敏華冰廳 (新都會廣場)

营业中

休息中

從前的「文華」換成今天的「敏華」，從來不變的只有出面長長的人龍。之所以早餐都咁多人排隊，皆因挾著葵芳第一沙牛麵的芳名。呢間敏華以「冰廳」自居，自然係賣本土懷舊，門面有住七、八十年代港式茶餐廳陳設，自然吸引不少「港豬」（包括在下）排隊幫襯。沙茶牛肉公仔麵 拼 炒蛋厚多士 （$35）沙茶牛肉好香，個味精湯但確實好飲，淡淡的沙茶有種獨特甜味，同片薄片牛肉配合得天衣無縫，的確係全葵芳最好。炒蛋炒得很滑，厚多士夠厚，但略嫌炒蛋太多油，如果少返d油健康d就更好。$35蚊食到咁高質素早餐，難怪日日大排長龍啦！凍奶茶要加$3，保持太興奶茶的水準，整體來說非常滿意。