敏華冰廳 (新都會廣場)

营业中

休息中

前幾日經過葵涌睇完戲後，想在新都會廣場搵間餐廳食晚食，找了一找，見到地下的那一層有一間文華凍廳排了一條人龍。見到人龍都應該有點名氣，所以決定走去排隊試。等了十五分鐘終於可以入內。看了一看餐牌，見它的"黯然銷魂飯"的名字十分趣怪，又是店內主力推介，就立即點了一個試試，及另外也點了一個超級雜扒飯。先講講那個名字霸氣的"黯然銷魂飯"味道如何。飯內的叉燒真的份量十足，同時肉質多汁及軟身，食時沒有"柴皮"的感覺，叉燒內的脂肪不會太肥也不會太瘦，真心覺得幾好食。超級雜扒食也不差，內面有雞扒，豬扒，腸仔及餐肉。味道比其他港式冰廳的水平會高一點，尤其是午餐肉很好味。整體也幾滿意，特別要講的是價錢一點也不貴，絕對值得一食。

「文華冰廳」，經過新都會好多次都見好多人排隊，想試一次卻就唔到時間終於尋日經過，平日係好啲，唔駛點樣等就入到去坐底。睇左陣就點左1.常餐、2.超級雜扒飯、3.凍、熱奶茶各一。茶飲先到，奶味茶味配合得啱啱好，好飲過好多茶記呀跟手黎左個常餐，味道正正常常，係叉燒比較有驚喜，唔係隔夜燒味（富x茶餐廳果啲呢）超級雜扒飯！堅係超級！豬扒有肉汁、雞扒唔「鞋」、午餐肉同腸仔搭配一下，超級好味美中不足就係冇廚師腸囉，但都好味嘅，會再食

2019年1月2日，新一年打算食豐富啲既早餐，所以7點50分左右去到葵芳新都會文華。入到去見到有五六個位，揀左一個卡位坐低打算叫餐，服務生過黎問我可否坐另一邊單人位。。。拜託，我一個7個月孕婦這麼早來，坐單邊卡位有問題嗎？對面也是一個人而田，為何到我就不行呢？我就問這裡有位為何不給坐，她說坐那邊較好。我不想新一年就氣沖沖的享用早餐，所以扭頭就走了！去Euro gogo好過，雖然沒那麼豐富，但服務好太多了。葵芳這間文華的服務，算是讓我長見識了，要再去堂食？就算全葵芳只這一間餐廳，都真的敬謝不敏了！不過，之前外賣食物質素都不算差的，是有一點油，味道中等。在屯門和旺角堂食過，服務都不錯，繁忙時間單人坐卡位都沒問題。是不知道為何葵芳這間，在非繁忙時間也這麼離譜的帶位，真的失望！！！

這餐廳要排隊我知道，到達餐廳看見一個男人似排隊和不像排隊似的，我就走過去問女侍應，這男的是否在排隊，女侍應說是他是排隊的，叫我去排隊，這我就去排隊，她就叫了剛在排隊的男人入座。我是排第一個，然後有4個年青男仔人去問有無位，她竟然帶他們入去。我當然入去找她問點解我排隊你唔比我入，人地一到你就帶佢地入去，她竟然說見我唔到，我話係你叫我排隊，依家話睇我唔到，我唔係男仔所以睇我唔到呀！其實出面已經排長龍，係唔係後生仔有特權！！

之前呀爸呀媽一直對呢間文華冰廳讚口不絕常常光顧，還常常跟我說這間餐廳有質素由於我呀爸呀媽一話一間野好食就會每次岀親去葵芳就食呢間，今次見得閒就叫埋我岀去。蛋撻 $13/2坦白講如果唔好食真係好貴，佢的確係唔好食個酥皮唔夠有層次感，入面d蛋漿完全死實實，可能岀左爐好耐啦，因為我6:30先食黯然銷魂叉燒飯 $60 跟餐咁岀街係呢個時勢，仲大商場，60蚊一個餐叫做平啦，但如果論佢只係一間茶記，咁就完全唔抵食，又有一兩張海報係商場，但食落又係不外如是，一碗四舊叉燒，全部係瘦叉，我知120斤叉燒無可能120係半肥瘦叉or肥叉，但我叫兩碗八舊叉燒係一舊有肥膏都無，你憑咩叫自己做黯然銷魂叉燒飯，你瘦叉都做好d呀，你表面係脆呀，但入面可唔可以唔好咁乾。一定無下次，btw我呀爸呀媽都應該唔敢再同我食呢間餐廳，因為我全程都批評緊

聽說這家很出名，中午時間和老公，奶奶過來吃飯，外面排隊的人龍巨多，等了15分鐘才有台。點了招牌的黯然銷魂叉燒飯和雜扒飯，還有幾個包和蛋撻。忠實一點的評價就是，麵包和蛋撻都無功無過，正常口味，但是兩個飯就真的是讓人接受不到，賣相不像圖片那麼有食慾就算了，口味鹹到不行，連喝了幾杯水加餐飲都還是受不了～緊接著，我們還在吃著，也沒有說是特別慢，或者聊著天閒坐，同時我們也理解中午時段排隊的人多，已經加快了速度了，結果侍應還是過來催促，不然要塞多一個人過來搭台，這樣的服務態度真的是令我們愕然。另外，垃圾桶的推車就直接堂而皇之地在餐廳中間穿過，一點一點不顧及周圍還在用餐的客人的感受～還有，連續寫錯了幾張台的單到我們的台上，送錯一次，兩次，反覆送錯，侍應之間也只顧著聊天，根本不在用心做事。離開時外面還在排著長隊，不知道是不是商家覺得生意好，不愁沒有生意做，才用這樣的服務態度和食品來招呼客人，但如果一直以這樣的方式來做生意，遲早是不會再有人來光顧的了，至少我們以後不會再來！

在新都會商場竟然有長長的人龍，原來是排下午茶，環境是茶餐廳的裝修，餐廳餐牌都是香港茶餐廳特色食物，如菠蘿油、西多、杏箱，菠蘿油新鮮出爐、 熱辣辣、個菠蘿包皮好脆口，包身柔軟，入面塊牛油隨着包身嘅溫度而溶化，真係好正。加上佢配埋個滑蛋，個滑蛋唔洗講，又滑又香，仲有滿滿蛋汁，超級juicy ，另外個西多士裡面好軟熟，外面又炸到岩岩好，加埋糖漿，真係一流。值得一讚既就係個杯熱杏箱，雖然唔係好久仲意飲杏箱，但我就好仲意，可惜唔係間間都沖得好飲，但呢到沖到好濃郁，甜度適中。

同朋友係新都會等睇戲諗住搵d野食，但見到好多都係貴價西餐，行下行下見到文華冰廳好似幾抵食同埋食港式野，就入去試下啦!我就叫左佢最出名嘅黯然銷魂飯，其實姐係豉油叉燒煎蛋飯，連熱飲盛惠60大元，究竟係咪係咪真係值，定係純粹係勺頭？根據佢餐牌所講，佢用既叉燒係特級梅林豬肉，配上特製甜豉油，蔥油同埋煎蛋，而對比一下真實嘅樣貌荷包蛋有兩大隻，都叫煎得唔會過燶，有脆邊得黎保留到流心黃效果。至於甜豉油方面，其實同平時老抽撈生抽分別不大，蔥油就個人唔係好食到。至於主角叉燒方面，佢係有大概四五舊比平時叉燒大舊厚身，炭烤味重，外皮蜜糖均勻，肉質爽口得黎夠juicy，平心而論叉燒係屬於水準之上。飯就無咩特別。總括而言呢碗黯然銷魂飯叉燒表現出色，但其他配菜水準就一般，唔會失望亦冇太大驚喜，你話60蚊連飲品(單叫$48)呢個價錢值唔值就見人見智啦!

行過見唔使點排隊就入去試吓 ......點左個三叔公馬來咖吔多士，茶走 .....等左15分鐘，多士未黎，聽到菠蘿包新鮮出爐，咁就叫黎試吓啦！ 一黎菠蘿包，個多士又黎埋！ 咁梗係食多士先啦，咬落去點解唔係熱既，咁使咩等15分鐘呢 ........菠蘿包咬落去暖，脆卜卜，兩樣ok好味，如果個多士熱辣辣咁食會好味啲

呢間餐廳海報重點推介呢個飯，但每次都因為大排長龍而未能一試，今匀终於可以試吓。唔好以為係一般义燒蛋飯，首先賣相吸引，唔係求其撈埋一碟，义燒肥瘦均勻，煎蛋蛋白香脆，蛋黃流心，醬汁不太濃，飯香軟绵，不知覺食完成碟飯，果然名不虚傳!!

平時去葵芳都係係葵涌廣場掃街多，但見到開左文華就一於試下佢!! 平時見到文華都排晒長龍，今次見到條隊比較短，但都要排半個鐘左右先入得。文華有部機可以自己落單，唔使等侍應黎都好方便。叫左個常餐-沙茶牛肉公仔麵拼雙腸炒蛋牛油多士($50)，件多士係厚多士黎，烘得好脆呀。炒蛋好滑呀另外，沙茶牛肉麵味道比較淡，面條比較淋，如果硬返小小會好啲。如果有沙嗲牛肉麵就更加好，因為覺得沙嗲好味過沙茶。不過排隊時間有啲長，有啲唔值得!

呢間文華冰廳係葵芳唔算開左好耐好耐，但每一次經過葵芳，都有好多人排隊，大排長龍咁～好想知道究竟係咪咁好食😂終於今日唔洗返工，就可以試下佢個早餐😌出奇地今日係冇人排隊，所以好快就坐底左叫左個沙茶牛肉麵既早餐🙈沙茶牛肉麵個味還好既，但我就覺得麵底相對比較軟！仲要係我平時都係鐘意食軟既麵多過硬既。佢呢個早餐係配埋厚多士同炒蛋，個炒蛋都幾滑既～我就叫左凍奶茶飲🙆‍♀️呢個同平時茶餐廳唔同既係佢係正宗既凍奶茶，入面係冇冰塊，所以唔會因為冰塊溶左而影響佢個味道！不錯不錯👍🏼整體來說，我覺得呢間都還好既！但未去到要排隊咁誇張既😂😂

三人行早餐，👭😁☺️😉之前媽媽同妹妹經常黎，係常客仔今日終於可以同佢二個正人行黎食，原來二人同一人好快有位，👋👋三個人以上要等卡位，會耐少少，不過食物質素ok,服務唔差，但未稱得上叫好👋，所以都值得一試，我叫左個雞湯火退通粉，正，湯味濃，足料，🍴🍴🍴佢地二個一個叫炸菜肉湯米粉，一個叫沙嗲牛肉麵，雖然都係果D🤔🤔🤔🤔，但唔同一般餐廳，我地全部食晒，d味道好食，會再黎食，推薦👍🏻👍🏻👍🏻

今日經過呢間新開嘅文華冰廳，聽聞係太興集團旗下，出品應該有保證。但真係要等好耐。3點20分左右到門口，前面有大約兩三張枱等緊，企係度排隊排左差唔多廿分鐘先入座。其實太興集團咁大，其實應該可以用㩒飛或者app 等位，唔洗廿幾人企係商場排隊等位咁。入到去預左係搭枱，樓面唔算大。我3點47分落單， 叫左個炸菜肉絲雞翼公仔麵配涷檸茶。等到4點17分都未到，中間催左兩次，隔離枱都有同樣情況，可能太多單做唔切個炸菜肉絲麵都算唔錯， 麵質剛剛好，兩隻炸雞翼都幾好味，但係放係個湯會淋左，冇咁香口。涷檸茶，茶底都ok，唔算好甜整體黎講食物出品唔錯，但服務同出餐速度有待改善。

心血來潮想食菠蘿油，返工前打電話叫早餐外賣!14分叫，等咗15分鐘都未得! 事關一個菠蘿油熱奶茶，要搞幾耐?對上一次買外賣早餐，又係咁，一d 進步都無!仲要啱啱行出門口就比sir 抄牌! ok算啦，要來嘅始終都會來…5分鐘唔洗 返到office ，打開菠蘿油… 牛油溶咗… 皮唔脆，包唔熱…奶茶無味 d 人仲要排隊買? 我真系唔明…… 服務差，食物差，等待時間耐，完!不要再見，文華冰室!不要再見，文華冰室!不要再見，文華冰室!