間文華由開張到依家每次經過都好多人排隊！！究竟係咪真係咁好味呢？-叉燒湯米粉拼雙腸炒蛋牛油多士 叉燒有5塊 不過賣相就唔多掂🤨白曬曬咁 味道正常都幾有肉味 但其實普普通通！米粉係我鍾意個款口感😋唔錯👍🏻湯底無乜味😕腸仔係廚師腸 炒蛋份量算多炒得幾香滑 但就係炒得有啲油膩😣多士好厚 好軟熟 但烘得唔夠脆！整體比較一般-菠蘿油 麵包好鬆軟🤤菠蘿皮好脆！外脆內軟 趁熱食 加埋塊厚厚既牛油 好邪惡$10黎講值得一試！蛋撻 蛋好嫩滑 蛋香十足～酥皮都好鬆化 新鮮出爐熱辣辣 正-凍奶茶凍咖啡方面都好大杯而且奶茶係茶味重過奶味 飲落去都幾滑🤤同大興係一樣的！-唔洗排隊都值得一試！但要排隊就唔太值得 味道比較一般無太大特別 我係有少少失望的 因為對文華都幾大期望

喺附近返工，發現早前喺度開左文華冰廳，好似幾出名，但行親去都勁多人喺外面排隊，其實點解唔設攞飛制呢？唔通要比人睇到佢多客？🤪入座後發現原來落單唔係叫侍應落，見到枱面有部tablet📲，係用黎落單嘅，一步一步跟住指示㩒就可以✅，我今次點左常餐，沙嗲牛肉🐮米粉，配厚多士🍞雙腸炒蛋🥚，熱檸蜜🍋。佢都幾貼心可以比你選擇米粉要爽口定林D，蛋要荷包蛋炒蛋全熟蛋等等，仲有熱檸蜜唔洗額外加錢，如果凍飲就加三蚊💰💰💰！呢個餐其實幾飽，我覺得一個普通女仔💁🏻‍♀️應該會食唔曬，塊厚多士好厚，烘左之後搽埋牛油我個人認為好好味，好香！炒蛋算幾滑唔會鞋，但略嫌個沙嗲牛肉米個湯有少少傑，有d似汁咁樣，可能有d人會喜歡💕整體而言，下次如果撞啱無咁多人排隊會再黎，見到人地叫豬扒飯🐷同佢招牌銷魂飯好似唔錯，可以黎試下🙋🏻‍♀️！

與媽逛遊葵芳新都會商場，走著走著想要找個地方竭腳一會，便到能給媽媽喝凍奶茶的文華冰廳去。點了個三叔公吤咉多士，雖然不知道是不是三叔公所做，但一送來就馬上被厚厚夾在裡面的牛油所吸引著。外皮金黃色的脆面，配上裡面香滑濃郁的牛油&吤咉醬，很好吃😋！不過份量可以多一點就好了～坐著坐著，不時聽到有廣播說：「熱騰騰的XXX新鮮出爐了，快點點來品嚐一下。」，然後聽到有蛋撻新鮮出爐，所以就點了兩個試試看～首先，個人本來就喜歡曲奇蛋撻，所以它這個酥皮蛋撻雖然熱乎乎的，但還是沒有中到我的心，個人覺得蛋不夠香，皮略微油了點～但我媽卻完全收貨哈哈😄

今天幫襯完，一世不會再去叫餐時，有一個帶晦氣的女員工放下電子點餐機，説：你自己下單！第一次去幫襯o哂咀，竟然見到一個禮貌欠佳到一個頂點的女員工😑因點單程序有點笨關係，我真的不想浪費時間，叫她落單，她更不耐煩甘落單！可笑地 她自己落錯單，天呀！咩人來！員工送餐慢，要客人提示漏左的食物是什麼。我的老人家等到呆左了！我只好再催促，可是仍然慢慢慢⋯⋯浪費了我們的時間食物一般，太陽蛋好多油，多士像白麵包，真的不會再去😡

文華門口時時都排長龍，可能自從近幾年商場翻新，好久以前大快活消失，係新都會入面好少有依類嘅特餐加快餐。雖然条隊長，不過每枱客轉得算快，大約等15-20分鐘，還可接受。因為餐廳好生意，所以不斷都有新鮮出爐嘅麵包。餐廳其中一個牆上裝左個電子標版，客人能夠知道不同麵包出爐嘅時間。响依道我曾經試過早餐同下午嘅黯然銷魂飯。對於麵包質素，真係非常好。多士脆又厚，配炒蛋係天作之合👍🏻新鮮出爐嘅菠蘿包，更加係冇得輸之作💪🏻火腿通粉湯底係用忌廉雞湯，只覺得普通吧🙄提到黯然銷魂飯就有些失望😞义燒真係比d豉油浸死，仲要燒得極黑😰食神見到都唔精神👎🏻個人認為食早餐就穩陣，或叫麵包嘆茶就幾好。其他就諗清楚先至好入去幫襯🙄

有次經過新都會廣場，無意中發覺開左間新野，門口位置又有麵包攞，仲要係經典的波蘿包，脆皮叉燒包。 之前每次行過，都見到好多人排隊，心諗一定好好食。 終於比我試到了脆皮叉燒包 $13/2個黯然銷魂飯餐 $60厚切叉燒好夠味 夠軟，仲有2雙煎糖心蛋陪襯，這是香港食物的經典。原味奶茶

之前見到九龍灣開左，次次去都排長龍，今次黎到葵芳呢間無人等就即刻入左去試! 叫左我最鐘意食既常餐A2，佢呢到寫既係沙茶牛肉，唔係一般既沙嗲牛，究竟有咩唔同呢？! 原來都係同一樣野! 可能我唔係好識分沙茶同沙嗲，所以我覺得差唔多味，牛肉好入味，唔算落得太多粉"那"過佢, 好香花生味，麵質適中，反而最出色係奶茶同多士炒蛋，蛋嫩，厚多士好新鮮軟熟 $50 食到高質常餐，會再去 。

吃了一份發霉鮮油多，好嬲我同個經理講，佢淨係攞走份多士，咩都無講好耐都唔返嚟，我再叫佢過黎，佢唔話已經check過其他麵包冇問題，淨係我哋份多士有問題，我覺得佢嘅回覆實在太離譜

平時經過了但也未曾食了，今天第一次食，場面很多人食,味道真係好味，價錢都okay，服務員態度非常好。職員理解客人嘅。但也部機入菜單時有啲頭痛，遲吓有手機入單最方便！

週日老婆問去邊食晏我就提議食文華，唔係文華東方酒店，係「文華冰室」至真，嘻嘻！黎到文華門只係正午一點，條人龍有十幾人咁長，等左約十分鐘就有位，我柯打左兩碗「黯然銷魂飯」即係叉燒煎雙太陽蛋飯！將星爺「食神」電影橋段入面的食品帶回現實，係咪真係咁把炮？碗飯賣相唔錯，文華秘制叉燒好大舊，同燒味鋪一塊塊叉燒好唔同，一啖咬落去居然冇令家燕姐流眼淚的洋蔥味，豬肉用左「半肥瘦」梅頭肉，脂肪同肌肉比例岩岩好，有𡁻頭，絕對係誠意之作！一篤穿隻太陽蛋，入面嘅蛋黃汁慢慢流入個甜豉油飯度，令到瘦長的絲苗米更綿滑。倒覺得文華呢碗黯然銷魂飯味更似情與義值千金的「雞姐」對潦倒的史提芬周施以「一飯之恩」果碗叉燒蛋飯。將電影入要經典食品帶回現實令人份外親切，畢竟「星爺」的電影絕對係港人集體回憶！呢度仲有懷舊特飲鮮奶溝忌廉，值得一試，難怪咁多人扶老攜幼排曬長龍都要黎幫襯。

相信好多人都睇過「食神」呢部電影，今日專登泥試食呢個*黯然銷魂飯*。先講排隊等位個人泥講真係唔係好鐘意唔拿號碼企係到唔可以走開呢種呆等，晚市基本見到就唔想排，所以今日seafood痕排一下午市。主菜黯然銷魂飯是厚切叉燒加隻蛋蛋ok有蛋汁味道都似家常菜黯然叉燒表現就相對黯然，喜歡食柴一點既我還可以。有燒香過既味道，鼓油汁有調味過類似蔥油味都不錯奶茶是雪凍個種不加冰，口感是香滑「常餐叉燒意」相比較黯然叉燒是有段非常遠距離。如果喜歡吃更柴口味既朋友可以一試。擺碟方面相對有心思，從擺碟呢方面可睇得出廚師相當有heart，個大字差點比佢大到。炒蛋口感幼滑，常餐整體表現平穩

新開成日排長龍，終於抽時間去試到，大部分野都ok，但個菠蘿包就真係麻麻喇。菠蘿皮同包分開晒，鮮油又放得開，所以咬落去全部都好似分開晒咁。希望啲包會整得再好啲。下次會再試多次

聽說葵芳新開一間新冰室，查看一下，原來是文華冰廳。文華冰廳在香港都有數間分店，不過這次是我第一次嘗試，不知味道如何。來到新都會廣場之後，文華冰廳都算容易找到，在地下巴士站對出的旁邊，即Log-on隔壁。我和我媽打算試一下文華的下午茶，所以在1:30左右已經到了。一走到去文華門口，被門前的人龍嚇一嚇，門前有一條等候區，1:30已經有大約十數人在等候，還是平日添！是真的太受歡迎？等到2點左右，終於有位置了，剛剛好等到下午茶的時段。看看有什麼下午茶餐吧！有點肚餓的關係，選了一個較大份的茶餐 T7－五香肉丁公仔面拼炒蛋牛油多士先來了多士和炒蛋，賣相不錯。多士來到的時候，保持熱騰騰的。搽上牛油後一咬，果然不錯，多士鬆化熱口，還帶點脆脆的感覺，加上牛油香味，這塊多士絕對比街外的較好！至於炒蛋，炒得有點水水，食落不覺太有味道，應該真是純炒蛋，沒有加任何調味料吧，淡淡的要另外再落一些鹽再有味道。接著再來五香肉丁面，乍看來與街外的沒大分別，食起上來五香肉丁還比出面的更為差，肉質很銀，食完絕對要用牙籤打理一下。最後叫了杯熱檸蜜，相對較甜，可能落多了蜜糖吧。有趣的是，他有一塊告示版告訴大家出爐時間。個人感覺