敏華冰廳 (新都會廣場)

营业中

休息中

今日沒有帶飯，於是就跟同事去吃午飯。有一間茶餐廳在公司商場開了一段時間，一直都沒有去過。因為每次經過都大排長龍，今天時間尚早，所以同事便提議去這間茶餐廳吃午飯。等了十至十五分鍾便可入座，職員安排我們坐卡座。餐牌選擇好像有很多，但其實來來去去都是港式的食品。例如雞蛋，腸仔，火腿通粉，五香肉丁及牛肉米粉公仔麵類似的食物。另外，原來想吃飯也要等到正正十二點才可點。無辦法，唯有點個早餐吧，十二點前都可點早餐。我點了一個沙茶牛肉米粉跟炒蛋牛油厚多士，配凍奶茶。先來的是炒蛋牛油厚多士，厚多士烤得不夠香不夠脆，牛油是按自己的份量搽上，炒蛋是很香，好食的。沙茶牛肉米粉湯是濃，很重沙茶醬味道，牛肉及米粉份量都偏少，可能是早餐吧。味道還可以，像平日去開的普通茶餐廳。凍奶茶應該是一早做好，然後放雪櫃，所以杯裡沒有冰，份量就自然比其他餐廳多一點，但我覺得一點也不好喝。茶很苦澀，不是香濃到苦澀的味道，而是茶膽不好，是沖到最後一轉的味道，好難飲。賣相是不錯，看到很滑，但味道有點強差人意。由於份量不多的關係，於是我提議點兩個菠蘿油。菠蘿包都大個，牛油很厚，皮很脆，入口很香。我覺得是好吃的，但價錢就貴了一點點。這間餐

呢間開左一排今天第一次幫襯見唔太多人排隊排左10分鐘可安排入坐剛剛2點有下午茶叫左炸菜肉絲雞亦米一個五香肉丁米配炒旦多士（呢個抵食）兩個都係$37 凍飲加$3 奶茶/咖啡都冇冰我們再叫多個雞尾包同菠蘿包味道幾好Overall 食物ok 環境同service ok wor D姐姐幾有禮貌多謝先多謝後

等左15分鐘左右先入去食，新都會唯一一間茶餐廳，叫左雜扒飯同叉燒湯意粉，份量都唔少，最印象深刻係，個叉燒湯意粉嘅5片叉燒砌成一朵花，忍唔住影底左，好有創意，但味道同肉質一般，雜扒配搭略為求其，豬扒餐肉加腸仔，豬扒味道都唔錯

葵芳新都會入面最近有間冰室，經常都大排長龍！今日就去朝聖下，睇下點解咁多人先！lunchtime門外一大條長龍，要等大約十台到，不過又等得幾快喎，大約十五分鐘到就入得。入到去望下人地食咩，見到好多人都叫左暗然銷魂飯，而我就叫左個常餐。正所謂，連普通野都整得好食既話，咁其他野都一定好食。第一次食黎講，梗係試下常餐先啦！常餐既配搭分量都幾多下，一塊厚多士，配雙腸同炒蛋，對厚多士期望都幾高，因為見到冰室入面有工場，不斷有師傅新鮮出爐。多士果然無令我失望，好軟熟，暖笠笠，好有誠意既多士。腸仔係廚師腸，唔係雜嘜大陸腸，夠晒有香港風味。再配沙茶牛肉公仔麵，味道好濃好夠味，不過略嫌咸左少少，我個人黎講，都係鐘意沙嗲牛肉麵多d！另外每日定時都會面包蛋撻新鮮出爐，最衰食飽左，唔係下次一定要買黎試下！

每次經開始依度都好多人排隊， 而每次心諗有冇咁好食呀 使唔使咁多人排呀今日有少少病病哋， 冇乜胃口就是但食下囉還掂都係茶餐廳黎ge , 點知又唔係排咗好耐咋喎排咗15分鐘就可以入去啦。都係咁啦，眼見枱枱都係食嗰個暗然銷魂飯當然我都唔例外啦將啲雞蛋撈好食咗第一啖之後我覺得自己即刻變咗 薛家燕同時間亦都諗起 周星馳呢個飯成60蚊真係好貴但係真係估佢唔到囉堅好食特別係個肥叉燒再撈埋隻蛋簡直係perfect 唔錯唔錯我終於明白點解咁多人排隊

其實我都想坐低慢慢食一個早餐，但係每次想食嘅時候都大排長龍，唯有打電話叫外賣，但係每一次叫完外賣，其實都要睇睇嗰個牛油放係邊，我發覺聰明嘅廚房好鍾意將個牛油放喺個熱通粉上邊，當我返到去準備食早餐嘅時候就會發覺個牛油已經溶晒，我想查個麵包都難，但係文華冰室個麵包冇牛油係可以用難食來形容。另外，杯阿華田都大失水準，淡而無味，我打電話返去同佢講，佢淨係同我講咁你想點，一間餐廳知自己有問題理應係應該要送返一杯俾我，而唔係問我想點，我真係對呢間餐廳好失望！

平時午飯時間，必定門口會有十幾人排隊，不設攞飛，而且要人齊才可以被安排入座。食物：黯然銷魂飯 - 肥瘦叉燒適中，蛋黃流出，配飯一流。夠薑豬潤牛肉湯通粉配炒蛋牛油厚多士 - 鍾意食豬潤湯的話，一定要試，真係夠薑，食完個人即刻暖咗。豬膶同牛肉嘅份量都好多。蔥油豬扒煎雙蛋飯 - 蔥油豬扒好正服務💁🏻‍♀️：侍應態度服務可以。環境：枱與枱之間的距離很近。繁忙時間需要搭枱。泊車🅿️：直頭可以泊新都會廣場個停車場。總結：整體都好味，值得一試。

每朝早餐，怎少得一杯美味的熱奶茶？所以真係比較少幫襯西式餐廳。偶然路過，見到呢度開咗間冰廳，今時今日冰廳真係成行成市，有真有假，其實說穿了，都係茶餐廳啫！不過為咗杯奶茶☕️，都係去試吓啦。點知試試吓，成為我嘅飯堂。早餐價錢平貴悉隨尊便，簡簡單單一個榨菜肉絲米粉，盛惠$29有埋飲品。但係我最鍾意，都係忌廉雞湯底嘅火腿通粉配炒蛋厚多士，加埋杯茶走真係一流！佢仲會定期出爐新鮮麵包蛋撻，見到啲麵包脹卜卜，都會忍唔住買一個外賣走。朝頭早好多人幫襯，門口直頭有條隊排着等入去，不過勝在佢餐廳地方夠大，食早餐流轉又夠快，好多時都唔駛等好耐就有得食。值得推薦！👍🏻

👉🏻敏華冰室🥧 最近葵芳開咗間冰室，日日見有人排隊，🐷決定買佢既「馳名酥皮蛋撻」，一試果然有驚喜🥺🤭酥脆外皮，應該用咗豬油，但唔會油到成手都係🥺🥺 蛋汁滿而香，甜度適中！高汁之選💕🤩🤩🐷🦁溫馨提示： 如想食新鮮出爐既 可以留意佢後面有牌 寫幾時出新一底🖖🏻👀

係新都會廣場經過親都知呢度有間敏華冰廳,無論食晏定晚飯時間都會見到好多人係門口排隊,今日見唔係太多人就去食啦,黯然銷魂飯係敏華既招牌,一定要試啦,另外仲叫左個超級雜扒飯,黯然銷魂飯一黎到已經好吸引啦,兩隻流心蛋舖係肥美既叉燒上面,餐牌教係督穿兩隻蛋,等蛋汁同埋醬油一齊撈均啲飯一齊食,平時食叉燒飯最驚就係飯唔夠汁,叉燒又乾,但呢度就唔會有呢個問題,啲飯撈埋汁食又唔會過淋,叉燒亦都燒得夠香,而且肥瘦適中,配埋飯食真係好夾呀。而個超級雜扒飯都好足料,有雞扒,豬扒,腸仔,餐肉,凈係睇張相就知份量多過啲飯幾多啦,男仔都夠食呀!

葵芳人都應該知道哩間前身叫文華的餐廳飯市時間都一定大排長龍 ! 今日5:50 去到, 可能因為時間未到晚市又差唔多完茶餐時間, 所以竟然冇人排. 直入, 而且2個人仲安排坐了4人的卡位. 但坐低冇耐就已經有人龍了......茶餐時段為 2-6. 我點了個脆皮雞中翼 (3隻) $34另外仲叫左個他們推介的夠薑豬膶牛肉湯米粉拼炒蛋牛油厚多士. 平時食開湖北蛋的我, 太耐冇食過咁香的蛋啦. 真系好想知道系乜野蛋 黯然銷魂飯係咪星爺d friend 呢? 除了個炒蛋同牛油厚多士外, 其他食物唔覺得有什麼特別之處. 點解會有咁多人排隊架呢?

今日同女友係葵芳睇戲，經過見到敏華冰室，就諗住買個包食吓……企咗係包櫃面右邊，見有部收銀機，咪埋去同個收銀四眼嬸嬸講唔該要2個叉燒包，佢背住我應都唔應一句，繼續係度數錢，而夾緊包嗰個女子又唔應人……企咗一陣，收銀個四眼嬸嬸轉身問，我咪又講話唔該要2包叉燒包囉，佢一句撻埋嚟話，嗰邊比錢買(手指向佢嘅右面)，我心諗……你貴公司牌都無整個出嚟，我點知邊度比錢呢？我望完佢一望之後個夾包女子就話等等呀……$13/2個，酥皮叉燒包，真係不知所謂，係個櫃裡面，唔係熱都應該係暖啩，攞出嚟咬，就連基本嘅暖，都唔覺得有，仲大大隻燈牌字……“現場烘焙”，熄咗佢啦，咪笑大人哋個口……咁嘅質素，我諗我唔會再幫襯囉……

來到葵芳見到人龍，即管試一試。菠蘿包去到6點就冇，見佢仲有2個，所以排緊隊時都買定一個，驚坐低後賣晒。但店員手腳真係好慢，買個包買完都已經排完隊，入得去食⋯個包同出面既菠蘿麵包有d唔同，人　有奶黃香，但唔算特別鬆化。黯然銷魂飯，即係叉燒煎蛋飯，叉燒係有lon邊，醬汁好濃，味道偏甜。超大雞扒飯，其實雞扒唔係太大塊，味道唔特別，最慘係等左20分鐘先有得食，真係唔可以接受！飯質仲要好爛，以為自己食緊糯米咁⋯⋯完全係一pat pat!!!!!!!好難食！！👎🏻👎🏻👎🏻👎🏻👎🏻👎🏻👎🏻👎🏻呢間野店員質素唔好，食物素質唔見好，所以可一不可再。

從前的「文華」換成今天的「敏華」，從來不變的只有出面長長的人龍。之所以早餐都咁多人排隊，皆因挾著葵芳第一沙牛麵的芳名。呢間敏華以「冰廳」自居，自然係賣本土懷舊，門面有住七、八十年代港式茶餐廳陳設，自然吸引不少「港豬」（包括在下）排隊幫襯。沙茶牛肉公仔麵 拼 炒蛋厚多士 （$35）沙茶牛肉好香，個味精湯但確實好飲，淡淡的沙茶有種獨特甜味，同片薄片牛肉配合得天衣無縫，的確係全葵芳最好。炒蛋炒得很滑，厚多士夠厚，但略嫌炒蛋太多油，如果少返d油健康d就更好。$35蚊食到咁高質素早餐，難怪日日大排長龍啦！凍奶茶要加$3，保持太興奶茶的水準，整體來說非常滿意。

新都會廣場人氣食店， 招牌的黯然銷魂飯， 飯好硬. 應該係蒸唔熟. 叉燒好肥， 味道都太甜.完全失望. 唔明點叫好食. 我係買外賣的. 唔明點解門口永遠有人排長隊.希望只係一次半次的失準啦！