敏華冰廳 (新都會廣場)

营业中

休息中

1. 文華黯然銷魂飯（＄60)其實係叉燒煎蛋飯，但睇落又好吸引，叉燒超厚切之餘肥瘦適中，又燒到岩岩好，食落仲有蜜糖香，🍳伴上隔離煎香邊嘅荷包蛋，濃濃嘅蛋黃汁同豉油汁送飯真係一流呀！彤樂評分：8.5/102. 鮮牛油菠蘿包（＄10/1個；＄18/2個）香脆嘅菠蘿包係自家製，睇準佢出爐時間，新鮮出爐時買就最岩，脹卜卜嘅菠蘿包，加上家滑牛油，邪惡又吸引😋彤樂評分：8.5/103. 煉奶西多（＄27)用煉奶牛油取代花生餡同糖漿，冇咁膩之餘，一樣食到同樣嘅口感同西多嘅味道👍🏻彤樂評分：7.5/104. 濃湯豬潤牛肉米粉（＄40)其實我好怕食豬潤，朋友不停力推我試，食落個個感覺好爽口😳唔會好滑潤嘅感覺，加上個米粉鎖住濃濃湯汁，一試愛上呀！😊彤樂評分：8/105. 新鮮出爐酥皮蛋撻（＄7/1個；＄13/2個）酥皮蛋撻一上枱就熱辣辣，蛋夠香滑，酥皮又香脆！彤樂評分：7.5/106. 紅荳冰（＄22)紅荳冰係真係半杯都盛載滿滿嘅紅豆，而且大粒肥身，冰都唔會沖淡奶味！飲晒都飽左半😂彤樂評分：8/107. 滾水雞蛋（＄16)第一次試飲滾水雞蛋，結論就係充滿香濃蛋味嘅水🙈🙈🙈彤樂評分：7/10

文華一直都係長龍店，是日放閒日揀11點黎食早餐，估唔到都要排一陣 早餐選擇唔算多，叫左心中最完美既組合~沙嗲牛肉麵，跟炒蛋同厚多士 （估唔到如果要轉通粉/米粉竟然要加3蚊）沙嗲牛肉麵~牛肉份量都幾多，公仔麵唔會太淋，沙嗲牛肉配公仔麵係最邪惡既早餐組合，但食完係有口渴既炒蛋多士~炒蛋好滑好滑，都應該加左唔少牛油去炒而多士明明就係一樣好普通既食物，點解都可以烘到咁好味，少少脆得黎又可以保持麵包既軟熟食完終於明點解咁普通既食物都可以大排長龍，我都係等閑日少d人既日子先去食啦9

喺公司聽到好多同事話新開左間文華冰室，心諗呢頭又無咩好食，咁就諗住去買個外賣試下。去到門口都心知不妙🤷🏻‍♀️ 條隊長到爆，收銀位又多人。行到埋去諗住叫外賣無人理我… 隔左5分鐘，終於有人肯落單。最好笑係個阿姐明明得閒，但就要指住個唔得閒落單嘅叫佢幫我，真係燥左。等攞飯就等左15分鐘，還好啦，仲接受到🤭黎到重點，我就叫左個招牌「黯然銷魂飯」同凍奶茶走甜少冰嘅。返到上去開始食，哇⋯ 奶茶無走甜無少凍喎。🤦🏻‍♀️ 都算喇... 點知食左啖叉燒，真係崩潰！得4塊都算喇，佢厚砌。但啲肉實嘅，超級重炭味！除左啲肉好炭之外我真係食唔到有咩特別喎..... 最好食就係兩隻蛋！🤷🏻‍♀️🤦🏻‍♀️ 一個字：伏！一定無下次！唔使排都唔會再食😑

原味奶茶唔夠凍冇冰鎮住。唔凍唔熱咁極難飲。奶茶淡唔怪得不加冰。因如加冰肯定很淡。所以極聰明不加冰極正確。鋪冇乜人但等極耐。所以連奶茶都變熱。想食個叉燒包仔等了半個鐘都冇再出爐。不是晚市。約五時半。

真係有感而發，依家D餐廳是否因租金昂貴，往往置客人(都唔可以叫客人，因沒有以禮相待)於不顧，午餐可以理解，但晚餐時段都要迫在一邊卡位，看着陌生嘅面孔進食，真是有點那過，希望，文華餐廳各老闆，都要有這份同理心

閒日tea time 去，都係要排隊，不過排一陣就入到去，坐位安排都還可以坐低左，惡夢就開始了。我地嚮餐檯上面嘅menu 㨂好嘢食，想落單，於是叫侍應，叫左三次，一係就掂行掂過，一係就話一陣再嚟（當然係唔會返嚟）。最終叫第四次，終於有侍應拎左部tablet PC 過嚟，scan 檯上面嘅QR code，然後俾我地落單。我落左第一件食物，然後就發現張檯本身係叫左百幾蚊嘅食物，但又cancel 唔到，於是想搵侍應幫手，同樣，又係叫極都冇人理，仲要係受盡冷眼，好似鄙視我唔識用部機咁。終於有侍應理我地，原來發現張檯個QR code 有問題，等佢處理左然後我又再嘗試落單。㨂左兩個餐，然後想叫多兩個蛋撻，但嚮部機搵極都搵唔到，於是又想再叫侍應。呢下真係出事了，有三個侍應分別望到我不下一次，加埋總共有九次，完全唔理，掂行掂過，我好似透明左咁。終於我大住肚嘅老婆拍檯，大聲鬧其中一個侍應，個侍應仲要嬉皮笑臉，話：「我有唔理你地咩？」我見勢色唔對，即刻叫我老婆冷靜，然後立即離開間餐廳！離晒大譜！不知所謂！

之前喺第二間分店已經想試，但由於見到太多人排隊既關係，所以放棄左。今日喺葵芳新都會行街，咁岩見到佢已經開左新分店，所以就決定再試一試佢。由於之前掃左街既關係，唔係好肚餓，所以近21:00先入去食。本身想叫豬潤牛肉米同沙嗲牛麵食，但全部都冇晒😓，唯有叫其他啦。叫左周星馳的黯然銷魂飯😂。一上台，見到兩個大大的煎蛋遮住左叉燒😅。由於我覺得主角係叉燒，所以試左叉燒先，一食，果然好味，唔識形容，個汁好味，令到我好想食啲飯。個汁同平時食叉燒飯既汁好唔同，好好味。仲叫左個腸仔炒蛋多士，呢個就普通，因為冇推介[👍🏻］符號，所以都冇咩大期望。但炒蛋竟然有驚喜，食落好滑，幾好味。再睇清楚啲，原來係俾得油多，所以滑。感覺好邪惡，因為真係好多油😨。總括而言，暗然銷魂飯值得一試，好好味。

態度欠佳，不負責任。D單亂到暈，喺門口排隊等埋蛋撻，等到蛋撻出咗嚟（一底新鮮出爐嘅蛋撻），見到有四個蛋撻淨，咁就諗住買四個啦，臨比錢，比堂食客要左兩個，算！兩個都好，準備打包入袋之前兩個都冇得一個。我明白到堂食客人可能等左好耐，但服務員你們可以有禮貌一點嗎？星期日人多食嘢一係就出多D，一係就通知門口排緊隊嘅客人冇蛋撻。食嘢消費係要 enjoy唔係要受氣。

食lunch時候又係煩不既時候,公司依邊唔多選擇, 難得有新餐廳開我地一定會幫襯架, 開張第一日已經排哂一條長龍, 12點九落去等, 等到一點三先有位, 如果多人既話應該仲要更耐我覺得必食既一定係脆皮叉燒包, 熱喇喇上枱, 包面仲係好鬆脆, 好幸福既感覺佢價錢其實比一般茶餐廳係貴少少架, 不過出唻既質素認真唔錯, 對得住個價錢,無論係隻煎蛋都煎得好靚仔仲係雙蛋架, 扒就大大塊, 一個人絕對好夠飽, 雖然要排長龍, 但我覺得有咁既水準係值得既！