拾號公社

营业中

休息中

今日去左呢間評價唔錯的餐廳食下午茶，餐廳門前有幾張枱，食客可以帶狗狗和食煙，可惜煙味會飄入餐廳內，這是其中不足之處。叫左個流心芝士和手burger配薯波波，burger 包烘得脆脆的，和牛是全熟，充滿肉汁，搭配蕃茄、生菜和芝士，味道和諧，不會特別重味。跟餐的美色咖啡香濃有輕微酸味，感覺不錯

跟同事食個lunch, 發現工廈都有唔少環境優美的cafe! 叫左三個意粉一個飯，意粉比較好味，特別是黑松露意粉，明太子個個就普通，可能我比較重口味😂 飲品點左朱古力，好好味，濃郁冇偷工減料！後面他他咪位好精緻，可惜我有左唔坐得😂生完要再入去試下！

今日晏就唔知食乜好，經過依條街，見到間酒吧既Lunch menu都ok，又未試過，就決定入去試試。入面環境唔錯，播住音樂幾relax，不過夜晚應該係第2個環境，因為始終係酒吧，應該幾high😂前菜有沙律同牛角包，不過我唔食包，所以走左😂 發覺d沙律汁好好味，係黑色既，酸酸地，超開胃，又無沙律醬咁肥👍🏻另外碗南瓜湯好濃郁，好似有d類似蟹絲係入面，好好味。我叫左一個lunch set，飲品揀左花茶(跟餐正價減$25)。我揀左蒜香車厘茄羅勒煮扁意粉，賣相好靚，食落唔heavy，蒜味不太重，睇落細碟但超夠飽！個花茶就超正，令個人好relax。揀左花旗蔘貢菊茶，因為價錢一樣，依隻就比較難飲到。花旗蔘同菊花味道好夾，夾埋蜜糖甜甜地，感覺好養生。整體黎講，今次體驗都好好，食物味道好，價錢適中，員工態度都唔錯，滿意

今日老公生日 佢居然話自己揀好去邊食brunch原來係想訓到自然醒 再悠閒去屯門站附近落車行兩分鐘就到 地理位置非常優越是日午餐分成意粉 漢堡 薄餅 全日早餐 四大種類 先送上隨餐附送嘅鮮打濃湯 田園沙律 迷你牛角包蘑菇忌廉湯口感幼滑 每一啖都食到粒粒蘑菇沙律配以黑醋 健康之餘又醒胃 最令我估唔到係迷你牛角包 酥脆鬆軟 坊間餐廳一般都只會用圓餐包 牛角包比較少出現至於主菜我就鍾情雞翼 於是揀芝士蘑菇釀雞翼配蟹籽忌廉扁意粉去骨雞全翼 煎香至金黃色嘅雞皮 賣相引人垂涎咬開第一口係熱辣辣芝士混合蘑菇與雞肉 芝士嘅甜味配合嫩滑雞肉 令口感極具變化鮮橙色蟹籽作點綴 忌廉汁濃郁香滑 滲透於扁意粉之中 老公就點車打芝士牛肉醬長通粉 兩款車打芝士置於中央 芝士邊食邊溶化於長通粉之中彈牙長通粉被蕃茄牛肉醬包圍 味道帶酸而牛肉醬份量頗多 牛肉碎亦都有咬口 食飽要飲番枝特色啤酒 陳皮啤真係第一次試懷舊陳皮包裝 充滿玩味性 啤酒帶陳皮清香夾雜焦糖麥芽味及柑橘酒花香 口感順滑享受其獨特回甘味 用埋餐廳獨有「拾」酒杯塾 成件事vintage得黎又fusion 老公對於自己今日挑選到好餐廳感到非常驕傲仲站下次要黎食

呢一間《拾號公社》位於屯門新墟「巴倫紐戲院」同埋「一田」中間嘅一條小巷。 驟眼看以為冇咩特別， 其實呢一間係一間提供咗特色啤酒嘅小酒吧。餐廳設有戶外座位， 就算係帶狗狗出嚟散步， 都可以嚟飲番杯,， 寫意不過。我就最鍾意佢呢度嘅上層閣樓座位， 大大嘅玻璃窗望住七彩繽紛嘅霓虹光管， 非常有feel。呢間酒吧提供咗各式各樣嘅手工啤酒， 仲有好多嘅限定口味， 保證有驚喜。好似呢支花露水小麥啤， 夠曬gimmick， 另外仲有好多種類嘅港產手工啤酒， 包括麥子，Lion Rock， 門神， 少爺等等。 每個品牌嘅手工啤酒都推出咗限定嘅口味， 要試曬咁多款啤酒， 真係要分開好幾次來幫襯至得。今次facebook打卡, share 有500 ml嘅hoegaarden送。Hoegaarden 可以話係最大眾嘅啤酒， 入口唔苦， 又有花香味， 清新又refreshing。呢度除咗係酒吧之外， 仲係一間質素相當好嘅西餐廳。 誠意推薦呢度嘅黃金流沙， 呢度嘅黃金薯條可謂數一數二， 溶化嘅鹹蛋黃包裹著每根薯條， 厚切嘅薯條仍能保持香脆， 流沙入口即溶， 帶有鹹蛋黃嘅甘香又唔會過鹹。 二黃金單骨雞翼食起來也

Relax time , 呢到地方唔係好大， 但好岩同朋友吹水，呢到炸物餸酒食品比較多🍻🍺啤酒除了draft beer仲有手工啤酒因為今晚主打吹水， 簡簡單單叫了小食～炭燒雞泡魚乾（$62）熱la la , 又唔會燒到乾哂， 岩岩好好好食❤️配埋沙律醬食仲正車打芝士熔岩薯條（$78）份量多， 除了薯條面有芝士， 餐廳另外會再上一碟仔芝士， 喜歡芝士既一定會叫好邪惡🤣🤣芝士蕃茄牛肉碎焗大蘑菇（$62）滿滿蕃茄醬加肉碎， 味道似肉醬意粉咁， 但配大蘑菇😂😂好入味好match最後不得不提，店內free 優惠～餐廳送一支Hoegaarden ✌🏻✌🏻有free beer 何樂而不為

今日朋友嚟屯門探我，於是就帶佢去附近行吓啦，發現原來係呂明才中學隔離，開咗間感覺氣氛唔錯嘅酒吧餐廳，於是我哋就入咗去坐低食下野啦。依間餐廳新開張，可以有個廣告如果幫佢喺Facebook度打卡，就會送你一杯啤酒。因為唔係好肚餓關係所以我哋只係叫咗啲小食同埋海鮮冷盤呢個肉醬芝士焗大蘑菇，因為即點即焗嘅關係，等嘅時間比較長，但想睇呢-真係冇令人失望，切開個蘑菇我發覺入邊都好足料喎，食落口肉醬同番茄味道好濃郁，焗磨菇黎講呢度都算一流！另外呢一份安格斯牛柳粒配岩鹽，牛肉嘅火候同味道啱啱好，咬落口好香嫩，唔需要太多調味，點一點岩鹽黎食就已經好好食。最後一份海鮮冷盤，佢嘅份量亦都相當足料，每一樣海鮮食物都好新鮮，我最欣賞嘅係佢嘅鮑魚，咬落口煙煙韌韌之餘，仲帶一點甜醬油嘅味道，值得一試！店內時刻播放着輕快嘅音樂，配上燈光環境嘅氣氛，果然係同朋友輕鬆聚餐飲下酒傾吓計嘅好地方！

住係屯門，通常都係去市中心或vcity 食飯。今日係vcity 附近比我發現左一間特色小店。講真位置真係唔顯眼，如果唔係我八卦望一望，可能就會錯過左呢間餐廳。呢間餐廳有室外，地下同埋二樓。二樓私隱度較高，一班friend 上去一齊坐就最好，唔怕嘈親人。食物以西餐為主，以小店既規模，估唔到煮到呢個水準，值得一讚👍🏻。香蒜白酒露筍和牛扁意粉：香蒜白酒汁煮得幾好味，意粉軟韌適中，和牛唔肥唔多筋，啖啖肉🤤德國🇩🇪腸茄蓉天使麵：本身對德國腸一般，但我先生鍾意食。反而個汁酸酸地，天使麵煮得恰到好處。幼細既天使麵可以掛住個湯汁，所以好開胃。焦糖朱古力、鮮濃湯及牛角包🥐：叫正個飲品送牛角包和湯，感覺好抵。朱古力ok，唔會太甜。牛角包竟然有烘熱到，絕不欺場。

以公社為名不禁令我想起大鍋飯和大躍進運動，當然「拾號公社」絕非社會主義特色的餐館，而是位於屯門西鐵不遠的一間酒吧餐廳，裝潢格調簡約而又時尚，提供多種主流啤酒與非主流的手工啤，食物質素亦都相當出色，下一次路經此地也要再次品嘗此店！日本極上和牛粒配喜馬拉雅山岩鹽和牛粒牛味充份地表現到日本牛為何能夠聞名世界，配上喜馬拉雅山岩鹽令牛肉味道更添濃郁，油脂與牛肉融為一體，每一口咀嚼都令香濃的牛肉味在口中揮發，回味無窮！海鮮拼盤波士頓龍蝦、青口、鮑魚、蝦及螺，五種海鮮集於一盤，每一樣都十分新鮮甜美，冷凍溫度恰到好處，大讚！芝士番茄牛肉碎焗有機大磨菇香濃芝士夾雜濃郁既牛肉和番茄，配上有機大磨菇所散發出獨有氣味，焗製後把所有香味更加提升，水份亦都充份地保留，出色！

兩公婆喺屯門新墟拍拖睇戲，順便喺附近搵食，竟然見到間細細地既西餐廳，就決定浪漫一下啦😍門口有幾張檯，經過時以為係酒吧，原來係食西餐不過都有好多款啤酒🍻架打卡仲送一杯啤酒，我地當然要打打卡啦都唔算迷你架巨峰提子梳打，非常解渴迷你牛角酥配磨菇湯，碗湯好香濃香蒜白酒露荀日本和牛扁意粉好野味，意粉煮既時間唔錯，有口感芝士蒜蓉焗波士頓龍蝦配牛仔柳職員好細心，上菜時會主動比埋海鹽同糊椒龍蝦都好大隻，肉質爽口牛柳有牛味，又唔會過熟👍🏻

係Vcity隔離發現左呢一間環境幾舒服幾chill既bar 入面播住英文歌 飲番杯啤酒 感覺幾relax所以我地就去左試啦🍻呢到有賣好多款手工啤同酒 另外係Facebook 打卡仲會送啤酒😆 我地打卡就送左2支hoegaargen 所以就無額外叫其他酒🤩食物款式都有好多 見到隔離枱叫左個火焰德國鹹豬手都好正 不過我地就驚食唔哂 所以我地main course就叫左個千島醬海鮮長pizza 同煙三文明蟹子南瓜意大利飯😋 pizza 好香脆 加埋千島醬好match好足料🤤 意大利飯就有好多蟹子😍 香濃creamy得泥又唔會好膩👍🏻小食方面我地就叫左黃金流沙薯條同埋芝士焗墨西哥粟米脆片配沙沙汁😚 薯條份量超級多 好香脆 掛滿鹹蛋黃醬好惹味🤩 而墨西哥脆片加咗芝士 點埋沙沙汁 送啤酒真係一流🌟

今日同朋友喺V city行街，夜晚想搵個地方食飯可以飲下酒傾吓計，見到附近有間餐廳環境氣氛唔錯就試吓啦~拾號公社餐廳裝修型格，戶外戶內樓上都有位！有多款啤酒提供少有嘅手工啤三啤果茶都有燒豬仔骨肉很嫩，外皮有點焦香，BBQ醬香濃，好大份好足料！芝士釀雞翼，外皮烤到金黃色食，釀滿了芝士好邪惡！芝士薯條，薯波即叫即炸新鮮熱辣，送酒小食一流水果茶很足料，很健康！係屯門揾個啱女仕，氣氛好，而且唔雜既地放飲下酒，傾下計，人均消費$200實在很難得了！

今晚陪媽媽去Vcity買衣服給快將出生的姨甥，最後買了幾套小衣裳給他。之後我們去了附近的「食街」吃飯，我們都說起拾號公社的上手tomato otamot起初不錯，後來情況每況愈下，不知新一手拾號公社水準如何。拾號公社挺多元化，既可選擇吃晚飯，亦可吃吃燒物小食，把酒言歡，我和媽媽當然是前者吃飯。我們先品嚐芝士焗紐西蘭青口，肥嫩的青口簡單的烤焗，加上邪惡的芝士提味，香濃味味，讓我們意猶未盡，想吃更多烤焗美食。香噴噴，熱呼呼的芝士蕃茄牛肉碎焗有機大蘑菇十分迷人，金黃焦香的芝士底下，蘊含酸甜開胃的蕃茄牛肉碎，肉肉的有機大蘑菇咬時還會噴汁，鮮美極致。黑松露芝士蘑菇長薄餅香味撲鼻，長薄餅皮的兩側脆度十足，上頭撒滿鮮嫩的蘑菇與清爽的火箭菜，芝士本來已很滋味，融合淡雅的黑松露，不令人回味無窮都是騙人吧。媽媽第一眼就想吃香蒜白酒露筍日本和牛煮扁意粉，這扁意粉沒令她失望，彈牙爽口的吸飽香蒜白酒汁味道濃厚，爽甜的露筍好不清新，日本和牛絲絲的脂香，柔嫩的肉質入口即化，口齒留香。

同事話屯門V city 附近新開咗間有格調嘅西餐，有多款手工啤提供，餐廳仲有室外座位，啱晒食煙同放狗嘅人仕，今日特登嚟試吓。餐廳啱啱更新咗餐牌，比起舊餐牌更加圖文並茂，餐牌上面啲相仲相當吸引添。喺餐廳打卡, like and share Facebook就會送指定啤酒，啤酒仲係送hoegaarden添，hoegaarden味道清香，自然係質素嘅保證。黃金流沙單骨雞翼併薯條，加20蚊就可以轉成雙併，呢個黃金流沙可以話係好過唔少嘅大排檔，黃金流沙由細食到大， 攞嚟炒蝦炒豆腐炒涼瓜炒茄子甚至炒金菇我都食過，但係攞嚟撈薯條都真係第一次，薯條炸得夠脆，黃金流沙又夠惹味，香濃嘅蛋黃味同薯條，原來都係絕配；而雞翼方面都夠脆夠入味，但係薯條始終比較出色，唔多唔少都係因為佢被更多嘅黃金流沙所覆蓋。慢煮美式BBQ燒豬肋骨，豬肋骨表面搽滿bbq醬，但係唔會好似一般美式連鎖店咁樣得個鹹字，仍然食到豬嘅香味，豬肋比起其他餐廳煮得更林更juicy，好鍾意佢嘅薯波同埋沙律菜，作為一個side dish份量一啲都唔少。環境富格調，食物有質素，值得專誠前往。

—約翻舊屯門公司同事食飯 近近哋搵咗呢間仲有室外位 可以帶寵物一齊食車打芝士溶岩薯條($78)冇咩點落鹽 主要靠芝士調味店員話如果唔夠dip可以refill意大利辣肉腸車厘茄芝士長pizza($108)配料均勻友好地分佈 每小塊都食到其滋味火焰德國鹹豬手配 芥末 wasabi 茄醬($198)倒上酒 再點燃火焰 陣陣焦香傳過嚟建議餐廳可以表演完畢 拎入廚房幫忙切開豬手洛神花茶($48)食咁多熱氣嘢 要返壺花茶舒緩下豬手餐 嗌無酒精嘢飲 會送餐湯黑松露粟米忌廉湯 同牛角包———————————————拾號公社屯門明藝街10號安全樓地舖